सुन्दरकाण्डम्Sundara Kāṇḍa

vanaṁ bhagnaṁ mayā caityaprasādo na vināśitaḥ ।
tasmāt prāsādamapyeva bhīmaṁ vidhvaṁsayāmyaham ।
iti 'ñcintya manasā hanumān darśayan balam ।
5.43.2 ॥

caityaprāsādamāplutya meruśṛṅgamivonnatam ।
āruroha hariśreṣṭho hanumān mārutātmajaḥ ।
5.43.3 ॥

āruhya girisaṅkāśaṁ prāsādaṁ hariyūthapaḥ ।
babhau sa sumahātejāḥ pratisūrya ivoditaḥ ।
5.43.4 ॥

saṁpradhṛṣya ca durdharṣaṁ caityaprāsādamuttamam ।
hanumān prajvalan lakṣmyā pāriyātropamo 'bhavat ।
5.43.5 ॥

sa bhūtvā sumahākāyaḥ prabhāvānmārutātmajaḥ ।
dhṛṣṭamāsphoṭayāmāsa laṅkāṁ śabdena pūrayan ।
5.43.6 ॥

tasyāsphoṭitaśabdena mahatā śrotraghātinā ।
peturvihaṅgamāstatra caityapālāśca mohitāḥ ।
5.43.7 ॥

astravijjayatāṁ rāmo lakṣmaṇaśca mahābalaḥ ।
rājā jayati sugrīvo rāghaveṇābhipālitaḥ ।
5.43.8 ॥

dāso 'haṁ kosalendrasya rāmasyākliṣṭakarmaṇaḥ ।
hanumān śatrusainyānāṁ nihantā mārutātmajaḥ ।
5.43.9 ॥

na rāvaṇasahasraṁ me yuddhe pratibalaṁ bhavet ।
śilābhistu praharataḥ pādapaiśca sahasraśaḥ ।
5.43.10 ॥

ardayitvā purīṁ laṅkāmabhivādya ca maithilīm ।
samṛddhārtho gamiṣyāmi miṣatāṁ sarvarakṣasām ।
5.43.11 ॥

emuktvā vimānasthaścaityasthān hariyūthapaḥ ।
nanāda bhīmanirhrādo rakṣasāṁ janayan bhayam ।
5.43.12 ॥

tena śabdena mahatā caityapālāḥ śataṁ yayuḥ ।
gṛhītvā vividhānastrān prāsān khaḍgān paraśvadhān ।
visṛjanto mahākāyā mārutiṁ praryavārayan ।
5.43.13 ॥

te gadābhirvicitrābhiḥ parighaiḥ kāñcanāṅgadaiḥ ।
ājaghnurvānaraśreṣṭhaṁ bāṇaiścādityasannibhaiḥ ।
5.43.14 ॥

āvarta iva gaṅgāyāstoyasya vipulo mahān ।
parikṣipya hariśreṣṭhaṁ sa babhau rakṣasāṁ gaṇaḥ ।
5.43.15 ॥

tato vātātmajaḥ kruddho bhīmarūpaṁ samāsthitaḥ ।
5.43.16 ॥

prāsādasya mahāntasya stambhaṁ hemapariṣkṛtam ।
utpāṭayitvā vegena hanumān pavanātmajaḥ ।
tatastaṁ bhrāmayāmāsa śatādhāraṁ mahābalaḥ ।
5.43.17 ॥

tatra cāgniḥ samabhavat prāsādaścāpyadahyata ।
5.43.18 ।
ṭayitvā vegena hanumān pavanātmajaḥ ॥

dahyamānaṁ tato dṛṣṭvā prāsādaṁ hariyūthapaḥ ।
sa rākṣasaśataṁ hatvā vajreṇendra ivāsurān ।
antarikṣe sthitaḥ śrīmānidaṁ vacanamabravīt ।
5.43.19 ॥

mādṛśānāṁ sahasrāṇi visṛṣṭāni mahātmanām ।
balināṁ vānarendrāṇāṁ sugrīvavaśavartinām ।
5.43.20 ॥

aṭanti vasudhāṁ kṛtsnāṁ vayamanye ca vānarāḥ ।
5.43.21 ॥

daśanāgabalāḥ kecit keciddaśaguṇottarāḥ ।
kecinnāgasahasrasya babhūvustulyavikramāḥ ।
5.43.22 ॥

santi caughabalāḥ kecit kecidvāyubalopamāḥ ।
aprameyabalāścānye tatrāsan hariyūthapāḥ ।
5.43.23 ॥

īdṛgvidhaistu haribhirvṛto dantanakhāyudhaiḥ ।
śataiḥ śatasahasraiśca koṭībhirayutairapi ।
āgamiṣyati sugrīvaḥ sarveṣāṁ vo niṣūdanaḥ ।
5.43.24 ॥

neyamasti purī laṅkā na yūyaṁ na ca rāvaṇaḥ ।
yasmādikṣvākunāthena baddhaṁ vairaṁ mahātmanā ।
5.43.25 ॥