वाल्मीकि रामायणम् · युद्धकाण्डम्Yuddha Kāṇḍa

युद्धकाण्डम्Yuddha Kāṇḍa

सर्गः ९९ · ५१ श्लोकाःSarga 99 · 51 ślokas

श्रीराम और रावणका युद्ध

॥ ६ · ९९ · १ ॥
महोदरमहापार्श्वौ हतौ दृष्ट्वा स रावणः। तस्मिंश्च निहते वीरे विरूपाक्षे महाबले॥

mahodaramahāpārśvau hatau dṛṣṭvā sa rāvaṇaḥ।
tasmiṁśca nihate vīre virūpākṣe mahābale॥

संयुक्त अनुवाद ↓joint translation ↓

॥ ६ · ९९ · २ ॥
आविवेश महान् क्रोधो रावणं तु महामृधे। सूतं संचोदयामास वाक्यं चेदमुवाच ह॥

āviveśa mahān krodho rāvaṇaṁ tu mahāmṛdhe।
sūtaṁ saṁcodayāmāsa vākyaṁ cedamuvāca ha॥

॥ १–२ ॥

महाबली वीर विरूपाक्ष तो मारा ही गया था; महोदर और महापार्श्व भी काल के गाल में डाल दिये गये—यह देख उस महासमर के भीतर रावण के हृदय में महान् क्रोध का आवेश हुआ। उसने सारथि को रथ आगे बढ़ाने की आज्ञा दी और इस प्रकार कहा—

English translation coming soon.

॥ ६ · ९९ · ३ ॥
निहतानाममात्यानां रुद्धस्य नगरस्य च। दुःखमेवापनेष्यामि हत्वा तौ रामलक्ष्मणौ॥

nihatānāmamātyānāṁ ruddhasya nagarasya ca।
duḥkhamevāpaneṣyāmi hatvā tau rāmalakṣmaṇau॥

‘सूत! मेरे मन्त्री मारे गये और लङ्कापुरी पर चारों ओर से घेरा डाला गया। इसके लिये मुझे बड़ा दुःख है। आज राम और लक्ष्मण का वध करके ही मैं अपने इस दुःख को दूर करूँगा

English translation coming soon.

॥ ६ · ९९ · ४ ॥
रामवृक्षं रणे हन्मि सीतापुष्पफलप्रदम्। प्रशाखा यस्य सुग्रीवो जाम्बवान् कुमुदो नलः॥

rāmavṛkṣaṁ raṇe hanmi sītāpuṣpaphalapradam।
praśākhā yasya sugrīvo jāmbavān kumudo nalaḥ॥

संयुक्त अनुवाद ↓joint translation ↓

॥ ६ · ९९ · ५ ॥
द्विविदश्चैव मैन्दश्च अङ्गदो गन्धमादनः। हनूमांश्च सुषेणश्च सर्वे च हरियूथपाः॥

dvividaścaiva maindaśca aṅgado gandhamādanaḥ।
hanūmāṁśca suṣeṇaśca sarve ca hariyūthapāḥ॥

॥ ४–५ ॥

‘रणभूमि में उस रामरूपी वृक्ष को उखाड़ फेंकूँगा, जो सीतारूपी फूल के द्वारा फल देनेवाला है तथा सुग्रीव, जाम्बवान्, कुमुद, नल, द्विविद, मैन्द, अङ्गद, गन्धमादन, हनुमान् और सुषेण आदि समस्त वानर-यूथपति जिसकी शाखा-प्रशाखाएँ हैं’

English translation coming soon.

॥ ६ · ९९ · ६ ॥
स दिशो दश घोषेण रथस्यातिरथो महान्। नादयन् प्रययौ तूर्णं राघवं चाभ्यधावत॥

sa diśo daśa ghoṣeṇa rathasyātiratho mahān।
nādayan prayayau tūrṇaṁ rāghavaṁ cābhyadhāvata॥

ऐसा कहकर महान् अतिरथी वीर रावण अपने रथ की घर्घराहट से दसों दिशाओं को गुँजाता हुआ बड़ी तेजी के साथ श्रीरघुनाथजी की ओर बढ़ा

English translation coming soon.

