hatān mantrisutān buddhvā vānareṇa mahātmanā ।
rāvaṇaḥ saṁvṛtākāraścakāra matimuttamām ।
5.46.1 ॥
हिन्दी अनुवाद शीघ्र जुड़ेगा।
English translation coming soon.
sa virūpākṣayūpākṣau durdharaṁ caiva rākṣasam ।
praghasaṁ bhārakarṇaṁ ca pañca senāgranāyakān ।
5.46.2 ॥
हिन्दी अनुवाद शीघ्र जुड़ेगा।
English translation coming soon.
sandideśa daśagrīvo vīrānnayaviśāradān ।
hanumadgrahaṇavyagrān vāyuvegasamān yudhi ।
5.46.3 ॥
हिन्दी अनुवाद शीघ्र जुड़ेगा।
English translation coming soon.
yāta senāgragāḥ sarve mahābalaparigrahāḥ ।
savājirathamātaṅgāḥ sa kapiḥ śāsyatāmiti ।
5.46.4 ॥
हिन्दी अनुवाद शीघ्र जुड़ेगा।
English translation coming soon.
yattaiśca khalu bhāvyaṁ syāttamāsādya vanālayam ।
karma cāpi samādheyaṁ deśakālavirodhinam ।
5.46.5 ॥
हिन्दी अनुवाद शीघ्र जुड़ेगा।
English translation coming soon.
na hyahaṁ taṁ kapiṁ manye karmaṇā pratitarkayan ।
sarvathā tanmahadbhūtaṁ mahābalaparigraham ।
bhavedindreṇa vā sṛṣṭamasmadarthaṁ tapobalāt ।
5.46.6 ॥
हिन्दी अनुवाद शीघ्र जुड़ेगा।
English translation coming soon.
sanāgayakṣagandharvā devāsuramaharṣayaḥ ।
yuṣmābhiḥ sahitaiḥ sarvairmayā saha vinirjitāḥ ।
5.46.7 ॥
हिन्दी अनुवाद शीघ्र जुड़ेगा।
English translation coming soon.
tairavaśyaṁ vidhātavyaṁ vyalīkaṁ kiṁcideva naḥ ।
tadeva nātra sandehaḥ prasahya parigṛhyatām ।
5.46.8 ॥
हिन्दी अनुवाद शीघ्र जुड़ेगा।
English translation coming soon.
nāvamānyo bhavadbhiśca harirdhīraparākramaḥ ।
dṛṣṭā hi harayaḥ pūrvaṁ mayā vipulavikramāḥ ।
5.46.9 ॥
हिन्दी अनुवाद शीघ्र जुड़ेगा।
English translation coming soon.
vālī ca sahasugrīvo jāmbavāṁśca mahābalaḥ ।
nīlaḥ senāpatiścaiva ye cānye dvividādayaḥ ।
5.46.10 ॥
हिन्दी अनुवाद शीघ्र जुड़ेगा।
English translation coming soon.
naivaṁ teṣāṁ gatirbhīmā na tejo na parākramaḥ ।
na matirna balotsāhau na rūpaparikalpanam ।
5.46.11 ॥
हिन्दी अनुवाद शीघ्र जुड़ेगा।
English translation coming soon.
mahatsattvamidaṁ jñeyaṁ kapirūpaṁ vyavasthitam ।
prayatnaṁ mahadāsthāya kriyatāmasya nigrahaḥ ।
5.46.12 ॥
हिन्दी अनुवाद शीघ्र जुड़ेगा।
English translation coming soon.
kāmaṁ lokāstrayaḥ sendrāḥ sasurāsuramānavāḥ ।
bhavatāmagrataḥ sthātuṁ na paryāptā raṇājire ।
5.46.13 ॥
हिन्दी अनुवाद शीघ्र जुड़ेगा।
English translation coming soon.
tathāpi tu nayajñena jayamākāṅkṣatā raṇe ।
ātmā rakṣyaḥ prayatnena yuddhasiddhirhi cañcalā ।
5.46.14 ॥
हिन्दी अनुवाद शीघ्र जुड़ेगा।
English translation coming soon.
te svāmivacanaṁ sarve pratigṛhya mahaujasaḥ ।
samutpeturmahāvegā hutāśasamatejasaḥ ।
5.46.15 ॥
हिन्दी अनुवाद शीघ्र जुड़ेगा।
English translation coming soon.
rathairmattaiśca mātaṅgairvājibhiśca mahājavaiḥ ।
śstraiśca vividhaistīkṣṇaiḥ sarvaiścopacitā balaiḥ ।
5.46.16 ॥
हिन्दी अनुवाद शीघ्र जुड़ेगा।
English translation coming soon.
tatastaṁ dadṛśurvīrā dīpyamānaṁ mahākapim ।
raśmimantamivodyantaṁ svatejoraśmimālinam ।
5.46.17 ॥
हिन्दी अनुवाद शीघ्र जुड़ेगा।
English translation coming soon.
toraṇasthaṁ mahotsāhaṁ mahāsattvaṁ mahābalam ।
mahāmatiṁ mahāvegaṁ mahākāyaṁ mahābalam ।
5.46.18 ॥
हिन्दी अनुवाद शीघ्र जुड़ेगा।
English translation coming soon.
taṁ samīkṣyaiva te sarve dikṣu sarvāsvavasthitāḥ ।
taistaiḥ praharaṇairbhīmairabhipetustatastataḥ ।
5.46.19 ॥
हिन्दी अनुवाद शीघ्र जुड़ेगा।
English translation coming soon.
