वाल्मीकि रामायणम् · युद्धकाण्डम्Yuddha Kāṇḍa

युद्धकाण्डम्Yuddha Kāṇḍa

सर्गः ७९ · ४१ श्लोकाःSarga 79 · 41 ślokas

श्रीरामचन्द्रजीके द्वारा मकराक्षका वध

॥ ६ · ७९ · १ ॥
निर्गतं मकराक्षं ते दृष्ट्वा वानरपुंगवाः। आप्लुत्य सहसा सर्वे योद्धुकामा व्यवस्थिताः॥

nirgataṁ makarākṣaṁ te dṛṣṭvā vānarapuṁgavāḥ।
āplutya sahasā sarve yoddhukāmā vyavasthitāḥ॥

प्रधान-प्रधान वानरों ने जब देखा कि मकराक्ष नगर से निकला आ रहा है, तब वे सब-के-सब सहसा उछलकर युद्ध के लिये खड़े हो गये

English translation coming soon.

॥ ६ · ७९ · २ ॥
ततः प्रवृत्तं सुमहत् तद् युद्धं लोमहर्षणम्। निशाचरैः प्लवंगानां देवानां दानवैरिव॥

tataḥ pravṛttaṁ sumahat tad yuddhaṁ lomaharṣaṇam।
niśācaraiḥ plavaṁgānāṁ devānāṁ dānavairiva॥

फिर तो वानरों का निशाचरों के साथ बड़ा भारी युद्ध छिड़ गया, जो देव-दानव-संग्राम के समान रोंगटे खड़े कर देनेवाला था

English translation coming soon.

॥ ६ · ७९ · ३ ॥
वृक्षशूलनिपातैश्च गदापरिघपातनैः। अन्योन्यं मर्दयन्ति स्म तदा कपिनिशाचराः॥

vṛkṣaśūlanipātaiśca gadāparighapātanaiḥ।
anyonyaṁ mardayanti sma tadā kapiniśācarāḥ॥

वानर और निशाचर वृक्ष, शूल, गदा और परिघों की मार से उस समय एक-दूसरे को कुचलने लगे

English translation coming soon.

॥ ६ · ७९ · ४ ॥
शक्तिखड्गगदाकुन्तैस्तोमरैश्च निशाचराः। पट्टिशैर्भिन्दिपालैश्च बाणपातैः समन्ततः॥

śaktikhaḍgagadākuntaistomaraiśca niśācarāḥ।
paṭṭiśairbhindipālaiśca bāṇapātaiḥ samantataḥ॥

संयुक्त अनुवाद ↓joint translation ↓

॥ ६ · ७९ · ५ ॥
पाशमुद्गरदण्डैश्च निर्घातैश्चापरैस्तथा। कदनं कपिसिंहानां चक्रुस्ते रजनीचराः॥

pāśamudgaradaṇḍaiśca nirghātaiścāparaistathā।
kadanaṁ kapisiṁhānāṁ cakruste rajanīcarāḥ॥

॥ ४–५ ॥

निशाचरगण शक्ति, खड्ग, गदा, भाला, तोमर, पट्टिश, भिन्दिपाल, बाणप्रहार, पाश, मुद्गर, दण्ड तथा अन्य प्रकार के शस्त्रों के आघात से सब ओर वानरवीरों का संहार करने लगे

English translation coming soon.

॥ ६ · ७९ · ६ ॥
बाणौघैरर्दिताश्चापि खरपुत्रेण वानराः। सम्भ्रान्तमनसः सर्वे दुद्रुवुर्भयपीडिताः॥

bāṇaughairarditāścāpi kharaputreṇa vānarāḥ।
sambhrāntamanasaḥ sarve dudruvurbhayapīḍitāḥ॥

खरपुत्र मकराक्ष ने अपने बाणसमूहों से वानरों को अत्यन्त घायल कर दिया। उनके मन में बड़ी घबराहट हुई और वे सब-के-सब भय से पीड़ित हो इधर-उधर भागने लगे

English translation coming soon.