॥ ६ · ९९ · ७ ॥
पूरिता तेन शब्देन सनदीगिरिकानना। संचचाल मही सर्वा त्रस्तसिंहमृगद्विजा॥

pūritā tena śabdena sanadīgirikānanā।
saṁcacāla mahī sarvā trastasiṁhamṛgadvijā॥

रथ की आवाज से नदी, पर्वत और जंगलोंसहित वहाँ की सारी भूमि गूँज उठी, धरती डोलने लगी और वहाँ के सारे पशु-पक्षी भय से थर्रा उठे

English translation coming soon.

॥ ६ · ९९ · ८ ॥
तामसं सुमहाघोरं चकारास्त्रं सुदारुणम्। निर्ददाह कपीन् सर्वांस्ते प्रपेतुः समन्ततः॥

tāmasaṁ sumahāghoraṁ cakārāstraṁ sudāruṇam।
nirdadāha kapīn sarvāṁste prapetuḥ samantataḥ॥

उस समय रावण ने तामस नामवाले अत्यन्त भयंकर महाघोर अस्त्र को प्रकट करके समस्त वानरों को भस्म करना आरम्भ किया। सब ओर उनकी लाशें गिरने लगीं

English translation coming soon.

॥ ६ · ९९ · ९ ॥
उत्पपात रजो भूमौ तैर्भग्नैः सम्प्रधावितैः। नहि तत् सहितुं शेकुर्ब्रह्मणा निर्मितं स्वयम्॥

utpapāta rajo bhūmau tairbhagnaiḥ sampradhāvitaiḥ।
nahi tat sahituṁ śekurbrahmaṇā nirmitaṁ svayam॥

उनके पाँव उखड़ गये और वे इधर-उधर भागने लगे, इससे रणभूमि में बहुत धूल उड़ने लगी। वह तामस-अस्त्र साक्षात् ब्रह्माजी का बनाया हुआ था, इसलिये वानर-योद्धा उसके वेग को सह न सके

English translation coming soon.

॥ ६ · ९९ · १० ॥
तान्यनीकान्यनेकानि रावणस्य शरोत्तमैः। दृष्ट्वा भग्नानि शतशो राघवः पर्यवस्थितः॥

tānyanīkānyanekāni rāvaṇasya śarottamaiḥ।
dṛṣṭvā bhagnāni śataśo rāghavaḥ paryavasthitaḥ॥

रावण के उत्तम बाणों से आहत हो वानरों की सैकड़ों सेनाएँ तितर-बितर हो गयी हैं—यह देख भगवान् श्रीराम युद्ध के लिये उद्यत हो सुस्थिरभाव से खड़े हो गये

English translation coming soon.

॥ ६ · ९९ · ११ ॥
ततो राक्षसशार्दूलो विद्राव्य हरिवाहिनीम्। स ददर्श ततो रामं तिष्ठन्तमपराजितम्॥ लक्ष्मणेन सह भ्रात्रा विष्णुना वासवं यथा।

tato rākṣasaśārdūlo vidrāvya harivāhinīm।
sa dadarśa tato rāmaṁ tiṣṭhantamaparājitam॥
lakṣmaṇena saha bhrātrā viṣṇunā vāsavaṁ yathā।

उधर वानर-सेना को खदेड़कर राक्षससिंह रावण ने देखा कि किसीसे पराजित न होनेवाले श्रीराम अपने भाई लक्ष्मण के साथ उसी तरह खड़े हैं, जैसे इन्द्र अपने छोटे भाई भगवान् विष्णु (उपेन्द्र)-के साथ खड़े होते हैं

English translation coming soon.

॥ ६ · ९९ · १२ ॥
आलिखन्तमिवाकाशमवष्टभ्य महद् धनुः॥ पद्मपत्रविशालाक्षं दीर्घबाहुमरिंदमम्।

ālikhantamivākāśamavaṣṭabhya mahad dhanuḥ॥
padmapatraviśālākṣaṁ dīrghabāhumariṁdamam।

वे अपने विशाल धनुष को उठाकर आकाश में रेखा खींचते-से प्रतीत होते थे। उनके नेत्र विकसित कमलदल के समान विशाल थे, भुजाएँ बड़ी-बड़ी थीं और वे शत्रुओं का दमन करने में पूर्णतः समर्थ थे

English translation coming soon.

