sa tasya tu mahānādaṁ śrutvā vaivasvataḥ prabhuḥ ।
śatruṁ vijayinaṁ mene svabalasya ca saṅkṣayam ।
7.22.1 ॥ ॥
हिन्दी अनुवाद शीघ्र जुड़ेगा।
English translation coming soon.
sa hi yodhānhatānmatvā krodhasaṁraktalocanaḥ ।
abravīttvaritaṁ sūtaṁ ratho 'yamupanīyatām ।
7.22.2 ॥ ॥
हिन्दी अनुवाद शीघ्र जुड़ेगा।
English translation coming soon.
tasya sūtastadā divyamupasthāpya mahāratham ।
sthitaḥ sa ca mahātejā hyadhyārohata taṁ ratham ।
prāśamudgarahastaśca mṛtyustasyāgrataḥ sthitaḥ ।
7.22.3 ॥ ॥
हिन्दी अनुवाद शीघ्र जुड़ेगा।
English translation coming soon.
yena saṅkṣipyate sarvaṁ trailokyamidamavyayam ।
kāladaṇḍastu pārśvastho mūrtimānasya cābhavat ।
yamapraharaṇaṁ divyaṁ tejasā jvaladagnimat ।
7.22.4 ॥ ॥
हिन्दी अनुवाद शीघ्र जुड़ेगा।
English translation coming soon.
tasya pārśveṣu nicchidrāḥ kālapāśāḥ pratiṣṭhitāḥ ।
7.22.5 ।
pāvakasparśasaṅkāśaḥ sthito mūrtaśca mudgaraḥ ।
7.22.6 ॥ ॥
हिन्दी अनुवाद शीघ्र जुड़ेगा।
English translation coming soon.
tato lokatrayaṁ kṣubdhamakampanta divaukasaḥ ।
kālaṁ dṛṣṭvā tathā kruddhaṁ sarvalokabhayāvaham ।
7.22.7 ॥ ॥
हिन्दी अनुवाद शीघ्र जुड़ेगा।
English translation coming soon.
tataḥ pracodayansūtastānaśvānruciraprabhān ।
prayayau bhīmasannādo yatra rakṣaḥpatiḥ sthitaḥ ।
7.22.8 ॥ ॥
हिन्दी अनुवाद शीघ्र जुड़ेगा।
English translation coming soon.
muhūrtena yamaṁ te tu hayā harihayopamāḥ ।
prāpayanmanasastulyā yatra tatprastutaṁ raṇam ।
7.22.9 ॥ ॥
हिन्दी अनुवाद शीघ्र जुड़ेगा।
English translation coming soon.
dṛṣṭvā tathaiva vikṛtaṁ rathaṁ mṛtyusamanvitam ।
sacivā rākṣasendrasya sahasā vipradudruvuḥ ।
7.22.10 ॥ ॥
हिन्दी अनुवाद शीघ्र जुड़ेगा।
English translation coming soon.
laghusattvatayā te hi naṣṭasañjñā bhayārditāḥ ।
neha yoddhuṁ samarthāḥ sma ityuktvā prayayurdiśaḥ ।
7.22.11 ॥ ॥
हिन्दी अनुवाद शीघ्र जुड़ेगा।
English translation coming soon.
sa tu taṁ tādṛśaṁ dṛṣṭvā rathaṁ lokabhayāvaham ।
nākṣubhyata daśagrīvo na cāpi bhayamāviśat ।
7.22.12 ॥ ॥
हिन्दी अनुवाद शीघ्र जुड़ेगा।
English translation coming soon.
sa tu rāvaṇamāsādya vyasṛjacchaktitomarān ।
yamo marmāṇi saṅkruddho rāvaṇasyopakṛntata ।
7.22.13 ॥ ॥
हिन्दी अनुवाद शीघ्र जुड़ेगा।
English translation coming soon.
rāvaṇastu tataḥ svasthaḥ śaravarṣaṁ mumoca ha ।
tasminvaivasvatarathe toyavarṣamivāmbudaḥ ।
7.22.14 ॥ ॥
हिन्दी अनुवाद शीघ्र जुड़ेगा।
English translation coming soon.
tato mahāśaktiśaraiḥ pātyamānairmahorasi (pātyamāno) ।
nāśaknotpratikartuṁ sa rākṣasaḥ śalyapīḍitaḥ ।
7.22.15 ॥ ॥
हिन्दी अनुवाद शीघ्र जुड़ेगा।
English translation coming soon.
evaṁ nānāpraharaṇairyamenāmitrakarṣiṇā ।
saptarātraṁ kṛtaḥ saṅkhye visañjño vimukho ripuḥ ।
7.22.16 ॥ ॥
हिन्दी अनुवाद शीघ्र जुड़ेगा।
English translation coming soon.
tadāsīttumulaṁ yuddhaṁ yamarākṣasayordvayoḥ ।
jayamākāṅkṣatorvīra samareṣvanivartinoḥ ।
7.22.17 ॥ ॥
हिन्दी अनुवाद शीघ्र जुड़ेगा।
English translation coming soon.
