सुन्दरकाण्डम्Sundara Kāṇḍa

ityuktāḥ sītayā ghorā rākṣasyaḥ krodhamūrcchitāḥ ।
kāścijjagmustadākhyātuṁ rāvaṇasya tarasvinaḥ ।
5.27.1 ॥

tataḥ sītāmupāgamya rākṣasyo ghoradarśanāḥ ।
punaḥ paruṣamekārthamanarthārthamathābruvan ।
5.27.2 ॥

adyedānīṁ tavānārye sīte pāpaviniścaye ।
rākṣasyo bhakṣayiṣyanti māṁsamatedyatāsukham ।
5.27.3 ॥

sītāṁ tābhiranāryābhirdṛṣṭvā santarjitāṁ tadā ।
rākṣasī trijaṭā vṛddhā śayānā vākyamabravīt ।
5.27.4 ॥

ātmānaṁ khādatānāryā na sītāṁ bhakṣayiṣyatha ।
janakasya sutāmiṣṭāṁ snuṣāṁ daśarathasya ca ।
5.27.5 ॥

svapno hyadya mayā dṛṣṭo dāruṇo romaharṣaṇaḥ ।
rākṣasānāmabhāvāya bharturasyā bhavāya ca ।
5.27.6 ॥

evamuktāstrijaṭayā rākṣasyaḥ krodhamūrcchitāḥ ।
sarvā evābruvan bhītāstrijaṭāṁ tāmidaṁ vacaḥ ।
kathayasva tvayā dṛṣṭaḥ svapno 'yaṁ kīdṛśo niśi ।
5.27.7 ॥

tāsāṁ śrutvā tu vacanaṁ rākṣasīnāṁ mukhāccyutam ।
uvāca vacanaṁ kāle trijaṭā svapnasaṁśritam ।
5.27.8 ॥

gajadantamayīṁ divyāṁ śibikāmantarikṣagām ।
5.27.9 ॥

yuktāṁ haṁsasahasreṇa svayamāsthāya rāghavaḥ ।
śuklamālyāmbaradharo lakṣmaṇena sahā gataḥ ।
5.27.10 ॥

svapne cādya mayā dṛṣṭā sītā śuklāmbarāvṛtā ।
sāgareṇa parikṣiptaṁ śvetaṁ parvatamāsthitā ।
rāmeṇa saṅgatā sītā bhāskareṇa prabhā yathā ।
5.27.11 ॥

rāghavaśca mayā dṛṣṭāścaturdantaṁ mahāgajam ।
ārūḍhaḥ śailasaṅkāśaṁ cacāra saha lakṣmaṇaḥ ।
5.27.12 ॥

tatastau nahaśārdūlau dīpyamānau svatejasā ।
śuklamālyāmbaradharau jānakīṁ paryupasthitau ।
5.27.13 ॥

tatastasya nagasyāgre hyākāśasthasya dantinaḥ ।
bhartrā parigṛhītasya jānakī skandhamāśritā ।
5.27.14 ॥

bharturaṅkāt samutpatya tataḥ kamalalocanā ।
candrasūryo mayā dṛṣṭā pāṇinā parimārjatī ।
5.27.15 ॥

tatastābhyāṁ kumārābhyāmāsthitaḥ sa gajottamaḥ ।
sītayā ca viśālākṣyā laṅkāyā upari sthitaḥ ।
5.27.16 ॥

pāṇḍurarṣabhayuktena rathenāṣṭayujā svayam ।
ihopayātaḥ kākutsthaḥ sītayā saha bhāryayā ।
5.27.17 ॥

lakṣmaṇena saha bhrātrā sītayā saha vīryavān ।
5.27.18 ॥

āruhya puṣpakaṁ divyaṁ vimānaṁ sūryasannibham ।
uttarāṁ diśamālokya jagāma puruṣottamaḥ ।
5.27.19 ॥

evaṁ svapne mayā dṛṣṭo rāmo viṣṇuparākramaḥ ।
lakṣmaṇena saha bhrātrā sītayā saha bhāryayā * ।
5.27.20 ॥

na hi rāmo mahātejāḥ śakyo jetuṁ surāsuraiḥ ।
rākṣasairvāpi cānyairvā svargaḥ pāpajanairiva ।
5.27.21 ॥

rāvaṇaśca mayā dṛṣṭaḥ kṣitau tailasamukṣitaḥ ।
raktavāsāḥ piban mattaḥ karavīrakṛtasrajaḥ ।
5.27.22 ॥

vimānāt puṣpakādadya rāvaṇaḥ patito bhuvi ।
kṛṣyamāṇaḥ striyā dṛṣṭo muṇḍaḥ kṛṣṇāmbaraḥ punaḥ ।
5.27.23 ॥

rathena kharayuktena raktamālyānulepanaḥ ।
pibaṁstailaṁ hasan nṛtyan bhrāntacittākulendriyaḥ ।
gardabhena yayau śīghraṁ dakṣiṇāṁ diśamāsthitaḥ ।
5.27.24 ॥

punareva mayā dṛṣṭo rāvaṇo rākṣaseśvaraḥ ।
patito 'vāvicharā bhūmau gardabhādbhayamohitaḥ ।
5.27.25 ॥

