सुन्दरकाण्डम्Sundara Kāṇḍa

etadākhyāya tatsarvaṁ hanumān mārutātmajaḥ ।
bhūyaḥ samupacakrāma vacanaṁ vaktumuttaram ।
5.59.1 ॥

saphalo rāghavodyogaḥ sugrīvasya ca saṁbhramaḥ ।
śīlamāsādya sītāyā mama ca pravaṇaṁ manaḥ ।
5.59.2 ॥

tapasā dhārayellokān kruddho vā nirdahedapi ।
sarvathā 'tipravṛddho 'sau rāvaṇo rākṣasādhipaḥ ।
tasya tāṁ spṛśato gātraṁ tapasā na vināśitam ।
5.59.3 ॥

na tadagniśikhā kuryāt saṁspṛṣṭā pāṇinā satī ।
janakasyātmajā kuryādyat krodhakaluṣīkṛtā ।
5.59.4 ॥

jāmbavatpramukhān sarvānanujñāpya mahāharīn ।
asminnevaṁgate kārye bhavatāṁ ca nivedite ।
5.59.5 ॥

nyāyyaṁ sma saha vaidehyā draṣṭuṁ tau pārthivātmajau ।
5.59.6 ॥

ahameko 'pi paryāptaḥ sarākṣasagaṇāṁ purīm ।
tāṁ laṅkāṁ tapasā hantuṁ rāvaṇaṁ ca mahābalam ।
5.59.7 ॥

kiṁ punaḥ sahito vīrairbalavadbhiḥ kṛtātmabhiḥ ।
kṛtāstraiḥ plavagaiḥ śūrairbhavadbhirvijayaiṣibhiḥ ।
5.59.8 ॥

ahaṁ tu rāvaṇaṁ yuddhe sasainyaṁ sapurassaram ।
sahaputraṁ vadhiṣyāmi sahodarayutaṁ yudhi ।
5.59.9 ॥

brāhmamaindraṁ ca raudraṁ ca vāyavyaṁ vāruṇaṁ tathā ।
yadi śakrajito 'strāṇi durnirīkṣāṇi saṁyuge ।
5.59.10 ॥

tānyahaṁ vidhāmiṣyāmi nihaniṣyāmi rākṣasān ।
bhavatāmabhyanujñāto vikramo me ruṇāddhi tam ।
5.59.11 ॥

mayā 'tulā visṛṣṭā hi śailavṛṣṭirnirantarā ।
devānapi raṇe hanyāt kiṁ punastānniśācarān ।
5.59.12 ॥

sāgaro 'pyatiyādvelāṁ mandaraḥ pracaledapi ।
na jāmbavantaṁ samare kampayedarivāhinī ।
5.59.13 ॥

sarvarākṣasasaṅghānāṁ rākṣasā ye ca pūrvakāḥ ।
alameko vināśāya vīro vālisutaḥ kapiḥ ।
5.59.14 ॥

panasasyoruvegena nīlasya ca mahātmanaḥ ।
mandaro 'pyavaśīryeta kiṁ punaryudhi rākṣasāḥ ।
5.59.15 ॥

sadevāsurayakṣeṣu gandharvoragapakṣiṣu ।
maindasya pratiyoddhāraṁ śaṁsata dvividasya vā ।
5.59.16 ॥

aśviputrau mahābhāgāvetau plavagasattamau ।
etayoḥ pratiyoddhāraṁ na paśyāmi raṇājire ।
5.59.17 ॥

pitāmahavarotsekāt paramaṁ darpamāsthitau ।
amṛtaprāśināvetau sarvavānarasattamau ।
5.59.18 ॥

aśvinormānanārthaṁ hi sarvalokapitāmahaḥ ।
sarvāvadhyatvamatulamanayordattavān purā ।
5.59.19 ॥

karotsekena muktau ca pramathya mahatīṁ camūm ।
surāṇāmamṛtaṁ vīrau pītavantau plavaṅgamau ।
5.59.20 ॥

etāveva hi saṁkruddhau savājirathakuñjarām ।
laṅkāṁ nāśayituṁ śaktau sarve tiṣṭhantu vānarāḥ ।
5.59.21 ॥

mayaiva nihatā laṅkāṁ dagdhā bhasmīkṛtā punaḥ ।
rājamārgeṣu sarvatra nāma viśrāvitaṁ mayā ।
5.59.22 ॥

jayatyatibalo rāmo lakṣmaṇaśca mahābalaḥ ।
rājā jayati sugrīvo rāghaveṇābhipālitaḥ ।
5.59.23 ॥

ahaṁ kosalarājasya dāsaḥ pavanasambhavaḥ ।
hanumāniti sarvatra nāma viśrāvitaṁ mayā ।
5.59.24 ॥

aśokavanikāmadhye rāvaṇasya durātmanaḥ ।
adhastācchiṁśupāvṛkṣe sādhvī karuṇamāsthitā ।
5.59.25 ॥

rākṣasībhiḥ parivṛtā śokasantāpakarśitā ।
meghalekhāparivṛtā candralekheva niṣprabhā ।
acintayantī vaidehī rāvaṇaṁ baladarpitam ।
5.59.26 ॥

pativratā ca suśroṇī avaṣṭabdhā ca jānakī ।
5.59.27 ॥

vṛtā candralekheva niṣprabhā ।
anuraktā hi vaidehī rāmaṁ sarvātmanā śubhā ।
ananyacittā rāme ca paulomīva purandare ।
5.59.28 ॥

tadekavāsaḥ saṁvītā rajodhvastā tathaiva ca ।
śokasantāpadīnāṅgī sītā bhartṛhite ratā ।
5.59.29 ॥

sā mayā rākṣasīmadhye tarjyamānā muhurmuhuḥ ।
rākṣasībhirvirūpābhirdṛṣṭā hi pramadāvane ।
5.59.30 ॥

ekaveṇīdharā dīnā bhartṛcintāparāyaṇā ।
adhaḥ śayyā vivarṇāṅgī padminīva himāgame ।
5.59.31 ॥

rāvaṇād vinivṛttārthā martavyakṛtaniścayā ।
kathaṁcinmṛgaśāvākṣī viśvāsamupapāditā ।
5.59.32 ॥

tataḥ sambhāṣitā caiva sarvamarthaṁ ca darśitā ।
rāmasugrīvasakhyaṁ ca śrutvā prītimupāgatā ।
5.59.33 ॥

niyataḥ samudācāro bhaktirbhartari cottamā ।
yanna hanti daśagrīvaṁ sa mahātmā kṛtāgasam ।
nimittamātraṁ rāmastu vadhe tasya bhaviṣyati ।
5.59.34 ॥

sā prakṛtyaiva tanvaṅgī tadviyogācca karśitā ।
pratipatpāṭhaśīlasya vidyeva tanutāṁ gatā ।
5.59.35 ॥

evamāste mahābhāgā sītā śokaparāyaṇā ।
yadatra pratikartavyaṁ tatsarvamupapadyatām ।
5.59.36 ॥