॥ ६ · ७९ · ७ ॥
तान् दृष्ट्वा राक्षसाः सर्वे द्रवमाणान् वनौकसः। नेदुस्ते सिंहवद् दृप्ता राक्षसा जितकाशिनः॥

tān dṛṣṭvā rākṣasāḥ sarve dravamāṇān vanaukasaḥ।
neduste siṁhavad dṛptā rākṣasā jitakāśinaḥ॥

उन सब वानरों को भागते देख विजयोल्लास से सुशोभित होनेवाले वे समस्त राक्षस दर्प से भरकर सिंह के समान गर्जना करने लगे

English translation coming soon.

॥ ६ · ७९ · ८ ॥
विद्रवत्सु तदा तेषु वानरेषु समन्ततः। रामस्तान् वारयामास शरवर्षेण राक्षसान्॥

vidravatsu tadā teṣu vānareṣu samantataḥ।
rāmastān vārayāmāsa śaravarṣeṇa rākṣasān॥

वे वानर जब सब ओर भागने-पराने लगे, तब श्रीरामचन्द्रजी ने बाणों की वर्षा करके राक्षसों को आगे बढ़ने से रोका

English translation coming soon.

॥ ६ · ७९ · ९ ॥
वारितान् राक्षसान् दृष्ट्वा मकराक्षो निशाचरः। कोपानलसमाविष्टो वचनं चेदमब्रवीत्॥

vāritān rākṣasān dṛṣṭvā makarākṣo niśācaraḥ।
kopānalasamāviṣṭo vacanaṁ cedamabravīt॥

राक्षसों को रोका गया देख निशाचर मकराक्ष क्रोध की आग से जल उठा और इस प्रकार बोला—

English translation coming soon.

॥ ६ · ७९ · १० ॥
तिष्ठ राम मया सार्धं द्वन्द्वयुद्धं भविष्यति। त्याजयिष्यामि ते प्राणान् धनुर्मुक्तैः शितैः शरैः॥

tiṣṭha rāma mayā sārdhaṁ dvandvayuddhaṁ bhaviṣyati।
tyājayiṣyāmi te prāṇān dhanurmuktaiḥ śitaiḥ śaraiḥ॥

‘राम! ठहरो, मेरे साथ तुम्हारा द्वन्द्वयुद्ध होगा। आज अपने धनुष से छूटे हुए पैने बाणोंद्वारा तुम्हारे प्राण हर लूँगा

English translation coming soon.

॥ ६ · ७९ · ११ ॥
यत् तदा दण्डकारण्ये पितरं हतवान् मम। तदग्रतः स्वकर्मस्थं स्मृत्वा रोषोऽभिवर्धते॥

yat tadā daṇḍakāraṇye pitaraṁ hatavān mama।
tadagrataḥ svakarmasthaṁ smṛtvā roṣo'bhivardhate॥

‘उन दिनों दण्डकारण्य के भीतर जो तुमने मेरे पिता का वध किया था, तभी से लेकर अबतक तुम राक्षस-वध के ही कर्म में लगे हुए थे। इस रूप में तुम्हारा स्मरण करके मेरा रोष बढ़ता जा रहा है

English translation coming soon.

॥ ६ · ७९ · १२ ॥
दह्यन्ते भृशमङ्गानि दुरात्मन् मम राघव। यन्मयासि न दृष्टस्त्वं तस्मिन् काले महावने॥

dahyante bhṛśamaṅgāni durātman mama rāghava।
yanmayāsi na dṛṣṭastvaṁ tasmin kāle mahāvane॥

‘दुरात्मा राघव! उस समय विशाल दण्डकारण्य में जो तुम मुझे दिखायी नहीं दिये, इससे मेरे अङ्ग अत्यन्त रोष से जलते रहते थे

English translation coming soon.

