सुन्दरकाण्डम्Sundara Kāṇḍa

tato rāvaṇanītāyāḥ sītāyāḥ śatrukarśanaḥ ।
iyeṣa padamanveṣṭuṁ cāraṇācarite pathi ॥

duṣkaraṁ niṣpratidvandvaṁ cikīrṣan karma vānaraḥ ।
samudagraśirogrīvo gavāṁpatirivābabhau ॥

atha vaiḍūryavarṇeṣu śādvaleṣu mahābalaḥ ।
dhīraḥ salilakalpeṣu viccāra yathāsukham ॥

dvijān vitrāsayan dhīmānurasā pādapān haran ।
mṛgāṁśca subāhunnighnan pravṛddha iva kesarī ॥

nīlalohitamāñjiṣṭhapatravarṇaiḥ sitāsitaiḥ ।
svabhāvavihitaiścitrairdhātubhiḥ samalaṁkṛtam ॥

kāmarūpibhirāviṣṭamabhīkṣṇaṁ saparicchidaiḥ ।
yakṣakinnaragandharvairdevaklpaiśca pannagaiḥ ॥

sa tasya girivaryasya tale nāgavarāyute ।
tiṣṭhan kapivarastatra hrade nāga ivābabhau ॥

sa sūryāya mahendrāya pavanāya svayaṁbhuve ।
bhūtebhyaścāñjaliṁ kṛtvā cakāra gamane matim ॥

añjaliṁ prāṅmukhaḥ kṛtvā pavanāyātmayoonayo ।
tato hi vavṛdhe gantuṁ dakṣiṇo dakṣiṇāṁ diśm ॥

plavaṅgapravarairdṛṣṭaḥ plavane kṛtaniścayaḥ ।
vavṛdhe rāmavṛddhyartham samudra iva parvasu ॥

niṣpramāṇaśarīraḥ san lilaṅghayiṣurarṇavam ।
bāhubhyāṁ pīḍayāmāsa caraṇābhyāṁ ca parvatam ॥

sa cacālācalaścāpi muhūrtaṁ kapipīḍitaḥ ।
tarūṇāṁ puṣpitāgrāṇāṁ sarvaṁ puṣpamaśātayat ॥

tena pādapamuktena puṣpaughena sugandhinā ।
sarvataḥ saṁvṛtaḥ śailo babhau puṣpamayo yathā ॥

tena cottamavīryeṇa pīḍyamānaḥ sa parvataḥ ।
salilaṁ saṁprasusrāva madaṁ matta iva dvipaḥ ॥

pīḍyamānastu balinā mahendrastena parvataḥ ।
rītīrnirvartayāmāsa kāñcanāñjanarājatīḥ ॥

mumoca ca śilāḥ śailo viśālāḥ samanaḥśilāḥ ।
madhyamenārciṣā juṣṭo dhūmarājīrivānalaḥ ॥

giriṇā pīḍyamānena pīḍyamānāni sarvaśaḥ ।
guhāviṣṭāni bhūtāni vinedurvikṛtaiḥ svaraiḥ ॥

sa mahāsattvasaṁnādaḥ śailapīḍānimittajaḥ ।
pṛthivīṁ pūrayāmāsa diśaścopavanāni ca ॥

śirobhiḥ pṛthubhiḥ sarpā vyaktasvastikalakṣaṇaiḥ ।
vamantaḥ pāvakaṁ ghoraṁ dadaṁśurdaśanaiḥ śilāḥ ॥

tāstadā saviṣairdaṣṭāḥ kupitaistairmahāśilāḥ ।
jajjvaluḥ pāvakoddīptā bibhiduśca sahasradhā ॥

yāni cauṣadhajālāni tasmin jātāni parvate ।
viṣaghnānyapi nāgānāṁ na śekuḥ śamituṁ viṣam ॥

bhidyate'yaṁ girirbhūtairiti mattvā tapasvinaḥ ।
trastā vidyādharāstasmādutpetuḥ strīgaṇaiḥ saha ॥

pānabhūmigataṁ hitvā haimamāsavabhājanam ।
pātraṇi ca mahārhāṇi karakāṁśca hiraṇmayān ॥

lehyānuccāvacān bhakṣyān māṁsāni vividhāni ca ।
ārṣabhāṇi ca carmāṇi khaḍgāṁśca kanakatsarūn ॥

kṛtakṇṭhaguṇāḥ kṣībā rktamālyānulepanāḥ ।
rktakṣāḥ puṣkarākṣāśca gaganaṁ pratipedire ॥

hāranūpurakeyūrapārihāryadharāḥ striyaḥ ।
vismitāḥ sasmitāstasthurākāśe ramaṇaiḥ saha ॥

darśayanto mahāvidyāṁ vidyādharamaharṣayaḥ ।
sahitāstasthurākāśe vīkṣāñcakruśca parvatam ॥

