sa tu mohāt susaṅkruddhaḥ kṛtāntabalacoditaḥ ।
krodhasaṁraktanayano rāvaṇaḥ sūtamabravīt ।
6.106.1 ॥
हिन्दी अनुवाद शीघ्र जुड़ेगा।
English translation coming soon.
hīnavīryamivāśaktaṁ pauruṣeṇa vivarjitam ।
bhīruṁ laghumivāsattvaṁ vihīnamiva tejasā ।
6.106.2 ॥
हिन्दी अनुवाद शीघ्र जुड़ेगा।
English translation coming soon.
vimuktamiva māyābhirastrairiva bahiṣkṛtam ।
māmavajñāya durbuddhe svayā buddhyā viceṣṭase ।
6.106.3 ॥
हिन्दी अनुवाद शीघ्र जुड़ेगा।
English translation coming soon.
kimarthaṁ māmavajñāya macchandamanavekṣya ca ।
tvayā śatroḥ samakṣaṁ me ratho 'yamapavāhitaḥ ।
6.106.4 ॥
हिन्दी अनुवाद शीघ्र जुड़ेगा।
English translation coming soon.
tvayā 'dya hi mamānārya cirakālasamārjitam ।
yaśo vīryaṁ ca tejaśca pratyayaśca vināśitaḥ ।
6.106.5 ॥
हिन्दी अनुवाद शीघ्र जुड़ेगा।
English translation coming soon.
śatroḥ prakhyātavīryasya rañjanīyasya vikramaiḥ ।
paśyato yuddhalubdho 'haṁ kṛtaḥ kāpuruṣastvayā ।
6.106.6 ॥
हिन्दी अनुवाद शीघ्र जुड़ेगा।
English translation coming soon.
yastvaṁ rathamimaṁ mohāt na codvahasi durmate ।
satyo 'yaṁ pratitarko me pareṇa tvamupaskṛtaḥ ।
6.106.7 ॥
हिन्दी अनुवाद शीघ्र जुड़ेगा।
English translation coming soon.
na hi tadvidyate karma suhṛdo hitakāṅkṣiṇaḥ ।
ripūṇāṁ sadṛśaṁ caitanna tvayaitat svanuṣṭhitam ।
6.106.8 ॥
हिन्दी अनुवाद शीघ्र जुड़ेगा।
English translation coming soon.
nivartaya rathaṁ śīghraṁ yāvannopaiti me ripuḥ ।
yadi vā 'dhyuṣito vā 'si smaryante yadi vā guṇāḥ ।
6.106.9 ॥
हिन्दी अनुवाद शीघ्र जुड़ेगा।
English translation coming soon.
evaṁ paruṣamuktastu hitabuddhirabuddhinā ।
abravīdrāvaṇaṁ sūto hitaṁ sānunayaṁ vacaḥ ।
6.106.10 ॥
हिन्दी अनुवाद शीघ्र जुड़ेगा।
English translation coming soon.
na bhīto 'smi na mūḍho 'smi nopajapto 'smi śatrubhiḥ ।
na pramatto na nisneho vismṛtā na ca satkriyā ।
6.106.11 ॥
हिन्दी अनुवाद शीघ्र जुड़ेगा।
English translation coming soon.
mayā tu hitakāmena yaśaśca parirakṣatā ।
snehapraskannamanasā priyamityapriyaṁ kṛtam ।
6.106.12 ॥
हिन्दी अनुवाद शीघ्र जुड़ेगा।
English translation coming soon.
nāsminnarthe mahārāja tvaṁ māṁ priyahite ratam ।
kaścillaghurivānāryo doṣato gantumarhasi ।
6.106.13 ॥
हिन्दी अनुवाद शीघ्र जुड़ेगा।
English translation coming soon.
