युद्धकाण्डम्Yuddha Kāṇḍa

sugrīvasya vacaḥ śrutvā hetumat parama arthavit ।
pratijagrāha kākutstho hanūmantam atha abravīt ॥6-3-1॥ ॥

tarasā setu bandhena sāgara uccoṣaṇena vā ।
sarvathā susamartho asmi sāgarasya asya langhane ॥6-3-2॥ ॥

kati durgāṇi durgāyā laṁkāyās tad bravīhi me ।
jñātum iccāmi tat sarvam darśanād iva vānara ॥6-3-3॥ ॥

balasya parimāṇam ca dvāra durga kriyām api ।
gupti karma ca laṁkāyā rakṣasām sadanāni ca ॥6-3-4॥ ॥

yathā sukham yathāvac ca laṁkāyām asi dṛṣṭavān ।
saram ācakṣva tattvena sarvathā kuśalo hi asi ॥6-3-5॥ ॥

śrutvā rāmasya vacanam hanūmān māruta ātmajaḥ ।
vākyam vākyavidām śreṣṭho rāmam punar atha abravīt ॥6-3-6॥ ॥

śrūyatām sarvam ākhyāsye durga karma vidhānataḥ ।
guptā purī yathā laṁkā rakṣitā ca yathā balaiḥ ॥6-3-7॥ ॥

rākṣasāśca yathā snigdhā rāvaṇasya ca tejasā ।
parām samṛddhim laṁkāyāḥ sāgarasya ca bhīmatām ॥6-3-8॥ ॥

vibhāgam ca bala oghasya nirdeśam vāhanasya ca ।
evamuktvā kapiśreṣṭhaḥ kathayāmāsa tatvavit ॥6-3-9॥ ॥

prahṛṣṭā muditā laṁkā matta dvipa samākulā ।
mahatī ratha sampūrṇā rakṣo gaṇa samākulā ॥6-3-10॥ ॥

dṛḍha baddha kavāṭāni mahāparighavanti ca ।
catvāri vipulānyasyā dvārāṇi sumahānti ॥6-3-11॥ ॥

tatreṣūpayantrāṇi balavanti mahānti ca ।
āgatam para sainyam tais tatra pratinivāryate ॥6-3-12॥ ॥

dvāreṣu samskṛtā bhīmāḥ kāla āyasa mayāḥ śitāḥ ।
śataśo rocitā vīraiḥ śataghnyo rakṣasām gaṇaiḥ ॥6-3-13॥ ॥

sauvarṇaḥ ca mahāms tasyāḥ prākāro duṣpradharṣaṇaḥ ।
maṇi vidruma vaidūrya muktā vicarita antaraḥ ॥6-3-14॥ ॥

sarvataḥ ca mahābhīmāḥ śīta toyā mahāśubhāḥ ।
agādhā grāhavatyaḥ ca parikhā mīna sevitāḥ ॥6-3-15॥ ॥

dvāreṣu tāsām catvāraḥ samkramāḥ parama āyatāḥ ।
yantrair upetā bahubhir mahadbhir dṛḍha samdhibhiḥ ॥6-3-16॥ ॥

trāyante samkramās tatra para sainya āgame sati ।
yantrais tair avakīryante parikhāsu samantataḥ ॥6-3-17॥ ॥

ekas tv akampyo balavān samkramaḥ sumahādṛḍhaḥ ।
kāñcanair bahubhiḥ stambhair vedikābhiḥ ca śobhitaḥ ॥6-3-18॥ ॥

svayam prakṛti sampanno yuyutsū rāma rāvaṇaḥ ।
utthitaḥ ca apramattaḥ ca balānām anudarśane ॥6-3-19॥ ॥

laṁkā purī nirālambā deva durgā bhaya āvahā ।
na adeyam pārvatam vanyam kṛtrimam ca catur vidham ॥6-3-20॥ ॥

sthitā pāre samudrasya dūra pārasya rāghava ।
nau pathaḥ ca api na asti atra nirādeśaḥ ca sarvataḥ ॥6-3-21॥ ॥

śaila agre racitā durgā sā pūr deva pura upamā ।
vāji vāraṇa sampūrṇā laṁkā parama durjayā ॥6-3-22॥ ॥

parighāḥ ca śataghnyaḥ ca yantrāṇi vividhāni ca ।
śobhayanti purīm laṁkām rāvaṇasya durātmanaḥ ॥6-3-23॥ ॥

ayutam rakṣasām atra paścima dvāram āśritam ।
śūla hastā durādharṣāḥ sarve khaḍga agra yodhinaḥ ॥6-3-24॥ ॥

niyutam rakṣasām atra dakṣiṇa dvāram āśritam ।
catur angeṇa sainyena yodhās tatra api anuttamāḥ ॥6-3-25॥ ॥

prayutam rakṣasām atra pūrva dvāram samāśritam ।
carma khaḍga dharāḥ sarve tathā sarva astra kovidāḥ ॥6-3-26॥ ॥

nyarbudam rakṣasām atra uttara dvāram āśritam ।
rathinaḥ ca aśva vāhāḥ ca kula putrāḥ supūjitāḥ ॥6-3-27॥ ॥

śatam śata sahasrāṇām madhyamam gulmam āśritam ।
yātu dhānā durādharṣāḥ sāgra koṭiḥ ca rakṣasām ॥6-3-28॥ ॥

te mayā samkramā bhagnāḥ parikhāḥ ca avapūritāḥ ।
dagdhā ca nagarī laṁkā prākārāḥ ca avasāditāḥ ॥6-3-29॥ ॥

balaikadeśaḥ kṣapito rākṣasānām mahātmanām ।
yena kena tu mārgeṇa tarāma varuṇa ālayam ॥6-3-30॥ ॥

hatā iti nagarī laṁkām vānarair avadhāryatām ।
aṅgado dvivido maindo jāmbavān panaso nalaḥ ॥6-3-31॥ ॥

nīlaḥ senā patiḥ caiva bala śeṣeṇa kim tava ।
plavamānā hi gatvā tām rāvaṇasya mahāpurīm ॥6-3-32॥ ॥

saprakārām sabhavanām ānayiṣyanti maithilīm ।
saprākārām sabhavanāmānayuṣyanti rāghava ॥6-3-33॥ ॥

evam ājñāpaya kṣipram balānām sarva samgraham ।
muhūrtena tu yuktena prasthānamabhirocaya ॥