śuśruvuścatadā śabdamṛṣīṇāṁ bhāvitātmanām ।
cāraṇānāṁ ca siddhānāṁ sthitānāṁvimale'mbare ॥

eṣa parvatasaṁkāśo hanūmān mārutātmajaḥ ।
titīrṣati mahāvegaḥ samudraṁ makarālayam ॥

rāmārthaṁ vānarārthaṁ ca cikīrṣan karmaduṣkaram ।
samudrasya paraṁ pāraṁ duṣprāpaṁ prāptumicchati ॥

iti vidyādharāḥ śrutvā vacasteṣāṁ mahātmanām ।
tamaprameyaṁ dadṛśuḥ parvate vānararṣabham ॥

dudhuve ca sa romāṇi cakampe cācalopamaḥ ।
nanāda sumahānādaṁ sumahāniva toyadaḥ ॥

ānupūrvyeṇa vṛttaṁ ca lāṅgūlaṁ lomabhiścitam ।
utpatiṣyan vicikṣepa pakṣirāja ivoragam ॥

tasya lāṅgūlamāviddhamāttavegasya pṛṣṭhataḥ ।
dadṛśe garuḍeneva hriyamāṇo mahoragaḥ ॥

bāhū saṁstaṁbhayāmāsa mahāparighasaṁnibhau ।
sasāda ca kapiḥ kṭyāṁ caraṇau saṁcukoca ca ॥

saṁhṛtya ca bhujau śrīmāṁstathaiva ca śirodharām ।
tejaḥ sttvaṁ tathā vīryamāviveśa sa vīryavān ॥

mārgamālokayandūrādūrdhvaṁ praṇihitekṣaṇaḥ ।
rurodha hṛdaye prāṇānākāśamavalokayan ॥

padbhyāṁ dṛḍhamavasthānaṁ kṛtvā sa kapikuñjaraḥ ।
nikuñcya karṇau hanumānutpatiṣyan mahābalaḥ ।
vānarān vānaraśreṣṭha idaṁ vacanamabravīt ॥

yathā rāghavanirmuktaḥ śaraḥ śvasanavikramaḥ ।
gaccettadvadgamiṣyāmi laṅkāṁ rāvaṇapālitām ॥

na hi drakṣyāmi yadi tāṁ laṅkāyāṁ janakātmajām ।
anenaiva hi vegena gamiṣyāmi surālayam ॥

yadi vā tridive sītāṁ na drakṣyāmyakṛtaśramaḥ ।
baddhvā rākṣasarājānamānayiṣyāmi rāvaṇam ॥

sarvathā kṛtakāryo'hameṣyāmi saha sītayā ।
ānayiṣyāmi vā laṅkāṁ samutpāṭya sarāvaṇām ॥

evamuktvā tu hanumānvānarānvānarottamaḥ ॥

utpapātātha vegena vegavānavicārayan ।
suparṇamiva cātmānaṁ mene sa kapikuñjaraḥ ॥

samutpatati tasmiṁstu vegātte nagarohiṇaḥ ।
saṁhṛtya viṭapān sarvān samutpetuḥ samantataḥ ॥

sa mattakoyaṣṭibhakān pādapān puṣpaśālinaḥ ।
udvahannūruvegena jagāma vimale'mbare ॥

ūruvegotthitā vṛkṣā muhūrtaṁ kapimanvayuḥ ।
prasthitaṁ dīrghamadhvānaṁ svabandhamiva bāndhavāḥ ॥

tamūruvegonmathitāḥsālāścanye nagottamāḥ ।
anujagmurhanūmantaṁ sainyā iva mahīpatim ॥

supuṣpitāgrairbahubhiḥ pādapairanvitaḥ kapiḥ ।
hanumān parvatākāro babhūvādbhutadarśanaḥ ॥

sāravanto'tha ye vṛkṣā nyamajjan lavaṇāmbhasi ।
bhayādiva mahendrasya parvatā varuṇālaye ॥

sa nānākusumaiḥ kīrṇaḥ kapiḥ sāṅkurakorakaiḥ ।
śuśubhe meghasaṁkāśaḥ khadyotairiva parvataḥ ॥