tato devāḥ sagandharvāḥ siddhāśca paramarṣayaḥ ।
prajāpatiṁ puraskṛtya sametāstadraṇājiram ।
7.22.18 ॥ ॥
हिन्दी अनुवाद शीघ्र जुड़ेगा।
English translation coming soon.
saṁvarta iva lokānāṁ krudhyatorabhavattadā ।
rākṣasānāṁ ca mukhyasya pretānāmīśvarasya ca ।
7.22.19 ॥ ॥
हिन्दी अनुवाद शीघ्र जुड़ेगा।
English translation coming soon.
rākṣasendro 'pi visphārya cāpamindrāśaniprabham ।
nirantaramivākāśaṁ kurvanbāṇāṁstato 'sṛjat ।
7.22.20 ॥ ॥
हिन्दी अनुवाद शीघ्र जुड़ेगा।
English translation coming soon.
mṛtyuṁ caturbhirviśikhaiḥ sūtaṁ saptabhirārdayat ।
yamaṁ śatasahasreṇa śīghraṁ marmasvatāḍayat ।
7.22.21 ॥ ॥
हिन्दी अनुवाद शीघ्र जुड़ेगा।
English translation coming soon.
tataḥ kruddhasya vadanādyamasya samajāyata ।
jvālāmālī saniḥśvāsaḥ sadhūmaḥ kopapāvakaḥ ।
7.22.22 ॥ ॥
हिन्दी अनुवाद शीघ्र जुड़ेगा।
English translation coming soon.
tadāścaryamatho dṛṣṭvā devadānavasannidhau ।
praharṣitau susaṁrabdhau mṛtyukālau babhūvatuḥ ।
7.22.23 ॥ ॥
हिन्दी अनुवाद शीघ्र जुड़ेगा।
English translation coming soon.
tato mṛtyuḥ kruddhataro vaivasvatamabhāṣata ।
muñca māṁ samare yāvaddhanmīmaṁ pāparākṣasam ।
naiṣā rakṣo bhavedadya maryādā hi nisargataḥ ।
7.22.24 ॥ ॥
हिन्दी अनुवाद शीघ्र जुड़ेगा।
English translation coming soon.
hiraṇyakaśipuḥ śrīmānnamuciḥ śambarastathā ।
visandhirdhūmaketuśca balirvairocano 'pi ca ।
7.22.25 ॥ ॥
हिन्दी अनुवाद शीघ्र जुड़ेगा।
English translation coming soon.
dambhurdaityamahārājo vṛtro bāṇastathaiva ca ।
rājarṣayaḥ śāstravido gandharvāḥ samahoragāḥ ।
7.22.26 ॥ ॥
हिन्दी अनुवाद शीघ्र जुड़ेगा।
English translation coming soon.
ṛṣayaḥ pannagā daityā yakṣāścāpyapsarogaṇāḥ ।
yugāntaparivarte ca pṛthivī samahārṇavā ।
7.22.27 ॥ ॥
हिन्दी अनुवाद शीघ्र जुड़ेगा।
English translation coming soon.
kṣayaṁ nītā mahārāja saparvatasariddrumā ।
ete cānye ca bahavo balavanto durāsadāḥ ।
7.22.28 ॥ ॥
हिन्दी अनुवाद शीघ्र जुड़ेगा।
English translation coming soon.
vinipannā mayā dṛṣṭāḥ kimutāyaṁ niśācaraḥ ।
7.22.29 ॥ ॥
हिन्दी अनुवाद शीघ्र जुड़ेगा।
English translation coming soon.
muñcaṁ māṁ sādhu dharmajña yāvadenaṁ nihanmyaham ।
nahi kaścinmayā dṛṣṭo balavānapi jīvati ।
7.22.30 ॥ ॥
हिन्दी अनुवाद शीघ्र जुड़ेगा।
English translation coming soon.
balaṁ mama na khalvetanmaryādaiṣā nisargataḥ ।
sa dṛṣṭo na mayā kālaṁ muhurtamāpi jīvati ।
7.22.31 ॥ ॥
हिन्दी अनुवाद शीघ्र जुड़ेगा।
English translation coming soon.
tasyaivaṁ vacanaṁ śrutvā dharmarājaḥ pratāpavān ।
abravīttatra taṁ mutyuṁ tvaṁ tiṣṭhainaṁ nihanmyaham ।
7.22.32 ॥ ॥
हिन्दी अनुवाद शीघ्र जुड़ेगा।
English translation coming soon.
tataḥ saṁraktanayanaḥ kruddho vaivasvataḥ prabhuḥ ।
kāladaṇḍamamoghaṁ tu tolayāmāsa pāṇinā ।
7.22.33 ॥ ॥
हिन्दी अनुवाद शीघ्र जुड़ेगा।
English translation coming soon.
yasya pārśveṣu nikhilā kālapāśāḥ pratiṣṭhitāḥ ।
pāvakāśanisaṅkāśo mudgaro mūrtimānsthitaḥ ।
7.22.34 ॥ ॥
हिन्दी अनुवाद शीघ्र जुड़ेगा।
English translation coming soon.
