युद्धकाण्डम्Yuddha Kāṇḍa

te nivṛttā mahākāyāḥ śrutvāṅgadavacastadā ।
naiṣṭhikīṁ buddhimāsthāya sarve samgrāmakāṁkṣiṇaḥ ॥

samudīritavīryāste samāropitavikramāḥ ।
paryavasthāpitā vākyairaṅgadena bakūtasā ॥ 6-67-2 prayātāśca gatā harṣaṁ maraṇe kṛtaniścayāḥ ।
cakruḥ sutumulaṁ yuddhaṁ vānarāstyaktajīvitāḥ ॥

atha vṛkṣān mahākāyāḥ sānūni sumahānti ca ।
vānarāstūrṇamudyamya kumbhakarṇamabhidravan ॥

kumbhakarṇaḥ samkruddho gadāmudyamya vīryavān ।
dharṣayan sa mahākāyaḥ samantādvyakṣipadripūn ॥

śatāni sapta cāṣṭau ca sahasrāṇi ca vānarāḥ ।
prakīrṇāḥ śerate bhūmau kumbhakarṇena tāḍitāḥ ॥

tato harīṇāṁ tadanīkamugraṁ ।
dudrāva śūlaṁ niśitaṁ pragṛhya ।
tasthau tato'syāpatataḥ purastān ।
nmahīdharāgram hanumān pragṛhya ॥

sa kumbhakarṇam kupito jaghāna ।
vegena śailottamabhīmakāyam ।
sa cukṣubhe tena tadābhibūto ।
medārdragātro rudhirāvasiktaḥ ॥

sa śūlamāvidhya taḍitprakāśaṁ ।
giriryathā prajvalitāgraśṛṅgam ।
bāhvantare māruti mājaghāna ।
guho'calaṁ krauñcamivograśaktyā ॥

sa śūlanirbhinna mahābhujāntaraḥ ।
pravihvalaḥ śoṇitamudvamanmukhāt ।
nanāda bhīmaṁ hanumān mahāhave ।
yugāntameghastanitasvanopamam ॥

tato vineduḥ sahasā prahṛṣṭā ।
rakṣogaṇāstaṁ vyathitaṁ samīkṣya ।
plavamgamāstu vyathitā bhayārtāḥ ।
pradudruvuḥ samyati kumbhakarṇāt ॥

tatastu nīlo balavān paryavasthāpayan balam ।
pravicikṣepa śailāgram kumbhakarṇāya dhīmate ॥

muṣṭinā śarabham hatvā jānunā nīlamāhave ॥ 6-67-28 ājaghāna gavākṣaṁ ca talenendraripustadā ।
pādenābhyahanatkṛddha starasā gandhamādanam ॥

dattapraharavyathitā mumuhuḥ śoṇitokṣitāḥ ।
nipetuste tu medinyāṁ nikṛttā iva kiṁśukāḥ ॥

teṣu vānaramukhyeṣu patiteṣu mahātmasu ।
vānarāṇām sahasrāṇi kumbhakarṇaṁ pradudruvuḥ ॥

tam śailamiva śailābhāḥ sarve tu plavagarṣabhāḥ ।
samāruhya samutpatya dadaṁśuśca mahābalāḥ ॥

taṁ nakhairdaśanaiścāpi muṣṭibhirjānubhistathā ।
kumbhakarṇaṁ mahākāyaṁ te jaghnuḥ plavagarṣabhāḥ ॥

sa vānarasahastraistu vicitaḥ parvatopamaḥ ।
rarāja rākṣasavyāghro girirātmaruhairiva ॥

bāhubhyām vānarān sarvān pragṛhya sa mahābalaḥ ।
bhakṣayāmāsa samkruddho garuḍaḥ pannagāniva ॥

prakṣiptāḥ kumbhakarṇena vaktre pātālasaṁnibhe ।
nāsāpuṭābhyāṁ nirjagmuḥ karṇābhyām caiva vānarāḥ ॥

bhakṣayan bhṛśasamkruddho harīn parvatasaṁnibhaḥ ।
babhañja vānarān sarvān samkruddho rākṣasottamaḥ ॥

