किष्किन्धाकाण्डम्Kiṣkindhā Kāṇḍa

tam dṛṣṭvā jṛṁbhamāṇam te kramitum śata yojanam ।
vegena āpūryamāṇam ca sahasā vānarottamam ॥

sahasā śokam utsṛjya praharṣeṇa samanvitāḥ ।
vineduḥ tuṣṭuvuḥ ca api hanūmantam mahābalam ॥

prahṛṣṭā vismitāḥ ca api te vīkṣante samaṁtataḥ ।
trivikrama kṛta utsāham nārāyaṇam iva prajāḥ ॥

saṁstūyamāno hanumān vyavardhata mahābalaḥ ।
samāviddhya ca lāṁgūlam harṣāt balam upeyivān ॥

tasya saṁstūyamānasya sarvaiḥ vanara puṁgavaiḥ ।
tejasā āpūryamāṇasya rūpam āsīt anuttamam ॥

yathā vijṛṁbhate siṁho vivṛte giri gahvare ।
mārutasya aurasaḥ putraḥ tathā saṁprati jṛṁbhate ॥

aśobhata mukham tasya jṛṁbhamāṇasya dhīmataḥ ।
aṁbarīṣa upamam dīptam vidhūma iva pāvakaḥ ॥

harīṇām utthito madhyāt saṁprahṛṣṭa tanū ruhaḥ ।
abhivādya harīn vṛddhān hanumān idam abravīt ॥

arujan parvata agrāṇi hutāśana sakho anilaḥ ।
balavān aprameyaḥ ca vāyuḥ ākāśa gocaraḥ ॥

tasya aham śīghra vegasya śīghra gasya mahātmanaḥ ।
mārutasya aurasaḥ putraḥ plavane ca asmi tat samaḥ ॥

utsaheyam hi vistīrṇam ālikhaṁtam iva aṁbaram ।
merum girim asaṁgena parigaṁtum sahasraśaḥ ॥

bāhu vega praṇunnena sāgareṇa aham utsahe ।
samāplāvayitum lokam sa parvata nadī hradam ॥

mama ūru janghā vegena bhaviṣyati samutthitaḥ ।
samutthita mahā grāhaḥ samudro varuṇa ālayaḥ ॥

pannaga aśanam ākāśe patantam pakṣi sevitam ।
vainateyam aham śaktaḥ parigaṁtum sahasraśaḥ ॥

udayāt prasthitam vā api jvalaṁtam raśmi mālinam ।
an astamitam ādityam abhigaṁtum samutsahe ॥

tato bhūmim asaṁspṛṣṭvā punaḥ āgantum utsahe ।
pravegena eva mahatā bhīmena plavagarṣabhāḥ ॥

utsaheyam atikrāṁtum sarvān ākāśa gocarān ।
sāgaram śoṣayiṣyāmi dārayiṣyāmi medinīm ॥

parvatān cūrṇaṣyāmi plavamānaḥ plavaṁgamāḥ ।
hariṣyāmi ūru vegena plavamāno mahāarṇavam ॥

latānām vividhām puṣpam pādapānām ca sarvaśaḥ ।
anuyāsyati mām adya plavamānam vihāyasā ॥

bhaviṣyati hi me panthāḥ svāteḥ panthā iva aṁbare ।
carantam ghoram ākāśam utpatiṣyantam eva ca ॥

drakṣyanti nipatantam ca sarva bhūtāni vānarāḥ ।
mahā meru pratīkāśam mām drakṣyadhvam plavaṁgamāḥ ॥

divam āvṛtya gacchantam grasamānam iva aṁbaram ।
vidhamiṣyāmi jīmūtān kaṁpayiṣyāmi parvatān ।
sāgaram śoṣayiṣyāmi plavamānaḥ samāhitaḥ ॥

vainateyasya vā śaktiḥ mama vā mārutasya vā ।
ṛte suparṇa rājānam mārutam vā mahābalam ।
na tat bhūtam prapaśyāmi yat mām plutam anuvrajet ॥

nimeṣa antara mātreṇa nirālaṁbanam aṁbaram ।
sahasā nipatiṣyāmi ghanāt vidyut iva utthitā ॥

bhaviṣyati hi me rūpam plavamānasya sāgaram ।
viṣṇoḥ prakramamāṇasya tadā trīn vikramān iva ॥

buddhyā ca aham prapaśyāmi manaḥ ceṣṭā ca me tathā ।
aham drakṣyāmi vaidehīm pramodadhvam plavaṁgamāḥ ॥