darśanādeva yaḥ prāṇānprāṇināmapakarṣati ।
kiṁ punaḥ spṛśyamānasya pātyamānasya vā punaḥ ।
7.22.35 ॥ ॥
हिन्दी अनुवाद शीघ्र जुड़ेगा।
English translation coming soon.
sa jvālāparivārastu nirdahanniva rākṣasam ।
tena spṛṣṭo balavatā mahāpraharaṇo 'sphurat ।
7.22.36 ॥ ॥
हिन्दी अनुवाद शीघ्र जुड़ेगा।
English translation coming soon.
tato vidudruvuḥ sarve tasmātrastā raṇājire ।
surāśca kṣubhitāḥ sarve dṛṣṭvā daṇḍodyataṁ yamam ।
7.22.37 ॥ ॥
हिन्दी अनुवाद शीघ्र जुड़ेगा।
English translation coming soon.
tasminprahartukāme tu yame daṇḍena rāvaṇam ।
yamaṁ pitāmahaḥ sākṣāddarśayitvedamabravīt ।
7.22.38 ॥ ॥
हिन्दी अनुवाद शीघ्र जुड़ेगा।
English translation coming soon.
vaivasvata mahābāho na khalvamitavikrama ।
na hantavyastvayā tena daṇḍenaiva niśācaraḥ ।
7.22.39 ॥ ॥
हिन्दी अनुवाद शीघ्र जुड़ेगा।
English translation coming soon.
varaḥ khalu mayaitasmai dattastridaśapuṅgava ।
sa tvayā nānṛtaḥ kāryo yanmayā vyāhṛtaṁ vacaḥ ।
7.22.40 ॥ ॥
हिन्दी अनुवाद शीघ्र जुड़ेगा।
English translation coming soon.
yo hi māmanṛtaṁ kuryāddevo vā mānuṣo 'pi vā ।
trailokyamanṛtaṁ tena kṛtaṁ syānnātra saṁśayaḥ ।
7.22.41 ॥ ॥
हिन्दी अनुवाद शीघ्र जुड़ेगा।
English translation coming soon.
kruddhena vipramukto 'yaṁ nirviśeṣaṁ priyāpriye ।
prajāḥ saṁharate raudro lokatrayabhayāvahaḥ ।
7.22.42 ॥ ॥
हिन्दी अनुवाद शीघ्र जुड़ेगा।
English translation coming soon.
amogho hyeṣa sarveṣāṁ prāṇināmamitaprabhaḥ ।
kāladaṇḍo mayā sṛṣṭaḥ pūrvaṁ mṛtyupuraskṛtaḥ ।
7.22.43 ॥ ॥
हिन्दी अनुवाद शीघ्र जुड़ेगा।
English translation coming soon.
tanna khalveṣa te saumya pātyo rāvaṇamūrdhani ।
nahyasminpatite kaścinmuhūrtamapi jīvati ।
7.22.44 ॥ ॥
हिन्दी अनुवाद शीघ्र जुड़ेगा।
English translation coming soon.
yadi hyanminnipatite na mriyetaiṣa rākṣasaḥ ।
mriyate vā daśagrīvastadāpyubhayato 'nṛtam ।
7.22.45 ॥ ॥
हिन्दी अनुवाद शीघ्र जुड़ेगा।
English translation coming soon.
tannivartaya laṅkeśaṁ ddaṇḍametaṁ samudyatam ।
satyaṁ ca māṁ kuruṣvādya lokāṁstvaṁ yadyavekṣase ।
7.22.46 ॥ ॥
हिन्दी अनुवाद शीघ्र जुड़ेगा।
English translation coming soon.
evamuktastu dharmātmā pratyuvāca yamastadā ।
eṣa vyāvartito daṇḍaḥ prabhaviṣṇurhi no bhavān ।
7.22.47 ॥ ॥
हिन्दी अनुवाद शीघ्र जुड़ेगा।
English translation coming soon.
kiṁ nvidānīṁ mayā śakyaṁ kartuṁ raṇagatena hi ।
na mayā yadyayaṁ śakyo hantuṁ varapuraskṛtaḥ ।
7.22.48 ॥ ॥
हिन्दी अनुवाद शीघ्र जुड़ेगा।
English translation coming soon.
eṣa tasmātpraṇaśyāmi darśanādasya rakṣasaḥ ।
ityuktvā sarathaḥ sāśvastatraivāntaradhīyata ।
7.22.49 ॥ ॥
हिन्दी अनुवाद शीघ्र जुड़ेगा।
English translation coming soon.
daśagrīvastu taṁ jitvā nāma viśrāvya cātmanaḥ ।
āruhya puṣpakaṁ bhūyo niṣkrānto yamasādanāt ।
7.22.50 ॥ ॥
हिन्दी अनुवाद शीघ्र जुड़ेगा।
English translation coming soon.
sa tu vaivasvato devaiḥ saha brahmapurogamaiḥ ।
jagāma tridivaṁ hṛṣṭo nāradaśca mahāmuniḥ ।
7.22.51 ॥
हिन्दी अनुवाद शीघ्र जुड़ेगा।
English translation coming soon.