māṁsaśoṇitasamkledāṁ kurvan bhūmim kurvansa rākṣasaḥ ।
cacāra harisainyeṣu kālāgniriva mūrchitaḥ ॥

vajrahasto yathā śakraḥ pāśahasta ivāntakaḥ ।
śūlahasto babhau kumbhakarṇo mahābalaḥ ॥

yathā śuṣkāṇyaraṇyāni grīṣme dahati pāvakaḥ ।
tathā vānarasainyāni kumbhakarṇo dadāha saḥ ॥

tataste vadhyamānāstu hatayūthā vināyakāḥ ।
vānarā bhayasaṁvignā vinedurvisvaraṁ bhṛśam ॥

anekaśo vadhyamānāḥ kumbhakarṇena vānarāḥ ।
rāghavam śaraṇam jagmurvyathitāḥ khinnacetasaḥ ॥

prabhagnān vānarān dṛṣṭvā vajrahastātmajātmajaḥ ।
abhyadhāvata vegena kumbhakarṇam mahāhave ॥

sa tenābhihato mūrdhni śailenendraripustadā ॥ 6-67-45 kumbhakarṇaḥ prajajvāla krodhena mahatā tadā ।
so'bhyadhāvata vegena vāliputramamarṣaṇam ॥

kumbhakarṇo mahānādastrāsayan sarvavānarān ।
śūlam sasarja vai roṣādaṅgade tu mahābalaḥ ॥

ta māpatantam buddhvā tu yuddhamārgaviśāradaḥ ।
lāghavānmocayāmāsa balavān vānararṣabhaḥ ॥

utpatya cainam tarasā talenorasyatāḍayat ।
sa tenābhihataḥ kopātpramumohācalopamaḥ ॥

sa labdhasamjño'tibalo muṣṭim samgṛihya rākṣasaḥ ।
apahāsena cikṣepa visamjñaḥ sa papāta ha ॥

tasmin plavagaśārdūle visamjñe patite bhuvi ।
tacuchūlam samupādāya sugrīvamabhidudruve ॥

tamāpatantaṁ samprekṣya kumbhakarṇaṁ mahābalam ।
utpapāta tadā vīraḥ sugrīvo vānarādhipaḥ ॥

sa parvatāgramutkṣipya samāvidhya mahākapiḥ ।
abhidudrāva vegena kumbhakarṇaṁ mahābalam ॥

tamāpatantaṁ samprekṣya kumbhakarṇaḥ plavaṁgamam ।
tasthau vivṛtasarvāṅgo vānarendrasya saṁmukhaḥ ॥

kapiśoṇitadigdhāṅgaṁ bhakṣayantaṁ mahākapīn ।
kumbhakarṇaṁ sthitaṁ dṛṣṭvā sugrīvo vākyamabravīt ॥

pātitāśca tvayā vīrāḥ kṛtaṁ karma suduṣkaram ।
bhakṣitāni ca sainyāni prāptaṁ te paramam yaśaḥ ॥

tyaja tadvānarānīkaṁ prākṛtaiḥ kim kariṣyasi ।
sahasvaikaṁ nipātaṁ me parvatasyāsya rākṣasa ॥

tadvākyam harirājasya sattvadhairyasamanvitam ।
śrutvā rākṣasaśārdūlaḥ kumbhakarṇo'bravīdvacaḥ ॥

prajāpatestu pautrastvam tathaivarkṣarajaḥsutaḥ ।
dhṛtipauruṣasampannaḥ kasmādgarjasi vānara ॥

sa kumbhakarṇasya vaco niśamya ।
vyāvidhya śailam sahasā mumoca ।
tenājaghānorasi kumbhakarṇaṁ ।
śailena vajrāśanisaṁnibhena ॥

tacchailaśṛṅgaṁ sahasā vikīrṇaṁ ।
bhujāntare tasya tadā viśāle ।
tato viṣeduḥ sahasā plavamgā ।
rakṣogaṇāścāpi mudā vineduḥ ॥

sa śailaśṛṅgābhihataś cukopa ।
nanāda kopācca vivṛtya vaktram ।
vyāvidhya śūlam ca taḍitprakāśaṁ ।
cikṣepa haryṛkṣapatervadhāya ॥

tatkumbhakarṇasya bhujapraviddhaṁ ।
śūlam śitam kāñcana dāmajuṣṭam ।
kṣipram samutpatya nigṛhya dorbhyāṁ ।
babhañja vegena suto'nilasya ॥

kṛtaṁ bhārasahasrasya śūlam kālāyasaṁ mahat ।
babhañja janaumāropya prahṛṣṭaḥ plavagarṣabhaḥ ॥

