किष्किन्धाकाण्डम्Kiṣkindhā Kāṇḍa

atha rājā samṛddha arthaḥ sugrīvaḥ plavageśvaraḥ ।
uvāca naraśārdūlam rāmam parabalārdanam ॥

āgatā viniviṣṭāḥ ca balinaḥ kāmarūpiṇaḥ ।
vānarendrā mahendra ābhā ye mat viṣaya vāsinaḥ ॥

ta ime bahu vikrāntaiḥ balibhiḥ bhīma vikramaiḥ ।
āgatā vānarā ghorā daitya dānava saṁnibhāḥ ॥

khyāta karma apadānāḥ ca balavanto jita klamāḥ ।
parākrameṣu vikhyātā vyavasāyeṣu ca uttamāḥ ॥

pṛthivi aṁbu carā rāma nānā naga nivāsinaḥ ।
koṭi oghāḥ ca ime prāptā vānarāḥ tava kiṁkarāḥ ॥

nideśa vartinaḥ sarve sarve guru hite sthitāḥ ।
abhipretam anuṣṭhātum tava śakṣyanti ariṁdama ॥

ta ime bahu sāhasraiḥ anekaiḥ bahu vikramaiḥ ।
āgatā vānarā ghorā daitya dānava saṁnibhāḥ ॥

yat manyase naravyāghra prāpta kālam tat ucyatām ।
tat sainyam tvat vaśe yuktam ājñāpayitum arhasi ॥

kāmam eṣām idam kāryam viditam mama tattvataḥ ।
tathā api tu yathā yuktam ājñāpayitum arhasi ॥

tathā bruvāṇam sugrīvam rāmo daśarathātmajaḥ ।
bāhubhyām saṁpariṣvajya idam vacanam abravīt ॥

jñāyatām saumya vaidehī yadi jīvati vā na vā ।
sa ca deśo mahāprājña yasmin vasati rāvaṇaḥ ॥

adhigamya tu vaidehīm nilayam rāvaṇasya ca ।
prāpta kālam vidhāsyāmi tasmin kāle saha tvayā ॥

na aham asmin prabhuḥ kārye vānarendra na lakṣmaṇaḥ ।
tvam asya hetuḥ kāryasya prabhuḥ ca plavageśvara ॥

tvam eva ājñāpaya vibho mama kārya viniścayam ।
tvam hi jānāsi yat kāryam mama vīra na saṁśayaḥ ॥

suhṛd dvitīyo vikrāntaḥ prājñaḥ kāla viśeṣa vit ।
bhavān asmat hite yuktaḥ suhṛd āpto arthavittamaḥ ॥

evam uktaḥ tu sugrīvo vinatam nāma yūthapam ।
abravīt rāma sāṁnidhye lakṣmaṇasya ca dhīmataḥ ॥

śailābham megha nirghoṣam ūrjitam plavageśvaram ।
soma sūrya nibhaiḥ sārdham vānaraiḥ vānarottama ॥

deśa kāla nayaiḥ yuktaḥ vijñaḥ kārya viniścaye ।
vṛtaḥ śata sahasreṇa vānarāṇām tarasvinām ॥

adhigaccha diśam pūrvām sa śaila vana kānanām ।
tatra sītām ca vaidehīm nilayam rāvaṇasya ca ॥

mārgadhvam giri durgeṣu vaneṣu ca nadīṣu ca ।
nadīm bhāgīrathīm ramyām sarayūm kauśikīm tathā ॥

kāliṁdīm yamunām ramyām yāmunam ca mahāgirim ।
sarasvatīm ca siṁdhum ca śoṇam maṇi nibha udakam ॥

mahīm kālamahīm caiva śaila kānana śobhitām ।
brahmamālān videhān ca mālavān kāśi kosalān ॥

māgadhām ca mahāgrāmān puṇḍrān aṁgām tathaiva ca ।
bhūmim ca kośakārāṇām bhūmim ca rajata ākarām ॥

sarvam ca tat vicetavyam mārgayadbhiḥ tataḥ tataḥ ।
rāmasya dayitām bhāryām sītām daśarathaḥ snuṣām ॥

samudram avagāḍhān ca parvatān pattanāni ca ।
maṁdarasya ca ye koṭim saṁśritāḥ kecit ālayāḥ ॥

karṇa prāvaraṇāḥ caiva tathā ca api oṣṭha karṇakāḥ ।
ghora loha mukhāḥ caiva javanāḥ ca eka pādakāḥ ॥

akṣayā balavaṁtaḥ ca tathaiva puruṣa ādakāḥ ।
kirātāḥ tīkṣṇa cūḍāḥ ca hemābhāḥ priya darśanāḥ ॥

