सुन्दरकाण्डम्Sundara Kāṇḍa

evamuktastu hanumān rāghaveṇa mahātmanā ।
sītāyā bhāṣitaṁ sarvaṁ nyavedayata rāghave ।
5.67.1 ॥

idamuktavatī devī jānakī puruṣarṣabha ।
pūrvavṛttamabhijñānaṁ citrakūṭe yathātatham ।
5.67.2 ॥

sukhasuptā tvayā sārdhaṁ jānakī pūrvamutthitā ।
vāyasaḥ sahasotpatya virarāda stanāntare ।
5.67.3 ॥

paryāyeṇa ca suptastvaṁ devyaṅke bharatāgraja ।
punaśca kila pakṣī sa devyā janayati vyathām ।
5.67.4 ॥

punaḥ punarupāgamya virarāda bhṛśaṁ kila ।
tatastvaṁ bodhitastasyāḥ śoṇitena samukṣitaḥ ।
5.67.5 ॥

vāyasena ca tenaiva satataṁ bādhyamānayā ।
bodhitaḥ kila devyā tvaṁ sukhasuptaḥ parantapa ।
5.67.6 ॥

tāṁ tu dṛṣṭvā mahābāho dāritāṁ ca stanāntare ।
āśīviṣa iva kruddho niḥśvasannabhyabhāṣathāḥ ।
5.67.7 ॥

nakhāgraiḥ kena te bhīru dāritaṁ tu stanāntaram ।
kaḥ krīḍati saroṣeṇa pañcavaktreṇa bhoginā ।
5.67.8 ॥

nirīkṣamāṇaḥ sahasā vāyasaṁ samavaikṣathāḥ ।
nakhaiḥ sarudhiraistīkṣṇaistāmevābhimukhaṁ sthitam ।
5.67.9 ॥

sutaḥ kila sa śakrasya vāyasaḥ patatāṁ varaḥ ।
dharāntaracaraḥ śīghraṁ pavanasya gatau samaḥ ।
5.67.10 ॥

tatastasmin mahābāho kopasaṁvartitekṣaṇaḥ ।
vāyase tvaṁ kṛthāḥ krūrāṁ matiṁ matimatāṁ vara ।
5.67.11 ॥

sa darbhaṁ saṁstarād gṛhya brahmāstreṇa hyayojayaḥ ।
sa dīpta iva kālāgnirjajvālābhimukhaḥ khagam ।
5.67.12 ॥

kṣiptavāṁstvaṁ pradīptaṁ hi darbhaṁ taṁ vāyasaṁ prati ।
tatastu vāyasaṁ dīptaḥ sa darbho 'nujagāma ha ।
5.67.13 ॥

sa pitrā ca parityaktaḥ suraiśca samaharṣibhiḥ ।
trillokān saṁparikramya trātāraṁ nādhigacchati ।
5.67.14 ॥

punarevāgatastrastastvakāśamarindama ।
sa taṁ nipatitaṁ bhūmau śaraṇyaḥ śaraṇāgatam ।
5.67.15 ॥

vadhārhamapi kākutstha kṛpayā paryapālayaḥ ।
5.67.16 ॥

moghamastraṁ na śakyaṁ tu kartumityeva rāghava ।
bhavāṁstasyākṣi kākasya hinasti sma sa dakṣiṇam ।
5.67.17 ॥

rāma tvāṁ sa namaskṛtya rājñe daśarathāya ca ।
visṛṣṭastu tadā kākaḥ pratipede svamālayam ।
5.67.18 ॥

evamastravidāṁ śreṣṭhaḥ sattvavāñchīlavānapi ।
kimarthamastraṁ rakṣassu na yojayati rāghavaḥ ।
5.67.19 ॥

na nāgā nāpi gandharvā nāsurā na marudgaṇāḥ ।
na ca sarve raṇe śaktā rāmaṁ pratisamāsitum ।
5.67.20 ॥

tasya vīryavataḥ kaścidyadyasti mayi sambhramaḥ ।
kṣipraṁ suniśitairbāṇairhanyatāṁ yudhi rāvaṇaḥ ।
5.67.21 ॥

bhrāturādeśamājñāya lakṣmaṇo vā parantapaḥ ।
sa kimarthaṁ naravaro na māṁ rakṣati rāghavaḥ ।
5.67.22 ॥

śaktau tau puruṣavyāghrau vāyvagnisamatejasau ।
surāṇāmapi durdharṣau kimarthaṁ māmupekṣataḥ ।
5.67.23 ॥

mamaiva duṣkṛtaṁ kiṁcinmahadasti na saṁśayaḥ ।
samartho sahitau yanmāṁ nāvekṣete parantapau ।
5.67.24 ॥

vaidehyā vacanaṁ śrutvā karuṇaṁ sāśrubhāṣitam ।
punarapyahamāryāṁ tāmidaṁ vacanamabruvam ।
5.67.25 ॥

tvacchokavimukho rāmo devi satyena te śape ।
rāme duḥkhābhibhūte tu lakṣmaṇaḥ paritapyate ।
5.67.26 ॥

kathaṁcidbhavatī dṛṣṭā na kālaḥ pariśocitum ।
ima muhūrtaṁ duḥkhānāmantaṁ drakṣyasi bhāmini ।
5.67.27 ॥

tāvubhau naraśārdūlau rājaputrāvaninditau ।
tvaddarśanakṛtotsāhau laṅkāṁ bhasmīkariṣyataḥ ।
5.67.28 ॥

hatvā ca samare raudra rāvaṇa sahabāndhavam ।
rāghavastvāṁ varārohe svāṁ purīṁ nayate dhruvam ।
5.67.29 ॥

yattu rāmo vijānīyādabhijñānamanindite ।
prītisañjananaṁ tasya pradātuṁ tvamihārhasi ।
5.67.30 ॥

sā 'bhivīkṣya diśaḥ sarvā veṇyudgrathanamuttamam ।
muktvā vastrāddadau mahyaṁ maṇimetaṁ mahābala ।
5.67.31 ॥

pratigṛhya maṇiṁ divyaṁ tava heto raghūdvaha ।
śirasā tāṁ praṇamyāryāmahamāgamane tvare ।
5.67.32 ॥

gamane ca kṛtotsāhamavekṣya varavarṇinī ।
vivardhamānaṁ ca hi māmuvāca janakātmajā ।
5.67.33 ॥

aśrupūrṇamukhī dīnā bāṣpasandigdhabhāṣiṇī ।
mamotpatanasambhrāntā śokavegasamāhatā ।
5.67.34 ॥

hanuman siṁhasaṅkāśāvubhau tau rāmalakṣmaṇau ।
sugrīvaṁ ca sahāmātya sarvān brūyā hyanāmayam ।
5.67.35 ॥

yathā ca sa mahābāhurmāṁ tārayati rāghavaḥ ।
asamādduḥkhāmbusaṁrodhāttvaṁ samādhātumarhasi ।
5.67.36 ॥

imaṁ ca tīvraṁ mama śokavegaṁ rakṣobhirebhiḥ paribhartsanaṁ ca ।
brūyāstu rāmasya gataḥ samīpaṁ śivaśca te 'dhvā 'stu haripravīra ।
5.67.37 ॥

etattavāryā nṛparājasiṁha sītā vacaḥ prāha viṣādapūrvam ।
etacca buddhvā gaditaṁ mayā tvaṁ śraddhatsva sītāṁ kuśalāṁ samagrām ।
5.67.38 ॥