वाल्मीकि रामायणम् · युद्धकाण्डम्Yuddha Kāṇḍa

युद्धकाण्डम्Yuddha Kāṇḍa

सर्गः ९६ · ३६ श्लोकाःSarga 96 · 36 ślokas

सुग्रीवद्वारा राक्षससेनाका संहार और विरूपाक्षका वध

॥ ६ · ९६ · १ ॥
तथा तैः कृत्तगात्रैस्तु दशग्रीवेण मार्गणैः। बभूव वसुधा तत्र प्रकीर्णा हरिभिस्तदा॥

tathā taiḥ kṛttagātraistu daśagrīveṇa mārgaṇaiḥ।
babhūva vasudhā tatra prakīrṇā haribhistadā॥

इस प्रकार जब रावण ने अपने बाणों से वानरों के अङ्ग-भङ्ग कर डाले, तब वहाँ धराशायी हुए वानरों से वह सारी रणभूमि पट गयी

English translation coming soon.

॥ ६ · ९६ · २ ॥
रावणस्याप्रसह्यं तं शरसम्पातमेकतः। न शेकुः सहितुं दीप्तं पतङ्गा ज्वलनं यथा॥

rāvaṇasyāprasahyaṁ taṁ śarasampātamekataḥ।
na śekuḥ sahituṁ dīptaṁ pataṅgā jvalanaṁ yathā॥

रावण के उस असह्य बाणप्रहार को वे वानर एक क्षण भी नहीं सह सके; ठीक वैसे ही, जैसे पतंग जलती आग का स्पर्श क्षणभर भी नहीं सह सकते हैं

English translation coming soon.

॥ ६ · ९६ · ३ ॥
तेऽर्दिता निशितैर्बाणैः क्रोशन्तो विप्रदुद्रुवुः। पावकार्चिः समाविष्टा दह्यमाना यथा गजाः॥

te'rditā niśitairbāṇaiḥ krośanto vipradudruvuḥ।
pāvakārciḥ samāviṣṭā dahyamānā yathā gajāḥ॥

राक्षसराज के तीखे बाणों की मार से पीड़ित हो वे वानर उसी तरह चीखते-चिल्लाते हुए भागे, जैसे दावानल की ज्वालाओं से घिरकर जलते हुए हाथी चीत्कार करते हुए भागते हैं

English translation coming soon.

॥ ६ · ९६ · ४ ॥
प्लवंगानामनीकानि महाभ्राणीव मारुतः। संययौ समरे तस्मिन् विधमन् रावणः शरैः॥

plavaṁgānāmanīkāni mahābhrāṇīva mārutaḥ।
saṁyayau samare tasmin vidhaman rāvaṇaḥ śaraiḥ॥

जैसे हवा बड़े-बड़े बादलों को छिन्न-भिन्न कर देती है, उसी प्रकार रावण अपने बाणों से वानरसेनाओं का संहार करता हुआ समराङ्गण में विचरने लगा

English translation coming soon.

॥ ६ · ९६ · ५ ॥
कदनं तरसा कृत्वा राक्षसेन्द्रो वनौकसाम्। आससाद ततो युद्धे त्वरितं राघवं रणे॥

kadanaṁ tarasā kṛtvā rākṣasendro vanaukasām।
āsasāda tato yuddhe tvaritaṁ rāghavaṁ raṇe॥

बड़े वेग से वानरों का संहार करके वह राक्षसराज समराङ्गण में जूझने के लिये तुरंत ही श्रीरामचन्द्रजी के पास जा पहुँचा

English translation coming soon.

॥ ६ · ९६ · ६ ॥
सुग्रीवस्तान् कपीन् दृष्ट्वा भग्नान् विद्रावितान् रणे। गुल्मे सुषेणं निक्षिप्य चक्रे युद्धे द्रुतं मनः॥

sugrīvastān kapīn dṛṣṭvā bhagnān vidrāvitān raṇe।
gulme suṣeṇaṁ nikṣipya cakre yuddhe drutaṁ manaḥ॥

उधर सुग्रीव ने देखा, वानरसैनिक रावण से खदेड़े जाकर समरभूमि से भाग रहे हैं, तब उन्होंने सेना को स्थिर रखने का भार सुषेण को सौंपकर स्वयं शीघ्र ही युद्ध करने का विचार किया

English translation coming soon.

