किष्किन्धाकाण्डम्Kiṣkindhā Kāṇḍa

viśeṣeṇa tu sugrīvo hanūmati artham uktavān ।
sa hi tasmin hari śreṣṭhe niścitārtho artha sādhane ॥

abravīt ca hanūmaṁtam vikraṁtam anila ātmajam ।
sugrīvaḥ parama prītaḥ prabhuḥ sarva vana okasām ॥

na bhūmau na aṁtarikṣe vā na aṁbare na amara ālaye ।
na apsu vā gati saṁgam te paśyāmi hari pumgava ॥

sa asurāḥ saha gaṁdharvāḥ sa nāga nara devatāḥ ।
viditāḥ sarva lokāḥ te sa sāgara dharā dharāḥ ॥

gatiḥ vegaḥ ca tejaḥ ca lāghavam ca mahākape ।
pituḥ te sadṛśam vīra mārutasya mahā ojasaḥ ॥

tejasā vā api te bhūtam na samam bhuvi vidyate ।
tat yathā labhyate sītā tat tvam eva anuciṁtaya ॥

tvayi eva hanuman asti balam buddhiḥ parākramaḥ ।
deśa kāla anuvṛttiḥ ca nayaḥ ca naya paṇḍita ॥

tataḥ kārya samāsaṁgam avagamya hanūmati ।
viditvā hanumantam ca cintayāmāsa rāghavaḥ ॥

sarvathā niścita artho ayam hanūmati hari īśvaraḥ ।
niścita arthataraḥ ca api hanūmān kārya sādhane ॥

tat evam prasthitasya asya parijñātasya karmabhiḥ ।
bhartrā parigṛhītasya dhruvaḥ kārya phalodayaḥ ॥

tam samīkṣya mahātejā vyavasāyottaram harim ।
kṛtārtha iva saṁhṛṣṭaḥ prahṛṣṭa indriya mānasaḥ ॥

dadau tasya tataḥ prītaḥ sva nāmāṁka upaśobhitam ।
aṁgulīyam abhijñānam rājaputryāḥ paraṁtapaḥ ॥

anena tvām hariśreṣṭha cihnena janakāatmajā ।
mat sakāśāt anuprāptam anudvignā anupaśyati ॥

vyavasāyaḥ ca te vīra sattva yuktaḥ ca vikramaḥ ।
sugrīvasya ca saṁdeśaḥ siddhim kathayati iva me ॥

sa tat gṛhya hariśreṣṭhaḥ sthāpya mūrdhni kṛtāṁjaliḥ ।
vanditvā caraṇau caiva prasthitaḥ plavagarṣabhaḥ ॥

sa tat prakarṣan hariṇām mahat balambabhūva vīraḥ pavanātmajaḥ kapiḥ ।
gata aṁbude vyomni viśuddha maṇḍalaḥśaśī iva nakṣatra gaṇopaśobhitaḥ ॥

atibala balam āśritaḥ tava ahamhari vara vikrama vikramaiḥ analpaiḥ ।
pavana suta yathā adhigamyate sājanaka sutā hanuman tathā kuruṣva ॥