śūlam bhagnam hanumatā dṛṣṭvā vānaravāhinī ।
hṛṣṭā nanāda bahuśaḥ sarvataścāpi dudruve ॥

sa tattadā bhagnamavekṣya śūlaṁ ।
cukopa rakṣo'dhipatirmahātmā ।
utpāṭya laṅkāmalayātsa śṛṅgaṁ ।
jaghāna sugrīvamupetya tena ॥

sa śailaśṛṅgābhihato visamjñaḥ ।
papāta bhūmau yudhi vānarendraḥ ।
taṁ prekṣya bhūmau patitam visamjñaṁ ।
neduḥ prahṛṣṭā yudhi yātudhānāḥ ॥

tamabhyupetyādbhutaghoravīryaṁ ।
sa kumbhakarṇo yudhi vānarendram ।
jahāra sugrīvamabhipragṛhya ।
yathānilo meghamatipracaṇḍaḥ ॥

sa taṁ mahāmeghanikāśarūpam ।
utpāṭya gacchanyudhi kumbhakarṇaḥ ।
rarāja merupratimānarūpo ।
meruryathātyucchritaghoraśṛṅgaḥ ॥

tataḥ samutpāṭya jagāma vīraḥ ।
saṁstūyamāno yudhi rākṣasendraiḥ ।
śṛṇvanninādam tridaśālayānāṁ ।
plavamgarājagrahavismitānām ॥

tatastamādāya tadā sa mene ।
harīndramindropamamindravīryaḥ ।
asminhṛte sarvamidam hṛtaṁ syāt ।
sarāghavam sainyamitīndraśatruḥ ॥

evam gṛhīte sugrīve kiṁ kartavyaṁ mayā bhavet ॥ 6-67-74 yadvai nyāyyaṁ mayā kartum tatkariṣyāmi sarvathā ।
bhūtvā parvatasamkāśo nāśayiṣyāmi rākṣasaṁ ॥

mayā hate samyati kumbhakarṇe ।
mahābale muṣṭiviśīrṇadehe ।
vimocite vānarapārthive ca ।
bhavantu hṛṣṭāḥ pravagāḥ samagrāḥ ॥

atha vā svayamapyeṣa mokṣaṁ prāpsyati pārthivaḥ ।
gṛhīto'yam yadi bhavettridaśaiḥ sāsuroragaiḥ ॥

manye na tāvadātmānaṁ budhyate vānarādhipaḥ ।
śailaprahārābhihataḥ kumbhakarṇena samyuge ॥

ayaṁ muhūrtātsugrīvo labdhasamjño mahāhave ।
ātmano vānarāṇām ca yatpathyaṁ tatkariṣyati ॥

mayā tu mokṣitasyāsya sugrīvasya mahātmanaḥ ।
aprītaśca bhavetkaṣṭā kīrtināśaśca śāśvataḥ ॥

tasmānmuhūrtam kāmkṣiṣye vikramaṁ pārthivasya naḥ ।
bhinnam ca vānarānīkaṁ tāvadāśvāsayāmyaham ॥

ityevam cintayitvā tu hanūmānmārutātmajaḥ ।
bhūyaḥ saṁstambhayāmāsa vānarāṇāṁ mahācamūm ॥

sa kumbhakarṇo'tha viveśa laṅkāṁ ।
sphurantamādāya mahāharim tam ।
vimānacaryāgṛhagopurasthaiḥ puṣpāgryavarṣairavakīryamāṇaḥ ॥

lājagandhodavarṣaistu sevyamānaḥ śanaiḥ śanaiḥ ।
rājavīthyāstu śītatvātsamjñām prāpa mahābalaḥ ॥