॥ ६ · ९९ · १३ ॥
ततो रामो महातेजाः सौमित्रिसहितो बली॥

tato rāmo mahātejāḥ saumitrisahito balī॥

संयुक्त अनुवाद ↓joint translation ↓

॥ ६ · ९९ · १४ ॥
वानरांश्च रणे भग्नानापतन्तं च रावणम्। समीक्ष्य राघवो हृष्टो मध्ये जग्राह कार्मुकम्॥

vānarāṁśca raṇe bhagnānāpatantaṁ ca rāvaṇam।
samīkṣya rāghavo hṛṣṭo madhye jagrāha kārmukam॥

॥ १३–१४ ॥

तदनन्तर लक्ष्मणसहित खड़े हुए महातेजस्वी महाबली श्रीराम ने रणभूमि में वानरों को भागते और रावण को आते देख मन में बड़े हर्ष का अनुभव किया और धनुष के मध्यभाग को दृढ़ता के साथ पकड़ा

English translation coming soon.

॥ ६ · ९९ · १५ ॥
विस्फारयितुमारेभे ततः स धनुरुत्तमम्। महावेगं महानादं निर्भिन्दन्निव मेदिनीम्॥

visphārayitumārebhe tataḥ sa dhanuruttamam।
mahāvegaṁ mahānādaṁ nirbhindanniva medinīm॥

उन्होंने अपने महान् वेगशाली और महानाद प्रकट करनेवाले उत्तम धनुष को इस तरह खींचना और उसकी टङ्कार करना आरम्भ किया, मानो वे पृथ्वी को विदीर्ण कर डालेंगे

English translation coming soon.

॥ ६ · ९९ · १६ ॥
रावणस्य च बाणौघै रामविस्फारितेन च। शब्देन राक्षसास्तेन पेतुश्च शतशस्तदा॥

rāvaṇasya ca bāṇaughai rāmavisphāritena ca।
śabdena rākṣasāstena petuśca śataśastadā॥

रावण के बाण-समूहों से तथा श्रीरामचन्द्रजी के धनुष की टङ्कार से जो भयंकर शब्द प्रकट हुआ, उससे आतङ्कित होकर सैकड़ों राक्षस तत्काल धराशायी हो गये

English translation coming soon.

॥ ६ · ९९ · १७ ॥
तयोः शरपथं प्राप्य रावणो राजपुत्रयोः। स बभौ च यथा राहुः समीपे शशिसूर्ययोः॥

tayoḥ śarapathaṁ prāpya rāvaṇo rājaputrayoḥ।
sa babhau ca yathā rāhuḥ samīpe śaśisūryayoḥ॥

उन दोनों राजकुमारों के बाणों के मार्ग में आकर रावण चन्द्रमा और सूर्य के समीप स्थित हुए राहु की भाँति शोभा पाने लगा

English translation coming soon.

॥ ६ · ९९ · १८ ॥
तमिच्छन् प्रथमं योद्धुं लक्ष्मणो निशितैः शरैः। मुमोच धनुरायम्य शरानग्निशिखोपमान्॥

tamicchan prathamaṁ yoddhuṁ lakṣmaṇo niśitaiḥ śaraiḥ।
mumoca dhanurāyamya śarānagniśikhopamān॥

लक्ष्मण अपने पैने बाणों के द्वारा रावण के साथ पहले स्वयं ही युद्ध करना चाहते थे; इसलिये धनुष तानकर वे अग्निशिखा के समान तेजस्वी बाण छोड़ने लगे

English translation coming soon.

॥ ६ · ९९ · १९ ॥
तान् मुक्तमात्रानाकाशे लक्ष्मणेन धनुष्मता। बाणान् बाणैर्महातेजा रावणः प्रत्यवारयत्॥

tān muktamātrānākāśe lakṣmaṇena dhanuṣmatā।
bāṇān bāṇairmahātejā rāvaṇaḥ pratyavārayat॥

धनुर्धर लक्ष्मण के धनुष से छूटते ही उन बाणों को महातेजस्वी रावण ने अपने सायकोंद्वारा आकाश में ही काट गिराया

English translation coming soon.

