युद्धकाण्डम्Yuddha Kāṇḍa

śaktyā vinihataṁ dṛṣṭvā rāvaṇena balīyasā ।
lakṣmaṇaṁ samare śūraṁ rudhiraughapariplutam ।
6.102.1 ॥

sa dattvā tumulaṁ yuddhaṁ rāvaṇasya durātmanaḥ ।
visṛjanneva bāṇaughān suṣeṇaṁ vākyamabravīt ।
6.102.2 ॥

eṣa rāvaṇavīryeṇa lakṣmaṇaḥ patitaḥ kṣitau ।
sarpavadveṣṭate vīro mama śokamudīrayan ।
6.102.3 ॥

śoṇitārdramimaṁ vīraṁ prāṇairiṣṭatamaṁ mama ।
paśyato mama kā śaktiryoddhuṁ paryākulātmanaḥ ।
6.102.4 ॥

ayaṁ sa samaraślāghī bhrātā me śubhalakṣaṇaḥ ।
yadi pañcatvamāpannaḥ prāṇairme kiṁ sukhena ca ।
6.102.5 ॥

lajjatīva hi me vīryaṁ bhraśyatīva karāddhanuḥ ।
sāyakā vyavasīdanti dṛṣṭirbāṣpavaśaṁ gatā ।
avasīdanti gātrāṇi svapnayāne nṛṇāmiva ।
6.102.6 ॥

cintā me vardhate tīvrā mumūrṣā copajāyate ।
6.102.7 ।
sīdanti dṛṣṭirbāṣpavaśaṁ gatā ।
bhrātaraṁ nihataṁ dṛṣṭvā rāvaṇena durātmanā ।
6.102.8 ।
sīdanti dṛṣṭirbāṣpavaśaṁ gatā ।
viniṣṭanantaṁ duḥkhārthaṁ marmaṇyabhihataṁ bhṛśam ।
rāghavo bhrātaraṁ dṛṣṭvā priyaṁ prāṇaṁ bahiścaram ।
duḥkhena mahatā ' 'viṣṭo dhyānaśokaparāyaṇaḥ ।
6.102.9 ॥

paraṁ viṣādamāpanno vilalāpākulendriyaḥ ।
6.102.10 ॥

na hi yuddhena me kāryaṁ naiva prāṇairna sītayā ।
bhrātaraṁ nihataṁ dṛṣṭvā lakṣmaṇaṁ raṇapāṁsuṣu ।
6.102.11 ॥

kiṁ me rājyena kiṁ prāṇairyuddhe kāryaṁ na vidyate ।
yatrāyaṁ nihataḥ śete raṇamūrdhani lakṣmaṇaḥ ।
6.102.12 ॥

deśe deśe kalatrāṇi deśe deśe ca bāndhavāḥ ।
taṁ tu deśaṁ na paśyāmi yatra bhrātā sahodaraḥ ।
6.102.13 ॥

ityavaṁ vilapantaṁ taṁ śokavihvalitendriyam ।
viveṣṭamānaṁ karuṇamucchvasantaṁ punaḥpunaḥ ।
rāmamāśvāsayan vīraḥ suṣeṇo vākyamabravīt ।
6.102.14 ॥

na mṛto 'yaṁ mahābāho lakṣmaṇo lakṣmivardhanaḥ ।
na cāsya vikṛtaṁ vaktraṁ nāpi śyāvaṁ na niṣprabham ।
6.102.15 ॥

suprabhaṁ ca prasannaṁ ca mukhamasyābhilakṣyate ।
padmaraktatalau hastau suprasanne ca locane ।
6.102.16 ॥

evaṁ na vidyate rūpaṁ gatāsūnāṁ viśāmpate ।
dīrghāyuṣastu ye martyāsteṣāṁ tu mukhamīddaśam ।
6.102.17 ॥

nāyaṁ pretatvamāpanno lakṣmaṇo lakṣmivardhanaḥ ।
mā viṣādaṁ kṛthā vīra saprāṇo 'yamarindamaḥ ।
6.102.18 ॥

ākhyāsyate prasuptasya srastagātrasya bhūtale ।
socchvāsaṁ hṛdayaṁ vīra kampamānaṁ muhurmuhuḥ ।
6.102.19 ॥

evamuktvā tu vākyajñaḥ suṣeṇo rāghavaṁ vacaḥ ।
hanumantamuvācedaṁ hanumantamabhitvaran ।
6.102.20 ॥

saumya śīghramito gatvā śailamoṣadhiparvatam ।
pūrvaṁ te kathito yo 'sau vīra jāmbavatā śubhaḥ ।
6.102.21 ॥

dakṣiṇe śikhare tasya jātamoṣadhimānaya ।
viśalyakaraṇīṁ nāma viśalyakaraṇīṁ śubhām ।
6.102.22 ॥

