युद्धकाण्डम्Yuddha Kāṇḍa

tāṁ rātrimuṣitaṁ rāmaṁ sukhotthitamarindamam ।
abravīt prāñjalirvākyaṁ jayaṁ pṛṣṭvā vibhīṣaṇaḥ ।
6.124.1 ॥

snānāni cāṅgarāgāṇi vastrāṇyābharaṇāni ca ।
candanāni ca divyāni mālyāni vividhāni ca ।
6.124.2 ॥

alaṅkāravidaścemā nāryaḥ padmanibhekṣaṇāḥ ।
upasthitāstvāṁ vidhivat snāpayiṣyanti rāghava ।
pratigṛhṇīṣva tat sarvaṁ madanugrahakāmyayā ।
6.124.3 ॥

evamuktastu kākutsthaḥ pratyuvāca vibhīṣamam ।
6.124.4 ।
āṁ vidhivat snāpayiṣyanti rāghava ।
harīn sugrīvamukhyāṁstvaṁ snānenābhinimantraya ।
6.124.5 ।
idhivat snāpayiṣyanti rāghava ।
sa tu tāmyati dharmātmā mama hetoḥ sukhocitaḥ ।
sukumāro mahābāhuḥ kumāraḥ satyasaṁśravaḥ ।
6.124.6 ॥

taṁ vinā kekayīputraṁ bharataṁ dharmacāriṇam ।
na me snānaṁ bahumataṁ vastrāṇyābharaṇāni ca ।
6.124.7 ॥

ita eva pathā kṣipraṁ pratigacchāmi tāṁ purīm ।
ayodhyāmāgato hyeṣa panthāḥ paramadurgamaḥ ।
6.124.8 ॥

evamuktastu kākutsthaṁ pratyuvāca vibhīṣaṇaḥ ।
6.124.9 ॥

ahnā tvāṁ prāpayiṣyāmi tāṁ purīṁ pārthivātmaja ।
puṣpakaṁ nāma bhadraṁ te vimānaṁ sūryasannibham ।
6.124.10 ॥

mama bhrātuḥ kuberasya rāvaṇenāhṛtaṁ balāt ।
hṛtaṁ nirjitya saṅgrāme kāmagaṁ divyamuttamam ।
6.124.11 ॥

tvadarthe pālitaṁ caitattiṣṭhatyatulavikrama ।
tadidaṁ meghasaṅkāśaṁ vimānamiha tiṣṭhati ।
6.124.12 ॥

tena yāsyasi yānena tvamayodhyāṁ gatajvaraḥ ।
6.124.13 ॥

ahaṁ te yadyanugrāhyo yadi smarasi me guṇān ।
6.124.14 ॥

vasa tāvadiha prājña yadyasti mayi sauhṛdabh ।
lakṣmaṇena saha bhrātrā vaidehyā cāpi bhāryayā ।
6.124.15 ॥

arcitaḥ sarvakāmaistvaṁ tato rāma gamiṣyasi ।
prītiyuktasya me rāma sasainyaḥ sasuhṛdgaṇaḥ ।
6.124.16 ॥

satkriyāṁ vihitāṁ tāvadgṛhāṇa tvaṁ mayodyatām ।
praṇayādvahumānācca sauhṛdena ca rāghava ।
prasādayāmi preṣyo 'haṁ na khalvājñāpayāmi te ।
6.124.17 ॥

evamuktastato rāmaḥ pratyuvāca vibhiṣaṇam ।
rakṣasāṁ vānarāṇāṁ ca sarveṣāṁ copaśṛṇvatām ।
6.124.18 ॥

pūjito 'haṁ tvayā saumya sācivyena parantapa ।
sarvātmanā ca ceṣṭābhiḥ sauhṛdenottamena ca ।
6.124.19 ॥

na khalvetanna kuryāṁ te vacanaṁ rākṣaseśvara ।
taṁ tu me bhrātaraṁ draṣṭuṁ bharataṁ tvarate manaḥ ।
māṁ nivartayituṁ yo 'sau citrakūṭamupāgataḥ ।
6.124.20 ॥

śirasā yācato yasya vacanaṁ na kṛtaṁ mayā ।
6.124.21 ।
tu me bhrātaraṁ draṣṭuṁ bharataṁ tvarate manaḥ ।
kausalyāṁ ca sumitrāṁ ca kaikeyīṁ ca yaśasvinīm ।
gurūṁśca suhṛdaścaiva paurāṁśca tanayaiḥ saha ।
6.124.22 ॥

upasthāpaya me kṣipraṁ vimānaṁ rākṣaseśvara ।
kṛtakāryasya me vāsaḥ kathaṁ syādiha sammataḥ ।
6.124.23 ॥

anujānīhi māṁ saumya pūjito 'smi vibhīṣaṇa ।
manyurna khalu kartavyastvaritaṁ tvā 'numānaye ।
6.124.24 ॥

rāghavasya vacaḥ śrutvā rākṣasendro vibhīṣaṇaḥ ।
taṁ vimānaṁ samādāya tūrṇaṁ pratinivartata ।
6.124.25 ॥

tataḥ kāñcanacitrāṅgaṁ vaiḍūryamayavedikam ।
kūṭāgāraiḥ parikṣiptaṁ sarvato rajataprabham ।
6.124.26 ॥

pāṇḍurābhiḥ patākābhirdhvajaiśca samalaṅkṛtam ।
śobhitaṁ kāñcanairharmyairhemapadmavibhūṣitam ।
6.124.27 ॥

prakīrṇaṁ kiṅkiṇījālairmuktāmaṇigavākṣitam ।
ghaṇṭājālaiḥ parikṣiptaṁ sarvato madhurasvanam ।
6.124.28 ॥

yanmeruśikharākāraṁ nirmitaṁ viśvakarmaṇā ।
bahubhirbhūṣitaṁ harmyairmuktārajatasannibhaiḥ ।
6.124.29 ॥

talaiḥ sphāṭikacitrāṅgairvaiḍūryaiśca varāsanaiḥ ।
mahārhāstaraṇo petairupapannaṁ mahādhanaiḥ ।
6.124.30 ।
upasthitamanādhṛṣyaṁ tadvimānaṁ manojavam ।
nivedayitvā rāmāya tasthau tatra vibhīṣaṇaḥ ।
6.124.31 ॥

ityārṣe śrīmadrāmāyaṇe vālmīkīye ādikāvye śrīmadyuddhakāṇḍe caturviṁśatyuttaraśatatamaḥ sargaḥ ।
124 ॥