॥ ६ · ९९ · २० ॥
एकमेकेन बाणेन त्रिभिस्त्रीन् दशभिर्दश। लक्ष्मणस्य प्रचिच्छेद दर्शयन् पाणिलाघवम्॥

ekamekena bāṇena tribhistrīn daśabhirdaśa।
lakṣmaṇasya praciccheda darśayan pāṇilāghavam॥

वह अपने हाथों की फुर्ती दिखाता हुआ लक्ष्मण के एक बाण को एक बाण से, तीन बाणों को तीन बाण से और दस बाणों को उतने ही बाणों से काट देता था

English translation coming soon.

॥ ६ · ९९ · २१ ॥
अभ्यतिक्रम्य सौमित्रिं रावणः समितिंजयः। आससाद रणे रामं स्थितं शैलमिवापरम्॥

abhyatikramya saumitriṁ rāvaṇaḥ samitiṁjayaḥ।
āsasāda raṇe rāmaṁ sthitaṁ śailamivāparam॥

समरविजयी रावण सुमित्राकुमार को लाँघकर रणभूमि में दूसरे पर्वत की भाँति अविचल भाव से खड़े हुए श्रीराम के पास जा पहुँचा

English translation coming soon.

॥ ६ · ९९ · २२ ॥
स राघवं समासाद्य क्रोधसंरक्तलोचनः। व्यसृजच्छरवर्षाणि रावणो राक्षसेश्वरः॥

sa rāghavaṁ samāsādya krodhasaṁraktalocanaḥ।
vyasṛjaccharavarṣāṇi rāvaṇo rākṣaseśvaraḥ॥

श्रीरघुनाथजी के निकट जाकर क्रोध से लाल आँखें किये राक्षसराज रावण उनके ऊपर बाणों की वृष्टि करने लगा

English translation coming soon.

॥ ६ · ९९ · २३ ॥
शरधारास्ततो रामो रावणस्य धनुश्च्युताः। दृष्ट्वैवापतिताः शीघ्रं भल्लाञ्जग्राह सत्वरम्॥

śaradhārāstato rāmo rāvaṇasya dhanuścyutāḥ।
dṛṣṭvaivāpatitāḥ śīghraṁ bhallāñjagrāha satvaram॥

रावण के धनुष से गिरती हुई उन बाण-धाराओं पर दृष्टिपात करके श्रीराम ने बड़ी उतावली के साथ शीघ्र ही कई भल्ल हाथ में लिये

English translation coming soon.

॥ ६ · ९९ · २४ ॥
ताञ्छरौघांस्ततो भल्लैस्तीक्ष्णैश्चिच्छेद राघवः। दीप्यमानान् महाघोराञ्छरानाशीविषोपमान्॥

tāñcharaughāṁstato bhallaistīkṣṇaiściccheda rāghavaḥ।
dīpyamānān mahāghorāñcharānāśīviṣopamān॥

रघुकुलभूषण श्रीराम ने रावण के विषधर सर्पों के समान महाभयंकर एवं दीप्तिमान् बाणसमूहों को उन तीखे भल्लों से काट डाला

English translation coming soon.

॥ ६ · ९९ · २५ ॥
राघवो रावणं तूर्णं रावणो राघवं तथा। अन्योन्यं विविधैस्तीक्ष्णैः शरवर्षैर्ववर्षतुः॥

rāghavo rāvaṇaṁ tūrṇaṁ rāvaṇo rāghavaṁ tathā।
anyonyaṁ vividhaistīkṣṇaiḥ śaravarṣairvavarṣatuḥ॥

फिर श्रीराम ने रावण को और रावण ने श्रीराम को अपना लक्ष्य बनाया और दोनों ही शीघ्रतापूर्वक एक-दूसरे पर भाँति-भाँति के पैने बाणों की वर्षा करने लगे

English translation coming soon.

॥ ६ · ९९ · २६ ॥
चेरतुश्च चिरं चित्रं मण्डलं सव्यदक्षिणम्। बाणवेगात् समुत्क्षिप्तावन्योन्यमपराजितौ॥

ceratuśca ciraṁ citraṁ maṇḍalaṁ savyadakṣiṇam।
bāṇavegāt samutkṣiptāvanyonyamaparājitau॥

वे दोनों चिरकालतक वहाँ विचित्र दायें-बायें पैंतरे से विचरते रहे। बाण के वेग से एक-दूसरे को घायल करते हुए वे दोनों वीर पराजित नहीं होते थे

English translation coming soon.