savarṇakaraṇīṁ cāpi tathā sañjīvanīmapi ।
sandhānakaraṇīṁ cāpi gatvā śīghramihānaya ।
6.102.23 ॥

sañjīvanārthaṁ vīrasya lakṣmaṇasya mahātmanaḥ ।
ityevamukto hanumān gatvā cauṣadhiparvatam ।
cintāmabhyagamacchrīmānajānaṁstāṁ mahauṣadhim ।
6.102.24 ॥

asmin hi śikhare jātāmoṣadhīṁ tāṁ sukhāvahām ।
pratarkeṇāvagacchāmi suṣeṇo 'pyevamabravīt ।
6.102.26 ॥

agṛhya yadi gacchāmi viśalyakaraṇīmaham ।
kālātyayena doṣaḥ syādvaiklavyaṁ ca mahadbhavet ।
6.102.27 ॥

iti sañcintya hanumān gatvā kṣipraṁ mahābalaḥ ।
āsādya parvataśreṣṭhaṁ triḥ prakampya gireḥ śiraḥ ।
6.102.28 ॥

phullanānātarugaṇaṁ samutpāṭya mahābalaḥ ।
gṛhītvā hariśārdūlo hastābhyāṁ samatolayat ।
6.102.29 ॥

sa nīlamiva jīmūtaṁ toyapūrṇaṁ nabhasthalāt ।
āpapāta gṛhītvā tu hanumān śikharaṁ gireḥ ।
6.102.30 ॥

samāgamya mahāvegaḥ sannyasya śikharaṁ gireḥ ।
viśramya kiñciddhanumān suṣeṇamidamabravīt ।
6.102.31 ॥

oṣadhiṁ nāvagacchāmi tāmahaṁ haripuṅgava ।
tadidaṁ śikharaṁ kṛtsnaṁ girestasyāhṛtaṁ mayā ।
6.102.32 ॥

evaṁ kathayamānaṁ taṁ praśasya pavanātmajam ।
suṣeṇo vānaraśreṣṭho jagrāhotpāṭya cauṣadhīm ।
6.102.33 ॥

vismitāstu babhūvuste raṇe vānararākṣasāḥ ।
dṛṣṭvā hanumataḥ karma surairapi suduṣkaram ।
6.102.34 ॥

tataḥ saṅkṣodayitvā tāmoṣadhīṁ vānarottamaḥ ।
lakṣmaṇasya dadau nastaḥ suṣeṇaḥ sumahādyuteḥ ।
6.102.35 ॥

saśalyastāṁ samāghrāya lakṣmaṇaḥ paravīrahā ।
viśalyo virujaḥ śīghramudatiṣṭhanmahītalāt ।
6.102.36 ॥

tamutthitaṁ te harayo bhūtalāt prekṣya lakṣmaṇam ।
sādhu sādhviti suprītāḥ suṣeṇaṁ pratyapūjayan ।
6.102.37 ॥

ehyehītyabravīdrāmo lakṣmaṇaṁ paravīrahā ।
sasvaje snehagāḍhaṁ ca bāṣpapāryākulekṣaṇaḥ ।
6.102.38 ॥

abravīcca pariṣvajya saumitriṁ rāghavastadā ।
diṣṭyā tvāṁ vīra paśyāmi maraṇāt punarāgatam ।
6.102.39 ॥

na hi me jīvitenārthaḥ sītayā cāpi lakṣmaṇa ।
ko hi me vijayenārthastvayi pañcatvamāgate ।
6.102.40 ॥

ityevaṁ vadatastasya rāghavasya mahātmanaḥ ।
khinnaḥ śithilayā vācā lakṣmaṇo vākyamabravīt ।
6.102.41 ॥

tāṁ pratijñāṁ pratijñāya purā satyaparākrama ।
laghuḥ kaścidivāsattvo naivaṁ vaktumihārhasi ।
6.102.42 ॥

na hi pratijñāṁ kurvanti vitathāṁ sādhavo 'nagha ।
lakṣaṇaṁ hi mahattvasya pratijñāparipālanam ।
6.102.43 ॥

nairāśyamupagantuṁ te tadalaṁ matkṛte 'nagha ।
vadhena rāvaṇasyādya pratijñāmanupālaya ।
6.102.44 ॥

na jīvan yāsyate śatrustava bāṇapathaṁ gataḥ ।
nardatastīkṣṇadaṁṣṭrasya siṁhasyeva mahāgajaḥ ।
6.102.45 ॥

ahaṁ tu vadhamicchāmi śīghramasya durātmanaḥ ।
yāvadastaṁ na yātyeṣa kṛtakarmā divākaraḥ ।
6.102.46 ॥

yadi vadhamicchasi rāvaṇasya saṅkhye yadi ca kṛtāṁ tvamihecchasi pratijñām ।
yadi tava rājavarātmajābhilāṣaḥ kuru ca vaco mama śīghramadyavīra ।
6.102.47 ॥