॥ ६ · ७९ · १३ ॥
दिष्ट्यासि दर्शनं राम मम त्वं प्राप्तवानिह। कांक्षितोऽसि क्षुधार्तस्य सिंहस्येवेतरो मृगः॥

diṣṭyāsi darśanaṁ rāma mama tvaṁ prāptavāniha।
kāṁkṣito'si kṣudhārtasya siṁhasyevetaro mṛgaḥ॥

‘किंतु राम! सौभाग्य की बात है, जो तुम आज यहाँ मेरी आँखों के सामने पड़ गये। जैसे भूख से पीड़ित हुए सिंह को दूसरे वन-जन्तुओं की अभिलाषा होती है, उसी तरह मैं भी तुम्हें पाने की इच्छा करता था

English translation coming soon.

॥ ६ · ७९ · १४ ॥
अद्य मद्बाणवेगेन प्रेतराड्विषयं गतः। ये त्वया निहताः शूराः सह तैश्च वसिष्यसि॥

adya madbāṇavegena pretarāḍviṣayaṁ gataḥ।
ye tvayā nihatāḥ śūrāḥ saha taiśca vasiṣyasi॥

‘आज मेरे बाणों के वेग से यमराज के राज्य में पहुँचकर तुम्हें उन्हीं वीर निशाचरों के साथ निवास करना पड़ेगा, जो तुम्हारे हाथ से मारे गये हैं

English translation coming soon.

॥ ६ · ७९ · १५ ॥
बहुनात्र किमुक्तेन शृणु राम वचो मम। पश्यन्तु सकला लोकास्त्वां मां चैव रणाजिरे॥

bahunātra kimuktena śṛṇu rāma vaco mama।
paśyantu sakalā lokāstvāṁ māṁ caiva raṇājire॥

‘राम! यहाँ बहुत कहने से क्या लाभ? मेरी बात सुनो। सब लोग इस समराङ्गण में खड़े होकर केवल तुमको और मुझको देखें—तुम्हारे और मेरे युद्ध का अवलोकन करें

English translation coming soon.

॥ ६ · ७९ · १६ ॥
अस्त्रैर्वा गदया वापि बाहुभ्यां वा रणाजिरे। अभ्यस्तं येन वा राम वर्ततां तेन वा मृधम्॥

astrairvā gadayā vāpi bāhubhyāṁ vā raṇājire।
abhyastaṁ yena vā rāma vartatāṁ tena vā mṛdham॥

‘राम! तुम्हें रणभूमि में अस्त्रों से, गदा से अथवा दोनों भुजाओं से—जिससे भी अभ्यास हो, उसी के द्वारा आज तुम्हारे साथ मेरा युद्ध हो’

English translation coming soon.

॥ ६ · ७९ · १७ ॥
मकराक्षवचः श्रुत्वा रामो दशरथात्मजः। अब्रवीत् प्रहसन् वाक्यमुत्तरोत्तरवादिनम्॥

makarākṣavacaḥ śrutvā rāmo daśarathātmajaḥ।
abravīt prahasan vākyamuttarottaravādinam॥

मकराक्ष की यह बात सुनकर दशरथनन्दन भगवान् श्रीराम जोर-जोर से हँसने लगे और उत्तरोत्तर बातें बनानेवाले उस राक्षस से बोले—

English translation coming soon.

॥ ६ · ७९ · १८ ॥
कत्थसे किं वृथा रक्षो बहून्यसदृशानि ते। न रणे शक्यते जेतुं विना युद्धेन वाग्बलात्॥

katthase kiṁ vṛthā rakṣo bahūnyasadṛśāni te।
na raṇe śakyate jetuṁ vinā yuddhena vāgbalāt॥

‘निशाचर! क्यों व्यर्थ डींग हाँकता है। तेरे मुँह से बहुत-सी ऐसी बातें निकल रही हैं, जो वीर पुरुषों के योग्य नहीं हैं। संग्राम में युद्ध किये बिना कोरी बकवास के बल से विजय नहीं प्राप्त हो सकती

English translation coming soon.