tataḥ sa samjñāmupalabhya kṛcchrā ।
dbalīyasastasya bhujāntarasthaḥ ।
avekṣamāṇaḥ purarājamārgaṁ ।
vicintayāmāsa muhurmahātmā ॥

evam gṛhītena kathaṁ nu nāma ।
śakyaṁ mayā samprati kartumadya ।
tathā kariṣyāmi yathā harīṇāṁ ।
bhaviṣyatīṣṭam ca hitaṁ ca kāryam ॥

tataḥ karāgraiḥ sahasā sametya ।
rājā harīṇā mamarendraśatroḥ ।
nakhaiśca karṇau daśanaiśca nāsāṁ ।
dadaṁśa pādairvidadāra parśvau ॥

sa kumbhakarṇau hṛtakarṇanāso ।
vidāritastena radairnakhaiśca ।
roṣābhibhūtaḥ kṣatajārdragāraḥ ।
sugrīvamāvidhya pipeṣa bhūmau ॥

sa bhūtale bhīmabalābhipiṣṭaḥ ।
surāribhistairabhihanyamānaḥ ।
jagāma kham kandukavajjavena ।
punaśca rāmeṇa samājagāma ॥

karṇanāsāvihīnasya kumbhakarṇo mahābalaḥ ।
rarāja śoṇitotsikto giriḥ prasravaṇairiva ॥

śoṇitārdro mahākāyo rākṣaso bhīmadarśanaḥ ।
amarṣācchoṇitodgārī śuśubhe rāvaṇānujaḥ ॥ 6-67-91 nīlāñjanacayaprakhyāḥ sasaṁdhya iva toyadaḥ ।
yuddhāyābhimukho bhīmo manaścakre niśācaraḥ ॥

gate ca tasmin surarājaśatruh ।
krodhātpradudrāva raṇāya bhūyaḥ ।
anāyudho'smīti vicintya raudro ।
ghoram tadā mudgaramāsasāda ॥

tataḥ sa puryāḥ sahasā mahātmā ।
niṣkramya tadvānarasainyamugram ।
babhakṣa rakṣo yudhi kumbhakarṇaḥ ।
prajā yugāntāgniriva pradīptaḥ ॥

bubhukṣitaḥ śoṇitamāṁsagṛdhnuḥ ।
praviśya tadvānarasainyamugram ।
cakhāda rakṣāṁsi harīnpiśācān ।
ṛkṣāṁśca mohādyudhi kumbhakarṇaḥ ।
yathaiva mṛtyurharate yugānte ।
sa bhakṣayāmāsa harīṁśca mukhyān ॥

ekam dvau trīn bahūn kruddho vānarān saha rākṣasaiḥ ।
samādāyaikahastena pracikṣepa tvaranmukhe ॥

samprasravaṁstadā medaḥ śoṇita ca mahābalaḥ ।
vadhyamāno nagendrāgrairbhakṣayāmāsa vānarān ॥

te bhakṣyamāṇā harayo rāmam jagmustadā gatim ।
kumbhakarṇo bhṛśam kruddhaḥ kapīn khādan pradhāvati ॥

śatāni sapta cāṣṭau ca viṁśattriṁśattathaiva ca ।
sampariṣvajya bahubhyām khādanviparidhāvati ॥

medovasāśoṇitadigdhagātraḥ ।
karṇāvasaktagrathitāntramālaḥ ।
vavarṣaśūlāni sutīkṣaṇadaṁṣṭraḥ ।
kālo yugāntastha iva pravṛddhaḥ ॥

tasmin kāle sumitrāyāḥ putraḥ parabalārdanaḥ ।
cakāra lakṣmaṇaḥ kruddho yuddham parapuramjayaḥ ॥

sa kumbhakarṇasya śarāñśarīre sapta vīryavān ।
nicakhānādade cānyānvisasarja ca lakṣmaṇaḥ ॥

pīḍyamānastadastram tu viśeṣam tatasa rākṣasaḥ ।
tataścukopa balavān sumitrānaṁdavardhanaḥ ॥