॥ ६ · ९६ · ७ ॥
आत्मनः सदृशं वीरं स तं निक्षिप्य वानरम्। सुग्रीवोऽभिमुखं शत्रुं प्रतस्थे पादपायुधः॥

ātmanaḥ sadṛśaṁ vīraṁ sa taṁ nikṣipya vānaram।
sugrīvo'bhimukhaṁ śatruṁ pratasthe pādapāyudhaḥ॥

सुषेण को अपने ही समान पराक्रमी वीर समझकर उन्होंने सेना की रक्षा का कार्य सौंपा और स्वयं वृक्ष लेकर शत्रु के सामने प्रस्थान किया

English translation coming soon.

॥ ६ · ९६ · ८ ॥
पार्श्वतः पृष्ठतश्चास्य सर्वे वानरयूथपाः। अनुजग्मुर्महाशैलान् विविधांश्च वनस्पतीन्॥

pārśvataḥ pṛṣṭhataścāsya sarve vānarayūthapāḥ।
anujagmurmahāśailān vividhāṁśca vanaspatīn॥

उनके अगल-बगल में और पीछे समस्त वानरयूथपति बड़े-बड़े पत्थर और नाना प्रकार के वृक्ष लेकर चले

English translation coming soon.

॥ ६ · ९६ · ९ ॥
ननर्द युधि सुग्रीवः स्वरेण महता महान्। पोथयन् विविधांश्चान्यान् ममन्थोत्तमराक्षसान्॥

nanarda yudhi sugrīvaḥ svareṇa mahatā mahān।
pothayan vividhāṁścānyān mamanthottamarākṣasān॥

संयुक्त अनुवाद ↓joint translation ↓

॥ ६ · ९६ · १० ॥
ममर्द च महाकायो राक्षसान् वानरेश्वरः। युगान्तसमये वायुः प्रवृद्धानगमानिव॥

mamarda ca mahākāyo rākṣasān vānareśvaraḥ।
yugāntasamaye vāyuḥ pravṛddhānagamāniva॥

॥ ९–१० ॥

उस समय सुग्रीव ने युद्ध में उच्चस्वर से गर्जना की और प्रलयकाल में बड़े-बड़े वृक्षों को उखाड़ फेंकनेवाले वायुदेव की भाँति उन विशालकाय वानरराज ने विभिन्न प्रकार की आकृतिवाले बड़े-बड़े राक्षसों को गिरा-गिराकर मथ एवं कुचल डाला

English translation coming soon.

॥ ६ · ९६ · ११ ॥
राक्षसानामनीकेषु शैलवर्षं ववर्ष ह। अश्मवर्षं यथा मेघः पक्षिसङ्घेषु कानने॥

rākṣasānāmanīkeṣu śailavarṣaṁ vavarṣa ha।
aśmavarṣaṁ yathā meghaḥ pakṣisaṅgheṣu kānane॥

जैसे बादल वन में पक्षियों के समुदाय पर ओले बरसाता है, उसी प्रकार सुग्रीव राक्षसों की सेनाओं पर बड़े-बड़े पत्थरों की वर्षा करने लगे

English translation coming soon.

॥ ६ · ९६ · १२ ॥
कपिराजविमुक्तैस्तैः शैलवर्षैस्तु राक्षसाः। विकीर्णशिरसः पेतुर्विकीर्णा इव पर्वताः॥

kapirājavimuktaistaiḥ śailavarṣaistu rākṣasāḥ।
vikīrṇaśirasaḥ peturvikīrṇā iva parvatāḥ॥

वानरराज के चलाये हुए शैलखण्डों की वर्षा से राक्षसों के मस्तक कुचल जाते और वे ढहे हुए पर्वतों के समान धराशायी हो जाते थे

English translation coming soon.