॥ ६ · ७९ · १९ ॥
चतुर्दश सहस्राणि रक्षसां त्वत्पिता च यः। त्रिशिरा दूषणश्चापि दण्डके निहतो मया॥

caturdaśa sahasrāṇi rakṣasāṁ tvatpitā ca yaḥ।
triśirā dūṣaṇaścāpi daṇḍake nihato mayā॥

संयुक्त अनुवाद ↓joint translation ↓

॥ ६ · ७९ · २० ॥
स्वाशिताश्चापि मांसेन गृध्रगोमायुवायसाः। भविष्यन्त्यद्य वै पाप तीक्ष्णतुण्डनखाङ्कुशाः॥

svāśitāścāpi māṁsena gṛdhragomāyuvāyasāḥ।
bhaviṣyantyadya vai pāpa tīkṣṇatuṇḍanakhāṅkuśāḥ॥

॥ १९–२० ॥

‘पापी राक्षस! यह ठीक है कि दण्डकारण्य में चौदह हजार राक्षसों के साथ तेरे पिता खर का, त्रिशिरा का और दूषण का भी मैंने वध किया था। उस समय तीखी चोंच और अंकुश के समान पंजेवाले बहुत-से गीधों, गीदड़ों तथा कौओं को भी उनके मांस से अच्छी तरह तृप्त किया था और अब आज वे तेरे मांस से भरपेट भोजन पायेंगे’

English translation coming soon.

॥ ६ · ७९ · २१ ॥
राघवेणैवमुक्तस्तु मकराक्षो महाबलः। बाणौघानमुचत् तस्मै राघवाय रणाजिरे॥

rāghaveṇaivamuktastu makarākṣo mahābalaḥ।
bāṇaughānamucat tasmai rāghavāya raṇājire॥

श्रीरघुनाथजी के ऐसा कहने पर महाबली मकराक्ष ने रणभूमि में उनके ऊपर बाण-समूहों की वर्षा आरम्भ कर दी

English translation coming soon.

॥ ६ · ७९ · २२ ॥
ताञ्छराञ्छरवर्षेण रामश्चिच्छेद नैकधा। निपेतुर्भुवि विच्छिन्ना रुक्मपुङ्खाः सहस्रशः॥

tāñcharāñcharavarṣeṇa rāmaściccheda naikadhā।
nipeturbhuvi vicchinnā rukmapuṅkhāḥ sahasraśaḥ॥

परंतु श्रीराम ने स्वयं भी बाणों की बौछार करके उस राक्षस के बाण टुकड़े-टुकड़े कर डाले। वे कटे हुए सुनहरी पाँखवाले सहस्रों बाण पृथ्वी पर गिर पड़े

English translation coming soon.

॥ ६ · ७९ · २३ ॥
तद् युद्धमभवत् तत्र समेत्यान्योन्यमोजसा। खरराक्षसपुत्रस्य सूनोर्दशरथस्य च॥

tad yuddhamabhavat tatra sametyānyonyamojasā।
khararākṣasaputrasya sūnordaśarathasya ca॥

दशरथनन्दन भगवान् श्रीराम और राक्षस खर के पुत्र मकराक्ष—इन दोनों में एक-दूसरे के निकट आकर बलपूर्वक युद्ध होने लगा

English translation coming soon.

॥ ६ · ७९ · २४ ॥
जीमूतयोरिवाकाशे शब्दो ज्यातलयोरिव। धनुर्मुक्तः स्वनोऽन्योन्यं श्रूयते च रणाजिरे॥

jīmūtayorivākāśe śabdo jyātalayoriva।
dhanurmuktaḥ svano'nyonyaṁ śrūyate ca raṇājire॥

उन दोनों की प्रत्यञ्चा और हथेली की रगड़ से धनुष के द्वारा जो टंकार-शब्द प्रकट होता था, वह उस समराङ्गण में परस्पर मिलकर उसी तरह सुनायी देता था, जैसे आकाश में दो मेघों के गर्जने की आवाज हो रही हो

English translation coming soon.

