किष्किन्धाकाण्डम्Kiṣkindhā Kāṇḍa

tataḥ prasthāpya sugrīvaḥ tan mahat vānaram balam ।
dakṣiṇām preṣayāmāsa vānarān abhilakṣitān ॥

nīlam agni sutam caiva hanūmantam ca vānaram ।
pitāmaha sutam caiva jāṁbavaṁtam mahojasam ॥

suhotram ca śarārim ca śaragulmam tathā eva ca ।
gajam gavākṣam gavayam suṣeṇam vṛṣabham tathā ॥

maindam ca dvividam caiva suṣeṇam gandhamādanam ।
ulkāmukham anaṁgam ca hutaśana sutau ubhau ॥

aṁgada pramukhān vīrān vīraḥ kapi gaṇa īśvaraḥ ।
vega vikrama saṁpannān saṁdideśa viśeṣavit ॥

teṣām agresaram caiva bṛhad balam atha aṁgadam ।
vidhāya hari vīrāṇām ādiśad dakṣiṇām diśam ॥

ye kecana samuddeśāḥ tasyām diśi sudurgamāḥ ।
kapīiśaḥ kapi mukhyānām sa teṣām samudāharat ॥

sahasra śirasam viṁdhyam nānā druma latā āyutam ।
narmadām ca nadīm ramyām mahoraga niṣevitām ॥

tato godāvarīm ramyām kṛṣṇāveṇīm mahānadīm ।
varadām ca mahābhāgām mahoraga niṣevitām ।
mekhalān utkalām caiva daśārṇa nagarāṇi api ॥

abravaṁtīm avaṁtīm ca sarvam eva anupaśyata ।
vidarbhān ṛṣṭikān caiva ramyān māhiṣakān api ॥

tathā vangān kalingām ca kauśikān ca samaṁtataḥ ।
anvīkṣya daṇḍaka araṇyam sa parvata nadī guham ॥

nadīm godāvarīm caiva sarvam eva anupaśyata ।
tathaiva āndhrān ca puṇḍrān ca colān pāṇḍyān keralān ॥

ayomukhaḥ ca gaṁtavyaḥ parvato dhātu maṇḍitaḥ ।
vicitra śikharaḥ śrīmān citra puṣpita kānanaḥ ॥

sucaṁdana vanoddeśo mārgitavyo mahāgiriḥ ।
tataḥ tām āpagām divyām prasanna salilāśayān ॥

tatra drakṣyatha kāverīm vihṛtām apsaro gaṇaiḥ ।
tasya āsīnam nagasya agre malayasya mahojasam ॥

drakṣyatha āditya saṁkāśam agastyam ṛṣi sattamam ।
tataḥ tena abhyanujñātāḥ prasannena mahātmanā ॥

tāmraparṇīm grāha juṣṭām tariṣyatha mahānadīm ।
sā candana vanaiḥ citraiḥ pracchannā dvīpa vāriṇī ॥

kāntā iva yuvatī kāntam samudram avagāhate ।
tato hemamayam divyam muktā maṇi vibhūṣitam ॥

yuktam kavāṭam pāṇḍyānām gatā drakṣyatha vānarāḥ ।
tataḥ samudram āsādya saṁpradhārya artha niścayam ॥

agastyena antare tatra sāgare viniveśitaḥ ।
citra sānu nagaḥ śrīmān mahendraḥ parvatottamaḥ ॥

jāta rūpamayaḥ śrīmān avagāḍho mahārṇavam ।
nānā vidhaiḥ nagaiḥ phullaiḥ latābhiḥ ca upaśobhitam ॥

deva ṛṣi yakṣa pravaraiḥ apsarobhiḥ ca sevitam ।
siddha cāraṇa saṁghaiḥ ca prakīrṇam sumanoharam ॥

tam upaiti sahasrākṣaḥ sadā parvasu parvasu ।
dvīpaḥ tasya apare pāre śata yojana visṛtaḥ ॥

agamyo mānuṣaiḥ dīptaḥ tam mārgadhvam samaṁtataḥ ।
tatra sarva ātmanā sītā mārgitavyā viśeṣataḥ ॥

sa hi deśaḥ tu vadhyasya rāvaṇasya durātmanaḥ ।
rākṣasa adhipateḥ vāsaḥ sahasrākṣa samadyuteḥ ॥

