युद्धकाण्डम्Yuddha Kāṇḍa

hanyamāne bale tūrṇamanyonyaṁ te mahāmṛdhe ।
sarasīva mahāgharme sopakṣīṇe babhūvatuḥ ।
6.98.1 ॥

svabalasya vighātena virūpākṣavadhena ca ।
babhūva dviguṇaṁ kruddho rāvaṇo rākṣasādhipaḥ ।
6.98.2 ॥

prakṣīṇaṁ tu balaṁ dṛṣṭvā vadhyamānaṁ valīmukhaiḥ ।
babhūvāsya vyathā yuddhe prekṣya daivaviparyayam ।
uvāca ca samīpasthaṁ mahodaramarindamam ।
6.98.3 ॥

asmin kāle mahābāho jayāśā tvayi me sthitā ।
jahi śatrucamūṁ vīra darśayādya parākramam ।
6.98.4 ॥

bhartṛpiṇḍasya kālo 'yaṁ nirdeṣṭuṁ sādhu yudhyatām ।
6.98.5 ॥

evamuktastathetyuktvā rākṣasendro mahodaraḥ ।
praviveśārisenāṁ tāṁ pataṅga iva pāvakam ।
6.98.6 ॥

tataḥ sa kadanaṁ cakre vānarāṇāṁ mahābalaḥ ।
bhartṛvākyena tejasvī svena vīryeṇa coditaḥ ।
6.98.7 ॥

vānarāśca mahāsattvāḥ pragṛhya vipulāḥ śilāḥ ।
praviśyāribalaṁ bhīmaṁ jaghnuste rajanīcarān ।
6.98.8 ॥

mahodarastu saṅkruddhaḥ śaraiḥ kāñcanabhūṣaṇaiḥ ।
ciccheda pāṇipādorūn vānarāṇāṁ mahāhave ।
6.98.9 ॥

tataste vānarāḥ sarve rākṣasairarditā bhṛśam ।
diśo daśa drutāḥ kecit kecit sugrīvamāśritāḥ ।
6.98.10 ॥

prabhagnāṁ samare dṛṣṭvā vānarāṇāṁ mahācamūm ।
abhidudrāva sugrīvo mahodaramanantaram ।
6.98.11 ॥

pragṛhya vipulāṁ ghorāṁ mahīdharasamāṁ śilām ।
cikṣepa ca mahātejāstadvadhāya harīsvaraḥ ।
6.98.12 ॥

tāmāpatantīṁ sahasā śilāṁ dṛṣṭvā mahodaraḥ ।
asambhrāntastato bāṇairnirbibheda durāsadām ।
6.98.13 ॥

rakṣasā tena bāṇaughairnikṛttā sā sahasradhā ।
nipapāta śilā bhūmau gṛdhracakramivākulam ।
6.98.14 ॥

tāṁ tu bhinnāṁ śilāṁ dṛṣṭvā sugrīvaḥ krodhamūrcchitaḥ ।
sālamutpāṭya cikṣepa rākṣase raṇamūrdhani ।
6.98.15 ॥

śaraiśca vidadārainaṁ śūraḥ parapurañjayaḥ ।
6.98.16 ।
cchitaḥ ।
sa dadarśa tataḥ kruddhaḥ parighaṁ patitaṁ bhuvi ।
6.98.17 ।
taḥ ।
āvidhya tu sa taṁ dīptaṁ parighaṁ tasya darśayan ।
parighāgreṇa vegena jaghānāsya hayottamān ।
6.98.18 ॥

tasmāddhatahayādvīraḥ so 'vaplutya mahārathāt ।
gadāṁ jagrāha saṅkruddho rākṣaso 'tha mahodaraḥ ।
6.98.19 ॥

gadāparighahastau tau yudhi vīrau samīyatuḥ ।
nardantau gauvṛṣaprakhyau ghanāviva savidyutau ।
6.98.20 ॥

tataḥ kruddho gadāṁ tasmai cikṣepa rajanīcaraḥ ।
jvalantīṁ bhāskarābhāsāṁ sugrīvāya mahodaraḥ ।
6.98.21 ॥