॥ ६ · ७९ · २५ ॥
देवदानवगन्धर्वाः किंनराश्च महोरगाः। अन्तरिक्षगताः सर्वे द्रष्टुकामास्तदद्भुतम्॥

devadānavagandharvāḥ kiṁnarāśca mahoragāḥ।
antarikṣagatāḥ sarve draṣṭukāmāstadadbhutam॥

देवता, दानव, गन्धर्व, किन्नर और बड़े-बड़े नाग—ये सब-के-सब उस अद्भुत युद्ध को देखने के लिये अन्तरिक्ष में आकर खड़े हो गये

English translation coming soon.

॥ ६ · ७९ · २६ ॥
विद्धमन्योन्यगात्रेषु द्विगुणं वर्धते बलम्। कृतप्रतिकृतान्योन्यं कुरुतां तौ रणाजिरे॥

viddhamanyonyagātreṣu dviguṇaṁ vardhate balam।
kṛtapratikṛtānyonyaṁ kurutāṁ tau raṇājire॥

दोनों के शरीर बाणों से बिंध गये थे; फिर भी उनका बल दुगुना बढ़ता जाता था। वे दोनों संग्रामभूमि में एक-दूसरे के अस्त्रों को काटते हुए लड़ रहे थे

English translation coming soon.

॥ ६ · ७९ · २७ ॥
राममुक्तांस्तु बाणौघान् राक्षसस्त्वच्छिनद् रणे। रक्षोमुक्तांस्तु रामो वै नैकधा प्राच्छिनच्छरैः॥

rāmamuktāṁstu bāṇaughān rākṣasastvacchinad raṇe।
rakṣomuktāṁstu rāmo vai naikadhā prācchinaccharaiḥ॥

श्रीरामचन्द्रजी के छोड़े हुए बाण-समूहों को वह राक्षस रणभूमि में काट डालता था और राक्षस के चलाये हुए सायकों को श्रीरामचन्द्रजी अपने बाणोंद्वारा टूक-टूक कर डालते थे

English translation coming soon.

॥ ६ · ७९ · २८ ॥
बाणौघवितताः सर्वा दिशश्च प्रदिशस्तथा। संछन्ना वसुधा चैव समन्तान्न प्रकाशते॥

bāṇaughavitatāḥ sarvā diśaśca pradiśastathā।
saṁchannā vasudhā caiva samantānna prakāśate॥

सम्पूर्ण दिशा और विदिशाएँ बाण-समूहों से आच्छादित हो गयी थीं तथा सारी पृथ्वी ढक गयी थी। चारों ओर कुछ भी दिखायी नहीं देता था

English translation coming soon.

॥ ६ · ७९ · २९ ॥
ततः क्रुद्धो महाबाहुर्धनुश्चिच्छेद संयुगे। अष्टाभिरथ नाराचैः सूतं विव्याध राघवः॥

tataḥ kruddho mahābāhurdhanuściccheda saṁyuge।
aṣṭābhiratha nārācaiḥ sūtaṁ vivyādha rāghavaḥ॥

तदनन्तर महाबाहु श्रीरामचन्द्रजी ने क्रोध में भरकर उस राक्षस के धनुष को युद्धभूमि में काट दिया और आठ नाराचोंद्वारा उसके सारथि को भी पीट दिया

English translation coming soon.

॥ ६ · ७९ · ३० ॥
भित्त्वा रथं शरै रामो हत्वा अश्वानपातयत्। विरथो वसुधास्थः स मकराक्षो निशाचरः॥

bhittvā rathaṁ śarai rāmo hatvā aśvānapātayat।
viratho vasudhāsthaḥ sa makarākṣo niśācaraḥ॥

फिर अनेक बाणों से रथ को छिन्न-भिन्न करके श्रीराम ने घोड़ों को भी मार गिराया। रथहीन हो जाने पर निशाचर मकराक्ष भूमि पर खड़ा हो गया

English translation coming soon.