॥ ६ · ९९ · २७ ॥
तयोर्भूतानि वित्रेसुर्युगपत् सम्प्रयुध्यतोः। रौद्रयोः सायकमुचोर्यमान्तकनिकाशयोः॥

tayorbhūtāni vitresuryugapat samprayudhyatoḥ।
raudrayoḥ sāyakamucoryamāntakanikāśayoḥ॥

एक साथ जूझते और सायकों की वर्षा करते हुए श्रीराम और रावण यमराज और अन्तक के समान भयंकर जान पड़ते थे। उनके युद्ध से सम्पूर्ण प्राणी थर्रा उठे

English translation coming soon.

॥ ६ · ९९ · २८ ॥
सततं विविधैर्बाणैर्बभूव गगनं तदा। घनैरिवातपापाये विद्युन्मालासमाकुलैः॥

satataṁ vividhairbāṇairbabhūva gaganaṁ tadā।
ghanairivātapāpāye vidyunmālāsamākulaiḥ॥

जैसे वर्षा-ऋतु में विद्युत्-समूहों से व्याप्त मेघों की घटा से आकाश आच्छादित हो जाता है, उसी प्रकार उस समय नाना प्रकार के बाणों से वह ढक गया था

English translation coming soon.

॥ ६ · ९९ · २९ ॥
गवाक्षितमिवाकाशं बभूव शरवृष्टिभिः। महावेगैः सुतीक्ष्णाग्रैर्गृध्रपत्रैः सुवाजितैः॥

gavākṣitamivākāśaṁ babhūva śaravṛṣṭibhiḥ।
mahāvegaiḥ sutīkṣṇāgrairgṛdhrapatraiḥ suvājitaiḥ॥

गीध की पाँख के सुन्दर परों से सुशोभित और तेज धारवाले महान् वेगशाली बाणों की अनवरत वर्षा से आकाश ऐसा जान पड़ता था, मानो उसमें बहुत-से झरोखे लग गये हों

English translation coming soon.

॥ ६ · ९९ · ३० ॥
शरान्धकारमाकाशं चक्रतुः परमं तदा। गतेऽस्तं तपने चापि महामेघाविवोत्थितौ॥

śarāndhakāramākāśaṁ cakratuḥ paramaṁ tadā।
gate'staṁ tapane cāpi mahāmeghāvivotthitau॥

दो बड़े-बड़े मेघों की भाँति उठे हुए श्रीराम और रावण ने सूर्य के अस्त और उदित होने पर भी बाणों के गहन अन्धकार से आकाश को ढक रखा था

English translation coming soon.

॥ ६ · ९९ · ३१ ॥
तयोरभून्महायुद्धमन्योन्यवधकांक्षिणोः। अनासाद्यमचिन्त्यं च वृत्रवासवयोरिव॥

tayorabhūnmahāyuddhamanyonyavadhakāṁkṣiṇoḥ।
anāsādyamacintyaṁ ca vṛtravāsavayoriva॥

दोनों एक-दूसरे का वध करना चाहते थे; अतः वृत्रासुर और इन्द्र की भाँति उन दोनों में ऐसा महान् युद्ध होने लगा, जो दुर्लभ तथा अचिन्त्य है

English translation coming soon.

॥ ६ · ९९ · ३२ ॥
उभौ हि परमेष्वासावुभौ युद्धविशारदौ। उभावस्त्रविदां मुख्यावुभौ युद्धे विचेरतुः॥

ubhau hi parameṣvāsāvubhau yuddhaviśāradau।
ubhāvastravidāṁ mukhyāvubhau yuddhe viceratuḥ॥

दोनों ही महान् धनुर्धर और दोनों ही युद्ध की कला में निपुण थे। दोनों ही अस्त्रवेत्ताओं में श्रेष्ठ थे; अतः दोनों बड़े ही उत्साह से रणभूमि में विचरने लगे

English translation coming soon.