gadāṁ tāṁ sumahāghorāmāpatantīṁ mahābalaḥ ।
sugrīvo roṣatāmrākṣaḥ samudyamya mahāhave ।
ājaghāna gadāṁ tasya parigheṇa harīśvaraḥ ।
6.98.22 ॥

papāta sa gadodbhinnaḥ parighastasya bhūtale ।
6.98.23 ।
oṣatāmrākṣaḥ samudyamya mahāhave ।
tato jagrāha tejasvī sugrīvo vasudhātalāt ।
āyasaṁ musalaṁ ghoraṁ sarvato hemabhūṣitam ।
6.98.24 ॥

sa tamudyamya cikṣepa so 'pyanyāṁ vyākṣipadgadām ।
bhinnāvanyonyamāsādya petaturdharaṇītale ।
6.98.25 ॥

tato bhagnapraharaṇau muṣṭibhyāṁ tau samīyatuḥ ।
tejobalasamāviṣṭau dīptāviva hutāśanau ।
6.98.26 ॥

jaghnatustau tadā 'nyonyaṁ nedatuśca punaḥpunaḥ ।
talaiścānyonyamāhatya petaturdharaṇītale ।
6.98.27 ॥

utpetatustatastūrṇaṁ jaghnatuśca parasparam ।
bhujaiścikṣipaturvīrāvanyonyamaparājitau ।
jagmatustau śramaṁ vīrau bāhuyuddhe parantapau ।
6.98.28 ॥

ājahāra tataḥ khaḍgamadūraparivartinam ।
rākṣasaścarmaṇā sārdhaṁ mahāvego mahodaraḥ ।
6.98.29 ॥

tathaiva ca mahākhaḍgaṁ carmaṇā patitaṁ saha ।
jagrāha vānaraśreṣṭhaḥ sugrīvo vegavattaraḥ ।
6.98.30 ॥

tau tu roṣaparītāṅgau nardantāvabhyadhāvatām ।
udyatāsī raṇe hṛṣṭau yudhi śastraviśāradau ।
6.98.31 ॥

dakṣiṇaṁ maṇḍalaṁ cobhau sutūrṇaṁ samparīyatuḥ ।
anyonyamabhisaṅkruddhau jaye praṇihitāvubhau ।
6.98.32 ॥

sa tu śūro mahāvego vīryaślāghī mahodaraḥ ।
mahācarmaṇi taṁ khaḍgaṁ pātayāmāsa durmatiḥ ।
6.98.33 ॥

lagnamutkarṣataḥ khaḍgaṁ khaḍgena kapikuñjaraḥ ।
jahāra saśirastrāṇaṁ kuṇḍalopahitaṁ śiraḥ ।
6.98.34 ॥

nikṛttaśirasastasya patitasya mahītale ।
tadbalaṁ rākṣasendrasya dṛṣṭvā tatra na tiṣṭhate ।
6.98.35 ॥

hatvā taṁ vānaraiḥ sārdhaṁ nanāda mudito hariḥ ।
cukrodha ca daśagrīvo babhau hṛṣṭaśca rāghavaḥ ।
6.98.36 ॥

viṣaṇṇavadanāḥ sarve rākṣasā dīnacetasaḥ ।
vidravanti tataḥ sarve bhayavitrastacetasaḥ ।
6.98.37 ॥

mahodaraṁ taṁ vinipātya bhūmau mahāgireḥ kīrṇamivaikadeśam ।
sūryātmajastatra rarāja lakṣmyā sūryaḥ svatejobhirivāpradhṛṣyaḥ ।
6.98.38 ॥

atha vijayamavāpya vānarendraḥ samaramukhe surayakṣasiddhasaṅghaiḥ ।
avanitalagataiśca bhūtasaṅghairharuṣasamākulitaiḥ stuto mahātmā ।
6.98.39 ॥

ityārṣe śrīmadrāmāyaṇe vālmīkīye ādikāvye śrīmadyuddhakāṇḍe aṣṭanavatitamaḥ sargaḥ ।
98 ॥