॥ ६ · ७९ · ३१ ॥
तत्तिष्ठद् वसुधां रक्षः शूलं जग्राह पाणिना। त्रासनं सर्वभूतानां युगान्ताग्निसमप्रभम्॥

tattiṣṭhad vasudhāṁ rakṣaḥ śūlaṁ jagrāha pāṇinā।
trāsanaṁ sarvabhūtānāṁ yugāntāgnisamaprabham॥

पृथ्वी पर खड़े हुए उस राक्षस ने शूल हाथ में लिया, जो प्रलयकाल की अग्नि के समान दीप्तिमान् तथा समस्त प्राणियों को भयभीत करनेवाला था

English translation coming soon.

॥ ६ · ७९ · ३२ ॥
दुरवापं महच्छूलं रुद्रदत्तं भयंकरम्। जाज्वल्यमानमाकाशे संहारास्त्रमिवापरम्॥

duravāpaṁ mahacchūlaṁ rudradattaṁ bhayaṁkaram।
jājvalyamānamākāśe saṁhārāstramivāparam॥

वह परम दुर्लभ और महान् शूल भगवान् शंकर का दिया हुआ था, जो बहुत ही भयंकर था। वह दूसरे संहारास्त्र की भाँति आकाश में प्रज्वलित हो उठा

English translation coming soon.

॥ ६ · ७९ · ३३ ॥
यं दृष्ट्वा देवताः सर्वा भयार्ता विद्रुता दिशः। विभ्राम्य च महच्छूलं प्रज्वलन्तं निशाचरः॥ स क्रोधात् प्राहिणोत् तस्मै राघवाय महाहवे।

yaṁ dṛṣṭvā devatāḥ sarvā bhayārtā vidrutā diśaḥ।
vibhrāmya ca mahacchūlaṁ prajvalantaṁ niśācaraḥ॥
sa krodhāt prāhiṇot tasmai rāghavāya mahāhave।

उसे देखकर सम्पूर्ण देवता भय से पीड़ित हो सब दिशाओं में भाग गये। उस निशाचर ने प्रज्वलित होते हुए उस महान् शूल को घुमाकर महात्मा श्रीरघुनाथजी के ऊपर क्रोधपूर्वक चलाया

English translation coming soon.

॥ ६ · ७९ · ३४ ॥
तमापतन्तं ज्वलितं खरपुत्रकराच्च्युतम्॥ बाणैश्चतुर्भिराकाशे शूलं चिच्छेद राघवः।

tamāpatantaṁ jvalitaṁ kharaputrakarāccyutam॥
bāṇaiścaturbhirākāśe śūlaṁ ciccheda rāghavaḥ।

खरपुत्र मकराक्ष के हाथ से छूटे हुए उस प्रज्वलित शूल को अपनी ओर आते देख श्रीरामचन्द्रजी ने चार बाण मारकर आकाश में ही उसको काट डाला

English translation coming soon.

॥ ६ · ७९ · ३५ ॥
स भिन्नो नैकधा शूलो दिव्यहाटकमण्डितः। व्यशीर्यत महोल्केव रामबाणार्दितो भुवि॥

sa bhinno naikadhā śūlo divyahāṭakamaṇḍitaḥ।
vyaśīryata maholkeva rāmabāṇārdito bhuvi॥

दिव्य सुवर्ण से विभूषित वह शूल श्रीराम के बाणों से खण्डित हो अनेक टुकड़ों में बँट गया और बड़ी भारी उल्का के समान भूतल पर बिखर गया

English translation coming soon.

॥ ६ · ७९ · ३६ ॥
तच्छूलं निहतं दृष्ट्वा रामेणाक्लिष्टकर्मणा। साधु साध्विति भूतानि व्याहरन्ति नभोगताः॥

tacchūlaṁ nihataṁ dṛṣṭvā rāmeṇākliṣṭakarmaṇā।
sādhu sādhviti bhūtāni vyāharanti nabhogatāḥ॥

अनायास ही महान् कर्म करनेवाले श्रीराम के द्वारा उस शूल को खण्डित हुआ देख आकाश में स्थित हुए सभी प्राणी उन्हें साधुवाद देने लगे

English translation coming soon.

