किष्किन्धाकाण्डम्Kiṣkindhā Kāṇḍa

parituṣṭaḥ tu sugrīvaḥ tena vākyena harṣitaḥ ।
lakṣmaṇasya agrajam śūram idam vacanam abravīt ॥

sarvathā aham anugrāhyo devatānām na saṁśayaḥ ।
upapannaḥ guṇa upetaḥ sakhā yasya bhavān mama ॥

śakyam khalu bhavet rāma sahāyena tvayā anagha ।
sura rājyam api prāptum sva rājyam kimuta prabho ॥

so'ham sabhājyo bandhūnām suhṛdām caiva rāghava ।
yasya agni sākṣikam mitram labdham rāghava vaṁśajam ॥

aham api anurūpaḥ te vayasyo jñāsyase śanaiḥ ।
na tu vaktum samartho'ham tvayi ātmagatān guṇān ॥

mahātmanām tu bhūyiṣṭham tvat vidhānām kṛta ātmanām ।
niścalā bhavati prītiḥ dhairyam ātmavatām vara ॥

rajatam vā suvarṇam vā śubhāni ābharaṇāni ca ।
avibhaktāni sādhūnām avagacchanti sādhavaḥ ॥

āḍhyo vā api daridro vā duḥkhitaḥ sukhito'pi vā ।
nirdoṣaḥ ca sadoṣaḥ ca vayasyaḥ paramā gatiḥ ॥

dhana tyāgaḥ sukha tyāgo deśa tyāgo'pi vā anaghaḥ ।
vayasyārthe pravartante sneham dṛṣṭvā tathā vidham ॥

tat tathā iti abravīt rāmaḥ sugrīvam priya darśanam ।
lakṣmaṇasya agrataḥ lakṣmyā vāsavasya iva dhīmataḥ ॥

tato rāmam sthitam dṛṣṭvā lakṣmaṇam ca mahābalam ।
sugrīvaḥ sarvataḥ cakṣuḥ vane lolam apātayat ॥

sa dadarśa tataḥ sālam avidūre harīśvaraḥ ।
supuṣpam īṣat patra āḍhyam bhramaraiḥ upaśobhitam ॥

tasya ekām parṇa bahulām śākhām bhaṁktvā suśobhitām ।
rāmasya āstīrya sugrīvo niṣasāda sa rāghavaḥ ॥

tau āsīnau tataḥ dṛṣṭvā hanūmān api lakṣmaṇam ।
sāla śākhām samutpāṭya vinītam upaveśayat ॥

sukha upaviṣṭam rāmam tu prasannam udadhim yathā ।
sāla puṣpāva saṁkīrṇe tasmin girivara uttame ॥

tataḥ prahṛṣṭaḥ sugrīvaḥ ślakṣṇayā śubhayā girā ।
uvāca praṇayād rāmam harṣa vyākulita akṣaram ॥

aham vinikṛto bhrātrā carāmi eṣa bhayārditaḥ ।
ṛṣyamūkam giri varam hṛta bhāryaḥ suduḥkhitaḥ ॥

so'ham trastaḥ bhaye magnaḥ vane saṁbrānta cetanaḥ ।
vālinā nikṛtaḥ bhrātrā kṛta vairaḥ ca rāghava ॥

vālinaḥ me bhaya ārtasya sarvaloka abhayaṁkara ।
mama api tvam anāthasya prasādam kartum arhasi ॥

evam uktaḥ tu tejasvī dharmajño dharma vatsalaḥ ।
pratyuvāca sa kākutsthaḥ sugrīvam prahasan iva ॥

upakāra phalam mitram apakāro ari lakṣaṇam ।
adya eva tam vadhiṣyāmi tava bhāryā apahāriṇam ॥

ime hi me mahābhāga patriṇaḥ tigma tejasaḥ ।
kārtikeya vana udbhūtāḥ śarā hema vibhūṣitāḥ ॥

kanka patra paricchannā mahendra aśani sannibhāḥ ।
suparvāṇaḥ sutīkṣṇa agrā saroṣā bhujagā iva ॥

