युद्धकाण्डम्Yuddha Kāṇḍa

rāghaveṇābhaye datte sannatā rāvaṇānujaḥ ।
vibhīṣaṇo mahāpājño bhūmiṁ samavalokayan ।
khātpapātāvanīṁ hṛṣṭo bhaktairanucaraiḥ saha ।
6.19.1 ॥

sa tu rāmasya dharmātmā nipapāta vibhīṣaṇaḥ ।
pādayoḥ śaraṇānveṣī caturbhiḥ saha rākṣasaiḥ ।
6.19.2 ॥

abravīcca tadā rāmaṁ vākyaṁ tatra vibhīṣaṇaḥ ।
dharmayuktaṁ ca yuktaṁ ca sāmprataṁ sampraharṣaṇam ।
6.19.3 ॥

anujo rāvaṇasyāhaṁ tena cāpyavamānitaḥ ।
bhavantaṁ sarvabhūtānāṁ śaraṇyaṁ śaraṇāgataḥ ।
6.19.4 ।
4 ॥

parityaktā mayā laṅkā mitrāṇi ca dhanāni vai ।
bhavadgataṁ me rājyaṁ ca jīvitaṁ ca sukhāni ca ।
6.19.5 ॥

tasya tadvacanaṁ śrutvā rāmo vacanamabravīt ।
vacasā sāntvayitvainaṁ locanābhyāṁ pibanniva ।
6.19.6 ॥

ākhyāhi mama tattvena rākṣasānāṁ balābalam ।
6.19.7 ॥

evamuktastadā rakṣo rāmeṇākliṣṭakarmaṇā ।
rāvaṇasya balaṁ sarvamākhyātumupacakrame ।
6.19.8 ॥

avadhyaḥ sarvabhūtānāṁ gandharvāsurarakṣasām ।
rājaputra daśagrīvo varadānāt svayambhuvaḥ ।
6.19.9 ॥

rāvaṇānantaro bhrātā mama jyeṣṭhaśca vīryavān ।
kumbhakarṇo mahātejāḥ śakrapratibalo yudhi ।
6.19.10 ॥

rāma senāpatistasya prahasto yadi vā śrutaḥ ।
kailāse yena saṅgrāme maṇibhadraḥ parājitaḥ ।
6.19.11 ॥

baddhagodhāṅgulitrāṇastvavadhyakavaco yudhi ।
dhanurādāya yastiṣṭhannadṛśyo bhavatīndrajit ।
6.19.12 ॥

saṅgrāmasamayavyūhe tarpayitvā hutāśanam ।
antardhānagataḥ śatrūnindrajiddhanti rāghava ।
6.19.13 ॥

mahodaramahāpārśvau rākṣasaścāpyakampanaḥ ।
anīkasthāstu tasyaite lokapālasamā yudhi ।
6.19.14 ॥

daśakoṭisahasrāṇi rākṣasāṁ kāmarūpiṇām ।
māṁsaśoṇitabhakṣāṇāṁ laṅkāpuranivāsinām ।
6.19.15 ॥

sa taistu sahito rājā lokapālānayodhayat ।
6.19.16 ॥

saha devaistu te bhagnā rāvaṇena mahātmanā ।
6.19.17 ॥

vibhīṣaṇavacaḥ śrutvā rāmo dṛḍhaparākramaḥ ।
anvīkṣya manasā sarvamidaṁ vacanamabravīt ।
6.19.18 ॥

yāni karmāpadānāni rāvaṇasya vibhīṣaṇa ।
ākhyātāni ca tattvena hyavagacchāmi tānyaham ।
6.19.19 ॥

ahaṁ hatvā daśagrīvaṁ saprahastaṁ sabāndhavam ।
rājānaṁ tvāṁ kariṣyāmi satyametad bravīmi te ।
6.19.20 ॥

rasātalaṁ vā praviśet pātālaṁ vāpi rāvaṇaḥ ।
pitāmahasakāśaṁ vā na me jīvan vimokṣyate ।
6.19.21 ॥

ahatvā rāvaṇaṁ saṅkhye saputrabalabāndhavam ।
ayodhyāṁ na pravekṣyāmi tribhistairbhrātṛbhiḥ śape ।
6.19.22 ॥

