उत्तरकाण्डम्Uttara Kāṇḍa

te prayātā mahātmānaḥ pārthivāste prahṛṣṭavat ।
gajavājisahasraughaiḥ kampayanto vasundharām ।
7.39.1 ॥ ॥

akṣauhiṇyo hi tatrāsanrāghavārthe samudyatāḥ ।
bharatasyājñayā 'nekāḥ prahṛṣṭā balavāhanāḥ ।
7.39.2 ॥ ॥

ūcuste ca mahīpālā baladarpasamanvitāḥ ।
na rāmarāvaṇaṁ yuddhe paśyāmaḥ purataḥ sthitam ।
7.39.3 ॥ ॥

bharatena vayaṁ paścātsamānītā nirarthakam ।
hatā hi rākṣasāḥ kṣipraṁ pārthivaiḥ syurna saṁśayaḥ ।
7.39.4 ॥ ॥

rāmasya bāhuvīryeṇa rakṣitā lakṣmaṇasya ca ।
sukhaṁ pāresamudrasya yudhyema vigatajvarāḥ ।
7.39.5 ॥ ॥

etāścānyāśca rājānaḥ kathāstatra sahasraśaḥ ।
kathayantaḥ svarājyāni jagmurharṣasamanvitāḥ ।
7.39.6 ॥ ॥

svāni rājyāni mukhyāni ṛddhāni muditāni ca ।
samṛddhadhanadhānyāni pūrṇāni vasumanti ca ।
7.39.7 ॥ ॥

yathāpurāṇi te gatvā ratnāni vividhānyatha ।
rāmasya priyakāmārthamupahārān nṛpā daduḥ ।
7.39.8 ॥ ॥

aśvānyānāni ratnāni hastinaśca madotkaṭān ।
candanāni ca mukhyāni divyānyābharaṇāni ca ।
7.39.9 ॥ ॥

maṇimuktāpravālāṁstu dāsyo rūpasamanvitāḥ ।
ajāvikāṁśca vividhān rathāṁstu vividhāndaduḥ ।
7.39.10 ॥ ॥

bharato lakṣmaṇaścaiva śatrughnaśca mahābalāḥ ।
ādāya tāni ratnāni svāṁ purīṁ punarāgatāḥ ।
7.39.11 ॥ ॥

āgamya ca purīṁ ramyāmayodhyāṁ puruṣarṣabhāḥ ।
tāni ratnāni citrāṇi rāmāya samupāharan ।
7.39.12 ॥ ॥

pratigṛhya ca tatsarvaṁ rāmaḥ prītisamanvitaḥ ।
sugrīvāya dadau rājñe mahātmā kṛtakarmaṇe ।
7.39.13 ॥ ॥

bibhīṣaṇāya ca dadau tathānyebhyo 'pi rāghavaḥ ।
rākṣasebhyaḥ kapibhyaśca yairvṛto jayamāptavān ।
7.39.14 ॥ ॥

te sarve rāmadattāni ratnāni kapirākṣasāḥ ।
śirobhirdhārayāmāsurbāhubhiśca mahābalāḥ ।
7.39.15 ॥ ॥

hanūmantaṁ ca nṛpatirikṣvākūṇāṁ mahārathaḥ ।
aṅgadaṁ ca mahābāhumaṅkamāropya vīryavān ।
7.39.16 ॥ ॥

rāmaḥ kamalapatrākṣaḥ sugrīvamidamabravīt ।
aṅgadaste suputro 'yaṁ mantrī cāpyanilātmajaḥ ।
7.39.17 ॥ ॥

sugrīvamantrite yuktau mama cāpi hite ratau ।
arhato vividhāṁ pūjāṁ tvatkṛte vai harīśvara ।
7.39.18 ॥ ॥

ityuktvā vyavamucyāṅgādbhūṣaṇāni mahāyaśāḥ ।
sa babandha mahārhāṇi tadāṅgadahanūmatoḥ ।
7.39.19 ॥ ॥

ābhāṣya ca mahāvīryānrāghavo yūthaparṣabhān ।
nīlaṁ nalaṁ kesariṇaṁ kumudaṁ gandhamādanam ।
7.39.20 ॥ ॥

suṣeṇaṁ panasaṁ vīraṁ maindaṁ dvividameva ca ।
jāmbavantaṁ gavākṣaṁ ca vinataṁ dhūmrameva ca ।
7.39.21 ॥ ॥

valīmukhaṁ prajaṅghaṁ ca sannādaṁ ca mahābalam ।
darīmukhaṁ dadhimukhamindrajānuṁ ca yūthapam ।
7.39.22 ॥ ॥

madhuraṁ ślakṣṇayā vācā netrābhyāmāpibanniva ।
suhṛdo me bhavantaśca śarīraṁ bhrātarastathā ।
7.39.23 ॥ ॥

yuṣmābhiruddhṛtaścāhaṁ vyasanātkānanaukasaḥ ।
dhanyo rājā ca sugrīvo bhavadbhiḥ suhṛdāṁ varaiḥ ।
7.39.24 ॥ ॥

evamuktvā dadau tebhyo bhūṣaṇāni yathārhataḥ ।
vajrāṇi ca mahārhāṇi sasvaje ca nararṣabhaḥ ।
7.39.25 ॥ ॥

te pibantaḥ sugandhīni madhūni madhupiṅgalāḥ ।
māṁsāni ca sumṛṣṭāni mūlāni ca phalāni ca ।
7.39.26 ॥ ॥

evaṁ teṣāṁ nivasatāṁ māsaḥ sāgro yayau tadā ।
muhūrtamiva te sarve rāmabhaktyā ca menire ।
7.39.27 ॥ ॥

rāmo 'pi reme taiḥ sārdhaṁ vānaraiḥ kāmarūpibhiḥ ।
rākṣasaiśca mahāvīryairṛkṣaiścaiva mahābalaiḥ ।
7.39.28 ॥ ॥

evaṁ teṣāṁ yayau māso dvitīyaḥ śiśiraḥ sukham ।
vānarāṇāṁ prahṛṣṭānāṁ rākṣasānāṁ ca sarvaśaḥ ।
7.39.29 ॥ ॥

ikṣvākunagare ramye parāṁ prītimupāsatām ।
rāmasya prītikaraṇaiḥ kālasteṣāṁ sukhaṁ yayau ।
7.39.30 ॥