athasya kavacam śubhram jāmubūnadamayam śubham ।
pracchādayāmāsa śaraiḥ saṁdhyābhramiva mārutaḥ ॥

nīlāñjanacayaprakhyāḥ śairaiḥ kāñcanabhūṣaṇaiḥ ।
āpīḍyamānaḥ śuśubhe meghaiḥ sūrya ivāṁśumān ॥

tataḥ sa rākṣaso bhīmaḥ sumitrānandavardhanam ।
sāvajñmeva provāca vākyam meghaughaniḥsvanaḥ ॥

antakasyāpyakaṣṭena yudhi jetāramāhave ।
yudhyatā māmabhītena khyāpitā vīratā tvayā ॥

pragṛhītāyudhasyeha mṛtyoriva mahāmṛdhe ।
tiṣṭhannapragrataḥ pūjyaḥ kimu yuddhapradāyakaḥ ॥

airāvatam samārūḍo vṛtaḥ sarvāmaraih prabhuḥ ।
naiva śakro'pi samare sthita pūrvaḥ kadācana ॥

adya tvayāham saumitre balenāpi parākramaiḥ ।
toṣito gantumicchāmi tyāmanujñāpya rāghavam ॥

yattu vīryabalotsāhaistoṣito'haṁ raṇe tvayā ।
rāmamevaikamicchami hantum yasmin hate hatam ॥

rāme mayātra nihate ye'nye sthāsyanti saṁyuge ।
tānahaṁ yodhayiṣyāmi svabalena pramāthinā ॥

ityuktavākyam tadrakṣaḥ provāca stutisaṁhitam ।
mṛdhe ghorataraṁ vākyaṁ saumitriḥ prahasanniva ॥

iti śrutvā hyanādṛtya lakṣmaṇam sa niśācaraḥ ॥ 6-67-115 atikramya ca saumitrim kumbhakarṇo mahābalaḥ ।
rāmamevābhidudrāva dārayanniva medinīm ॥

atha dāśarathī rāmo raudramastraṁ prayojayan ।
kumbhakarṇasya hṛdaye sasarja niśitān śarān ॥

tasya rāmeṇa viddhasya sahasābhipradhāvataḥ ।
aṅgāramiśrāḥ kruddhasya mukhānniścerurarciṣaḥ ॥

rāmastraviddho ghoram vai nardan rākṣasapuṁganaḥ ।
abhyadhāvata tam kruddho harīn vidrāvayan raṇe ॥

tasyorasi nimagnāśca śarā barhiṇavāsasaḥ ।
hastāccāsya paribhraṣṭā gadā corvyām papāta ha ॥

sa tīvreṇa ca kopena rudhireṇa ca mūrchitaḥ ।
vānarānrākṣasānṛkṣān khādan sa paridhāvati ॥

atha śṛṅgam samāvidhya bhīmam bhīmaparākramaḥ ।
cikṣepa rāmamuddiśya balavānantakopamaḥ ॥

aprāptamantarā rāmaḥ saptabhīstamajihmagaiḥ ।
ciccheda giriśṛṅgam tam punaḥ saṁdhāya kārmukam ॥

krodharaktekṣaṇo vīro nirdahanniva cakṣuṣā ॥ 6-67-135 rāghavo rākṣasam roṣādabhidudrāva vegitaḥ ।
yūthapān harṣayan sarvān kumbhakarṇabhayārditān ॥

sa cāpamādāya bhujaṅgakalpaṁ ।
dṛḍhajyamugram tapanīyacitram ।
harīnsamāśvāsya samutpapāta ।
rāmo nibaddhottamatūṇabāṇaḥ ॥

sa vānaragaṇaistaistu vṛtaḥ paramadurjayaḥ ।
lakṣmaṇānucaro rāmaḥ sampratasthe mahābalaḥ ॥

sa dadarśa mahātmānam kirīṭinamarindamam ।
śoṇitāvṛtaraktākṣam kumbhakarṇaṁ mahābalam ॥

sarvān samabhidhāvantam yathā ruṣṭam diśāgajam ।
mārgamāṇam harīn kruddhaṁ rākṣasaiḥ parivāritam ॥