॥ ६ · ९९ · ३३ ॥
उभौ हि येन व्रजतस्तेन तेन शरोर्मयः। ऊर्मयो वायुना विद्धा जग्मुः सागरयोरिव॥

ubhau hi yena vrajatastena tena śarormayaḥ।
ūrmayo vāyunā viddhā jagmuḥ sāgarayoriva॥

वे जिस-जिस मार्ग से जाते, उसी-उसीसे बाणों की लहर-सी उठने लगती थी। ठीक उसी तरह, जैसे वायु के थपेड़े खाकर दो समुद्रों के जल में उत्ताल तरङ्गें उठ रही हों

English translation coming soon.

॥ ६ · ९९ · ३४ ॥
ततः संसक्तहस्तस्तु रावणो लोकरावणः। नाराचमालां रामस्य ललाटे प्रत्यमुञ्चत॥

tataḥ saṁsaktahastastu rāvaṇo lokarāvaṇaḥ।
nārācamālāṁ rāmasya lalāṭe pratyamuñcata॥

तदनन्तर जिसके हाथ बाण छोड़ने में ही लगे हुए थे, समस्त लोकों को रुलानेवाले उस रावण ने श्रीरामचन्द्रजी के ललाट में नाराचों की माला-सी पहना दी

English translation coming soon.

॥ ६ · ९९ · ३५ ॥
रौद्रचापप्रयुक्तां तां नीलोत्पलदलप्रभाम्। शिरसाधारयद् रामो न व्यथामभ्यपद्यत॥

raudracāpaprayuktāṁ tāṁ nīlotpaladalaprabhām।
śirasādhārayad rāmo na vyathāmabhyapadyata॥

भयंकर धनुष से छूटी और नील कमलदल के समान श्याम कान्ति से प्रकाशित होती हुई उस नाराच-माला को श्रीरामचन्द्रजी ने अपने सिर पर धारण किया; किंतु वे व्यथित नहीं हुए

English translation coming soon.

॥ ६ · ९९ · ३६ ॥
अथ मन्त्रानपि जपन् रौद्रमस्त्रमुदीरयन्। शरान् भूयः समादाय रामः क्रोधसमन्वितः॥

atha mantrānapi japan raudramastramudīrayan।
śarān bhūyaḥ samādāya rāmaḥ krodhasamanvitaḥ॥

तत्पश्चात् क्रोध से भरे हुए श्रीराम ने पुनः बहुत-से बाण लेकर मन्त्रजपपूर्वक रौद्रास्त्र का प्रयोग किया

English translation coming soon.

॥ ६ · ९९ · ३७ ॥
मुमोच च महातेजाश्चापमायम्य वीर्यवान्। तान् शरान् राक्षसेन्द्राय चिक्षेपाच्छिन्नसायकः॥

mumoca ca mahātejāścāpamāyamya vīryavān।
tān śarān rākṣasendrāya cikṣepācchinnasāyakaḥ॥

फिर उन महातेजस्वी, महापराक्रमी और अविच्छिन्नरूप से बाणवर्षा करनेवाले श्रीरघुवीर ने धनुष को कानतक खींचकर वे सभी बाण राक्षसराज रावण पर छोड़ दिये

English translation coming soon.

॥ ६ · ९९ · ३८ ॥
ते महामेघसंकाशे कवचे पतिताः शराः। अवध्ये राक्षसेन्द्रस्य न व्यथां जनयंस्तदा॥

te mahāmeghasaṁkāśe kavace patitāḥ śarāḥ।
avadhye rākṣasendrasya na vyathāṁ janayaṁstadā॥

वे बाण राक्षसराज रावण के महामेघ के समान काले रंग के अभेद्य कवच पर गिरे थे; इसलिये उस समय उसे व्यथित न कर सके

English translation coming soon.

॥ ६ · ९९ · ३९ ॥
पुनरेवाथ तं रामो रथस्थं राक्षसाधिपम्। ललाटे परमास्त्रेण सर्वास्त्रकुशलोऽभिनत्॥

punarevātha taṁ rāmo rathasthaṁ rākṣasādhipam।
lalāṭe paramāstreṇa sarvāstrakuśalo'bhinat॥

सम्पूर्ण अस्त्रों के संचालन में कुशल भगवान् श्रीराम ने पुनः रथ पर बैठे हुए राक्षसराज रावण के ललाट में उत्तम अस्त्रों का प्रहार करके उसे घायल कर दिया

English translation coming soon.