॥ ६ · ९६ · १३ ॥
अथ संक्षीयमाणेषु राक्षसेषु समन्ततः। सुग्रीवेण प्रभग्नेषु नदत्सु च पतत्सु च॥

atha saṁkṣīyamāṇeṣu rākṣaseṣu samantataḥ।
sugrīveṇa prabhagneṣu nadatsu ca patatsu ca॥

संयुक्त अनुवाद ↓joint translation ↓

॥ ६ · ९६ · १४ ॥
विरूपाक्षः स्वकं नाम धन्वी विश्राव्य राक्षसः। रथादाप्लुत्य दुर्धर्षो गजस्कन्धमुपारुहत्॥

virūpākṣaḥ svakaṁ nāma dhanvī viśrāvya rākṣasaḥ।
rathādāplutya durdharṣo gajaskandhamupāruhat॥

॥ १३–१४ ॥

इस प्रकार सुग्रीव की मार से जब सब ओर राक्षसों का विनाश होने लगा तथा वे भागने और आर्तनाद करते हुए पृथ्वी पर गिरने लगे, तब विरूपाक्ष नामक दुर्जय राक्षस हाथ में धनुष ले अपना नाम घोषित करता हुआ रथ से कूद पड़ा और हाथी की पीठ पर जा चढ़ा

English translation coming soon.

॥ ६ · ९६ · १५ ॥
स तं द्विपमथारुह्य विरूपाक्षो महाबलः। ननर्द भीमनिर्ह्रादं वानरानभ्यधावत॥

sa taṁ dvipamathāruhya virūpākṣo mahābalaḥ।
nanarda bhīmanirhrādaṁ vānarānabhyadhāvata॥

उस हाथी पर चढ़कर महाबली विरूपाक्ष ने बड़ी भयानक आवाज में गर्जना की और वानरों पर वेगपूर्वक धावा किया

English translation coming soon.

॥ ६ · ९६ · १६ ॥
सुग्रीवे स शरान् घोरान् विससर्ज चमूमुखे। स्थापयामास चोद्विग्रान् राक्षसान् सम्प्रहर्षयन्॥

sugrīve sa śarān ghorān visasarja camūmukhe।
sthāpayāmāsa codvigrān rākṣasān sampraharṣayan॥

उसने सेना के मुहाने पर सुग्रीव को लक्ष्य करके बड़े भयंकर बाण छोड़े और डटे हुए राक्षसों का हर्ष बढ़ाकर उन्हें स्थिरतापूर्वक स्थापित किया

English translation coming soon.

॥ ६ · ९६ · १७ ॥
सोऽतिविद्धः शितैर्बाणैः कपीन्द्रस्तेन रक्षसा। चुक्रोश च महाक्रोधो वधे चास्य मनो दधे॥

so'tividdhaḥ śitairbāṇaiḥ kapīndrastena rakṣasā।
cukrośa ca mahākrodho vadhe cāsya mano dadhe॥

उस राक्षस के पैने बाणों से अत्यन्त घायल हुए वानरराज सुग्रीव ने महान् क्रोध से भरकर भीषण गर्जना की और विरूपाक्ष को मार डालने का विचार किया

English translation coming soon.

॥ ६ · ९६ · १८ ॥
ततः पादपमुद्धृत्य शूरः सम्प्रधनो हरिः। अभिपत्य जघानास्य प्रमुखे तं महागजम्॥

tataḥ pādapamuddhṛtya śūraḥ sampradhano hariḥ।
abhipatya jaghānāsya pramukhe taṁ mahāgajam॥

शूरवीर तो वे थे ही, सुन्दर ढंग से युद्ध करना भी जानते थे; अतः एक वृक्ष उखाड़कर आगे बढ़े और अपने सामने खड़े हुए उसके विशाल हाथी पर उन्होंने उस वृक्ष को दे मारा

English translation coming soon.

