युद्धकाण्डम्Yuddha Kāṇḍa

tato rāmaḥ suvelāgraṁ yojanadvayamaṇḍalam ।
upārohatsasugrīvo hariyūthaiḥ samanvitaḥ ।
6-40-1 ॥

sthitvā muhūrtaṁ tatraiva diśo daśa vilokayan ।
trikha़ūṭaśikhare ramye nirmitāṁ viśvakarmaṇā ।
6-40-2 ॥

dadarśa laṅkāṁ sunyastāṁ ramyakānanaśobhitām ।
tasyāṁ gopuraśṛṅgasthaṁ rākṣasendraṁ durāsadam ।
6-40-3 ॥

śvetacāmaraparyantaṁ vijayaccatraśobhitam ।
raktacandanasaṁliptaṁ raktābharaṇabhūṣitam ।
6-40-4 ॥

vīlajīmūtasaṁkāśaṁ hemasaṁcāditāmbaram ।
airāvataviṣāṇāgrairutkṛṣṭakiṇavakṣasam ।
6-40-5 ॥

śaśalohitarāgeṇa samvītaṁ raktavāsasā ।
saṁdhyātapena saṁcannaṁ megharāśimivāmbare ।
6-40-6 ॥

paśyatāṁ vānarendrāṇām rāghavasyāpi paśyataḥ ।
darśanādrākṣasendrasya sugrīvaḥ sahasotthitaḥ ।
6-40-7 ॥

krodhavegena saṁ yuktaḥ sattvena ca balena ca ।
acalāgrādathotthāya pupluve gopurasthale ।
6-40-8 ॥

sthitvā muhūrtaṁ samprekṣya nirbhayenāntarātmanā ।
tṛṇīkṛtya ca tadrakṣaḥ so'bravītparuṣaṁ vacaḥ ।
6-40-9 ॥

lokanāthasya rāmasya sakhā dāso'smi rākṣasa ।
na mayā mokyase.dya tvaṁ pārthivendrasya tejasā ।
6-40-10 ॥

ityuktvā sahasotpatya plupluve tasya copari ।
ākṛṣya mukuṭaṁ citraṁ pātayāmāsa tadbhuvi ।
6-40-11 ॥

samīksya tūrṇamāyāntaṁ babhāṣe taṁ niśācaraḥ ।
sugrīvastvaṁ parokṣe me hīnagrīvo bhaviṣyasi ।
6-40-12 ॥

ityuktvotthāya taṁ kṣipraṁ bāhubhyāmākṣipattale ।
kanduvatsa samutthāya bāhubhyāmākṣipaddhariḥ ।
6-40-13 ॥

parasparaṁ svedavidigdhagātrau ।
parasparam śoṇitaraktadehau ।
parasparaṁ śliṣṭaniruddhaceṣṭau ।
parasparaṁ śālmalikiṁśukāviva ।
6-40-14 ॥

muṣṭiprahāraiśca talaprahārai ।
raratnighātaiśca karāgraghātaiḥ ।
tau cakraturyuddhamasahyarūpaṁ ।
mahābalau rākṣasavānarendrau ।
6-40-15 ॥

kṛtvā niyuddhaṁ bhṛśamugravegau ।
kālaṁ ciraṁ gopuravedimadhye ।
utkṣipya cotkṣipya vinamya dehau ।
pādakramādgopuravedilagnau ।
6-40-16 ॥

anyonyamāpīḍya vilagnadehau ।
tau petutuḥ pālanikhātamadhye ।
utpetaturbhūmitalam spṛśantau ।
sthitvā muhūrtaṁ tvabhiniḥśvasantau ।
6-40-17 ॥

āliṅgya cāliṅga़ya ca bāhuyoktraiḥ ।
saṁyojayāmāsaturāhave tau ।
samrambhaśikṣābalasamprayuktau ।
suceratuḥ samprati yuddhamārge ।
6-40-18 ॥

śārdūlasiṁhaviva jātadaṁṣṭrau ।
gajendrapotāviva saṁprayuktau ।
saṁhatya saṁvedya ca tau karābhyāṁ ।
taū petuturvai yugapaddharāyām ।
6-40-19 ॥

udyamya cānyonyamadhikṣipantau ।
saṁcakramāte bahu yuddhamārge ।
vyāyāmaśikṣābalasaṁprayuktau ।
klamaṁ na tau jagmaturāśu vīrau ।
6-40-20 ॥

bāhuttamairvāraṇavāraṇābhai ।
rnivārayantau paravāraṇābhau ।
cireṇa kālena bhṛśaṁ prayuddhau ।
saṁceraturmaṇḍalamārgamāśu ।
6-40-21 ॥

tau paraspara māsādya yattāvanyonyasūdane ।
mārjārāviva bhakṣārthe'vatasthāte muhurmuhuḥ ।
6-40-22 ॥

maṇḍalāni vicitrāṇi sthānāni vividhāni ca ।
gomūtrakāṇi citrāṇi gatapratyāgatāni ca ।
6-40-23 ॥

tīrśīnagatānyeva tathā vakragatāni ca ।
parimokṣaṁ prahārāṇāṁ varjanaṁ paridhāvanam ।
6-40-24 ॥

abhidravaṇamāplāvamavasthānaṁ savigraham ।
parāvṛttamapāvṛttamapadrutamavaplutam ।
6-40-25 ॥

upanyastamapanyastaṁ yuddhamārgaviśāradau ।
tau viceraturnyonyaṁ vānarendraśca rāvaṇaḥ ।
6-40-26 ॥

etasminnantare rakṣo māyābalamathātmanaḥ ।
ārabdumupasam pede jñātvā tam vānarādhipaḥ ।
6-40-27 ॥

utpapāta tadākāśaṁ jitakāśī jitaklamaḥ ।
rāvaṇaḥ sthita evātra harirājena vañcitaḥ ।
6-40-28 ॥

atha harivaranāthaḥ prāptasaṁgrāmakīrti ।
rniśicarapatimājau yojayitvā śrameṇa ।
gaganamativiśālaṁ laṅghayitvārkasūma ।
rharigaṇabalamadhye rāmapārśvaṁ jagām ।
6-40-29 ॥

sa iti savitṛsūnustatra tatkarma kṛtvā ।
pavanagatiranīkaṁ prāviśatsaṁprahṛṣṭaḥ ।
raghuvaranṛpasūnodvardhayan yuddhaharṣaṁ ।
tarumṛgagaṇamukhyaiḥ pūjyamāno harīndraḥ ।
6-40-30 ॥