mārutasya samo vege garuḍasya samo jave ।
ayutam yojanānām tu gamiṣyāmi iti me matiḥ ॥

vāsavasya sa vajrasya brahmaṇo vā svayaṁbhuvaḥ ।
vikramya sahasā hastāt amṛtam tat iha ānaye ॥

laṁkām vā api samutkṣipya gaccheyam iti me matiḥ ।
tam evam vānara śreṣṭham garjantam amita prabham ॥

prahṛṣṭā harayaḥ tatra samudaikṣanta vismitāḥ ।
tat ca asya vacanam śrutvā jñātīnām śoka nāśanam ॥

uvāca parisaṁhṛṣṭo jāṁbavān plavageśvaraḥ ।
vīra kesariṇaḥ putra vegavan māruta ātmaja ॥

jñātīnām vipulaḥ śokaḥ tvayā tāta praṇāśitaḥ ।
tava kalyāṇa rucayaḥ kapi mukhyāḥ samāgatāḥ ॥

maṁgalam kārya siddhi artham kariṣyanti samāhitāḥ ।
ṛṣīṇām ca prasādena kapi vṛddha matena ca ॥

gurūṇām ca prasādena plavasva tvam mahāarṇavam ।
sthāsyāmaḥ ca eka pādena yāvat āgamanam tava ॥

tvat gatāni ca sarveṣām jīvitāni vana okasām ।
tataḥ ca hari śārdūlaḥ tān uvāca vana okasaḥ ॥

ko api loke na me vegam plavane dhārayiṣyati ।
etāni hi nagasya asya śilā saṁkaṭa śālinaḥ ॥

śikharāṇi mahendrasya sthirāṇi ca mahānti ca ।
yeṣu vegam gamiṣyāmi mahendra śikhareṣu aham ॥

nānā druma vikīrṇeṣu dhātu niṣpanda śobhiṣu ।
etāni mama vegam hi śikharāṇi mahānti ca ॥

plavato dhārayiṣyanti yojanānām itaḥ śatam ।
tataḥ tu māruta prakhyaḥ sa hariḥ māruta ātmajaḥ ।
āruroha naga śreṣṭham mahndram ariṁardamaḥ ॥

vṛtam nānā vidhaiḥ puṣpaiḥ mṛga sevita śādvalam ।
latā kusuma saṁbādham nitya puṣpa phala drumam ॥

siṁha śārdūla caritam matta mātaṁga sevitam ।
matta dvija gaṇa ud dhuṣṭam salila utpīḍa saṁkulam ॥

mahadbhiḥ ucchritam śṛngaiḥ mahendram sa mahābalaḥ ।
vicacāra hariśreṣṭho mahendra sāma vikramaḥ ॥

bāhubhyām pīḍitaḥ tena mahāśailo mahātmanā ।
rarāsa siṁha abhihato mahān matta iva dvipaḥ ॥

mumoca salila utpīḍān viprakīrṇa śilouccayaḥ ।
vitrasta mṛga mātaṁgaḥ prakaṁpita mahā drumaḥ ॥

nānāgaṁdharvamithunairpānasaṁsargakarkaśaiḥ ।
utpatadbhirvihaṁgaiścavidyādharagaṇairapi - yadvā -nānā gandharva mithunaiḥ pāna saṁsarga karkaśaiḥ ।
ut patadbhiḥ vihaṁgaiḥ ca vidyādhara gaṇaiḥ api ॥

tyajyamāna mahā sānuḥ saṁnilīna mahā uragaḥ ।
śaila śṛnga śilā utpātaḥ tadā abhūt sa mahā giriḥ ॥

niḥśvasadbhistadātaitubhujagairardhaniḥsṛtaiḥ ।
sapatākaivābhātisatadādharaṇīdharaḥ ।
yadvā -niḥśvasadbhiḥ tadā taiḥ tu bhujagaiḥ ardha niḥsṛtaiḥ ।
sa patāka iva ābhāti sa tadā dharaṇī dharaḥ ॥

ṛṣibhitrāsasaṁbhrāntaistyajyamānaśśiloccayaḥ - yadvā -ṛṣibhiḥ trāsa saṁbhrāṁtaiḥ tyajyamānaḥ śilā uccayaḥ ।
sīdan mahati kāṁtāre sārtha hīna iva adhva gaḥ ॥

sa vegavān vega samāhita ātmāhari pravīraḥ para vīra hantā ।
manaḥ samādhāya mahāanubhāvojagāma laṁkām manasā manasvī ॥