॥ ६ · ९६ · १९ ॥
स तु प्रहाराभिहतः सुग्रीवेण महागजः। अपासर्पद् धनुर्मात्रं निषसाद ननाद च॥

sa tu prahārābhihataḥ sugrīveṇa mahāgajaḥ।
apāsarpad dhanurmātraṁ niṣasāda nanāda ca॥

सुग्रीव के प्रहार से घायल हो वह महान् गजराज एक धनुष पीछे हटकर बैठ गया और पीड़ा से आर्तनाद करने लगा

English translation coming soon.

॥ ६ · ९६ · २० ॥
गजात् तु मथितात् तूर्णमपक्रम्य स वीर्यवान्। राक्षसोऽभिमुखः शत्रुं प्रत्युद्गम्य ततः कपिम्॥

gajāt tu mathitāt tūrṇamapakramya sa vīryavān।
rākṣaso'bhimukhaḥ śatruṁ pratyudgamya tataḥ kapim॥

संयुक्त अनुवाद ↓joint translation ↓

॥ ६ · ९६ · २१ ॥
आर्षभं चर्म खड्गं च प्रगृह्य लघुविक्रमः। भर्त्सयन्निव सुग्रीवमाससाद व्यवस्थितम्॥

ārṣabhaṁ carma khaḍgaṁ ca pragṛhya laghuvikramaḥ।
bhartsayanniva sugrīvamāsasāda vyavasthitam॥

॥ २०–२१ ॥

पराक्रमी राक्षस विरूपाक्ष उस घायल हाथी की पीठ से तुरंत कूद पड़ा और ढाल-तलवार ले शीघ्रतापूर्वक अपने शत्रु सुग्रीव की ओर बढ़ा। सुग्रीव एक स्थान पर स्थिरतापूर्वक खड़े थे। वह उन्हें फटकारता हुआ-सा उनके पास जा पहुँचा

English translation coming soon.

॥ ६ · ९६ · २२ ॥
स हि तस्याभिसंक्रुद्धः प्रगृह्य विपुलां शिलाम्। विरूपाक्षस्य चिक्षेप सुग्रीवो जलदोपमाम्॥

sa hi tasyābhisaṁkruddhaḥ pragṛhya vipulāṁ śilām।
virūpākṣasya cikṣepa sugrīvo jaladopamām॥

यह देख सुग्रीव ने एक बहुत बड़ी शिला हाथ में ली, जो मेघ के समान काली थी। उसे उन्होंने विरूपाक्ष के शरीर पर क्रोधपूर्वक दे मारा

English translation coming soon.

॥ ६ · ९६ · २३ ॥
स तां शिलामापतन्तीं दृष्ट्वा राक्षसपुंगवः। अपक्रम्य सुविक्रान्तः खड्गेन प्राहरत् तदा॥

sa tāṁ śilāmāpatantīṁ dṛṣṭvā rākṣasapuṁgavaḥ।
apakramya suvikrāntaḥ khaḍgena prāharat tadā॥

उस शिला को अपने ऊपर आती देख उस परम पराक्रमी राक्षसशिरोमणि विरूपाक्ष ने पीछे हटकर आत्मरक्षा की और सुग्रीव पर तलवार चलायी

English translation coming soon.

॥ ६ · ९६ · २४ ॥
तेन खड्गप्रहारेण रक्षसा बलिना हतः। मुहूर्तमभवद् भूमौ विसंज्ञ इव वानरः॥

tena khaḍgaprahāreṇa rakṣasā balinā hataḥ।
muhūrtamabhavad bhūmau visaṁjña iva vānaraḥ॥

उस बलवान् निशाचर की तलवार से घायल होकर वानरराज सुग्रीव मूर्च्छित होकर थोड़ी देर धरती पर पड़े रहे

English translation coming soon.

॥ ६ · ९६ · २५ ॥
सहसा स तदोत्पत्य राक्षसस्य महाहवे। मुष्टिं संवर्त्य वेगेन पातयामास वक्षसि॥

sahasā sa tadotpatya rākṣasasya mahāhave।
muṣṭiṁ saṁvartya vegena pātayāmāsa vakṣasi॥

फिर सहसा उछलकर उन्होंने उस महासमर में मुट्ठी बाँधकर विरूपाक्ष की छाती पर वेगपूर्वक एक मुक्का मारा

English translation coming soon.