vimuktāstasya vegena muktvā puṣpāṇi te drumāḥ ।
avaśīryanta salile nivṛttāḥ suhṛdo yathā ॥

laghutvenopapannaṁ tadvicitraṁ sāgare'patat ।
drumāṇāṁ vividhaṁ puṣpaṁ kapivāyusamīritam ॥

tārācitamivākāśaṁ prababhau ca mahārṇavaḥ ।
puṣpaughenānubaddhena nānāvarṇena vānaraḥ ।
babhau megha ivākāśe vidyudgaṇavibhūṣitaḥ ॥

tasya vegasamādhūtaiḥ puṣpaistoyamadṛśyata ॥

tārābhirabhirāmābhiruditābhirivāmbaram ।
tasyāmbaragatau bāhū dadṛśāte prasāritau ॥

parvatāgrādviniṣkrāntau pañcāsyāviva pannagau ।
pibanniva babhau cāpi soormimālaṁ mahārṇavam ॥

pipāsuriva cākāśaṁ dadṛśe sa mahākapiḥ ।
tasya vidyutprabhākāre vāyumārgānusāriṇaḥ ॥

nayane viprakāśete parvatasthāvivānalau ।
piṅge piṅgākṣamukhyasya bṛhatī parimaṇḍale ॥

cakṣuṣī saṁprakāśete candrasūryāvivoditau ।
mukhaṁ nāsikayā tasya tāmrayā tāmramābabhau ॥

sandhyayā samabhispṛṣṭaṁ yathā tatsūryamaṇḍalam ।
lāṅgūlaṁ ca samāviddhaṁ plavamānasya śobhate ॥

ambare vāyuputrasya śakradhvaja ivocchritaḥ ।
lāṅgūlacakreṇa mahān śukladaṁṣṭro'nilātmajaḥ ॥

vyarocata mahāprājñaḥ pariveṣīva bhāskaraḥ ।
sphigdeśenābhitāmreṇa rarāja sa mahākapiḥ ॥

mahatā dāriteneva girirgairikadhātunā ।
tasya vānarasiṁhasya plavamānasya sāgaram ॥

kakṣāntaragato vāyurjīmūta iva garjati ।
khe yathā nipatantyulkā hyuttarāntādviniḥsṛtā ॥

dṛśyate sānubandhā ca tathā sa kapikuñjaraḥ ।
patatpataṅgasaṁkāśo vyāyataḥ śuśubhe kapiḥ ॥

pravṛddha iva mātaṅgaḥ kakṣyayā badhyamānayā ।
upariṣṭāccharīreṇa chāyayā cāvagāḍhayā ।
sāgare mārutāviṣṭā naurivāsīttadā kapiḥ ॥

yaṁ yaṁ deśaṁ samudrasya jagāma sa mahākapiḥ ।
sa sa tasyoruvegena sonmāda iva lakṣyate ॥

sāgarasyoormijālānāmurasā śailavarṣmaṇām ।
abhighnaṁstu mahāvegaḥ pupluve sa mahākapiḥ ॥

kapivātaśca balavān meghavātaśca niḥsṛtaḥ ।
sāgaraṁ bhīmanirghoṣaṁ kampayāmāsaturbhṛśam ॥

vikarṣannūrmijālāni bṛhanti lavaṇāmbhasi ।
pupluve kapiśārdūlo vikiranniva rodasī ॥

merumandarasaṁkāśānuddhatān sa mahārṇave ।
atyakrāmanmahāvegastaraṅgān gaṇayanniva ॥

tasya vegasamuddhūtaṁ jalaṁ sajaladaṁ tadā ।
ambarsthaṁ vibabhrāja śāradābhramivātatam ॥

timinakrajhaṣāḥ kūrmā dṛśyante vivṛtāstadā ।
vastrāpakarṣaṇeneva śarīrāṇi śarīriṇām ॥

plavamānaṁ samīkṣyatha bhujaṅgāḥ sāgarālayāḥ ।
vyomni taṁ kapiśārdūlaṁ suparṇa iti menire ॥

daśayojanavistīrṇā triṁśadyojanamāyatā ।
chāyā vānarasiṁhasya jale cārutarābhavat ॥

śvetābhraghanarājīva vāyuputrānugāminī ।
tasya sā śuśubhe chāyā vitatā lavaṇāmbhasi ॥

śuśubhe sa mahātejā mahākāyo mahākapiḥ ।
vāyumārge nirālambe pakṣavāniva parvataḥ ॥

yenāsau yāti balavān vegena kapikuñjaraḥ ।
tena mārgeṇa sahasā droṇīkṛta ivārṇavaḥ ॥