॥ ६ · ९९ · ४० ॥
ते भित्त्वा बाणरूपाणि पञ्चशीर्षा इवोरगाः। श्वसन्तो विविशुर्भूमिं रावणप्रतिकूलिताः॥

te bhittvā bāṇarūpāṇi pañcaśīrṣā ivoragāḥ।
śvasanto viviśurbhūmiṁ rāvaṇapratikūlitāḥ॥

श्रीराम के वे उत्तम बाण रावण को घायल करके उसके निवारण करने पर फुफकारते हुए पाँच सिरवाले सर्पों के समान धरती में समा गये

English translation coming soon.

॥ ६ · ९९ · ४१ ॥
निहत्य राघवस्यास्त्रं रावणः क्रोधमूर्च्छितः। आसुरं सुमहाघोरमस्त्रं प्रादुश्चकार सः॥

nihatya rāghavasyāstraṁ rāvaṇaḥ krodhamūrcchitaḥ।
āsuraṁ sumahāghoramastraṁ prāduścakāra saḥ॥

श्रीरघुनाथजी के अस्त्र का निवारण करके क्रोध से मूर्च्छित हुए रावण ने आसुर नामक दूसरा महाभयंकर अस्त्र प्रकट किया

English translation coming soon.

॥ ६ · ९९ · ४२ ॥
सिंहव्याघ्रमुखांश्चापि कङ्ककोकमुखानपि। गृध्रश्येनमुखांश्चापि शृगालवदनांस्तथा॥

siṁhavyāghramukhāṁścāpi kaṅkakokamukhānapi।
gṛdhraśyenamukhāṁścāpi śṛgālavadanāṁstathā॥

संयुक्त अनुवाद ↓joint translation ↓

॥ ६ · ९९ · ४३ ॥
ईहामृगमुखांश्चापि व्यादितास्यान् भयावहान्। पञ्चास्याँल्लेलिहानांश्च ससर्ज निशितान् शरान्॥

īhāmṛgamukhāṁścāpi vyāditāsyān bhayāvahān।
pañcāsyām̐llelihānāṁśca sasarja niśitān śarān॥

संयुक्त अनुवाद ↓joint translation ↓

॥ ६ · ९९ · ४४ ॥
शरान् खरमुखांश्चान्यान् वराहमुखसंश्रितान्। श्वानकुक्कुटवक्त्रांश्च मकराशीविषाननान्॥

śarān kharamukhāṁścānyān varāhamukhasaṁśritān।
śvānakukkuṭavaktrāṁśca makarāśīviṣānanān॥

संयुक्त अनुवाद ↓joint translation ↓

॥ ६ · ९९ · ४५ ॥
एतांश्चान्यांश्च मायाभिः ससर्ज निशिताञ्छरान्। रामं प्रति महातेजाः क्रुद्धः सर्प इव श्वसन्॥

etāṁścānyāṁśca māyābhiḥ sasarja niśitāñcharān।
rāmaṁ prati mahātejāḥ kruddhaḥ sarpa iva śvasan॥

॥ ४२–४५ ॥

उससे सिंह, बाघ, कङ्क, चक्रवाक, गीध, बाज, सियार, भेड़िये, गदहे, सूअर, कुत्ते, मुर्गे, मगर और जहरीले साँपों के समान मुखवाले बाणों की वृष्टि होने लगी। वे बाण मुँह फैलाये, जबड़े चाटते हुए पाँच मुखवाले भयंकर सर्पों के समान जान पड़ते थे। फुफकारते हुए सर्प की भाँति कुपित हुए महातेजस्वी रावण ने इनका तथा अन्य प्रकार के तीखे बाणों का भी श्रीराम के ऊपर प्रयोग किया

English translation coming soon.

॥ ६ · ९९ · ४६ ॥
आसुरेण समाविष्टः सोऽस्त्रेण रघुपुङ्गवः। ससर्जास्त्रं महोत्साहं पावकं पावकोपमः॥

āsureṇa samāviṣṭaḥ so'streṇa raghupuṅgavaḥ।
sasarjāstraṁ mahotsāhaṁ pāvakaṁ pāvakopamaḥ॥

उस आसुरास्त्र से आवृत हुए अग्नितुल्य तेजस्वी महान् उत्साही रघुकुलतिलक श्रीराम ने आग्नेयास्त्र का प्रयोग किया

English translation coming soon.