śrūyatāṁ tvabhidhāsyāmi yannimittaṁ mayā rathaḥ ।
nadīvega ivābhoge saṁyuge vinivartitaḥ ।
6.106.14 ॥
हिन्दी अनुवाद शीघ्र जुड़ेगा।
English translation coming soon.
kṣamaṁ tavāvagacchāmi mahatā raṇakarmaṇā ।
na hi te vīra saumukhyaṁ praharṣaṁ vopadhāraye ।
6.106.15 ॥
हिन्दी अनुवाद शीघ्र जुड़ेगा।
English translation coming soon.
rathodvahanakhinnāśca ta ime rathavājinaḥ ।
dīnā dharmapariśrāntā gāvo varṣahatā iva ।
6.106.16 ॥
हिन्दी अनुवाद शीघ्र जुड़ेगा।
English translation coming soon.
nimittāni ca bhūyiṣṭhaṁ yāni prādurbhavanti naḥ ।
teṣu teṣvabhipanneṣu lakṣayāmyapradakṣiṇam ।
6.106.17 ॥
हिन्दी अनुवाद शीघ्र जुड़ेगा।
English translation coming soon.
deśakālau ca vijñeyau lakṣaṇānīṅgītāni ca ।
dainyaṁ khedaśca harṣaśca rathinaśca balābalam ।
6.106.18 ॥
हिन्दी अनुवाद शीघ्र जुड़ेगा।
English translation coming soon.
sthalanimnāni bhūmeśca samāni viṣamāṇi ca ।
yuddhakālaśca vijñeyaḥ parasyāntaradarśanam ।
6.106.19 ॥
हिन्दी अनुवाद शीघ्र जुड़ेगा।
English translation coming soon.
upayānāpayāne ca sthānaṁ pratyapasarpaṇam ।
sarvametadrathasthena jñeyaṁ rathakuṭumbinā ।
6.106.20 ॥
हिन्दी अनुवाद शीघ्र जुड़ेगा।
English translation coming soon.
tava viśramahetośca tathaiṣāṁ rathavājinām ।
raudraṁ varjayatā khedaṁ kṣamaṁ kṛtamidaṁ mayā ।
6.106.21 ॥
हिन्दी अनुवाद शीघ्र जुड़ेगा।
English translation coming soon.
na mayā svecchayā vīra ratho 'yamapavāhitaḥ ।
6.106.22 ॥
हिन्दी अनुवाद शीघ्र जुड़ेगा।
English translation coming soon.
bhartṛsnehaparītena mayedaṁ yatkṛtaṁ vibho ।
6.106.23 ॥
हिन्दी अनुवाद शीघ्र जुड़ेगा।
English translation coming soon.
ājñāpaya yathātattvaṁ vakṣyasyariniṣūdana ।
tatkariṣyāmyahaṁ vīra gatānṛṇyena cetasā ।
6.106.24 ॥
हिन्दी अनुवाद शीघ्र जुड़ेगा।
English translation coming soon.
santuṣṭastena vākyena rāvaṇastasya sāratheḥ ।
praśasyainaṁ bahuvidhaṁ yuddhalubdho 'bravīdidam ।
6.106.25 ॥
हिन्दी अनुवाद शीघ्र जुड़ेगा।
English translation coming soon.
rathaṁ śīghramimaṁ sūta rāghavābhimukhaṁ kuru ।
nāhatvā samare śatrūn nivartiṣyati rāvaṇaḥ ।
6.106.26 ॥
हिन्दी अनुवाद शीघ्र जुड़ेगा।
English translation coming soon.
evamuktvā tatastuṣṭo rāvaṇo rākṣaseśvaraḥ ।
dadau tasmai śubhaṁ hyekaṁ hastābharaṇamuttamam ।
6.106.27 ॥
हिन्दी अनुवाद शीघ्र जुड़ेगा।
English translation coming soon.
śrutvā rāvaṇavākyaṁ tu sārathiḥ sannyavartata ।
6.106.28 ॥
हिन्दी अनुवाद शीघ्र जुड़ेगा।
English translation coming soon.
tato drutaṁ rāvaṇavākyacoditaḥ pracodayāmāsa hayān sa sārathiḥ ।
sa rākṣasendrasya tato mahārathaḥ kṣaṇena rāmasya raṇāgrato 'bhavat ।
6.106.29 ॥
हिन्दी अनुवाद शीघ्र जुड़ेगा।
English translation coming soon.
ityārṣe śrīmadrāmāyaṇe vālmīkīye ādikāvye śrīmadyuddhakāṇḍe ṣaḍuttaraśatatamaḥ sargaḥ ।
106 ॥
हिन्दी अनुवाद शीघ्र जुड़ेगा।
English translation coming soon.