vindhyamandarasamkāśam kāñcanāṅgadabhūṣaṇam ।
sravantam rudhiraṁ vaktrādvarṣameghamivotthitam ॥

jihvayā parilihyantam sṛkkiṇī śoṇitokṣitam ।
mṛdnantam vānarānīkam kālāntakayamopamam ॥

tam dṛṣṭvā rākṣasaśreṣṭhaṁ pradīptānalavarcasaṁ ।
visphārayāmāsa tadā kārmukaṁ puruṣarṣabhaḥ ॥

sa tasya cāpanirghoṣātkupito nairṛtarṣabhaḥ ।
amṛṣyamāṇastam ghoṣamabhidudrāva rāghavam ॥

tatastu vātoddhatameghakalpaṁ ।
bhujamgarājottamabhogabāhum ।
tamāpatantam dharaṇīdharābham ।
uvāca rāmo yudhi kumbhakarṇam ॥

āgaccha rakṣo'dhipamā viṣādam ।
avasthito'haṁ pragṛhītacāpaḥ ।
avehi mām rākṣasavaṁśavāśanam ।
ayaṁ muhūrtādbhavitā vicetāḥ ॥

rāmo'yamiti vijñāya jahāsa vikṛtasvanam ।
abhyadhāvata samkruddho harīnvidrāvayan raṇe ॥

nāhamn virādho vijñeyo na kabandhaḥ kharo na ca ।
na vālī na ca mārīcaḥ kumbhakarṇo'hamāgataḥ ॥

paśya me mudgaram bhīmam sarvakālāyasaṁ mahat ।
anena nirjitā devā dānavāśca mayā purā ॥

vikarṇanāsa iti māṁ nāvajñātum tvamarhasi ।
svalpāpi hi na me pīḍā karṇanāsāvināśanāt ॥

darśayekṣvākuśārdūla vīryam gātreṣu me laghu ।
tatastvāṁ bhakṣayiṣyāmi dṛṣṭapauruṣavikramam ॥

sa kumbhakarṇasya vaco niśamya ।
rāmaḥ supuṅkhānvisasarja bāṇān ।
tairāhato vajrasamapravegair ।
na cukṣubhe na vyathate surāiḥ ॥

yaiḥ sāyakaiḥ sālavarā nikṛttā ।
vālī hato vānarapuṅgavaś ca ।
te kumbhakarṇasya tadā śarīraṁ ।
vajropamā na vyathayāṁ pracakruḥ ॥

sa vāridhārā iva sāyakāṁstān ।
piban śarīreṇa mahendraśatruḥ ।
jaghāna rāmasya śarapravegaṁ ।
vyāvidhya taṁ mudgaramugravegam ॥

tatastu rakṣaḥ kṣatajānuliptaṁ ।
vitrāsanaṁ devamahācamūnām ।
vyāvidhya taṁ mudgaramugravegaṁ ।
vidrāvayāmāsa camūṁ harīṇām ॥

vāyavyamādāya tato varāstraṁ ।
rāmaḥ pracikṣepa niśācarāya ।
samudgaram tena jahāra bāhuṁ ।
sa kṛttabāhustumulaṁ nanāda ॥

sa tasya bāhurgiriśṛṅgakalpaḥ ।
samudgaro rāghavabāṇakṛttaḥ ।
papāta tasmin harirājasainye ।
jaghāna tām vānaravāhinīṁ ca ॥

te vānarā bhagnahatāvaśeṣāḥ ।
paryantamāśritya tadā viṣaṇṇāḥ ।
prapiḍitāṅgā dadṛśuḥ sughoraṁ ।
narendrarakṣo'dhipasaṁnipātam ॥

sa kumbhakarṇo'stranikṛttabāhur ।
rmahāsikṛttāgra ivācalendraḥ ।
utpāṭayāmāsa kareṇa vṛkṣaṁ ।
tato'bhidudrāva raṇe narendram ॥

sa tasya bāhum saha sālavṛkṣaṁ ।
samudyataṁ pannagabhogakalpam ।
aindrāstrayuktena jahāra rāmo ।
bāṇena jāmbūnadacitritena ॥

