सुन्दरकाण्डम्Sundara Kāṇḍa

tataḥ sakapiśārdūlastena vākyena harṣitaḥ ।
sītāmuvāca tacchrutvā vākyaṁ vakyaviśāradaḥ ।
5.38.1 ॥

yuktarūpaṁ tvayā devi bhāṣitaṁ śubhadarśane ।
sadṛśaṁ strīsvabhāvasya sādhvīnāṁ vinayasya ca ।
5.38.2 ॥

strītvaṁ na tu samarthaṁ hi sāgaraṁ vyativartitum ।
māmadhiṣṭhāya vistīrṇaṁ śatayojanamāyatam ।
5.38.3 ॥

dvitīyaṁ kāraṇaṁ yacca bravīṣi vinayānvite ।
rāmādanyasya nārhāmi saṁsparśamiti jānaki ।
5.38.4 ॥

etatte devi sadṛśaṁ patnyāstasya mahātmanaḥ ।
kā hyanyā tvāmṛte devi brūyādvacanamīdṛśam ।
5.38.5 ॥

śroṣyate caiva kākutsthaḥ sarvaṁ niravaśeṣataḥ ।
coṣṭitaṁ yattvayā devi bhāṣitaṁ mama cāgrataḥ ।
5.38.6 ॥

kāraṇairbahubhirdevi rāmapriyacikīrṣayā ।
snehapraskannamanasā mayaitat samudīritam ।
5.38.7 ॥

laṅkāyā duṣpraveśatvād dustaratvānmahodadheḥ ।
sāmarthyādātmanaścaiva mayaitat samudīritam ।
5.38.8 ॥

icchāmi tvāṁ samānetumadyaiva raghubandhunā ।
gurusnehena bhaktyā ca nānyathaitadudāhṛtam ।
5.38.9 ॥

yadi notsahase yātuṁ mayā sārdhamanindite ।
abhijñānaṁ prayaccha tvaṁ jānīyādrāghavo hi tat ।
5.38.10 ॥

evamuktā hanumatā sītā surasutopamā ।
uvāca vacanaṁ mandaṁ bāṣpapragrathitākṣaram ।
5.38.11 ॥

idaṁ śreṣṭhamabhijñānaṁ brūyāstvaṁ tu mama priyam ।
śailasya citrakūṭasya pāde pūrvottare purā ।
5.38.12 ॥

tāpasāśramavāsinyāḥ prājyamūlaphalodake ।
tasmin siddhāśrame deśe mandākinyā hyadūrataḥ ।
5.38.13 ॥

tasyopavanaṣaṇḍeṣu nānāpuṣpasugandhiṣu ।
vihṛtya salilaklinnā tavāṅke samupāviśam ।
5.38.14 ॥

tato māṁsasamāyukto vāyasaḥ paryatuṇḍayat ।
tamahaṁ loṣṭamudyamya vārayāmi sma vāyasam ।
5.38.15 ॥

dārayan sa ca māṁ kākastatraiva parilīyate ।
na cāpyupāramanmāṁsādbhakṣārthī balibhojanaḥ ।
5.38.16 ॥

utkarṣantyāṁ ca raśanāṁ kruddhāyāṁ mayi pakṣiṇi ।
srasyamāne ca vasane tato dṛṣṭā tvayā hyaham ।
5.38.17 ॥

tvayā 'pahasitā cāhaṁ kruddhā saṁlajjitā tadā ।
bhakṣagṛdhrena kākena dāritā tvāmupāgatā ।
5.38.18 ।
.38.17 ॥

āsīnasya ca te śrāntā punarutsaṅgamāviśam ।
kruddhyantī ca prahṛṣṭena tvayā 'haṁ parisāntvitā ।
5.38.19 ॥

bāṣpapūrṇamukhī mandaṁ cakṣuṣī parimārjatī ।
lakṣitā 'haṁ tvayā nātha vāyasena prakopitā ।
5.38.20 ॥

pariśramāt prasuptā ca rāghavāṅke 'pyahaṁ ciram ।
paryāyeṇa prasuptaśca mamāṅke bharatāgrajaḥ ।
sa tatra punarevātha vāyasaḥ samupāgamat ।
5.38.21 ॥

tataḥ suptaprabuddhāṁ māṁ rāmasyāṅkāt samutthitām ।
vāyasaḥ sahasā ' 'gamya vidadāra stanāntare ।
5.38.22 ॥

punaḥ punarathotpatya vidadāra sa māṁ bhṛśam ।
tataḥ samukṣito rāmo muktaiḥ śoṇitabindubhiḥ ।
5.38.23 ॥

vāyasena tatastena balavatkliśyamānayā ।
sa mayā bodhitaḥ śrīmān sukhasuptaḥ parantapaḥ ।
5.38.24 ॥

sa māṁ dṛṣṭvā mahābāhurvitunnāṁ stanayostadā ।
āśīviṣa iva kruddhaḥ śvasan vākyamabhāṣata ।
5.38.25 ॥