āpāte pakṣisaṁghānāṁ pakṣirāja iva vrajan ।
hanumān meghajālāni prakarṣan māruto yathā ॥

pāṇḍurāruṇavarṇāni nīlamāñjiṣṭhakāni ca ।
kapinākṛṣyamāṇāni mahābhrāṇi cakāśire ॥

praviśannabhrajālāniniṣpataṁśca punaḥ punaḥ ।
praccannaśca prakāśaśca candramā iva lakṣyate ॥

plavamānaṁ tu taṁ dṛṣṭvā plavaṅgaṁ tvaritaṁ tadā ।
vavarṣuḥ puṣpavarṣaṇi devagandharvadānavāḥ ॥

tatāpa na hi taṁ sūryaḥ plavantaṁ vānarottamam ।
siṣeve ca tadā vāyū rāmakāryādthasiddhaye ॥

ṛṣayastuṣṭuvuścaiva plavamānaṁ vihāyasā ।
jaguśca devagandharvāḥ praśaṁsanto mahaujasam ॥

nāgāśca tuṣṭuvuryakṣā rakṣāṁsi vibudhāḥ khagāḥ ॥

prekṣya sarve kapivaraṁ sahasā vigataklamam ।
tasmin plavagaśārdūle plavamāne hanūmati ॥

ikṣvākukulamānārthī cintayāmāsa sāgaraḥ ।
sāhāyyaṁ vānarendrasya yadi nāhaṁ hanūmataḥ ॥

kariṣyāmi bhaviṣyāmi sarvavācyo vivakṣatām ।
ahamikṣvākunāthena sagareṇa vivardhataḥ ॥

ikṣvākusacicaścāyaṁ nāvasīditumarhati ।
tathā mayā vidhātavyaṁ viśrameta yathā kapiḥ ॥

śeṣaṁ ca mayi viśrāntaḥ sukhenātipatiṣyati ।
iti kṛtvā matiṁ sādhvīṁ samudraścannamambhasi ॥

hiraṇyanābhaṁ mainākamuvāca girisattamam ।
tvamihāsurasaṁghānāṁ pātāLatalavāsināṁ ॥

devarājñā giriśreṣṭha parighaḥ saṁniveśitaḥ ।
tvameṣāṁ jātavīryāṇāṁ punarevotpatiṣyatām ॥

pātāLasyāprameyasya dvāramāvṛtya tiṣṭhasi ।
tiryagūrdhvamadhaścaiva śaktiste śaila vardhitum ॥

tasmātsaṁcodayāmi tvāmuttiṣṭha girisattama ।
na eṣa kapiśārdūlastvamuparyeti vīryavān ॥

hanūmānrāmakāryārthaṁ bhīmakarmā khamāplutaḥ ।
asya sāhyaṁ mayā kāryamikṣvākukulavartinaḥ ॥

mama hīkṣvākavaḥ pūjyāḥ paraṁ pūjyatamāstava ।
kuru sācivyamasmākaṁ na naḥ kāryamatikramet ॥

kartavyamakṛtaṁ kāryaṁ satāṁ manyumudīrayet ।
salilādūrdhvamuttiṣṭha tiṣṭhatveṣa kapistvayi ॥

asmākamatithiścaiva pūjyaśca plavatāṁ varaḥ ।
cāmīkaramahānābha devagandharva sevita ॥

hanumāṁstvayi viśrāntastataḥ śeṣaṁ gamiṣyati ।
kākutthsasyānṛśaṁsyaṁ ca maithilyāśca vivāsanam ॥

śramaṁ ca plavagendrasya samīkṣyotthātumarhasi ।
hiraṇya nābho maināko niśamya lavaṇāmbhasaḥ ॥

utpapāta jalāttūrṇaṁ mahādrumalatāyutaḥ ।
sa sāgarajalaṁ bhittvā babhūvābhyutthitastadā ॥

yathā jaladharaṁ bhittvā dīptaraśmirdivākaraḥ ।
sa mahātmā muhūrtena sarvataḥ salilāvṛtaḥ ॥

drśayāmāsa śṛṅgāṇi sāgareṇa niyojitaḥ ।
śātakumbhamayaiḥ śṛṅgaiḥ sakinnaramahoragaiḥ ॥

ādityodayasaṁkāśairālikhadbhirivāmbaram ।
taptajāmbūnadaiḥ śṛṅigāḥ parvatasya samutthitaiḥ ॥

ākāśaṁ śastrasaṁkāśamabhavatkāñcanaprabham ।
jātarūpamayaiḥ śṛṅgairbhrājamānaiḥ svayaṁprabhaiḥ ॥

