उत्तरकाण्डम्Uttara Kāṇḍa

sa jitvā dhanadaṁ rāma bhrātaraṁ rākṣasādhipaḥ ।
mahāsenaprasūtiṁ tadyayau śaravaṇaṁ mahat ।
7.16.1 ॥ ॥

athāpaśyadṛśagrīvo raukmaṁ śaravaṇaṁ mahat ।
gabhastijālasaṁvītaṁ dvitīyamiva bhāskaram ।
7.16.2 ॥ ॥

sa parvataṁ samāruhya kañcidramyavanāntaram ।
apaśyat puṣpakaṁ tatra rāmaviṣṭambhitaṁ tadā ।
7.16.3 ॥ ॥

viṣṭabdhaṁ puṣpakaṁ dṛṣṭvā hyagamaṁ kāmāgaṁ kṛtam ।
acintayadrākṣasendraḥ sacivaistaiḥ samāvṛtaḥ ।
7.16.4 ॥ ॥

kinnimittaṁ cecchayā me nedaṁ gacchati puṣpakam ।
parvatasyopariṣṭhasya karmedaṁ kasyacidbhavet ।
7.16.5 ॥ ॥

tato 'bravīttadā rāma mārīco buddhikovidaḥ ।
nedaṁ niṣkāraṇaṁ rājanpuṣpakaṁ yanna gacchati ।
7.16.6 ॥ ॥

athavā puṣpakamidaṁ dhanadānnānyavāhanam ।
ato niṣpandamabhavaddhanādhyakṣavinākṛtam ।
7.16.7 ॥ ॥

iti vākyāntare tasya karālaḥ kṛṣṇapiṅgalaḥ ।
vāmano vikaṭo muṇḍī nandī prahvabhujo balī ।
7.16.8 ॥ ॥

tataḥ pārśvamupāgamya bhavasyānucaro 'bravīt ।
nandīśvaro vacaścedaṁ rākṣasendramaśaṅkitaḥ ।
7.16.9 ॥ ॥

nivartasva daśagrīva śaile krīḍati śaṅkaraḥ ।
suparṇanāgayakṣāṇāṁ devagandharvarakṣasām ।
7.16.10 ॥ ॥

sarveṣāmeva bhūtānāmagamyaḥ parvataḥ kṛtaḥ ।
iti nandivacaḥ śrutvā krodhātkampitakuṇḍalaḥ ।
7.16.11 ॥ ॥

roṣāttu tāmranayanaḥ puṣpakādavaruhya saḥ ।
ko 'yaṁ śaṅkara ityuktvā śailamūlamupāgataḥ ।
7.16.12 ॥ ॥

so 'paśyannandinaṁ tatra devasyādūrataḥ sthitam ।
dīptaṁ śūlamavaṣṭabhya dvitīyamiva śaṅkaram ।
7.16.13 ॥ ॥

taṁ dṛṣṭvā vānaramukhamavajñāya sa rākṣasaḥ ।
prahāsaṁ mumuce tatra satoya iva toyadaḥ ।
7.16.14 ॥ ॥

taṁ kruddho bhagavānnandī śaṅkarasyāparā tanuḥ ।
abravīttatra tadrakṣo daśānanamupasthitam ।
7.16.15 ॥ ॥

yasmādvānararūpaṁ māmavajñāya daśānana ।
aśanīpātasaṅkāśamapahāsaṁ pramuktavān ।
7.16.16 ॥ ॥

tasmānmadrūpasampannā madvīryasamatejasaḥ ।
utpatsyanti vadhārthaṁ hi kulasya tava vānarāḥ ।
7.16.17 ॥ ॥

nakhadaṁṣṭrāyudhāḥ krūrā manaḥsampātaraṁhasaḥ ।
yuddhonmattā balodriktāḥ śailā iva visarpiṇaḥ ।
7.16.18 ॥ ॥

te tava prabalaṁ darpamutsedhaṁ ca pṛthagvidham ।
vyapaneṣyanti sambhūya sahāmātyasutasya ca ।
7.16.19 ॥ ॥

kiṁ tvidānīṁ mayā śakyaṁ hantuṁ tvāṁ he niśācara ।
na hantavyo hatastvaṁ hi pūrvameva svakarmabhiḥ ।
7.16.20 ॥ ॥

ityudīritavākye tu deve tasminmahātmani ।
devadundubhayo neduḥ puṣpavṛṣṭiśca khāccyutā ।
7.16.21 ॥ ॥

acintayitvā sa tadā nandivākyaṁ mahābalaḥ ।
parvataṁ tu samāsādya vākyamāha daśānanaḥ ।
7.16.22 ॥ ॥

puṣpakasya gatiśchinnā yatkṛte mama gacchataḥ ।
tamimaṁ śailamunmūlaṁ karomi tava gopate ।
7.16.23 ॥ ॥

kena prabhāveṇa bhavo nityaṁ krīḍati rājavat ।
vijñātavyaṁ na jānīte bhayasthānamupasthitam ।
7.16.24 ॥ ॥

evamuktvā tato rāma bhujānvikṣipya parvate ।
tolayāmāsa taṁ śīghraṁ sa śailaṁ samakampata ।
7.16.25 ॥ ॥