kena te nāganāsoru vikṣataṁ vai stanāntaram ।
kaḥ krīḍati saroṣeṇa pañcavaktreṇa bhoginā ।
5.38.26 ॥

vīkṣamāṇastatastaṁ vai vāyasaṁ samudaikṣata ।
nakhaiḥ sarudhiraistīkṣṇairmāmevābhimukhaṁ sthitam ।
5.38.27 ॥

putraḥ kila sa śakrasya vāyasaḥ patatāṁ varaḥ ।
dharāntaragataḥ śīghraṁ pavanasya gatau samaḥ ।
5.38.28 ॥

tatastasmin mahābāhuḥ kopasaṁvartitekṣaṇaḥ ।
vāyase kṛtavān krūrāṁ matiṁ matimatāṁ varaḥ ।
5.38.29 ॥

sa darbhaṁ saṁstarād gṛhya brāhmemāstreṇa yojayat ।
sa dīpta iva kālāgrirjajvalābhimukho dvijam ।
5.38.30 ॥

sa taṁ pradīptaṁ cikṣepa darbhaṁ taṁ vāyasaṁ prati ।
tatastaṁ vāyasaṁ darbhaḥ so 'mbare 'nujagāma ha ।
5.38.31 ॥

anusṛptastadā kāko jagāma vividhāṁ gatim ।
lokakāma imaṁ lokaṁ sarvaṁ vai vicacāra ha ।
5.38.32 ॥

sa pitrā ca parityaktaḥ suraiśca samaharṣibhiḥ ।
trīllokān saṁparikramya tameva śaraṇaṁ gataḥ ।
5.38.33 ॥

sa taṁ nipatitaṁ bhūmau śaraṇyaḥ śaraṇāgatam ।
vadhārhamapi kākutsthaḥ kṛpayā paryapālayat ।
5.38.34 ॥

na śarma labdhvā tameva śaraṇaṁ gataḥ ।
5.38.35 ॥

paridyūnaṁ viṣaṇṇaṁ ca sa tamāyāntamabravīt ।
moghaṁ kartuṁ na śakyaṁ tu brāhmamastraṁ taducyatām ।
5.38.36 ॥

hinastu dakṣiṇākṣi tvacchara ityatha so 'bravīt ।
tatastasyākṣi kākasya hinasti sma sa dakṣiṇam ।
dattvā sa dakṣiṇaṁ netraṁ prāṇebhyaḥ parirakṣitaḥ ।
5.38.37 ॥

sa rāmāya namaskṛtvā rājñe daśarathāya ca ।
visṛṣṭastena vīreṇa pratipede svamālayam ।
5.38.38 ।
ṇam ॥

matkṛte kākamātre tu brahmāstraṁ samudīritam ।
karmādyo māṁ harattvattaḥ kṣamase taṁ mahīpate ।
5.38.39 ॥

sa kuruṣva mahotsāhaḥ kṛpāṁ mayi nararṣabha ।
tvayā nāthavatī nātha hyanāthā iva dṛśyate ।
5.38.40 ॥

ānṛśaṁsyaṁ paro dharmastvatta eva mayā śrutaḥ ।
5.38.41 ॥

jānāmi tvāṁ mahāvīryaṁ mahotsāhaṁ mahābalam ।
apārapāramakṣobhyaṁ gāmbhīryāt sāgaropamam ।
bhartāraṁ sasamudrāyādharaṇyā vāsavopamam ।
5.38.42 ॥

evamastravidāṁ śreṣṭhaḥ satyavān balavānapi ।
kimarthamastraṁ rakṣassu na yojayati rāghavaḥ ।
5.38.43 ॥

na nāgā nāpi gandharvā nāsurā na marudgaṇāḥ ।
rāmasya samare vegaṁ śaktāḥ pratisamādhitum ।
5.38.44 ॥

tasya vīryavataḥ kaścid yadyasti mayi saṁbhramaḥ ।
kimarthaṁ na śaraistīkṣṇaiḥ kṣayaṁ nayati rākṣasān ।
5.38.45 ॥

bhrāturādeśamādāya lakṣmaṇo vā parantapaḥ ।
kasya hetorna māṁ vīraḥ paritrāti mahābalaḥ ।
5.38.46 ॥

yadi tau puruṣavyāghrau vāyvagnisamatejasau ।
surāṇāmapi durdharṣau kimarthaṁ māmupekṣataḥ ।
5.38.47 ॥

mamaiva duṣkṛtaṁ kiṁcinmahadasti na saṁśayaḥ ।
samarthāvapi tau yanmāṁ nāvekṣate parantapau ।
5.38.48 ॥

vaidahyā vacanaṁ śratvā karuṇaṁ sāśrubhāṣitam ।
athābravīnmahātejā hanūmān mārutātmajaḥ ।
5.38.49 ॥