ādityaśatasaṁkāśaḥ so'bhavadgirisattamaḥ ।
tamutthitamasaṁgena hanumānagrataḥ sthitam ॥

madhye lavaṇatoyasya vighno'yamiti niścitaḥ ।
sa tamucchrita matyarthaṁ mahāvego mahākapiḥ ॥

urasā pātayāmāsa jīmūtamiva mārutaḥ ।
sa tathā pātitastena kapinā parvatottamaḥ ॥

buddhvā tasya kapervegaṁ jaharṣa ca nananda ca ।
tamākāśagataṁ vīramākāśe samupasthitaḥ ॥

prīto hṛṣṭamanā vākyamabravītparvataḥ kapim ।
mānuṣaṁ dhārayan rūpamātmanaḥ śikhare sthitaḥ ॥

duṣkaraṁ kṛtāvankarma tvamidaṁ vānarottama ।
nipatya mama śṛṅgeṣu viśramasva yathāsukham ॥

rāghavasya kule jātairudadhiḥ parivardhitaḥ ।
sa tvāṁ rāmahite yuktaṁ pratyarcayati sāgaraḥ ॥

kṛte ca pratikartavyameṣa dharmaḥ sanātanaḥ ।
so'yaṁ tatpratikārārthī tvattaḥ saṁmānamarhati ॥

tvannimittamanenāhaṁ bahumānātpracoditaḥ ।
yojanānāṁ śataṁ cāpi kapireṣa samāplutaḥ ॥

tava sānuṣu viśrāntaḥ śeṣaṁ prakramatāmiti ।
tiṣṭha tvaṁ hariśārdūla mayi viśramya gamyatām ॥

tadidaṁ gandhavatsvādu kandamūlaphalaṁ bahu ।
tadāsvādya hariśreṣṭha viśrānto'nu gamiṣyasi ॥

asmākamapi sambandhaḥ kapimukhya tvayāsti vai ।
prakhyātastriṣu lokeṣu mahāguṇaparigrahaḥ ॥

vegavantaḥ plavanto ye plavagā mārutātmaja ।
teṣāṁ mukhyatamaṁ manye tvāmahaṁ kapikuñjara ॥

atithiḥ kilapūjārhaḥ prākṛto'pi vijānatā ।
dharmaṁ jijñāsamānena kiṁ punastvādṛśo mahān ॥

tvaṁ hi devavariṣṭhasya mārutasya mahātmanaḥ ।
putrastasyaiva vegena sadṛśaḥ kapikuñjara ॥

pūjite tvayi dharmajña pūjāṁ prāpnoti mārutaḥ ।
tasmāttvaṁ pūjanīyo me śṛṇu cāpyatra kāraṇam ॥

pūrvaṁ kṛtayuge tāta parvatāḥ pakṣiṇo'bhavan ।
te hi jagmurdiśaḥ sarvā garuḍānilaveginaḥ ॥

tatasteṣu prayāteṣu devasaṁghaḥ saharṣibhiḥ ।
bhūtāni ca bhayaṁ jagmusteṣāṁ patanaśaṅkayā ॥

tataḥ kruddhaḥ sahasrāakṣaḥ parvatānāṁ śatakratuḥ ।
pakṣān ciccheda vajreṇa tatra tatra sahasraśaḥ ॥

sa māmupāgataḥ kruddho vajramudyamya devarāṭ ।
tato'haṁ sahasā kṣiptaḥ svasanena mahātmanā ॥

asminlavaṇatoye ca prakṣiptaḥ plavagottama ।
guptapakṣasamagraśca tava pitrābhirakṣitaḥ ॥

tato'haṁ mānayāmi tvāṁ mānyo hi mama mārutaḥ ।
tvayā me hyeṣa saṁbandhaḥ kapimukhya mahāguṇaḥ ॥

asminnevaṁgate kārye sāgarasya mamaiva ca ।
prītiṁ prītamanāḥ kartuṁ tvamarhasi mahākape ॥