vāli sajñam amitram te bhrātaram kṛta kilbiṣam ।
śaraiḥ vinihatam paśya vikīrṇam iva parvatam ॥

rāghavasya vacaḥ śrutvā sugrīvo vāhinī patiḥ ।
praharṣam atulam lebhe sādhu sādhviti ca abravīt ॥

rāma śoka abhibhūto aham śoka ārtānām bhavān gatiḥ ।
vayasya iti kṛtvā hi tvayi aham paridevaye ॥

tvam hi pāṇi pradānena vayasyo me agni sākṣikam ।
kṛtaḥ prāṇaiḥ bahumataḥ satyena ca śapāmi aham ॥

vayasya iti kṛtvā ca visrabdhaḥ pravadāmi aham ।
duḥkham antargatam tan me mano harati nityaśaḥ ॥

etāvat uktvā vacanam bāṣpa dūṣita locanaḥ ।
bāṣpa dūṣitayā vācā na uccaiḥ śknoti bhāṣitum ॥

bāṣpa vegam tu sahasā nadī vegam iva āgatam ।
dhārayāmāsa dhairyeṇa sugrīvaḥ rāma saṁnidhau ॥

sa nigṛhya tu tam bāṣpam pramṛjya nayane śubhe ।
viniḥśvasya ca tejasvī rāghavam punarūcivān ॥

purā aham valinā rāma rājyāt svāt avaropitaḥ ।
paruṣāṇi ca saṁśrāvya nirdhūto asmi balīyasā ॥

hṛtā bhāryā ca me tena prāṇebhyo api garīyasī ।
suhṛdaḥ ca madīyā ye saṁyatā bandhaneṣu te ॥

yatnavān ca sa duṣṭātmā mad vināśāya rāghava ।
bahuśaḥ tat prayuktāḥ ca vānarā nihatā mayā ॥

śaṁkayā etayā aham ca dṛṣṭvā tvām api rāghava ।
na upasarpāmi aham bhīto bhaye sarve hi bibhyati ॥

kevalam hi sahāyā me hanumat pramukhāstvime ।
ataḥ aham dhārayāmi adya prāṇān kṛcchra gataḥ api san ॥

ete hi kapayaḥ snigdhā mām rakṣanti samantataḥ ।
saha gacchanti gantavye nityam tiṣṭhanti ca sthite ॥

saṁkṣepaḥ te eṣa me rāma kim uktvā vistaram hi te ।
sa me jyeṣṭho ripuḥ bhrātā vālī viśruta pauruṣaḥ ॥

tad vināśe api me duḥkham pramṛṣṭam syāt anantaram ।
sukham me jīvitam caiva tad vināśa nibandhanam ॥

eṣa me rāma śokāntaḥ śoka ārtena niveditaḥ ।
duḥkhitaḥ sukhitaḥ vā api sakhyuḥ nityam sakhā gatiḥ ॥

śrutvā etat ca vacaḥ rāmaḥ sugrīvam idam abravīt ।
kim nimittam abhūt vairam śrotum icchāmi tattvataḥ ॥

sukham hi kāraṇam śrutvā vairasya tava vānara ।
ānantaryad vidhāsyāmi saṁpradhārya balābalam ॥

balavān hi mama amarṣaḥ śrutvā tvām avamānitam ।
vardhate hṛdaya utkampī prāvṛḍ vega iva aṁbhasaḥ ॥

hṛṣṭaḥ kathaya visrabdho yāvat āropyate dhanuḥ ।
sṛṣṭaḥ ca hi mayā bāṇo nirastaḥ ca ripuḥ tava ॥

evam uktaḥ tu sugrīvaḥ kākutsthena mahātmanā ।
praharṣam atulam lebhe caturbhiḥ saha vānaraiḥ ॥

tataḥ prahṛ^iṣṭa vadanaḥ sugrīvaḥ lakṣmaṇāgraje ।
vairasya kāraṇam tattvam ākhyātum upacakrame ॥