śrutvā tu vacanaṁ tasya rāmasyākliṣṭakarmaṇaḥ ।
śirasā ' 'vandya dharmātmā vaktumevopacakrame ।
6.19.23 ॥

rākṣasānāṁ vadhe sāhyaṁ laṅkāyāśca pradharṣaṇam ।
kariṣyāmi yathāprāṇaṁ pravekṣyāmi ca vāhinīm ।
6.19.24 ॥

iti bruvāṇaṁ rāmastu pariṣvajya vibhīṣaṇam ।
abravīllakṣṇaṇaṁ prītaḥ samudrājjalamānaya ।
6.19.25 ॥

tena cemaṁ mahāprājñamabhiṣiñca vibhīṣaṇam ।
rājānaṁ rakṣasāṁ kṣipraṁ prasanne mayi mānada ।
6.19.26 ॥

evamuktastu saumitrirabhyāṣiñcadvibhīṣaṇam ।
madhyevānaramukhyānāṁ rājānaṁ rājaśāsanāt ।
6.19.27 ॥

taṁ prasādaṁ tu rāmasya dṛṣṭvā sadyaḥ plavaṅgamāḥ ।
pracukruśurmahātmānaṁ sādhu sādhviti cābruvan ।
6.19.28 ॥

abravīcca hanūmāṁśca sugrīvaśca vibhīṣaṇam ।
6.19.29 ॥

kathaṁ sāgaramakṣobhyaṁ tarāma varuṇālayam ।
sainyaiḥ parivṛtāḥ sarve vānarāṇāṁ mahaujasām ।
6.19.30 ॥

upāyaṁ nādhigacchāmo yathā nadanadīpatim ।
tarāma tarasā sarve sasainyā varuṇālayam ।
evamuktastu dharmajñaḥ pratyuvāca vibhīṣaṇaḥ ।
6.19.31 ॥

samudraṁ rāghavo rājā śaraṇaṁ gantumarhati ।
6.19.32 ॥

rve sasainyā varuṇālayam ।
khānitaḥ sagareṇāyamaprameyo mahodadhiḥ ।
kartumarhati rāmasya jñātvā kāryaṁ mahāmatiḥ ।
6.19.33 ॥

evaṁ vibhīṣaṇenokto rākṣasena vipaścitā ।
ājagāmātha sugrīvo yatra rāmaḥ salakṣmaṇaḥ ।
6.19.34 ॥

tataścākhyātumārebhe vibhīṣaṇavacaḥ śubham ।
sugrīvo vipulagrīvaḥ sāgarasyopaveśanam ।
6.19.35 ॥

prakṛtyā dharmaśīlasya rāghavasyāpyarocata ।
6.19.36 ॥

sa lakṣmaṇaṁ mahātejāḥ sugrīvaṁ ca harīśvaram ।
satkriyārthaṁ kriyādakṣaḥ smitapūrvamuvāca ha ।
6.19.37 ॥

vibhīṣaṇasya mantro 'yaṁ mama lakṣmaṇa rocate ।
brūhi tvaṁ sahasugrīvastavāpi yadi rocate ।
6.19.38 ॥

sugrīvaḥ paṇḍito nityaṁ bhavān mantravicakṣaṇaḥ ।
ubhābhyāṁ sampradhāryārthaṁ rocate yattaducyatām ।
6.19.39 ॥

evamuktau tu tau vīrāvubhau sugrīvalakṣmaṇau ।
samudācārasaṁyuktamidaṁ vacanamūcatuḥ ।
6.19.40 ॥

kimarthaṁ nau naravyāghra na rociṣyati rāghava ।
vibhīṣaṇena yaccoktamasmin kāle sukhāvaham ।
6.19.41 ॥

abaddhvā sāgare setuṁ ghore 'smin varuṇālaye ।
laṅkā nāsādituṁ śakyā sendrairapi surāsuraiḥ ।
6.19.42 ॥

vibhīṣaṇasya śūrasya yathārthaṁ kriyatāṁ vacaḥ ।
alaṁ kālātyayaṁ kṛtvā samudro 'yaṁ niyujyatām ।
yathā sainyena gacchāmaḥ purīṁ rāvaṇapālitām ।
6.19.43 ॥

evamuktaḥ kuśāstīrṇe tīre nadanadīpateḥ ।
saṁviveśa tadā rāmo vedyāmiva hutāśanaḥ ।
6.19.44 ॥