śramaṁ mokṣaya pūjāṁ ca gṛhāṇa kapisattama ।
prītiṁ ca bahumanyasva prīto'smi tava darśanāt ॥

evamuktaḥ kapiśreṣṭhastaṁ nagottamamabravīt ।
prīto'smi kṛtamātithyaṁ manyureṣo'panīyatām ॥

tvarate kāryakālo me ahaścāpyativartate ।
pratijñā ca mayā dattā na sthātavyamihānttare ॥

ityuktvā pāṇinā śailamālabhya haripuṅgavaḥ ।
jagāmākāśamāviśya vīryavān prahasanniva ॥

sa parvatasamudrābhyāṁ bahumānādavekṣitaḥ ।
pūjitaścopapannābhirāśīrbhiranilātmajaḥ ॥

athordhvaṁ dūramutplutya hitvā śailamahārṇavau ।
pituḥ panthānamāsthāya jagāma vimale'mbare ॥

bhūyaścordhvaṁ gatiṁ prāpya giriṁ tamavalokayan ।
vāyusūnurnirālambe jagāma vimale'mbare ॥

taddvitīyaṁ hanumato dṛṣṭvā karma suduṣkaram ।
praśśaṁsuḥ surāḥ sarve siddhāśca paramarṣayaḥ ॥

devatāścābhavan hṛṣṭāstatrasthāstasya karmaṇā ।
kāñcanasya sunābhasya sahasrākṣaśca vāsavaḥ ॥

uvāca vacanaṁ dhīmān paritoṣātsagadgadam ।
sunābhaṁ parvataśreṣṭhaṁ svayameva śacīpatiḥ ॥

hiraṇyanābha śailendra parituṣṭo'smi te bhṛśam ।
abhayaṁ te prayacchāmi tiṣṭha saumya yathāsukham ॥

sāhyaṁ te sumahadvikrāntasya hanūmataḥ ।
kramato yojanaśataṁ nirbhayasya bhaye sati ॥

rāmasyaiṣa hitāyaiva yāti dāśaratherhariḥ ।
satkriyāṁ kurvatā tasya toṣito'smi dṛḍhaṁ tvayā ॥

tataḥ praharṣamagamadvipulaṁ parvatottamaḥ ।
devatānāṁ patiṁ dṛṣṭvā parituṣṭaṁ śatakratum ॥

sa vai dattavaraḥ śailo babhūvāvasthitastadā ।
hanumāṁśca muhūrtena vyaticakrāma sāgaram ॥

tato devāḥ sagandharvāḥ siddhāśca paramarṣayaḥ ।
abrūvan sūryasaṁkāśāṁ surasāṁ nāgamātaram ॥

ayaṁ vātātmajaḥ śrīmānplavate sāgaropari ।
hanumānnāma tasya tvaṁ muhūrtaṁ vighnamācara ॥

rākṣasaṁ rūpamāsthāya sughoraṁ parvatopamam ।
daṁṣṭrakarāLaṁ piṅgākṣaṁ vaktraṁ kṛtvā nabhaḥsamam ॥

balamicchāmahe jñātuṁ bhūyaścāsya parākramam ।
tvāṁ vijeṣyatyupāyena viṣādaṁ vā gamiṣyati ॥

evamuktā tu sā devī daivatairabhisatkṛtā ।
samudramadhye surasā bibhratī rākṣasaṁ vapuḥ ॥

vikṛtaṁ ca virūpaṁ ca sarvasya ca bhayāvaham ।
plavamānaṁ hanūmantamāvṛtyedamuvāca ha ॥

mama bhakṣaḥ pradiṣṭastvamīśvarairvānararṣabha ।
ahaṁ tvā bhakṣayiṣyāmi praviśedaṁ mamānanam ॥

evamuktaḥ surasayā prāñjalirvānararṣabhaḥ ।
prahṛṣṭavadanaḥ śrīmānidaṁ vacanamabravīt ॥

rāmo dāśarathirnāma praviṣṭo daṇḍakāvanam ।
lakṣmaṇena saha bhrātrā vaidehyā cāpi bhāryayā ॥

anyakāryaviṣaktasya baddhavairasya rākṣasaiḥ ।
tasya sīta hṛtā bhāryā rāvaṇena yaśasvinī ॥

tasyāḥ sakāśaṁ dūto'haṁ gamiṣye rāmakāraṇāt ।
kartumarhasi rāmasya sāhyaṁ viṣayavāsini ॥

athavā maithilīṁ dṛṣṭvā rāmaṁ cākliṣṭakāriṇam ।
āgamiṣyāmi te vaktraṁ satyaṁ pratiśṛṇomi te ॥

evamuktā hanumatā surasā kāmarūpiṇī ।
abravīnnātivarteta kaścideṣa varo mama ॥

taṁ prayāntaṁ samudvīkṣya surasā vākyamabravīt ।
balaṁ jijñāsamānā vai nāgamātā hanūmataḥ ॥

praviśya vadanaṁ me'dya gantavyaṁ vānarottama ।
vara eṣa purā datto mama dhātreti satvarā ॥

