युद्धकाण्डम्Yuddha Kāṇḍa

teṣāṁ sutumulaṁ śabdaṁ vānarāṇāṁ tarasvinām ।
nadatāṁ rākṣasaiḥ sārdhaṁ tadā śuśrāva rāvaṇaḥ ।
6.51.1 ॥

snigdhagambhīranirghoṣaṁ śrutvā sa ninadaṁ bhṛśam ।
sacivānāṁ tatasteṣāṁ madhye vacanamabravīt ।
6.51.2 ॥

yathā 'sau samprahṛṣṭānāṁ vānarāṇāṁ samutthitaḥ ।
bahūnāṁ sumahānādo meghānāmiva garjatām ।
vyaktaṁ sumahatī prītireteṣāṁ nātra saṁśayaḥ ।
6.51.3 ॥

tathā hi vipulairnādaścukṣubhe varuṇālayaḥ ।
6.51.4 ।
ūnāṁ sumahānādo meghānāmiva garjatām ।
tau tu baddhau śaraistīkṣṇairbhrātarau rāmalakṣmaṇau ।
ayaṁ ca sumahānnādaḥ śaṅkāṁ janayatīva me ।
6.51.5 ॥

etattu vacanaṁ coktvā mantriṇo rākṣaseśvaraḥ ।
uvāca nairṛtāṁstatra samīpaparivartinaḥ ।
6.51.6 ॥

jñāyatāṁ tūrṇameteṣāṁ sarveṣāṁ vanacāriṇām ।
śokakāle samutpanne harṣakāraṇamutthitam ।
6.51.7 ॥

tathoktāstena sambhrāntāḥ prākāramadhiruhya te ।
dadṛśuḥ pālitāṁ senāṁ sugrīveṇa mahātmanā ।
6.51.8 ॥

to ca muktau sughoreṇa śarabandhena rāghavau ।
samutthitau mahāvegau viṣeduḥ prekṣya rākṣasāḥ ।
6.51.9 ॥

santrastahṛdayāḥ sarve prākārādavaruhya te ।
viṣaṇṇavadanā ghorā rākṣasendramupasthitāḥ ।
6.51.10 ॥

tadapriyaṁ dīnamukhā rāvaṇasya niśācarāḥ ।
kṛtsnaṁ nivedayāmāsuryathāvadvākyakovidāḥ ।
6.51.11 ॥

yau tāvindrajitā yuddhe bhrātarau rāmalakṣmaṇau ।
nibaddhau śarabandhena niṣprakampabhujau kṛtau ।
6.51.12 ॥

vimuktau śarabandhena tau dṛśyete raṇājire ।
pāśāniva gajau chittvā gajendrasamavikramau ।
6.51.13 ॥

tacchrutvā vacanaṁ teṣāṁ rākṣasendro mahābalaḥ ।
cintāśokasamākrānto viṣaṇṇavadano 'bravīt ।
6.51.14 ॥

ghorairdattavarairbaddhau śarairāśīviṣopamaiḥ ।
amoghaiḥ sūryasaṅkāśaiḥ pramathyendrajitā yudhi ।
6.51.15 ॥

tadastrabandhamāsādya yadi muktau ripū mama ।
saṁśayasthamidaṁ sarvamanupaśyāmyahaṁ balam ।
6.51.16 ॥

niṣphalāḥ khalu saṁvṛttāḥ śarā vāsukitejasaḥ ।
ādattaṁ yaiḥ susaṅgrāme ripūṇāṁ mama jīvitam ।
6.51.17 ॥

evamuktvā tu saṅkruddho niḥśvasannurago yathā ।
abravīdrakṣasāṁ madhye dhūmrākṣaṁ nāma rākṣasam ।
6.51.18 ॥

balena mahatā yukto rakṣasāṁ bhīmavikrama ।
tvaṁ vadhāyābhiniryāhi rāmasya saha vānaraiḥ ।
6.51.19 ॥

evamuktastu dhūmrākṣo rākṣasendreṇa dhīmatā ।
kṛtvā praṇāmaṁ saṁhṛṣṭo nirjagāma nṛpālayāt ।
6.51.20 ॥

abhiniṣkamya taddvāraṁ balādhyakṣamuvāca ha ।
tvarayasva balaṁ tūrṇaṁ kiṁ cireṇa yuyutsataḥ ।
6.51.21 ॥

dhūmrākṣavacanaṁ śrutvā balādhyakṣo balānugaḥ ।
balamudyojayāmāsa rāvaṇasyājñayā drutam ।
6.51.22 ॥

te baddhaghaṇṭābalino ghorarūpā niśācarāḥ ।
vigarjamānāḥ saṁhṛṣṭā dhūmrākṣaṁ paryavārayan ।
vividhāyudhahastāśca śūlamudgarapāṇayaḥ ।
6.51.23 ॥

gadābhiḥ paṭṭiśairdaṇḍairāyasairmusalairbhṛśam ।
6.51.24 ॥

ṛṣṭā dhūmrākṣaṁ paryavārayan ।
parighairbindipālaiśca bhallaiḥ prāsaiḥ paraśvadhaiḥ ।
niryayū rākṣasā digbhyonardanto jaladā yathā ।
6.51.25 ॥

rathaiḥ kavacinastvanye dhvajaiśca samalaṅkṛtaiḥ ।
suvarṇajālavihitaiḥ kharaiśca vividhānanaiḥ ।
6.51.26 ॥

hayaiḥ paramaśīghraiśca gajaindraiśca madotkaṭaiḥ ।
niryayū rākṣasavyāghrā vyāghrā iva durāsadāḥ ।
6.51.27 ॥

vṛkasiṁhamukhairyuktaṁ kharaiḥ kanakabhūṣaṇaiḥ ।
āruroha rathaṁ divyaṁ dhūmrākṣaḥ kharanisvanaḥ ।
6.51.28 ॥

sa niryāto mahāvīryo dhūmrākṣo rākṣasairvṛtaḥ ।
prahasan paścimadvāraṁ hanūmān yatra yūthapaḥ ।
rathapravaramāsthāya kharayuktaṁ kharasvanam ।
6.51.29 ॥

prayāntaṁ tu mahāghoraṁ rākṣasaṁ bhīmavikramam ।
antarikṣagatā ghorāḥ śakunāḥ pratyavārayan ।
6.51.30 ॥

rathaśīrṣe mahān bhīmo gṛdhraśca nipapāta ha ।
dhvajāgre grathitāścaiva nipetuḥ kuṇapāśanāḥ ।
6.51.31 ॥

rudhirārdro mahān śvetaḥ kabandhaḥ patito bhuvi ।
visvaraṁ cotsṛjannādaṁ dhūmnākṣasya samīpataḥ ।
6.51.32 ॥

vavarṣa rudhiraṁ devaḥ sañcacāla ca medinī ।
pratilobhaṁ vavau vāyurnirghātasamanisvanaḥ ।
6.51.33 ॥

timiraughāvṛtāstatra diśaśca na cakāśire ।
6.51.34 ॥

sa tūtpātāṁstadā dṛṣṭvā rākṣasānāṁ bhayāvahān ।
prādurbhūtān sughorāṁśca dhūmrākṣo vyathito 'bhavat ।
6.51.35 ॥

mumuhū rākṣasāḥ sarve dhūmrākṣasya purassarāḥ ।
6.51.36 ॥

tataḥ subhīmo bahubhirniśācarairvṛto 'bhiniṣkramya raṇotsuko balī ।
dadarśa tāṁ rāghavabāhupālitāṁ mahaughakalpāṁ bahuvānarīṁ camūm ।
6.51.37 ॥