किष्किन्धाकाण्डम्Kiṣkindhā Kāṇḍa

tataḥ prasthāpya sugrīvaḥ tān harīn dakṣiṇām diśam ।
abravit megha saṁkāśam suśeṣaṇam nāma vānaram ॥

tārāyāḥ pitaram rājā śvaśuram bhīma vikramam ।
abravīt prāṁjaliḥ vākyam abhigamya praṇamya ca ॥

maharṣi putram mārīcam arciṣmantam mahākapim ।
vṛ^itam kapivaraiḥ śūraiḥ mahendra sadṛ^iśa dyutim ॥

buddhi vikrama sampannān vainateya sama dyutim ।
marīci putrān mārīcān arcirmālyān mahabalān ॥

ṛṣi putrān ca tān sarvān pratīcīm ādiśat diśam ।
dvābhyām śata sahasrābhyām kapīnām kapi sattamāḥ ॥

suśeṣaṇa pramukhā yūyam vaidehīm parimārgatha ।
saurāṣṭrān saha bāhlīkān caṁdracitrān tathaiva ca ॥

sphītān jana padān ramyān vipulāni purāṇi ca ।
puṁnāga gahanam kukṣim vakula uddālaka ākulam ॥

tathā ketaka khaṁḍān ca mārgadhvam hari puṁgavāḥ ।
pratyak sroto vahāḥ caiva nadyaḥ śītajalāḥ śivāḥ ॥

tāpasānām araṇyāni kāṁtārā girayaḥ ca ye ।
tatra sthalīḥ maruprāyā ati ucca śikharāḥ śilāḥ ॥

giri jāla āvṛtām durgām mārgitvā paścimām diśam ।
tataḥ paścimam āgamya samudram draṣṭum arhatha ॥

timi nakra ākula jalam gatvā drakṣyatha vānarāḥ ।
tataḥ ketaka khaṁḍeṣu tamāla gahaneṣu ca ॥

kapayo vihariṣyanti nārikela vaneṣu ca ।
tatra sītām ca mārgadhvam nilayam rāvaṇasya ca ॥

velātala niveṣṭeṣu parvateṣu vaneṣu ca ।
muracī pattanam caiva ramyam caiva jaṭā puram ॥

avaṁtīm aṁgalepām ca tathā ca alakṣitam vanam ।
rāṣṭrāṇi ca viśālāni pattanāni tataḥ tataḥ ॥

siṁdhu sāgarayoḥ caiva saṁgame tatra parvataḥ ।
mahān hema giriḥ nāma śata śṛṁgo mahādrumaḥ ॥

tatra prastheṣu ramyeṣu siṁhāḥ pakṣa gamāḥ sthitāḥ ।
timi matsya gajāmb caiva nīḍāni āropayanti te ॥

tāni nīḍāni siṁhānām giri śṛṁga gatāḥ ca ye ।
dṛptāḥ tṛptāḥ ca mātaṁgāḥ toyada svana niḥsvanāḥ ॥

vicaranti viśāle asmin toya pūrṇe samantataḥ ।
tasya śṛṁgam diva sparśam kāṁcanam citra pādapam ॥

sarvam āśu vicetavyam kapibhiḥ kāma rūpibhiḥ ।
koṭim tatra samudre tu kāṁcanīm śata yojanam ॥

durdarśām pāriyātrasya gatā drakṣyatha vānarāḥ ।
koṭyaḥ tatra caturvimśat gaṁdharvāṇām tarasvinām ॥

vasanti agni nikāśānām ghorāṇām kāma rūpiṇām ।
pāvaka arciḥ pratīkāśāḥ samavetāḥ samantataḥ ॥

na ati āsādayitvāḥ te vānaraiḥ bhīma vikramaiḥ ।
na adeyam ca phalam tasmāt deśāt kimcit plavaṁgamaiḥ ॥

durāsadā hi te vīrāḥ sattvavanto mahābalāḥ ।
phala mūlāni te tatra rakṣante bhīma vikramāḥ ॥

tatra yatnaḥ ca kartavyo mārgitavyā ca jānakī ।
na hi tebhyo bhayam kiṁcit kapitvam anuvartatām ॥

tatra vaidūrya varṇābho vajra saṁsthāna saṁsthitaḥ ।
nānā druma latā ākīrṇo vajraḥ nāma mahāgiriḥ ॥