vyādāya vipulaṁ vaktraṁ sthitā sā māruteḥ puraḥ ।
evamuktaḥ surasayā kruddho vānarapuñgavaḥ ॥

abravītkuru vai vaktraṁ yena māṁ viṣahiṣyase ।
praviśya vadanaṁ me'dya gntavyaṁ vānarottama ।
vara eṣa purā datto mamam dhrātreti satvarā ॥

vyādāya vipulaṁ vaktraṁ sthitā sā maruteḥ puraḥ ।
taṁ dṛṣhṭvā meghasaṁkāśaṁ daśayojanamāyatam ॥

cakāra surasā cāsyaṁ viṁśadyojanamāyatam ।
hanumāṁstu tataḥ kruddhastriṁśadyojanamāyataḥ ॥

cakāra surasā vaktraṁ catvāriṁśattathocchritam ।
babhūva hanumānvīraḥ pañcāśadyojanocchritaḥ ॥

cakāra surasā vaktraṁ ṣaṣṭiyojanamāyatam ।
tathaiva hanumānvīraḥ saptatīyojinocchritaḥ ॥

cakāra surasā vktramśītīyojanocchritam ।
hanumānacalaprakhyo navatīyojanocchritaḥ ॥

taddṛṣṭvā vyāditaṁ tvāsyaṁ vāyuputraḥ subuddhimān ।
dīrghajihvaṁ surasayā sughoraṁ narakopamam ॥

susaṁkṣipyātmanaḥ kāyaṁ babhūvāñguṣṭhamātrakaḥ ।
so'bhipatyāśu tadvaktraṁ niṣpatya ca mahājavaḥ ।
antarikṣe sthitaḥ śrīmānidaṁ vacanamabravīt ॥

praviṣṭo'smi hi te vaktraṁ dākṣāyaṇi namo'stu te ।
gamiṣye yatra vaidehī satyaṁ cāsīdvarastava ॥

taṁ dṛṣṭvā vadanānmuktaṁ candraṁ rāhumukhādiva ।
abravītsurasā devī svena rūpeṇa vānaram ॥

arthasiddhyai hariśreṣṭha gaccha saumya yathāsukham ।
samānayasva vaidehīṁ rāghaveṇa mahātmanā ॥

tattṛtīyaṁ hanumato dṛṣṭvā karma suduṣkaram ।
sādhu sādhviti bhūtāni praśśaṁsustadā harim ॥

sa sāgaramanādhṛṣyamabhyetya varuṇālayam ।
jagāmākāśamāviśya vegena garuḍopamaḥ ॥

carite kaiśikācāryairairāvataniṣevite ॥

siṁhakuñjaraśārdūlapatagoragavāhanaiḥ ।
vimānaiḥ saṁpatadbhiśca vimalaiḥ samalaṁkṛte ॥

vajrāśanisamāghātaiḥ pāvakairupaśobhite ।
kṛtapuṇyairmahābhāgaiḥ svargajidbhiralaṁkṛte ॥

vahatā havyamatyarthaṁ sevite citrabhānunā ।
grahanakṣatracandrārkatārāgaṇavibhūṣite ॥

maharṣigaṇagandharvanāgayakṣasamākule ।
vivikte vimale viśve viśvāvasuniṣevite ॥

devarājagajākrānte candrasūryapathe śive ।
vitāne jīvalokasya vitate brahmanirmite ॥

bahuśaḥ sevite vīrairvidyādharagaṇairvaraiḥ ।
jagāma vāyumārge tu garutmāniva mārutiḥ ॥

pradṛśyamānaḥ sarvatra hanumānmārutātmajaḥ ।
bheje'mbaraṁ nirālambaṁ lambapakṣa ivādrirāṭ ॥

plavamānaṁ tu taṁ dṛṣṭvā siṁhikā nāma rākṣasī ।
manasā cintayāmāsa pravṛddhā kāmarūpiṇī ॥

adya dīrGhasya kālasya bhaviṣyāmyahāmāśitā ।
idaṁ hi me mahatsattvaṁ cirasya vaśamāgatam ॥

iti saṁcintya manasā chāyāmasya samākṣipat ।
chāyāyāṁ gṛhyamāṇāyāṁ cintayāmāsa vānaraḥ ॥

samākṣipto'smi tarasā pañūkṛtaparākramaḥ ।
pratilomena vātena mahānauriva sāgare ॥

tiryagūrdhvamadhaścaiva vīkṣimāṇastataḥ kapiḥ ।
dadarśa sa mahatsattvamutthitaṁ lavaṇāmbhasi ॥

chāytaddhṛṣṭvā cintayāmāsa mārutirvikṛtānanam ।
kapirājena kathitaṁ sattvamadbhutadarśanam ॥