॥ ६ · ९९ · ४७ ॥
अग्निदीप्तमुखान् बाणांस्तत्र सूर्यमुखानपि। चन्द्रार्धचन्द्रवक्त्रांश्च धूमकेतुमुखानपि। ग्रहनक्षत्रवर्णांश्च महोल्कामुखसंस्थितान्॥ विद्युज्जिह्वोपमांश्चापि ससर्ज विविधाञ्छरान्।

agnidīptamukhān bāṇāṁstatra sūryamukhānapi।
candrārdhacandravaktrāṁśca dhūmaketumukhānapi।
grahanakṣatravarṇāṁśca maholkāmukhasaṁsthitān॥
vidyujjihvopamāṁścāpi sasarja vividhāñcharān।

उसके द्वारा उन्होंने अग्नि, सूर्य, चन्द्र, अर्धचन्द्र, धूमकेतु, ग्रह, नक्षत्र, उल्का तथा बिजली की प्रभा के समान प्रज्वलित मुखवाले नाना प्रकार के बाण प्रकट किये

English translation coming soon.

॥ ६ · ९९ · ४८ ॥
ते रावणशरा घोरा राघवास्त्रसमाहताः॥ विलयं जग्मुराकाशे जघ्नुश्चैव सहस्रशः।

te rāvaṇaśarā ghorā rāghavāstrasamāhatāḥ॥
vilayaṁ jagmurākāśe jaghnuścaiva sahasraśaḥ।

श्रीरघुनाथजी के आग्नेयास्त्र से आहत हो रावण के वे भयंकर बाण आकाश में ही विलीन हो गये, तथापि उनके द्वारा सहस्रों वानर मारे गये थे

English translation coming soon.

॥ ६ · ९९ · ४९ ॥
तदस्त्रं निहतं दृष्ट्वा रामेणाक्लिष्टकर्मणा॥

tadastraṁ nihataṁ dṛṣṭvā rāmeṇākliṣṭakarmaṇā॥

संयुक्त अनुवाद ↓joint translation ↓

॥ ६ · ९९ · ५० ॥
हृष्टा नेदुस्ततः सर्वे कपयः कामरूपिणः। सुग्रीवाभिमुखा वीराः सम्परिक्षिप्य राघवम्॥

hṛṣṭā nedustataḥ sarve kapayaḥ kāmarūpiṇaḥ।
sugrīvābhimukhā vīrāḥ samparikṣipya rāghavam॥

॥ ४९–५० ॥

अनायास ही महान् कर्म करनेवाले श्रीराम ने उस आसुरास्त्र को नष्ट कर दिया, यह देख इच्छानुसार रूप धारण करनेवाले सुग्रीव आदि सभी वीर वानर श्रीराम को चारों ओर से घेरकर हर्षनाद करने लगे

English translation coming soon.

॥ ६ · ९९ · ५१ ॥
ततस्तदस्त्रं विनिहत्य राघवः प्रसह्य तद् रावणबाहुनिःसृतम्। मुदान्वितो दाशरथिर्महात्मा विनेदुरुच्चैर्मुदिताः कपीश्वराः॥

tatastadastraṁ vinihatya rāghavaḥ
prasahya tad rāvaṇabāhuniḥsṛtam।
mudānvito dāśarathirmahātmā
vineduruccairmuditāḥ kapīśvarāḥ॥

दशरथनन्दन महात्मा श्रीराम रावण के हाथों से छूटे हुए उस आसुरास्त्र का बलपूर्वक विनाश करके बड़े प्रसन्न हुए और वानर-यूथपति आनन्दमग्न हो उच्च स्वर से सिंहनाद करने लगे

English translation coming soon.

इत्यार्षे श्रीमद्रामायणे वाल्मीकीये आदिकाव्ये युद्धकाण्डे एकोनशततमः सर्गः॥ ९९ ॥

इस प्रकार श्रीवाल्मीकिनिर्मित आर्षरामायण आदिकाव्यके युद्धकाण्डमें निन्यानबेवाँ सर्ग पूरा हुआ॥ ९९ ॥