dakṣiṇasya samudrasya madhye tasya tu rākṣasī ।
aṁgāraka iti vikhyātā cāyām ākṣipya bhojinī ॥

evam niḥsaṁśayān kṛtvā saṁśayān naṣṭa saṁśayāḥ ।
mṛgayadhvam narendrasya patnīm amita ojasaḥ ॥

tam atikramya lakṣmīvān samudre śata yojane ।
giriḥ puṣpitako nāma siddha cāraṇa sevitaḥ ॥

candra sūrya aṁśu saṁkāśaḥ sāgara aṁbu samāśrayaḥ ।
bhrājate vipulaiḥ śṛngaiḥ ambaram vilikhan iva ॥

tasya ekam kāṁcanam śṛṁgam sevate yam divākaraḥ ।
śvetam rājatam ekam ca sevate yam niśākaraḥ ।
na tam kṛtaghnāḥ paśyanti na nṛśaṁsā na nāstikāḥ ॥

praṇamya śirasā śailam tam vimārgatha vānarāḥ ।
tam atikramya durdharṣam sūryavān nāma parvataḥ ॥

adhvanā durvigāhena yojanāni caturdaśa ।
tataḥ tam api atikramya vaidyuto nāma parvataḥ ॥

sarva kāma phalaiḥ vṛkṣaiḥ sarva kāla manoharaiḥ ।
tatra bhuktvā vara arhāṇi mūlāni ca phalāni ca ॥

madhūni pītvā juṣṭāni param gacchata vānarāḥ ।
tatra netra manaḥ kāṁtaḥ kuṁjaro nāma parvataḥ ॥

agastya bhavanam yatra nirmitam viśvakarmaṇā ।
tatra yojana vistāram ucchritam daśa yojanam ॥

śaraṇam kāṁcanam divyam nānā ratna vibhūṣitam ।
tatra bhogavatī nāma sarpāṇām ālayaḥ purī ॥

viśāla rathyā durdharṣā sarvataḥ parirakṣitā ।
rakṣitā pannagaiḥ ghoraiḥ tīṣkṇa damṣṭraiḥ mahā viṣaiḥ ॥

sarpa rājo mahāghoro yasyām vasati vāsukiḥ ।
niryāya mārgitavyā ca sā ca bhogavatī purī ॥

tatra ca aṁtaroddeśā ye kecana samāvṛtāḥ ।
tam ca deśam atikramya mahān ṛṣabha saṁsthitiḥ ॥

sarva ratnamayaḥ śrīmān ṛṣabho nāma parvataḥ ।
gośīrṣakam padmakam ca hariśyāmam ca candanam ॥

divyam utpadyate yatra tat caiva agni sama prabham ।
na tu tat candanam dṛṣṭvā spraṣṭavyam ca kadācana ॥

rohitā nāma gaṁdharvā ghoram rakṣanti tad vanam ।
tatra gaṁdharva patayaḥ paṁca sūrya sama prabhāḥ ॥

śailūṣo grāmaṇīḥ śikṣaḥ śuko babhruḥ tathaiva ca ।
ravi soma agni vapuṣā nivāsaḥ puṇya karmaṇām ॥

ante pṛthivyā durdharṣāḥ tataḥ svarga jitaḥ sthitāḥ ।
tataḥ param na vaḥ sevyaḥ pitṛ lokaḥ sudāruṇaḥ ॥

rājadhānī yamasya eṣā kaṣṭena tamasā āvṛtā ।
etāvat eva yuṣmābhiḥ vīrā vānara puṁgavāḥ ।
śakyam vicetum gantum vā na ato gatimatām gatiḥ ॥

sarvam etat samālokya yat ca anyat api dṛśyate ।
gatim viditvā vaidehyāḥ saṁnivartitam arhatha ॥

yaḥ ca māsān nivṛtto agre dṛṣṭā sīta iti vakṣyati ।
mat tulya vibhavo bhogaiḥ sukham sa vihariṣyati ॥

tataḥ priyataro na asti mama prāṇāt viśeṣataḥ ।
kṛta aparādho bahuśo mama bandhuḥ bhaviṣyati ॥

amita bala parākramā bhavantovipula guṇeṣu kuleṣu ca prasūtāḥ ।
manuja pati sutām yathā labhadhvamtat adhiguṇam puruṣārtham ārabhadhvam ॥