āgrāhi mahāvīryaṁ tadidaṁ nātra saṁśayaḥ ।
sa tāṁ buddhvārthatattvena siṁhikāṁ matimānkapiḥ ।
vyavardhata mahākāyaḥ pravṛṣīva valāhakaḥ ॥

tasya sā kāyamudvīkṣya vardhamānaṁ mahākapeḥ ॥

vaktraṁ prasārayāmāsa pātāLāntarasannibham ।
ghanarājīva garjantī vānaraṁ sambhidravat ॥

sa dadarśa tatastasyā vivṛtaṁ sumahanmukham ।
kāyamātraṁ ca medhāvī marmāṇi ca mahākapiḥ ॥

sa tasyā vivṛte vaktre vajrasaṁhananaḥ kapiḥ ।
saṁkṣipya muhurātmānaṁ niṣpapāta mahābalaḥ ॥

āsye tasyā nimajjantaṁ dadṛśuḥ siddhacāraṇāḥ ।
grasyamānaṁ yathā candraṁ pūrṇaṁ parvaṇi rāhuṇā ॥

tatastasyā nakhaistīkṇairmarmāṇyutkṛtya vānaraḥ ।
utpapātātha vegena manaḥ saṁpātavikramaḥ ॥

tāṁ tu dṛṣṭvā ca dhaṛtyā ca dākṣiṇyena nipātya ca ।
sa kapipravaro vegādvavṛdhe punarātmavān ॥

hṛtahṛtsā hanumatā papāta vidhurāmbhasi ।
tāṁ hatāṁ vānareṇāśu patitāṁ vīkṣya siṁhikām ॥

bhūtānyākāśacārīṇī tamūcuḥ plavagottamam ।
bhīmamadya kṛtaṁ karma mahatsattvaṁ tvayā hatam ॥

sādhayārthamabhipretamariṣṭaṁ plavatāṁ vara ।
yasya tvetāni catvāri vānarendra yathā tava ॥

dhṛtirdṛṣṭirmatirdākṣyaṁ sa karmasu na sīdati ।
sa taiḥ saṁbhāvitaḥ pūjyaḥ pratipannaprayojanaḥ ॥

jagāmākāśamāviśya pannagāśanavatkapiḥ ।
prāptabhūyiṣṭhapārastu sarvataḥ pratilokayan ॥

yojanānāṁ śatasyānte vanarājiṁ dadarśa saḥ ।
dadarśa ca patanneva vividhadrumabhūṣitam ॥

dvīpaṁ śākhāmṛgaśreṣṭho malayopavanāni ca ।
sāgaraṁ sāgarānūpaṁ sāgarānūpajān drumān ॥

sāgarasya ca patnīnāṁ mukhānyapi vilokayan ।
sa mahāmeghasaṁkāśaṁ samīkṣyātmānamātmavān ॥

nirundhantamivākāśaṁ cakāra matimān matim ।
kāyavṛddhiṁ pravegaṁ ca mama dṛṣṭvava rākṣasāḥ ॥

mayi kautūhalaṁ kuryuriti mene mahākapiḥ ।
tataḥ śarīraṁ saṁkṣipya tanmahīdharasannibham ॥

punaḥ prakṛtimāpede vītamoha ivātmavān ।
tadrūpamatisaṁkṣipya hanumān prakṛtau sthitaḥ ॥

trīn kramāniva vikramya balivīryaharo hariḥ ।
sa cārunānāvidharūpadhārī ।
paraṁ samāsādya samudratīram ।
parairaśakyaḥ pratipannarūpaḥ ।
samīkṣitātmā samavekṣitārthaḥ ॥

tataḥ sa lambasya gireḥ samṛddhe ।
vicitrakūṭe nipapāta kūṭe ।
saketakoddālakanāLikere ।
mahābhrakūṭapratimo mahātmā ॥

tatastu saṁprāpya samudratīraṁ ।
samīkṣya laṅkāṁ girivaryamūrdhni ।
kapistu tasminnipapāta parvate ।
vidhūya rūpaṁ vyathayanmRṛgadvijān ॥

sa sāgaraṁ dānavapannagāyutaṁ ।
balena vikramya mahormimālinam ।
nipatya tīre ca mahodadhestadā ।
dadarśa laṅkāmamarāvatīmiva ॥