॥ ६ · ९६ · २६ ॥
मुष्टिप्रहाराभिहतो विरूपाक्षो निशाचरः। तेन खड्गेन संक्रुद्धः सुग्रीवस्य चमूमुखे॥ कवचं पातयामास पद्भ्यामभिहतोऽपतत्।

muṣṭiprahārābhihato virūpākṣo niśācaraḥ।
tena khaḍgena saṁkruddhaḥ sugrīvasya camūmukhe॥
kavacaṁ pātayāmāsa padbhyāmabhihato'patat।

उनके मुक्के की चोट खाकर निशाचर विरूपाक्ष का क्रोध और बढ़ गया और उसने सेना के मुहाने पर उसी तलवार से सुग्रीव के कवच को काट गिराया; साथ ही उसके पैरों का आघात पाकर वे पृथ्वी पर गिर पड़े

English translation coming soon.

॥ ६ · ९६ · २७ ॥
स समुत्थाय पतितः कपिस्तस्य व्यसर्जयत्॥ तलप्रहारमशनेः समानं भीमनिःस्वनम्।

sa samutthāya patitaḥ kapistasya vyasarjayat॥
talaprahāramaśaneḥ samānaṁ bhīmaniḥsvanam।

गिरे हुए सुग्रीव पुनः उठकर खड़े हो गये और उन्होंने उस राक्षस को वज्र के समान भीषण शब्द करनेवाले थप्पड़ से मारा

English translation coming soon.

॥ ६ · ९६ · २८ ॥
तलप्रहारं तद् रक्षः सुग्रीवेण समुद्यतम्॥ नैपुण्यान्मोचयित्वैनं मुष्टिनोरसि ताडयत्।

talaprahāraṁ tad rakṣaḥ sugrīveṇa samudyatam॥
naipuṇyānmocayitvainaṁ muṣṭinorasi tāḍayat।

सुग्रीव के चलाये हुए उस थप्पड़ का वार वह राक्षस अपने युद्धकौशल से बचा गया और उसने सुग्रीव की छाती पर एक घूसा मारा

English translation coming soon.

॥ ६ · ९६ · २९ ॥
ततस्तु संक्रुद्धतरः सुग्रीवो वानरेश्वरः॥

tatastu saṁkruddhataraḥ sugrīvo vānareśvaraḥ॥

संयुक्त अनुवाद ↓joint translation ↓

॥ ६ · ९६ · ३० ॥
मोक्षितं चात्मनो दृष्ट्वा प्रहारं तेन रक्षसा। स ददर्शान्तरं तस्य विरूपाक्षस्य वानरः॥

mokṣitaṁ cātmano dṛṣṭvā prahāraṁ tena rakṣasā।
sa dadarśāntaraṁ tasya virūpākṣasya vānaraḥ॥

॥ २९–३० ॥

अब तो वानरराज सुग्रीव के क्रोध की सीमा न रही। उन्होंने देखा कि राक्षस ने मेरे प्रहार को व्यर्थ कर दिया और अपने ऊपर उसका स्पर्श नहीं होने दिया। तब वे विरूपाक्ष पर प्रहार करने का अवसर देखने लगे

English translation coming soon.

॥ ६ · ९६ · ३१ ॥
ततोऽन्यं पातयत् क्रोधाच्छङ्खदेशे महातलम्। महेन्द्राशनिकल्पेन तलेनाभिहतः क्षितौ॥

tato'nyaṁ pātayat krodhācchaṅkhadeśe mahātalam।
mahendrāśanikalpena talenābhihataḥ kṣitau॥

संयुक्त अनुवाद ↓joint translation ↓

॥ ६ · ९६ · ३२ ॥
पपात रुधिरक्लिन्नः शोणितं हि समुद्गिरन्। स्रोतोभ्यस्तु विरूपाक्षो जलं प्रस्रवणादिव॥

papāta rudhiraklinnaḥ śoṇitaṁ hi samudgiran।
srotobhyastu virūpākṣo jalaṁ prasravaṇādiva॥