tasya pañcāyasāstīkṣṇāḥ śitāḥ pītamukhāḥ śarāḥ ।
śirasyutpalapatrābhā durdhareṇa nipātitāḥ ।
5.46.20 ॥
हिन्दी अनुवाद शीघ्र जुड़ेगा।
English translation coming soon.
sa taiḥ pañcabhirāviddhaḥ śaraiḥ śirasi vānaraḥ ।
utpapāta nadan vyomni diśo daśa vinādayan ।
5.46.21 ॥
हिन्दी अनुवाद शीघ्र जुड़ेगा।
English translation coming soon.
tatastu durdharo vīraḥ sarathaḥ sajyakārmukaḥ ।
kiran śaraśataistīkṣṇairabhipede mahābalaḥ ।
5.46.22 ॥
हिन्दी अनुवाद शीघ्र जुड़ेगा।
English translation coming soon.
sa kapirvārayāmāsa taṁ vyomni śaravarṣiṇam ।
vṛṣṭimantaṁ payodānte payodamiva mārutaḥ ।
5.46.23 ॥
हिन्दी अनुवाद शीघ्र जुड़ेगा।
English translation coming soon.
ardyamānastatastena durdhareṇānilātmajaḥ ।
cakāra kadanaṁ bhūyo vyavardhata ca vegavān ।
5.46.24 ॥
हिन्दी अनुवाद शीघ्र जुड़ेगा।
English translation coming soon.
sa dūraṁ sahasotpatya durdharasya rathe hariḥ ।
nipapāta mahavego vidyudrāśirgirāviva ।
5.46.25 ॥
हिन्दी अनुवाद शीघ्र जुड़ेगा।
English translation coming soon.
tataḥ sa mathitāṣṭāśvaṁ rathaṁ bhagnākṣakūbaram ।
vihāya nyapatadbhūmau durdharastyaktajīvitaḥ ।
5.46.26 ॥
हिन्दी अनुवाद शीघ्र जुड़ेगा।
English translation coming soon.
taṁ virūpākṣayūpākṣau dṛṣṭvā nipatitaṁ bhuvi ।
sañjātaroṣau durdharṣāvutpetaturarindamau ।
5.46.27 ॥
हिन्दी अनुवाद शीघ्र जुड़ेगा।
English translation coming soon.
sa tābhyāṁ sahasotpatya viṣṭhito vimale 'mbare ।
mudgarābhyāṁ mahābāhurvakṣasyabhihataḥ kapiḥ ।
5.46.28 ॥
हिन्दी अनुवाद शीघ्र जुड़ेगा।
English translation coming soon.
tayorvegavatorvegaṁ vinihatya mahābalaḥ ।
nipapāta punarbhūmau suparṇasamavikramaḥ ।
5.46.29 ॥
हिन्दी अनुवाद शीघ्र जुड़ेगा।
English translation coming soon.
sa sālavṛkṣamāsādya tamutpāṭya ca vānaraḥ ।
tāvubhau rākṣasau vīrau jaghāna pavanātmajaḥ ।
5.46.30 ॥
हिन्दी अनुवाद शीघ्र जुड़ेगा।
English translation coming soon.
tatastāṁstrīn hatān jñātvā vānareṇa tarasvinā ।
abhipede mahāvegaḥ prasahya praghaso harim ।
5.46.31 ॥
हिन्दी अनुवाद शीघ्र जुड़ेगा।
English translation coming soon.
bhāsakarṇaśca saṁkruddhaḥ śūlamādāya vīryavān ।
ekataḥ kapiśārdūlaṁ yaśasvinamavasthitam ।
5.46.32 ॥
हिन्दी अनुवाद शीघ्र जुड़ेगा।
English translation coming soon.
paṭṭiśena śitāgreṇa praghasaḥ pratyayodhayat ।
bhāsakarṇaśca śūlena rākṣasaḥ kapisattamam ।
5.46.33 ॥
हिन्दी अनुवाद शीघ्र जुड़ेगा।
English translation coming soon.
sa tābhyāṁ vikṣatairgātrairasṛgdigdhatanūruhaḥ ।
abhavadvānaraḥ kruddho bālasūryasamaprabhaḥ ।
5.46.34 ॥
हिन्दी अनुवाद शीघ्र जुड़ेगा।
English translation coming soon.
samutpāṭya gireḥ śṛṅgaṁ samṛgavyālapādapam ।
jaghāna hanumān vīro rākṣasau kapikuñjaraḥ ।
5.46.35 ॥
हिन्दी अनुवाद शीघ्र जुड़ेगा।
English translation coming soon.
tatasteṣvavasanneṣu senāpatiṣu pañcasu ।
balaṁ tadavaśeṣaṁ ca nāśayāsa vānaraḥ ।
5.46.36 ॥
हिन्दी अनुवाद शीघ्र जुड़ेगा।
English translation coming soon.
aśvairaśvān gajairnāgān yodhairyodhān rathai rathān ।
sa kapirnāśayāmāsa sahasrākṣa ivāsurān ।
5.46.37 ॥
हिन्दी अनुवाद शीघ्र जुड़ेगा।
English translation coming soon.
hatairnāgaiśca turagairbhagnākṣaiśca mahārathaiḥ ।
hataiśca rākṣasairbhūmī ruddhamārgā samantataḥ ।
5.46.38 ॥
हिन्दी अनुवाद शीघ्र जुड़ेगा।
English translation coming soon.
tataḥ kapistān dhvajinīpatīn raṇe nihatya vīrān sabalān savāhanān ।
samīkṣya vīraḥ parigṛhya toraṇaṁ kṛtakṣaṇaḥ kāla iva prajākṣaye ।
5.46.39 ॥
हिन्दी अनुवाद शीघ्र जुड़ेगा।
English translation coming soon.