śrīmān samuditaḥ tatra yojanānām śatam samam ।
guhāḥ tatra vicetavyāḥ prayatnena plavaṁgamāḥ ॥

catur bhāge samudrasya cakravān nāma parvataḥ ।
tatra cakram sahasrāram nirmitam viśvakarmaṇā ॥

tatra paṁcajanam hatvā hayagrīvam ca dānavam ।
ājahāra tataḥ cakram śaṁkham ca puruṣottamaḥ ॥

tasya sānuṣu ramyeṣu viśālāsu guhāsu ca ।
rāvaṇaḥ saha vaidehyā mārgitavyaḥ tataḥ tataḥ ॥

yojanāni catuḥ ṣaṣṭiḥ varāho nāma parvataḥ ।
suvarṇa śṛṁgaḥ sumahān agādhe varuṇa ālaye ॥

tatra prāk jyotiṣam nāma jātarūpamayam puram ।
yasmin vasati duṣṭa ātmā narako nāma dānavaḥ ॥

tatra sānuṣu ramyeṣu viśālāsu guhāsu ca ।
rāvaṇaḥ saha vaidehyā mārgitavyaḥ tataḥ tataḥ ॥

tam atikramya śailendram kāṁcanān antara darśanam ।
parvataḥ sarva sauvarṇo dhārā prasravaṇa āyutaḥ ॥

tam gajāḥ ca varāhāḥ ca siṁhā vyāghrāḥ ca sarvataḥ ।
abhigarjanti satatam tena śabdena darpitāḥ ॥

yasmin hari hayaḥ śrīmān mahendraḥ pākaśāsanaḥ ।
abhiṣiktaḥ surai rājā megho nāma sa parvataḥ ॥

tam atikramya śailendram mahendra paripālitam ।
ṣaṣṭim giri sahasrāṇi kāṁcanāni gamiṣyatha ॥

taruṇa āditya varṇāni bhrājamānāni sarvataḥ ।
jātarūpamayaiḥ vṛkṣaiḥ śobhitāni supuṣpitaiḥ ॥

teṣām madhye sthito rājā meruḥ uttama parvataḥ ।
ādityena prasannena śailo datta varaḥ purā ॥

tena evam uktaḥ śailendraḥ sarva eva tvat āśrayāḥ ।
mat prasādāt bhaviṣyanti divā rātrau ca kāṁcanāḥ ॥

tvayi ye ca api vatsyanti deva gandharva dānavāḥ ।
te bhaviṣyanti bhaktāḥ ca prabhayā kāṁcana prabhāḥ ॥

viśvedevāḥ ca vasavo marutaḥ ca diva okasaḥ ।
āgatya paścimām saṁdhyām merum uttama parvatam ॥

ādityam upatiṣṭhanti taiḥ ca sūryo abhipūjitaḥ ।
adṛśyaḥ sarva bhūtānām astam gacchati parvatam ॥

yojanānām sahasrāṇi daśa tāni divākaraḥ ।
muhūrta ardhena tam śīghram abhiyāti śila uccayam ॥

śṛṁge tasya mahat divyam bhavanam sūrya saṁnibham ।
prāsāda gaṇa saṁbādham vihitam viśvakarmaṇā ॥

śobhitam tarubhiḥ citraiḥ nānā pakṣi samākulaiḥ ।
niketam pāśa hastasya varuṇasya mahātmanaḥ ॥

antarā merum astam ca tālo daśa śirā mahān ।
jātarūpamayaḥ śrīmān bhrājate citra vedikaḥ ॥

teṣu sarveṣu durgeṣu sarassu ca saritsu ca ।
rāvaṇaḥ saha vaidehyā mārgitavyaḥ tataḥ tataḥ ॥

yatra tiṣṭhati dharmajñaḥ tapasā svena bhāvitaḥ ।
meru sāvarṇir iti eṣa khyāto vai brahmaṇā samaḥ ॥

praṣṭavyo merusāvarṇiḥ maharṣiḥ sūrya saṁnibhaḥ ।
praṇamya śirasā bhūmau pravṛttim maithilīm prati ॥

etāvat jīva lokasya bhāskaro rajanī kṣaye ।
kṛtvā vitimiram sarvam astam gacchati parvatam ॥

etāvat vānaraiḥ śakyam gantum vānara puṁgavāḥ ।
abhāskaram amaryādam na jānīmaḥ tataḥ param ॥

avagamya tu vaidehīm nilayam rāvaṇasya ca ।
astam parvatam āsādya pūrṇe māse nivartata ॥

ūrdhvam māsān na vastavyam vasan vadhyo bhaven mama ।
saha eva śūro yuṣmābhiḥ śvaśuro me gamiṣyati ॥

śrotavyam sarvam etasya bhavadbhiḥ diṣṭa kāribhiḥ ।
guruḥ eṣa mahābāhuḥ śvaśuro me mahābalaḥ ॥

bhavantaḥ ca api vikrāntāḥ pramāṇam sarve eva hi ।
pramāṇam enam saṁsthāpya paśyadhvam paścimām diśam ॥

dṛṣṭāyām tu narendrasyā patnyām amita tejasaḥ ।
kṛta kṛtyā bhaviṣyāmaḥ kṛtasya pratikarmaṇā ॥

ato anyat api yat kāryam kāryasya asya priyam bhavet ।
saṁpradhārya bhavadbhiḥ ca deśa kāla artha saṁhitam ॥

tataḥ suṣeṇa pramukhāḥ plavaṁgamāḥsugrīva vākyam nipuṇam niśamya ।
āmaṁtrya sarve plavagādhipam tejagmur diśam tām varuṇa abhiguptām ॥