युद्धकाण्डम्Yuddha Kāṇḍa

ayodhyāṁ tu samālokya cintayāmāsa rāghavaḥ ।
cintayitvā hanūmantamuvāca plavagottamam ।
6.128.1 ॥

jānīhi kaccit kuśalī jano nṛpatimandire ।
6.128.2 ॥

śṛṅgiberapuraṁ prāpya guhaṁ gahanagocaram ।
niṣādādhipatiṁ brūhi kuśalaṁ vacanānmama ।
6.128.3 ॥

śrutvā tu māṁ kuśalinamarogaṁ vigatajvaram ।
bhaviṣyati guhaḥ prītaḥ sa mamātmasamaḥ sakhā ।
6.128.4 ॥

ayodhyāyāśca te mārgaṁ pravṛttiṁ bharatasya ca ।
nivedayiṣyati prīto niṣādādhipatirguhaḥ ।
6.128.5 ॥

bharatastu tvayā vācyaḥ kuśalaṁ vacanānmama ।
siddhārthaṁ śaṁsa māṁ tasmai sabhāryaṁ sahalakṣmaṇam ।
6.128.6 ॥

haraṇaṁ cāpi vaidehyā rāvaṇena balīyasā ।
6.128.7 ॥

sugrīveṇa ca saṁsargaṁ vālinaśca vadhaṁ raṇe ।
maithilyanveṣaṇaṁ caiva yathā cādhigatā tvayā ।
6.128.8 ॥

laṅghayitvā mahātoyamāpagāpatimavyayam ।
upayānaṁ samudrasya sāgarasya ca darśanam ।
6.128.9 ॥

yathā ca kāritaḥ setū rāvaṇaśca yathā hataḥ ।
varadānaṁ mahendreṇa brahmaṇā varuṇena ca ।
6.128.10 ॥

mahādevaprasādācca pitrā mama samāgamam ।
upayātaṁ ca māṁ saumya bharatasya nivedaya ।
6.128.11 ॥

saha rākṣasarājena harīṇāṁ pravareṇa ca ।
6.128.12 ॥

etacchutvā yamākāraṁ bhajate bharatastadā ।
sa ca te veditavyaḥ syāt sarvaṁ yaccāpi māṁ prati ।
6.128.13 ॥

jitvā śatrugaṇān rāmaḥ prāpya cānuttamaṁ yaśaḥ ।
upayāti samṛddhārthaḥ saha mitrairmahābalaiḥ ।
6.128.14 ॥

jñeyāśca sarve vṛttāntā bharatasyeṅgitāni ca ।
tattvena mukhavarṇena dṛṣṭyā vyābhāṣaṇena ca ।
6.128.15 ॥

sarvakāmasamṛddhaṁ hi hastyaśvarathasaṅkulam ।
pitṛpaitāmahaṁ rājyaṁ kasya nāvartayenmanaḥ ।
6.128.16 ॥

saṅgatyā bharataḥ śrīmān rājyārthī cet svayaṁ bhavet ।
praśāstu vasudhāṁ kṛtsnāmakhilāṁ raghunandanaḥ ।
6.128.17 ॥

tasya buddhiṁ ca vijñāya vyavasāyaṁ ca vānara ।
yāvanna dūraṁ yātāḥ sma kṣipramāgantumarhasi ।
6.128.18 ॥

iti pratisamādiṣṭo hanumān mārutātmajaḥ ।
mānuṣaṁ dhārayan rūpamayodhyāṁ tvarito yayau ।
6.128.19 ॥

athotpapāta vegena hanumān mārutātmajaḥ ।
garutmāniva vegena jighṛkṣan bhujagottamam ।
6.128.20 ॥

laṅghayitvā pitṛpathaṁ bhujagendrālayaṁ śubham ।
gaṅgāyamunayormadhyaṁ sannipātamatītya ca ।
śṛṅgiberapuraṁ prāpya guhamāsādya vīryavān ।
6.128.21 ॥

sa vācā śubhayā hṛṣṭo hanumānidamabravīt ।
6.128.22 ।
unayormadhyaṁ sannipātamatītya ca ।
sakhā tu tava kākutstho rāmaḥ satyaparākramaḥ ।
sahasītaḥ sasaumitriḥ sa tvāṁ kuśalamabravīt ।
6.128.23 ॥

pañcamīmadya rajanīmuṣitvā vacanānmuneḥ ।
bharadvājābhyanujñātaṁ drakṣyasyadyaiva rāghavam ।
6.128.24 ॥

evamuktvā mahātejāḥ samprahṛṣṭatanūruhaḥ ।
utpapāta mahāvego vegavānavicārayan ।
6.128.25 ॥