cālanātparvatasyaiva gaṇā devasya kampitāḥ ।
cacāla pārvatī cāpi tadā ' 'śliṣṭā maheśvaram ।
7.16.26 ॥ ॥

tato rāma mahādavo devānāṁ pravaro haraḥ ।
pādāṅguṣṭhena taṁ śailaṁ pīḍayāmāsa līlayā ।
7.16.27 ॥ ॥

pīḍitāstu tatastasya śailasyādhogatā bhujāḥ ।
vismitāścābhavaṁstatra sacivāstasya rakṣasaḥ ।
7.16.28 ॥ ॥

rakṣasā tena roṣācca bhujānāṁ pīḍanāttadā ।
mukto virāvaḥ sahasā trailokyaṁ yena kampitam ।
7.16.29 ॥ ॥

menire vajraniṣpeṣaṁ tasyāmātyā yugakṣaye ।
tadā vartmasthacalitā devā indrapurogamāḥ ।
7.16.30 ॥ ॥

samudrāścāpi saṅkṣubdhāścalitāścāpi parvatāḥ ।
yakṣā vidyādharāḥ siddhāḥ kimetaditi cābruvan ।
7.16.31 ॥ ॥

atha te mantriṇastasya vikrośantamathābruvan ।
toṣayasva mahādevaṁ nīlakaṇṭhamumāpatim ।
7.16.32 ॥ ॥

tamṛte śaraṇaṁ nānyaṁ paśyāmo 'tra daśānana ।
stutibhiḥ praṇato bhūtvā tameva śaraṇaṁ vraja ।
7.16.33 ॥ ॥

kṛpāluḥ śaṅkarastuṣṭaḥ prasādaṁ te vidhāsyati ।
evamuktastadāmātyaistuṣṭāva vṛṣabhadhvajam ।
7.16.34 ॥ ॥

sāmabhirvividhaiḥ stotraiḥ praṇamya sa daśānanaḥ ।
saṁvatsarasahasraṁ tu rudato rakṣaso gatam ।
7.16.35 ॥ ॥

tataḥ prīto mahādevaḥ śailāgre viṣṭhitaḥ prabhuḥ ।
muktvā cāsya bhujānrāma prāha vākyaṁ daśānanam ।
7.16.36 ॥ ॥

prīto 'smi tava vīryasya śauṇḍāryācca daśānana ।
śailākrāntena yo muktastvayā rāvaḥ sudāruṇaḥ ।
7.16.37 ॥ ॥

yasmāllokatrayaṁ caitadrāvitaṁ bhayamāgatam ।
tasmāttvaṁ rāvaṇo nāma nāmnā rājanbhaviṣyasi ।
7.16.38 ॥ ॥

devatā mānuṣā yakṣā ye cānye jagatītale ।
evaṁ tvāmabhidhāsyanti rāvaṇaṁ lokarāvaṇam ।
7.16.39 ॥ ॥

gaccha paulastya visrabdhaṁ pathā yena tvamicchasi ।
mayā caivābhyanujñāto rākṣasādhipa gamyatām ।
7.16.40 ॥ ॥

evamuktastu laṅkeśaḥ śambhunā svayamabravīt ।
prīto yadi mahādeva varaṁ me dehi yācataḥ ।
7.16.41 ॥ ॥

avadhyatvaṁ mayā prāptaṁ devagandharvadānavaiḥ ।
rākṣasairguhyakairnāgairye cānye balavattarāḥ ।
7.16.42 ॥ ॥

mānuṣānna gaṇe deva svalpāste mama sammatāḥ ।
dīrghamāyuśca me prāptaṁ brahmaṇastripurāntaka ।
7.16.43 ॥ ॥

vāñchitaṁ cāyuṣaḥ śeṣaṁ śastraṁ tvaṁ ca prayaccha me ।
evamuktastatastena rāvaṇena sa śaṅkaraḥ ।
7.16.44 ॥ ॥

dadau khaḍgaṁ mahādīptaṁ candrahāsamiti śrutam ।
āyuṣaścāvaśeṣaṁ ca sthitvā bhūtapatistadā ।
7.16.45 ॥ ॥

dattvovāca tataḥ śambhurnāvajñeyamidaṁ tvayā ।
avajñātaṁ yadi hi te māmevaiṣyatyasaṁśayaḥ ।
7.16.46 ॥ ॥

evaṁ maheśvareṇaiva kṛtanāmā sa rāvaṇaḥ ।
abhivādya mahādevamārurohātha puṣpakam ।
7.16.47 ॥ ॥

tato mahītale rāma paryakrāmata rāvaṇaḥ ।
kṣatऺitrayānsumahāvīryānbādhamāna itastataḥ ।
7.16.48 ॥ ॥

kecittejasvinaḥ śūrāḥ kṣatऺitrayā yuddhadurmadāḥ ।
tacchāsanamakurvanto vineśuḥ saparicchadāḥ ।
7.16.49 ॥ ॥

apare durjayaṁ rakṣo jānantaḥ prājñasammatāḥ ।
jitāḥ sma ityabhāṣanta rākṣasaṁ baladarpitam ।
7.16.50 ॥