āma mīna aśanāḥ cāpi kirātā dvīpa vāsinaḥ ।
aṁtar jala carā ghorā naravyāghrā iti smṛtāḥ ॥

eteṣām āśrayāḥ sarve viceyāḥ kānana okasaḥ ।
giribhir ye ca gamyante plavanena plavena ca ॥

yatnavanto yava dvīpam sapta rājya upaśobhitam ।
suvarṇa rūpyakam dvīpam suvarṇa ākara maṇḍitam ॥

yava dvīpam atikramya śiśiro nāma parvataḥ ।
divam spṛśati śṛngeṇa deva dānava sevitaḥ ॥

eteṣām giri durgeṣu prapāteṣu vaneṣu ca ।
mārgadhvam sahitāḥ sarve rāma patnīm yaśasvinīm ॥

tato rakta jalam prāpya śoṇa ākhyam śīghra vāhinīm ।
gatvā pāram samudrasya siddha cāraṇa sevitam ॥

tasya tīrtheṣu ramyeṣu vicitreṣu vaneṣu ca ।
rāvaṇaḥ saha vaidehyā mārgitavyaḥ tataḥ tataḥ ॥

parvata prabhavā nadyaḥ subhīma bahu niṣkuṭāḥ ।
mārgitavyā darīmantaḥ parvatāḥ ca vanāni ca ॥

tataḥ samudra dvīpān ca subhīmān draṣṭum arhatha ।
ūrmimaṁtam mahāraudram krośaṁtam anila uddhitam ॥

tatra asurā mahākāyāḥ chāyām gṛhṇanti nityaśaḥ ।
brahmaṇā samanujñātā dīrgha kālam bubhukṣitāḥ ॥

tam kāla megha pratimam mahoraga niṣevitam ।
abhigamya mahānādam tīrthena eva mahodadhim ॥

tato raktajalam bhīmam lohitam nāma sāgaram ।
gatvā prekṣyatha tām caiva bṛhatīm kūṭaśālmalīm ॥

gṛham ca vainateyasya nānā ratna vibhūṣitam ।
tatra kailāsa saṁkāśam vihitam viśvakarmaṇā ॥

tatra śaila nibhā bhīmā mandehā nāma rākṣasāḥ ।
śaila śṛṁgeṣu laṁbante nānā rūpā bhayāvahāḥ ॥

te patanti jale nityam sūryasya udayanam prati ।
abhitaptāḥ ca sūryeṇa laṁbante sma punaḥ punaḥ ॥

nihatā brahma tejobhiḥ ahani ahani rākṣasāḥ ।
tataḥ pāṇḍura meghābham kṣīraudam nāma sāgaram ॥

gatvā drakṣyatha durdharṣā muktā hāram iva ūrmibhiḥ ।
tasya madhye mahā śveto ṛṣabho nāma parvataḥ ॥

divya gandhaiḥ kusumitai ācitaiḥ ca nagaiḥ vṛtaḥ ।
saraḥ ca rājataiḥ padmaiḥ jvalitaiḥ hema kesaraiḥ ॥

nāmnā sudarśanam nāma rājahaṁsaiḥ samākulam ।
vibudhāḥ cāraṇā yakṣāḥ kinnarāḥ sa apsaro gaṇāḥ ॥

hṛṣṭāḥ samadhigacchanti nalinīm tām riraṁsavaḥ ।
kṣīrodam samatikramya tato drakṣyatha vānarāḥ ॥

jalodam sāgaram śīghram sarva bhūta bhayāvaham ।
tatra tat kopajam tejaḥ kṛtam hayamukham mahat ॥

asya āhuḥ tan mahāvegam odanam sa carācaram ।
tatra vikrośatām nādo bhūtānām sāgara okasām ।
śrūyate ca asamarthānām dṛṣṭvā tat vaḍavā mukham ॥

svādu udasya uttare deśe yojanāni trayodaśa ।
jātarūpa śilo nāma sumahān kanaka prabhaḥ ॥

tatra candra pratīkāśam pannagam dharaṇī dharam ।
padma patra viśālākṣam tato drakṣyadha vānarāḥ ॥

