युद्धकाण्डम्Yuddha Kāṇḍa

anujñātaṁstu rāmeṇa tadvimānamanuttamam ।
utpapāta mahāmeghaḥ śvasanenoddhato yathā ।
6.126.1 ॥

pātayitvā tataścakṣuḥ sarvato raghunandanaḥ ।
abravīnmaithilīṁ sītāṁ rāmaḥ śaśinibhānanām ।
6.126.2 ॥

kailāsaśikharākāre trikūṭaśikhare sthitām ।
laṅkāmīkṣasva vaidehi nirmitāṁ viśvakarmaṇā ।
6.126.3 ॥

etadāyodhanaṁ paśya māṁsaśoṇitakardamam ।
harīṇāṁ rākṣasānāṁ ca sīte viśasanaṁ mahat ।
6.126.4 ॥

atra dattavaraḥ śete pramāthī rākṣaseśvaraḥ ।
tava hetorviśālākṣi rāvaṇo nihato mayā ।
6.126.5 ।
kumbhakarṇo 'tra nihataḥ prahastaśca niśācaraḥ ।
dhūmrākṣaścātra nihato vānareṇa hanūmatā ।
6.126.6 ॥

vidyunmālī hataścātra suṣeṇena mahātmanā ।
6.126.7 ॥

lakṣmaṇenendrajiccātra rāvaṇirnihato raṇe ।
aṅgadenātra nihato vikaṭo nāma rākṣasaḥ ।
6.126.8 ॥

virūpākṣaśca durdharṣo mahāpārśvamahodarau ।
akampanaśca nihato balino 'nye ca rākṣasāḥ ।
6.126.9 ॥

atra maṇḍodarī nāma bhāryā taṁ paryadevayat ।
sapatnīnāṁ sahasreṇa sāsreṇa parivāritā ।
6.126.10 ॥

etattu dṛśyate tīrthaṁ samudrasya varānane ।
yatra sāgaramuttīrya tāṁ rātrimuṣitā vayam ।
6.126.11 ॥

eṣa seturmayā baddhaḥ sāgare salilārṇave ।
tava hetorviśālākṣi nalasetuḥ suduṣkaraḥ ।
6.126.12 ॥

paśya sāgaramakṣobhyaṁ vaidehi varuṇālayam ।
apāramabhigarjantaṁ śaṅkhaśuktiniṣevitam ।
6.126.13 ॥

hiraṇyanābhaṁ śailendraṁ kāñcanaṁ paśya maithili ।
viśramārthaṁ hanumato bhittvā sāgaramutthitam ।
6.126.14 ॥

etat kukṣau samudrasya skandhāvāraniveśanam ।
6.126.15 ॥

etattu dṛśyate tīrthaṁ sāgarasya mahātmanaḥ ।
setubandha iti khyātaṁ trailokyenābhipūjitam ।
etat pavitraṁ paramaṁ mahāpātakanāśanam ।
6.126.16 ॥

atra pūrvaṁ mahādevaḥ prasādamakarot prabhuḥ ।
6.126.17 ।
i khyātaṁ trailokyenābhipūjitam ।
atra rākṣasarājo 'yamājagāma vibhīṣaṇaḥ ।
6.126.18 ।
17 ।
i khyātaṁ trailokyenābhipūjitam ।
eṣā sā dṛśyate sīte kiṣkindhā citrakānanā ।
sugrīvasya purī ramyā yatra vālī mayā hataḥ ।
6.126.19 ॥

atha dṛṣṭvā purīṁ sītā kiṣkindhāṁ vālipālitām ।
abravīt praśritaṁ vākyaṁ rāmaṁ praṇayasādhvasā ।
6.126.20 ॥

sugrīvapriyabhāryābhistārāpramukhato nṛpa ।
anyeṣāṁ vānarendrāṇāṁ strībhiḥ parivṛtā hyaham ।
gantumicche sahāyodhyāṁ rājadhānīṁ tvayā 'nagha ।
6.126.21 ॥

evamukto 'tha vaidehyā rāghavaḥ pratyuvāca tām ।
evamastviti kiṣkindhāṁ prāpya saṁsthāpya rāghavaḥ ।
vimānaṁ prekṣya sugrīvaṁ vākyametaduvāca ha ।
6.126.22 ॥

brūhi vānaraśārdūla sarvān vānarapuṅgavān ।
svadārasahitāḥ sarve hyayodhyāṁ yāntu sītayā ।
6.126.23 ॥

tathā tvamapi sarvābhiḥ strībhiḥ saha mahābala ।
abhitvarasva sugrīva gacchāmaḥ plavageśvara ।
6.126.24 ॥

evamuktastu sugrīvo rāmeṇāmitatejasā ।
vānarādhipatiḥ śrīmāṁstaiśca sarvaiḥ samāvṛtaḥ ।
6.126.25 ॥

praviśyāntaḥpuraṁ śīghraṁ tārāmudvīkṣya bhāṣata ।
6.126.26 ॥

priye tvaṁ saha nārībhirvānarāṇāṁ mahātmanām ।
rāghaveṇābhyanujñātā maithilīpriyakāmyayā ।
6.126.27 ॥

tvara tvamabhigacchāmo gṛhya vānarayoṣitaḥ ।
ayodhyāṁ darśayiṣyāmaḥ sarvā daśarathastriyaḥ ।
6.126.28 ॥