॥ ६ · ७९ · ३७ ॥
तं दृष्ट्वा निहतं शूलं मकराक्षो निशाचरः। मुष्टिमुद्यम्य काकुत्स्थं तिष्ठ तिष्ठेति चाब्रवीत्॥

taṁ dṛṣṭvā nihataṁ śūlaṁ makarākṣo niśācaraḥ।
muṣṭimudyamya kākutsthaṁ tiṣṭha tiṣṭheti cābravīt॥

उस शूल के टुकड़े-टुकड़े हुए देख निशाचर मकराक्ष ने घूसा तानकर श्रीरामचन्द्रजी से कहा—‘अरे! खड़ा रह, खड़ा रह’

English translation coming soon.

॥ ६ · ७९ · ३८ ॥
स तं दृष्ट्वा पतन्तं तु प्रहस्य रघुनन्दनः। पावकास्त्रं ततो रामः संदधे तु शरासने॥

sa taṁ dṛṣṭvā patantaṁ tu prahasya raghunandanaḥ।
pāvakāstraṁ tato rāmaḥ saṁdadhe tu śarāsane॥

उसे आक्रमण करते देख श्रीरामचन्द्रजी ने हँसकर अपने धनुष पर आग्नेयास्त्र का संधान किया

English translation coming soon.

॥ ६ · ७९ · ३९ ॥
तेनास्त्रेण हतं रक्षः काकुत्स्थेन तदा रणे। संछिन्नहृदयं तत्र पपात च ममार च॥

tenāstreṇa hataṁ rakṣaḥ kākutsthena tadā raṇe।
saṁchinnahṛdayaṁ tatra papāta ca mamāra ca॥

और उस अस्त्र के द्वारा उन्होंने रणभूमि में तत्काल उस राक्षस पर प्रहार किया। बाण के आघात से राक्षस का हृदय विदीर्ण हो गया; अतः वह गिरा और मर गया

English translation coming soon.

॥ ६ · ७९ · ४० ॥
दृष्ट्वा ते राक्षसाः सर्वे मकराक्षस्य पातनम्। लङ्कामेव प्रधावन्त रामबाणभयार्दिताः॥

dṛṣṭvā te rākṣasāḥ sarve makarākṣasya pātanam।
laṅkāmeva pradhāvanta rāmabāṇabhayārditāḥ॥

मकराक्ष का धराशायी होना देख वे सब राक्षस श्रीरामचन्द्रजी के बाणों के भय से व्याकुल हो लङ्का में ही भाग गये

English translation coming soon.

॥ ६ · ७९ · ४१ ॥
दशरथनृपसूनुबाणवेगै- रजनिचरं निहतं खरात्मजं तम्। प्रददृशुरथ देवताः प्रहृष्टा गिरिमिव वज्रहतं यथा विकीर्णम्॥

daśarathanṛpasūnubāṇavegai-
rajanicaraṁ nihataṁ kharātmajaṁ tam।
pradadṛśuratha devatāḥ prahṛṣṭā
girimiva vajrahataṁ yathā vikīrṇam॥

देवताओं ने देखा, जैसे वज्र का मारा हुआ पर्वत बिखर जाता है, उसी प्रकार खर का पुत्र निशाचर मकराक्ष दशरथकुमार श्रीरामचन्द्रजी के बाणों के वेग से मार डाला गया। इससे उन्हें बड़ी प्रसन्नता हुई

English translation coming soon.

इत्यार्षे श्रीमद्रामायणे वाल्मीकीये आदिकाव्ये युद्धकाण्डे एकोनाशीतितमः सर्गः॥ ७९ ॥

इस प्रकार श्रीवाल्मीकिनिर्मित आर्षरामायण आदिकाव्यके युद्धकाण्डमें उनासीवाँ सर्ग पूरा हुआ॥ ७९ ॥