āsīnam parvatasya agre sarva bhūta namaskṛtam ।
sahasra śirasam devam anaṁtam nīla vāsasam ॥

triśirāḥ kāṁcanaḥ ketuḥ tālaḥ tasya mahātmanaḥ ।
sthāpitaḥ parvatasya agre virājati sa vedikaḥ ॥

pūrvasyām diśi nirmāṇam kṛtam tat tridaśeśvaraiḥ ।
tataḥ param hemamayaḥ śrīmān udaya parvataḥ ॥

tasya koṭiḥ divam spṛṣṭvā śata yojanam āyatā ।
jātarūpamayī divyā virājati sa vedikā ॥

sālaiḥ tālaiḥ tamālaiḥ ca karṇikāraiḥ ca puṣpitaiḥ ।
jātarūpamayaiḥ divyaiḥ śobhate sūrya sannibhaiḥ ॥

tatra yojana vistāram ucchritam daśa yojanam ।
śṛṁgam saumanasam nāma jātarūpamayam dhruvam ॥

tatra pūrvam padam kṛtvā purā viṣṇuḥ trivikrame ।
dvitīyam śikharam meroḥ cakāra puruṣottamaḥ ॥

uttareṇa parikramya jaṁbū dvīpam divākaraḥ ।
dṛśyo bhavati bhūyiṣṭham śikharam tan mahocchrayam ॥

tatra vaikhānasā nāma vālakhilyā maharṣayaḥ ।
prakāśamānā dṛśyante sūrya varṇāḥ tapasvinaḥ ॥

ayam sudarśano dvīpaḥ puro yasya prakāśate ।
tasmin tejaḥ ca cakṣuḥ ca sarva prāṇabhṛtām api ॥

śailasya tasya pṛṣṭheṣu kaṁdareṣu vaneṣu ca ।
rāvaṇaḥ saha vaidehyā mārgitavyaḥ tataḥ tataḥ ॥

kāṁcanasya ca śailasya sūryasya ca mahātmanaḥ ।
āviṣṭā tejasā saṁdhyā pūrvā raktā prakāśate ॥

pūrvam etat kṛtam dvāram pṛthivyā bhuvanasya ca ।
sūryasya udayanam caiva pūrvā hi eṣā dik ucyate ॥

tasya śalasya pṛṣṭheṣu nirjhareṣu guhāsu ca ।
rāvaṇaḥ saha vaidehyā mārgatavyā tataḥ tataḥ ॥

tataḥ param agamyā syāt dik pūrvā tridaśa āvṛtā ।
rahitā candra sūryābhyām adṛśyā timira āvṛtā ॥

śaileṣu teṣu sarveṣu kaṁdareṣu vaneṣu ca ।
ye ca na uktā mayoddeśā viceyā teṣu jānakī ॥

etāvat vānaraiḥ śakyam gantum vānara puṁgavāḥ ।
abhāskaram amaryādam na jānīmaḥ tataḥ param ॥

abhigamya tu vaidehīm nilayam rāvaṇasya ca ।
māse pūrṇe nivartadhvam udayam prāpya parvatam ॥

ūrdhvam māsāt na vastavyam vasan vadhyo bhaven mama ।
siddha arthāḥ saṁnivartadhvam adhigamya ca maithilīm ॥

mahendra kāṁtām vana ṣaṇḍa maṇḍitāmdiśam caritvā nipuṇena vānarāḥ ।
avāpya sītām raghu vaṁśaja priyāmtato nivṛttāḥ sukhino bhaviṣyatha ॥