so 'paśyadrāmatīrthaṁ ca nadīṁ vālukinīṁ tathā ।
gomatīṁ tāṁ ca so 'paśyadbhīmaṁ sālavanaṁ tathā ।
prajāśca bahusāhasrāḥ sphītān janapadānapi ।
6.128.26 ॥

sa gatvā dūramadhvānaṁ tvaritaḥ kapikuñjaraḥ ।
āsasāda drumān phullān nandigrāmasamīpagān ।
6.128.27 ॥

strībhiḥ saputrairvṛddhaiśca ramamāṇairalaṅkṛtān ।
surādhipasyopavane yathā caitrarathe drumān ।
6.128.28 ॥

krośamātre tvayodhyāyāścīrakṛṣṇājināmbaram ।
dadarśa bharataṁ dīnaṁ kṛśamāśramavāsinam ।
6.128.29 ॥

jaṭilaṁ maladigdhāṅgaṁ bhrātṛvyasanakarśitam ।
phalamūlāśinaṁ dāntaṁ tāpasaṁ dharmacāriṇam ।
6.128.30 ॥

samunnatajaṭābhāraṁ valkalājinavāsasam ।
niyataṁ bhāvitātmānaṁ brahmarṣisamatejasam ।
6.128.31 ॥

pāduke te puraskṛtya śāsantaṁ vai vasundharām ।
cāturvarṇyasya lokasya trātāraṁ sarvato bhayāt ।
6.128.32 ॥

upasthitamamātyaiśca śucibhiśca purohitaiḥ ।
balamukhyaiśca yuktaiśca kāṣāyāmbaradhāribhiḥ ।
6.128.33 ॥

na hi te rājaputraṁ taṁ cīrakṛṣṇājināmbaram ।
paribhoktuṁ vyavasyanti paurā vai dharmavatsalam ।
6.128.34 ॥

taṁ dharmamiva dharmajñaṁ dehavantamivāparam ।
uvāca prāñjalirvākyaṁ hanumān marutātmajaḥ ।
6.128.35 ॥

vasantaṁ daṇḍakāraṇye yaṁ tvaṁ cīrajaṭādharam ।
anuśocasi kākutsthaṁ sa tvāṁ kuśalamabravīt ।
6.128.36 ॥

priyamākhyāmi te deva śokaṁ tyaja sudāruṇam ।
asmin muhūrte bhrātrā tvaṁ rāmeṇa saha saṅgataḥ ।
6.128.37 ॥

nihatya rāvaṇaṁ rāmaḥ pratilabhya ca maithilīm ।
upayāti samṛddhārthaḥ saha mitrairmahābalaiḥ ।
6.128.38 ॥

lakṣmaṇaśca mahātejā vaidehī ca yaśasvinī ।
sītā samagrā rāmeṇa mahendreṇa yathā śacī ।
6.128.39 ॥

evamukto hanumatā bharato bhrātṛvatsalaḥ ।
papāta sahasā hṛṣṭo harṣānmohaṁ jagāma ha ।
6.128.40 ॥

tato muhūrtādutthāya pratyāśvasya ca rāghavaḥ ।
hanumantamuvācedaṁ bharataḥ priyavādinam ।
6.128.41 ॥

aśokajaiḥ prītimayaiḥ kapimāliṅgya sambhramāt ।
siṣeca bharataḥ śrīmān vipulairastrabindubhiḥ ।
6.128.42 ॥

devo vā mānuṣo vā tvamanukrośādihāgataḥ ।
priyākhyānasya te saumya dadāmi bruvataḥ priyam ।
6.128.43 ॥

gavāṁ śatasahasraṁ ca grāmāṇāṁ ca śataṁ param ।
sukuṇḍalāḥ śubhācārā bhāryāḥ kanyāśca ṣoḍaśa ।
6.128.44 ॥

hemavarṇāḥ sunāsorūḥ śaśisaumyānanāḥ striyaḥ ।
sarvābharaṇasampannāḥ sampannāḥ kulajātibhiḥ ।
6.128.45 ॥

niśamya rāmāgamanaṁ nṛpātmajaḥ kapipravīrasya tadadbhutopamam ।
praharṣito rāmadidṛkṣayā 'bhavat punaśca harṣādidamabravīdvacaḥ ।
6.128.46 ॥

ityārṣe śrīmadrāmāyaṇe vālmīkīye ādikāvye śrīmadyuddhakāṇḍe aṣṭāviṁśatyuttaraśatatamaḥ sargaḥ ।
128 ॥