sahasotthāya sambhrānto bhayārto madavihvalaḥ ।
unmatta iva digvāsā durvākyaṁ pralapan bahu ।
5.27.26 ॥

durgandhaṁ dussahaṁ ghoraṁ timiraṁ narakopamam ।
malapaṅkaṁ praviśyāśu magnastatra sa rāvaṇaḥ ।
5.27.27 ॥

kaṇṭhe baddhvā daśagrīvaṁ pramadā raktavāsinā ।
kālī kardamaliptāṅgī diśaṁ yāmyāṁ prakarṣati ।
5.27.28 ॥

evaṁ tatra mayā dṛṣṭaḥ kumbhakarṇau niśācaraḥ ।
rāvaṇasya sutāḥ sarve tṛṣṭāstailasamukṣitāḥ ।
5.27.29 ॥

varāheṇa daśagrīvaḥ śiṁśumāreṇa cendrajit ।
uṣṭreṇa kumbhakarṇaśca prayāto dakṣiṇāṁ diśam ।
5.27.30 ॥

ekastatra mayā dṛṣṭaḥ śvetacchatro vibhīṣaṇaḥ ।
5.27.31 ॥

śuklamālyāmbaradharaḥ śuklagandhānulepanaḥ ।
śaṅkhadundubhinirghoṣairnṛttagītairalaṅkṛtaḥ ।
5.27.32 ॥

āruhya śaulasaṅkāśaṁ meghastanitaniḥsvanam ।
caturdantaṁ gajaṁ divyamāste tatra vibhīṣaṇaḥ ।
caturbhiḥ sacivaiḥ sārdhaṁ vaihāyasamupasthitaḥ ।
5.27.33 ॥

samājaśca mayā dṛṣṭo gītavāditraniḥsvanaḥ ।
pibatāṁ raktamālyānāṁ rakṣasāṁ raktavāsasām ।
5.27.34 ॥

laṅkāṁ ceyaṁ purī ramyā savājirathakuñjarā ।
sāgare patitā dṛṣṭā bhagnagopuratoraṇā ।
5.27.35 ॥

laṅkā dṛṣṭā mayā svapne rāvaṇenābhirakṣitā ।
dagdhā rāmasya dūtena vānareṇa tarasvinā ।
5.27.36 ॥

pītvā tailaṁ pranṛttāśca prahasantyo mahāsvanāḥ ।
laṅkāyāṁ bhasmarūkṣāyāṁ praviṣṭā rākṣasastriyaḥ ।
5.27.37 ॥

kumbhakarṇādayaśceme sarve rākṣasapuṅgavāḥ ।
raktaṁ nivasanaṁ gṛhya praviṣṭā gomayahrade ।
5.27.38 ॥

apagacchata naśyadhvaṁ sītāmāpa sa rāghavaḥ ।
ghātayet paramāmarṣī sarvaiḥ sārdhaṁ hi rākṣasaiḥ ।
5.27.39 ॥

priyāṁ bahumatāṁ bhāryāṁ vanavāsamanuvratām ।
bhartsitāṁ tarjitāṁ vāpi nānumaṁsyati rāghavaḥ ।
5.27.40 ॥

tadalaṁ krūravākyairvaḥ sāntvamevābhidhīyatām ।
abhiyācāma vaidaihīmetaddhi mama rocate ।
5.27.41 ॥

yasyāmeva vidhaḥ svapno duḥkhitāyāṁ pradṛśyate ।
sā duḥkhairvividhairmuktā priyaṁ prāpnotyanuttamam ।
5.27.42 ॥

bhartsitāmapi yācadhvaṁ rākṣasyaḥ kiṁ vivakṣayā ।
rāghavāddhi bhayaṁ ghoraṁ rākṣasānāmupasthitam ।
5.27.43 ॥

praṇipātaprasannā hi maithilī janakātmajā ।
alameṣā paritrātuṁ rākṣasyo mahato bhayāt ।
5.27.44 ॥

api cāsyā viśālākṣyā na kiñcidupalakṣaye ।
virūpamapi cāṅgeṣu susūkṣmamapi lakṣaṇ ।
5.27.45 ॥

chāyāvaiguṇyamātraṁ tu śaṅkeḥ duḥkhamupasthitam ।
aduḥkhārhāmimāṁ devīṁ vaihāyasamupasthitām ।
5.27.46 ॥

arthasiddhiṁ tu vaidehyāḥ paśyāmyahamupasthitām ।
rākṣasendravināśaṁ ca vijayaṁ rāghavasya ca ।
5.27.47 ॥

nimittabhūtamettu śrotumasyā mahat priyam ।
5.27.48 ॥

dṛśyate ca sphuraccakṣuḥ padmapatramivāyatam ।
īṣacca hṛṣito vā 'syā dakṣiṇāyā hyadakṣiṇaḥ ।
5.27.49 ॥

akasmādeva vaidehyā bāhurekaḥ prakampate ।
kareṇuhastapratimaḥ savyaścoruranuttamaḥ ।
vepamānaḥ sūcayati rāghavaṁ purataḥ sthitam ।
5.27.50 ॥

pakṣī ca śākhānilayaḥ prahṛṣṭaḥ punaḥ punaścottamasāntvavādī ।
susvāgatāṁ vācamudīrayānaḥ punaḥ punaścodayatīva hṛṣṭaḥ ।
5.27.51 ॥