॥ ३१–३२ ॥

तदनन्तर सुग्रीव ने विरूपाक्ष के ललाट पर क्रोधपूर्वक दूसरा महान् थप्पड़ मारा, जिसका स्पर्श इन्द्र के वज्र के समान दुःसह था। उससे आहत होकर विरूपाक्ष पृथ्वी पर गिर पड़ा। उसका सारा शरीर खून से भीग गया और वह समस्त इन्द्रिय-गोलकों से उसी प्रकार रक्त वमन करने लगा, जैसे झरने से जल गिर रहा हो

English translation coming soon.

॥ ६ · ९६ · ३३ ॥
विवृत्तनयनं क्रोधात् सफेनं रुधिराप्लुतम्। ददृशुस्ते विरूपाक्षं विरूपाक्षतरं कृतम्॥

vivṛttanayanaṁ krodhāt saphenaṁ rudhirāplutam।
dadṛśuste virūpākṣaṁ virūpākṣataraṁ kṛtam॥

संयुक्त अनुवाद ↓joint translation ↓

॥ ६ · ९६ · ३४ ॥
स्फुरन्तं परिवर्तन्तं पार्श्वेन रुधिरोक्षितम्। करुणं च विनर्दन्तं ददृशुः कपयो रिपुम्॥

sphurantaṁ parivartantaṁ pārśvena rudhirokṣitam।
karuṇaṁ ca vinardantaṁ dadṛśuḥ kapayo ripum॥

॥ ३३–३४ ॥

उस राक्षस की आँखें क्रोध से घूम रही थीं। वह फेनयुक्त रुधिर में डूबा हुआ था। वानरों ने देखा, विरूपाक्ष अत्यन्त विरूपाक्ष (कुरूप नेत्रवाला और भयंकर) हो गया है। खून से लथपथ हो छटपटाता करवटें बदलता तथा करुणाजनक आर्तनाद करता है

English translation coming soon.

॥ ६ · ९६ · ३५ ॥
तथा तु तौ संयति सम्प्रयुक्तौ तरस्विनौ वानरराक्षसानाम्। बलार्णवौ सस्वनतुश्च भीमौ महार्णवौ द्वाविव भिन्नसेतू॥

tathā tu tau saṁyati samprayuktau
tarasvinau vānararākṣasānām।
balārṇavau sasvanatuśca bhīmau
mahārṇavau dvāviva bhinnasetū॥

इस प्रकार वे दोनों वेगशाली वानरों और राक्षसों के सैन्य-समुद्र मर्यादा तोड़कर बहनेवाले दो भयानक महासागरों के समान परस्पर संयुक्त हो युद्धभूमि में महान् कोलाहल करने लगे

English translation coming soon.

॥ ६ · ९६ · ३६ ॥
विनाशितं प्रेक्ष्य विरूपनेत्रं महाबलं तं हरिपार्थिवेन। बलं समेतं कपिराक्षसाना- मुद्वृत्तगङ्गाप्रतिमं बभूव॥

vināśitaṁ prekṣya virūpanetraṁ
mahābalaṁ taṁ haripārthivena।
balaṁ sametaṁ kapirākṣasānā-
mudvṛttagaṅgāpratimaṁ babhūva॥

वानरराज सुग्रीव के द्वारा महाबली विरूपाक्ष का वध हुआ देख वानरों और राक्षसों की सेनाएँ एकत्र हो बढ़ी हुई गङ्गा के समान उद्वेलित हो गयीं (एक ओर आनन्दजनित कोलाहल था तो दूसरी ओर शोक के कारण आर्तनाद हो रहा था)

English translation coming soon.

इत्यार्षे श्रीमद्रामायणे वाल्मीकीये आदिकाव्ये युद्धकाण्डे षण्णवतितमः सर्गः॥ ९६ ॥

इस प्रकार श्रीवाल्मीकिनिर्मित आर्षरामायण आदिकाव्यके युद्धकाण्डमें छानबेवाँ सर्ग पूरा हुआ॥ ९६ ॥