sugrīvasya vacaḥ śrutvā tārā sarvāṅgaśobhanā ।
āhūya cābravīt sarvā vānarāṇāṁ tu yoṣitaḥ ।
6.126.29 ॥

sugrīveṇābhyanujñātā gantuṁ sarvaiśca vānaraiḥ ॥

mama cāpi priyaṁ kāryamayodhyādarśanena ca ।
6.126.30 ॥

praveśaṁ cāpi rāmasya paurajānapadaiḥ saha ।
vibhūtiṁ caiva sarvāsāṁ strīṇāṁ daśarathasya ca ।
6.126.31 ॥

tārayā cābhyanujñātāḥ sarvā vānarayoṣitaḥ ।
nepathyaṁ vidhipūrveṇa kṛtvā cāpi pradakṣiṇam ।
adhyārohan vimānaṁ tat sītādarśanakāṅkṣayā ।
6.126.32 ॥

tābhiḥ sahotthitaṁ śīghraṁ vimānaṁ prekṣya rāghavaḥ ।
ṛśyamūkasamīpe tu vaidehīṁ punarabravīt ।
6.126.33 ॥

dṛśyate 'sau mahān sīte savidyudiva toyadaḥ ।
ṛśyamūko giriśreṣṭhaḥ kāñcanairdhātubhirvṛtaḥ ।
6.126.34 ॥

atrāhaṁ vānarendreṇa sugrīveṇa samāgataḥ ।
samayaśca kṛtaḥ sīte vadhārthaṁ vālino mayā ।
6.126.35 ॥

eṣā sā dṛśyate pampā nalinī citrakānanā ।
tvayā vihīno yatrāhaṁ vilalāpa suduḥkhitaḥ ।
asyāstīre mayā dṛṣṭā śabarī dharmacāriṇī ।
6.126.36 ॥

atra yojanabāhuśca kabandho nihato mayā ।
6.126.37 ।
vihīno yatrāhaṁ vilalāpa suduḥkhitaḥ ।
dṛśyate ca janasthāne sīte śrīmān vanaspatiḥ ।
yatra yuddhaṁ mahadvṛttaṁ tava hetorvilāsini ।
rāvaṇasya nṛśaṁsasya jaṭāyośca mahātmanaḥ ।
6.126.38 ॥

kharaśca nihato yatra dūṣaṇaśca nipātitaḥ ।
triśirāśca mahāvīryo mayā bāṇairajihmagaiḥ ।
etattadāśramapadamasmākaṁ varavarṇini ।
6.126.39 ॥

parṇaśālā tathā citrā dṛśyate śubhadarśanā ।
yatra tvaṁ rākṣasendreṇa rāvaṇena hṛtā balāt ।
6.126.40 ॥

eṣā godāvarī ramyā prasannasalilā śivā ।
agastyasyāśramo hyeṣa dṛśyate paśya maithili ।
6.126.41 ॥

dīptaścaivāśramo hyeṣa sutīkṣṇasya mahātmanaḥ ।
6.126.42 ॥

vaidehi dṛśyate cātra śarabhaṅgāśramo mahān ।
upayātaḥ sahasrākṣo yatra śakraḥ purandaraḥ ।
6.126.43 ॥

asmin deśe mahākāyo virādho nihato mayā ।
6.126.44 ॥

ete hi tāpasāvāsā dṛśyante tanumadhyame ।
atriḥ kulapatiryatra sūryavaiśvānaprabhaḥ ।
atra sīte tvayā dṛṣṭā tāpasī dharmacāriṇī ।
6.126.45 ॥

asau sutanu śailendraścitrakūṭaḥ prakāśate ।
yatra māṁ kekayīputraḥ prasādayitumāgataḥ ।
6.126.46 ॥

eṣā sā yamunā dūrāddṛśyate citrakānanā ।
6.126.47 ॥

bharadvājāśramo yatra śrīmāneṣa prakāśate ।
6.126.48 ॥

eṣā tripathagā gaṅgā dṛśyate varavarṇini ।
nānādvijagaṇākīrṇā samprayuṣpitakānanā ।
6.126.49 ॥

śṛṅgiverapuraṁ caitad guho yatra samāgataḥ ।
6.126.50 ॥

eṣā sā dṛśyate sīte sarayūryūpamālinī ।
nānātaruśatākīrṇā samprapuṣpitakānanā ।
6.126.51 ॥

eṣā sā dṛśyate 'yodhyā rājadhānī piturmam ।
ayodhyāṁ kuru vaidehi praṇāmaṁ punarāgatā ।
6.126.52 ॥

tataste vānarāḥ sarve rākṣasaśca vibhīṣaṇaḥ ।
utpatyotpatya dadṛśustāṁ purīṁ śubhadarśanām ।
6.126.53 ॥

tatastu tāṁ pāmḍuraharmyamālinīṁ viśālakakṣyāṁ gajavājisaṅkulām ।
purīmayodhyāṁ dadṛśuḥ plavaṅgamāḥ purīṁ mahendrasya yathā 'marāvatīm ।
6.126.54 ॥

ityārṣe śrīmadrāmāyaṇe vālmīkīye ādikāvye śrīmadyuddhakāṇḍe ṣaḍviṁśatyuttaraśatatamaḥ sargaḥ ।
126 ॥