tathāgatāṁ tāṁ vyathitāmaninditāṁ vyapetaharṣāṁ paridīnamānasām ।
śubhāṁ nimittāni śubhāni bhejire naraṁ śriyā juṣṭamivopajīvinaḥ ।
5.29.1 ॥
हिन्दी अनुवाद शीघ्र जुड़ेगा।
English translation coming soon.
tasyāḥ śubhaṁ vāmamarālapakṣmarājīvṛtaṁ kṛṣṇaviśālaśuklam ।
prāspandataikaṁ nayanaṁ sukeśyāmīnāhataṁ padmamivābhitāmram ।
5.29.2 ॥
हिन्दी अनुवाद शीघ्र जुड़ेगा।
English translation coming soon.
bhujaśca cārvañcitapīnavṛttaḥ parārdhyakālāgarucandanārhaḥ ।
anuttamenādhyuṣitaḥ priyeṇa cireṇa vāmaḥ samavepatāśu ।
5.29.3 ॥
हिन्दी अनुवाद शीघ्र जुड़ेगा।
English translation coming soon.
gajendrahastapratimaśca pīnastayordvayoḥ saṁhatayoḥ sujātaḥ ।
praspandamānaḥ punarūrurasyā rāmaṁ purastāt sthitamācacakṣe ।
5.29.4 ॥
हिन्दी अनुवाद शीघ्र जुड़ेगा।
English translation coming soon.
śubhaṁ punarhemasamānavarṇamīṣadrajodhvastamivāmalākṣyāḥ ।
vāsaḥ sthitāyāḥ śikharāgradatyāḥ kiṁcit parisraṁsata cārugātryāḥ ।
5.29.5 ॥
हिन्दी अनुवाद शीघ्र जुड़ेगा।
English translation coming soon.
etairnimittairaparaiśca subhrūḥ saṁbodhitā prāgapi sādhu siddhaiḥ ।
vātātapaklāntamiva pranaṣṭaṁ varṣeṇa bījaṁ pratisaṁjaharṣa ।
5.29.6 ॥
हिन्दी अनुवाद शीघ्र जुड़ेगा।
English translation coming soon.
tasyāḥ punarbimbaphalādharoṣṭhaṁ svakṣibhru keśāntamarālapakṣma ।
vaktraṁ babhāse sitaśukladaṁṣṭraṁ rāhormukhāccandra iva pramuktaḥ ।
5.29.7 ॥
हिन्दी अनुवाद शीघ्र जुड़ेगा।
English translation coming soon.
sā vītaśokā vyapanītatandrī śāntajvarā harṣavivṛddhasattvā ।
aśobhatāryā vadanena śukle śītāṁśunā rātririvoditena ।
5.29.8 ॥
हिन्दी अनुवाद शीघ्र जुड़ेगा।
English translation coming soon.