atha nāvaṁ suvistīrṇāṁ naiṣādīṁ rāghavānujaḥ ।
āruroha samāyuktāṁ pūrvamāropya maithilīm ।
7.47.1 ॥ ॥
हिन्दी अनुवाद शीघ्र जुड़ेगा।
English translation coming soon.
sumantraṁ caiva sarathaṁ sthīyatāmiti lakṣmaṇaḥ ।
uvāca śokasantaptaḥ prayāhīti ca nāvikam ।
7.47.2 ॥ ॥
हिन्दी अनुवाद शीघ्र जुड़ेगा।
English translation coming soon.
tatastīramupāgamya bhāgīrathyāḥ sa lakṣmaṇaḥ ।
uvāca maithilīṁ vākyaṁ prāñjalirbāṣpasamplutaḥ ।
7.47.3 ॥ ॥
हिन्दी अनुवाद शीघ्र जुड़ेगा।
English translation coming soon.
hṛdgataṁ me mahacchalyaṁ yasmādāryeṇa dhīmatā ।
asminnimitte vaidehi lokasya vacanīkṛtaḥ ।
7.47.4 ॥ ॥
हिन्दी अनुवाद शीघ्र जुड़ेगा।
English translation coming soon.
śreyo hi maraṇaṁ me 'dya mṛtyurvā yatparaṁ bhavet ।
na cāsminnīdṛśe kārye niyojyo lokanindite ।
7.47.5 ॥ ॥
हिन्दी अनुवाद शीघ्र जुड़ेगा।
English translation coming soon.
prasīda ca na me pāpaṁ kartumarhasi śobhane ।
ityañjalikṛto bhūmau nipapāta sa lakṣmaṇaḥ ।
7.47.6 ॥ ॥
हिन्दी अनुवाद शीघ्र जुड़ेगा।
English translation coming soon.
rudantaṁ prāñjaliṁ dṛṣṭvā kāṅkṣantaṁ mṛtyumātmanaḥ ।
maithilī bhṛśasaṁvignā lakṣmaṇaṁ vākyamabravīt ।
7.47.7 ॥ ॥
हिन्दी अनुवाद शीघ्र जुड़ेगा।
English translation coming soon.
kimidaṁ nāvagacchāmi brūhi tattvena lakṣmaṇa ।
paśyāmi tvāṁ na ca svasthamapi kṣemaṁ mahīpateḥ ।
7.47.8 ॥ ॥
हिन्दी अनुवाद शीघ्र जुड़ेगा।
English translation coming soon.
śāpito 'si narendreṇa yattvaṁ santāpamāgataḥ ।
tadbrūyāḥ sannidhau mahyamahamājñāpayāmi te ।
7.47.9 ॥ ॥
हिन्दी अनुवाद शीघ्र जुड़ेगा।
English translation coming soon.
vaidehyā codyamānastu lakṣmaṇo dīnacetanaḥ ।
avāṅmukho bāṣpakalaṁ vākyametaduvāca ha ।
7.47.10 ॥ ॥
हिन्दी अनुवाद शीघ्र जुड़ेगा।
English translation coming soon.
śrutvā pariṣado madhye hyapavādaṁ sudāruṇam ।
pure janapade caiva tvatkṛte janakātmaje ।
rāmaḥ santaptahṛdayo mā nivedya gṛhaṁ gataḥ ।
7.47.11 ॥ ॥
हिन्दी अनुवाद शीघ्र जुड़ेगा।
English translation coming soon.
na tāni vacanīyāni mayā devi tavāgrataḥ ।
yāni rājñā hṛdi nyastānyamarṣātpṛṣṭhataḥ kṛtaḥ ।
7.47.12 ॥ ॥
हिन्दी अनुवाद शीघ्र जुड़ेगा।
English translation coming soon.
sā tvaṁ tyaktā nṛpatinā nirdoṣā mama sannidhau ।
paurāpavādabhītena grāhyaṁ devi na te 'nyathā ।
7.47.13 ॥ ॥
हिन्दी अनुवाद शीघ्र जुड़ेगा।
English translation coming soon.
āśramānteṣu ca mayā tyaktavyā tvaṁ bhaviṣyasi ।
rājñaḥ śāsanamājñāya tavedaṁ kila daurhṛdam ।
7.47.14 ॥ ॥
हिन्दी अनुवाद शीघ्र जुड़ेगा।
English translation coming soon.
tadetajjāhnavītīre brahmarṣīṇāṁ tapovanam ।
puṇyaṁ ca ramaṇīyaṁ ca mā viṣādaṁ kṛthāḥ śubhe ।
7.47.15 ॥ ॥
हिन्दी अनुवाद शीघ्र जुड़ेगा।
English translation coming soon.
rājño daśarathasyeṣṭaḥ piturme munipuṅgavaḥ ।
sakhā paramako vipro vālmīkiḥ sumahāyaśāḥ ।
7.47.16 ॥ ॥
हिन्दी अनुवाद शीघ्र जुड़ेगा।
English translation coming soon.
pādacchāyāmupāgamya sukhamasya mahātmanaḥ ।
upavāsaparaikāgrā vasa tvaṁ janakātmaje ।
7.47.17 ॥ ॥
हिन्दी अनुवाद शीघ्र जुड़ेगा।
English translation coming soon.
pativratātvamāsthāya rāmaṁ kṛtvā sadā hṛdi ।
śreyaste paramaṁ devi tathā kṛtvā bhaviṣyati ।
7.47.18 ॥
हिन्दी अनुवाद शीघ्र जुड़ेगा।
English translation coming soon.