उत्तरकाण्डम्Uttara Kāṇḍa

tacchrutvā bhāṣitaṁ tasya śatrughnasya mahātmanaḥ ।
krodhāmāhārayattīvraṁ tiṣṭha tiṣṭheti cābravīt ।
7.69.1 ॥ ॥

pāṇau pāṇiṁ viniṣpiṣya dantānkaṭakaṭāyya ca ।
lavaṇo raghuśārdūlamāhvayāmāsa cāsakṛt ।
7.69.2 ॥ ॥

taṁ bruvāṇaṁ tathā vākyaṁ lavaṇaṁ ghoradarśanam ।
śatrughno devaśatrughna idaṁ vacanamabravīt ।
7.69.3 ॥ ॥

na śatrughnastathā jāto yathā 'nye nirjitāstvayā ।
tadadya bāṇābhihato vraja tvaṁ yamasādanam ।
7.69.4 ॥ ॥

ṛṣayo 'pyadya pāpātmanmayā tvāṁ nihataṁ raṇe ।
paśyantu viprā vidvāṁsastridaśā iva rāvaṇam ।
7.69.5 ॥ ॥

tvayi madbāṇanirdagdhe patite 'dya niśācara ।
pure janapade cāpi kṣemameva bhaviṣyati ।
7.69.6 ॥ ॥

adya madbāhuniṣkrāntaḥ śaro vajranibhānanaḥ ।
pravekṣyate te hṛdayaṁ padmamaṁśurivārkajaḥ ।
7.69.7 ॥ ॥

evamukto mahāvṛkṣaṁ lavaṇaḥ krodhamūrcchitaḥ ।
śatrughnorasi cikṣepa sa ca taṁ śatadhācchinat ।
7.69.8 ॥ ॥

taddṛṣṭvā viphalaṁ karma rākṣasaḥ punareva tu ।
pādapānsubahūngṛhya śatrughnāyāsṛjadbalī ।
7.69.9 ॥ ॥

śatrughnaścāpi tejasvī vṛkṣānāpatato bahūn ।
tribhiścaturbhirekaikaṁ ciccheda nataparvabhiḥ ।
7.69.10 ॥ ॥

tato bāṇamayaṁ varṣaṁ vyasṛjadrākṣasorasi ।
śatrughno vīryasampanno vivyathe na sa rākṣasaḥ ।
7.69.11 ॥ ॥

tataḥ prahasya lavaṇo vṛkṣamudyamya vīryavān ।
śirasyabhyahanacchūraṁ srastāṅgaḥ sa mumoha vai ।
7.69.12 ॥ ॥

tasminnipatite vīre hāhākāro mahānabhūt ।
ṛṣīṇāṁ devasaṅghānāṁ gandharvāpsarasāṁ tathā ।
7.69.13 ॥ ॥

tamavajñāya tu hataṁ śatrughnaṁ bhuvi pātitam ।
rakṣo labdhāntaramapi na viveśa svamālayam ।
7.69.14 ॥ ॥

nāpi śūlaṁ prajagrāha taṁ dṛṣṭvā bhuvi pātitam ।
tato hata iti jñātvā tānbhakṣānsamudāvahat ।
7.69.15 ॥ ॥

muhūrtāllabdhasañjñastu punastasthau dhṛtāyudhaḥ ।
śatrughno vai puradvāri ṛṣibhiḥ samprapūjitaḥ ।
7.69.16 ॥ ॥

tato divyamamoghaṁ taṁ jagrāha śaramuttamam ।
jvalantaṁ tejasā ghoraṁ pūrayantaṁ diśo daśa ।
7.69.17 ॥ ॥

vajrānanaṁ vajravegaṁ merumandarasannibham ।
nataṁ parvasu sarveṣu saṁyugeṣvaparājitam ।
7.69.18 ॥ ॥

asṛkcandanadigdhāṅgaṁ cārupatraṁ patatriṇam ।
dānavendrācalendrāṇāmasurāṇāṁ ca dāraṇam ।
7.69.19 ॥ ॥

taṁ dīptamiva kālāgniṁ yugānte samupasthite ।
dṛṣṭvā sarvāṇi bhūtāni paritrāsamupāgaman ।
7.69.20 ॥ ॥