tvacchokavimukho rāmo devi satyena me śape ।
rāme duḥkhābhipanne ca lakṣmaṇaḥ paritapyate ।
5.38.50 ॥

kathaṁcidbhavatī dṛṣṭā na kālaḥ pariśocitum ।
5.38.51 ॥

imaṁ muhūrtaṁ duḥkhānāṁ drakṣyasyantamanindite ।
tāvubhau puruṣavyāghrau rājaputrau mahābalau ।
5.38.52 ॥

tvaddarśanakṛtotsāhau laṅkāṁ bhasmīkariṣyataḥ ।
5.38.53 ॥

hatvā ca samare krūraṁ rāvaṇaṁ sahabāndhavam ।
rāghavastvāṁ viśālākṣi neṣyati svāṁ purīṁ prati ।
brūhi yadrāghavo vācyo lakṣmaṇaśca mahābalaḥ ।
5.38.54 ॥

sugrīvo vāpi tejasvī harayo 'pi samāgatāḥ ।
ityuktavati tasmiṁśca sītā surasutopamā ।
uvāca sokasantaptā hanumantaṁ plavaṅgamam ।
5.38.55 ॥

kausalyā lokabhartāraṁ suṣuve yaṁ manasvinī ।
taṁ mamārthe sukhaṁ pṛccha śirasā cābhivādaya ।
5.38.56 ॥

srajaśca sarvaratnāni priyā yāśca varāṅganāḥ ।
aiśvaryaṁ ca viśālāyāṁ pṛthivyāmapi durlabham ।
5.38.57 ॥

pitaraṁ mātaraṁ caiva saṁmānyābhiprasādya ca ।
anupravrajito rāmaṁ sumitrā yena suprajāḥ ।
5.38.58 ॥

ānukūlyena dharmātmā tyaktvā sukhamanuttamam ।
anugacchati kākutsthaṁ bhrātaraṁ pālayan vane ।
5.38.59 ॥

saṁhaskandho mahābāhurmanasvī priyadarśanaḥ ।
pitṛvadvartate rāme mātṛvanmāṁ samācaran ।
5.38.60 ॥

hriyamāṇāṁ tadā vīro na tu māṁ veda lakṣmaṇaḥ ।
5.38.61 ॥

vṛddopasevī lakṣmīvān śakto na bahu bhāṣitā ।
rājaputraḥ priyaḥ śreṣṭhaḥ sadṛśaḥ śvaśurasya me ।
5.38.62 ॥

mama priyataro nityaṁ bhrātā rāmasya lakṣmaṇaḥ ।
niyukto dhuri yasyāṁ tu tāmudvahati vīryavān ।
5.38.63 ॥

yaṁ dṛṣṭvā rāghavo naiva vṛttamāryamanusmaret ।
sa mamārthāya kuśalaṁ vaktavyo vacanānmama ।
mṛdurnityaṁ śucirdakṣaḥ priyo rāmasya lakṣmaṇaḥ ।
5.38.64 ॥

yathā hi vānaraśreṣṭha duḥkhakṣayakaro bhavet ।
tvamasmin kāryaniryoge pramāṇaṁ harisattama ।
5.38.65 ॥

rāghavastvatsamārambhānmayi yatnaparo bhavet ।
5.38.66 ॥

idaṁ brūyāśca me nāthaṁ śūraṁ rāmaṁ punaḥ punaḥ ।
jīvitaṁ dhārayiṣyāmi māsaṁ daśarathātmaja ।
5.38.67 ॥

ūrdhvaṁ māsānna jīveyaṁ satyenāhaṁ bravīmi te ।
rāvaṇenoparuddhāṁ māṁ nikṛtyā pāpakarmaṇā ।
5.38.68 ॥

trātumarhasi vīra tvaṁ pātālādiva kauśikīm ।
tato vastragataṁ muktvā divyaṁ cūḍāmaṇiṁ śubham ।
pradeyo rāghavāyeti sītā hanumate dadau ।
5.38.69 ॥

pratigṛhya tato vīro maṇiratnamanuttamam ।
aṅgulyā yojayāmāsa na hyasya prābhavadbhujaḥ ।
5.38.70 ॥

maṇiratnaṁ kapivaraḥ pratigṛhyābhivadya ca ।
sītāṁ pradakṣiṇaṁ kṛtvā praṇataḥ pārśvataḥ sthitaḥ ।
5.38.71 ॥

harṣeṇa mahatā yuktaḥ sītādarśanajena saḥ ।
hṛdayena gato rāmaṁ śarīreṇa tu viṣṭhitaḥ ।
5.38.72 ॥

maṇivaramupagṛhya taṁ mahārhaṁ janakanṛpātmajayā dhṛtaṁ prabhāvāt ।
giririva pavanāvadhūtmuktaḥ sukhitamanāḥ pratisaṁkramaṁ prapede ।
5.38.73 ॥