sa kumbhakarṇasya bhujo nikṛttaḥ ।
papāta bhūmau girisaṁnikāśaḥ ।
viveṣṭamāno nijaghāna vṛkṣān ।
śailāñśilāvānararākṣasāṁś ca ॥

tam chinnabāhum samavekṣya rāmaḥ ।
samāpatantam sahasā nadantam ।
dvāvardhacandrau niśitau pragṛhya ।
ciccheda pādau yudhi rākṣasasya ॥

tau tasya pādau pradiśo diśaśca ।
girerguhāścaiva mahārṇavam ca ।
laṅkām ca senām kapirākṣasānāṁ ।
vinādayantau vinipetatuśca ॥

nikṛttabāhurvinikṛttapādo ।
vidārya vaktraṁ vaḍavāmukhābham ।
dudrāva rāmam sahasābhigarjan ।
rāhuryathā candramivāntarikṣe ॥

apūrayattasya mukhaṁ śitāgrai ।
rāmaḥ śarairhemapinaddhapuṅkhaiḥ ।
sa pūrṇavaktro na śaśāka vaktuṁ ।
cukūja kṛcchreṇa mumoha cāpi ॥

athādade sūryamarīcikalpaṁ ।
sa brahmadaṇḍāntakakālakalpam ।
ariṣṭamaindraṁ niśitam supuṅkhaṁ ।
rāmaḥ śaraṁ mārutatulyavegam ॥

tam vajrajāmbūnadacārupuṅkhaṁ ।
pradīptasūryajvalanaprakāśam ।
mahendravajrāśanitulyavegaṁ ।
rāmaḥ pracikṣepa niśācarāya ॥

sa sāyako rāghavabāhucodito ।
diśaḥ svabhāsā daśa samprakāśayan ।
vidhūmavaiśvānaradīptadarśano ।
jagāma śakrāśanitulyavikramaḥ ॥

sa tanmahāparvatakūṭasaṁnibhaṁ ।
suvṛttadaṁṣṭraṁ calacārukuṇḍalam ।
cakarta rakṣo'dhipateḥ śirastadā ।
yathaiva vṛtrasya purā purandaraḥ ॥

kumbhakarṇaśiro bhāti kuṇḍalālamkṛtaṁ mahat ।
āditye'bhyudite rātrau madhyastha iva candramāḥ ॥

tadrāmabāṇābhihataṁ papāta ।
rakṣaḥśiraḥ parvatasaṁnikāśam ।
babhañja caryāgṛhagopurāṇi ।
prākāramuccaṁ tamapātayacca ॥

taccātikāyaṁ himavatprakāśaṁ ।
rakṣastadā toyanidhau papāta ।
grāhān parān mīnacayānbhujaṁgamān ।
mamarda bhūmim ca tathā viveśa ॥

tasmirhate brāhmaṇadevaśatrau ।
mahābale samyati kumbhakarṇe ।
cacāla bhūrbhūmidharāś ca sarve ।
harṣācca devāstumulaṁ praṇeduḥ ॥

tatastu devarṣimaharṣipannagāḥ ।
surāśca bhūtāni suparṇaguhyakāḥ ।
sayakṣagandharvagaṇā nabhogatāḥ ।
praharṣitā rāma parākrameṇa ॥

tatastu te tasya vadhena bhūriṇā ।
manasvino nairṛtarājabāndhavāḥ ।
vinedurucchairvyathitā raghūttamam ।
hariṁ samīkṣyaiva yathā mataṅgajāḥ ॥

sa devalokasya tamo nihatya ।
sūryo yathā rāhumukhādvimuktaḥ ।
tathā vyabhāsīddharisainyamadhye ।
nihatya rāmo yadhi kumbhakarṇam ॥

praharṣamīyurbahavastu vānarāḥ ।
prabuddhapadmapratimairivānanaiḥ ।
apūjayan rāghavamiṣṭabhāginaṁ ।
hate ripau bhīmabale durāsade ॥

sa kumbhakarṇaṁ surasainyamardanaṁ ।
mahatsu yuddheṣvaparājitaśramam ।
nananda hatvā bharatāgrajo raṇe ।
mahāsuraṁ vṛtramivāmarādhipaḥ ॥