sadevāsuragandharvaṁ munibhiḥ sāpsarogaṇam ।
jagaddhi sarvamasvasthaṁ pitāmahamupasthitam ।
7.69.21 ॥ ॥

uvāca devadeveśaṁ varadaṁ prapitāmaham ।
devānāṁ bhayasaṁmoho lokānāṁ saṅkṣayaṁ prati ।
7.69.22 ॥ ॥

nedṛśaṁ dṛṣṭapūrvaṁ ca na śrutaṁ prapitāmaha ।
devānāṁ bhayasammoho lokānāṁ saṅkṣayaṁ prati ।
7.69.23 ॥ ॥

teṣāṁ tadvacanaṁ śrutvā brahmā lokapitāmahaḥ ।
bhayakāraṇamācaṣṭa lokānāmabhayaṅkaraḥ ।
uvāca madhurāṁ vāṇīṁ śṛṇudhvaṁ sarvadevatāḥ ।
7.69.24 ॥ ॥

vadhāya lavaṇasyājau śaraḥ śatrughnadhāritaḥ ।
tejasā tasya sammūḍhāḥ sarve smaḥ surasattamāḥ ।
7.69.25 ॥ ॥

eṣa pūrvasya devasya lokakartuḥ sanātanaḥ ।
śarastejomayo vatsā yena vai bhayamāgatam ।
7.69.26 ॥ ॥

eṣa vai kaiṭabhasyārthe madhunaśca mahāśaraḥ ।
sṛṣṭo mahātmanā tena vadhārthe daityayostayoḥ ।
7.69.27 ॥ ॥

eka eva prajānāti viṣṇustejomayaṁ śaram ।
eṣā eva tanuḥ pūrvā viṣṇostasya mahātmanaḥ ।
7.69.28 ॥ ॥

ito gacchata paśyadhvaṁ vadhyamānaṁ mahātmanā ।
rāmānujena vīreṇa lavaṇaṁ rākṣasottamam ।
7.69.29 ॥ ॥

tasya te devadevasya niśamya vacanaṁ surāḥ ।
ājagmuryatra yudhyete śatrughnalavaṇāvubhau ।
7.69.30 ॥ ॥

taṁ śaraṁ divyasaṅkāśaṁ śatrughnakaradhāritam ।
dadṛśuḥ sarvabhūtāni yugāntāgnimivotthitam ।
7.69.31 ॥ ॥

akāśamāvṛtaṁ dṛṣṭvā devairhi raghunandanaḥ ।
siṁhanādaṁ bhṛśaṁ kṛtvā dadarśa lakṣaṇaṁ punaḥ ।
7.69.32 ॥ ॥

āhūtaśca punastena śatrughnena mahātmanā ।
lavaṇaḥ krodhasaṁyukto yuddhāya samupasthitaḥ ।
7.69.33 ॥ ॥

ākarṇātsa vikṛṣyātha taddhanurdhanvināṁ varaḥ ।
taṁ mumoca mahābāṇaṁ lavaṇasya mahorasi ।
7.69.34 ॥ ॥

urastasya vidāryāśu praviveśa rasātalam ।
7.69.35 ॥ ॥

gatvā rasātalaṁ divyaḥ śaro vibudhapūjitaḥ ।
punarevāgamattūrṇamikṣvākukulanandanam ।
7.69.36 ॥ ॥

śatrughnaśaranirbhinno lavaṇaḥ sa niśācaraḥ ।
papāta sahasā bhūmau vajrāhata ivācalaḥ ।
7.69.37 ॥ ॥

tacca śūlaṁ mahattena hate lavaṇarākṣase ।
paśyatāṁ sarvadevānāṁ rudrasya vaśamanvagāt ।
7.69.38 ॥ ॥

ekeṣupātena bhṛśaṁ nipātya lokatrayasyāpi raghupravīraḥ ।
vinirbabhāvuttamacāpabāṇastamaḥ praṇudyeva sahasraraśmiḥ ।
7.69.39 ॥ ॥

tato hi devā ṛṣipannagāśca prapūjire hyapsarasaśca sarvāḥ ।
diṣṭyā jayo dāśaratheravāptastyaktvā bhayaṁ sarpa iva praśāntaḥ ।
7.69.40 ॥