किष्किन्धाकाण्डम्Kiṣkindhā Kāṇḍa

iti bruvāṇam sugrīvam rāmo dharmabhṛtām varaḥ ।
bāhubhyām saṁpariṣvajya pratyuvāca kṛtāṁjalim ॥

yat indro varṣate varṣam na tat citram bhaviṣyati ।
ādityo asau sahasrāṁśuḥ kuryāt vitimiram nabhaḥ ॥

candramā rajanīm kuryāt prabhayā saumya nirmalām ।
tvat vidho vā api mitrāṇām prītim kuryāt paraṁtapa ॥

evam tvayi tat na citram bhavet yat saumya śobhanam ।
jānāmi aham tvām sugrīva satatam priya vādinam ॥

tvat sa nāthaḥ sakhe saṁkhye jetā asmi sakalān arīn ।
tvam eva me suhṛt mitram sāhāyyam kartum arhasi ॥

jahāra ātma vināśāya vaidehīm rākṣasa adhamaḥ ।
vaṁcayitvā tu paulomīm anuhlādo yathā śacīm ॥

na cirāt tam haniṣyāmi rāvaṇam niśitaiḥ śaraiḥ ।
paulomyāḥ pitaram dṛptam śata kratuḥ iva arihā ॥

etasmin antare ca eva rajaḥ samabhivartata ।
uṣṇām tīvrām sahasrāṁśoḥ chādayat gagane prabhām ॥

diśaḥ paryākulāḥ ca āsan tamasā tena dūṣitāḥ ।
cacāla ca mahī sarvā sa śaila vana kānanā ॥

tato nagendra saṁkāśaiḥ tīkṣṇa danṣṭraiḥ mahābalaiḥ ।
kṛtsnā saṁchāditā bhūmiḥ asaṁkhyeyaiḥ plavaṁgamaiḥ ॥

nimeṣa aṁtara mātreṇa tataḥ taiḥ hari yūthapaiḥ ।
koṭī śata parīvāraiḥ kāmarūpibhiḥ āvṛtā ॥

nādeyaiḥ pārvateyaiḥ ca sāmudraiḥ ca mahābalaiḥ ।
haribhiḥ megha nirhrādaiḥ anyaiḥ ca vana vāsibhiḥ ॥

taruṇa āditya varṇaiḥ ca śaśi gauraiḥ ca vānaraiḥ ।
padma kesara varṇaiḥ ca śvetaiḥ meru kṛta ālayaiḥ ॥

koṭī sahasraiḥ daśabhiḥ śrīmān parivṛtaḥ tadā ।
vīraḥ śatabaliḥ nāma vānaraḥ pratyadṛśyata ॥

tataḥ kāṁcana śaila ābhaḥ tārāyā vīryavān pitā ।
anekaiḥ bahu sāhasraiḥ koṭibhiḥ pratyadṛśyata ॥

tathā apareṇa koṭīnām sāhasreṇa samanvitaḥ ।
pitā rumayāḥ saṁprāptaḥ sugrīva śvaśuro vibhuḥ ॥

padma kesara saṁkāśaḥ taruṇa arka nibha ānanaḥ ।
buddhimān vānara śreṣṭhaḥ sarva vānara sattamaḥ ॥

anīkaiḥ bahu sāhasraiḥ vānarāṇām samanvitaḥ ।
pitā hanumataḥ śrīmān kesarī pratyadṛśyata ॥

go lāṁgūla mahārājo gavākṣo bhīma vikramaḥ ।
vṛtaḥ koṭi sahasreṇa vānarāṇām adṛśyata ॥

ṛkṣāṇām bhīma vegānām dhūmraḥ śatru nibarhaṇaḥ ।
vṛtaḥ koṭi sahasrābhyām dvābhyām samabhivartata ॥

mahā acala nibhaiḥ ghoraiḥ panaso nāma yūthapaḥ ।
ājagāma mahāvīryaḥ tisṛbhiḥ koṭibhiḥ vṛtaḥ ॥

nīla aṁjana caya ākāro nīlo nāma atha yūthapaḥ ।
adṛśyata mahākāyaḥ koṭibhiḥ daśabhiḥ vṛtaḥ ॥

tataḥ kāṁcana ābho gavayo nāma yūthapaḥ ।
ājagāma mahāvīryaḥ koṭibhiḥ paṁcabhiḥ vṛtaḥ ॥

darīmukhaḥ ca balavān yūthapo abhyāyayau tadā ।
vṛtaḥ koṭi sahasreṇa sugrīvam samupasthitaḥ ॥

maindaḥ ca dvividaḥ ca ubhau aśvi putrau mahābalau ।
koṭi koṭi sahasreṇa vānarāṇām adṛśyatām ॥

gajaḥ ca balavān vīraḥ trisṛbhiḥ koṭibhiḥ vṛtaḥ ।
ājagāma mahātejāḥ sugrīvasya samīpataḥ ॥

ṛkṣa rājo mahātejā jāṁbavān nāma nāmataḥ ।
koṭibhiḥ daśabhiḥ vyāptaḥ sugrīvasya vaśe sthitaḥ ॥

rumaṇo nāma tejasvī vikrāntaiḥ vānaraiḥ vṛtaḥ ।
āgato balavān tūrṇam koṭi śata samāvṛtaḥ ॥

tataḥ koṭi sahasrāṇām sahasreṇa śatena ca ।
pṛṣṭhato anugataḥ prāpto haribhiḥ gaṁdhamādanaḥ ॥

tataḥ padma sahasreṇa vṛtaḥ śanku śatena ca ।
yuva rājo aṁgadaḥ prāptaḥ pitṛ tulya parākramaḥ ॥

tataḥ tārā dyutiḥ tāro hariḥ bhīma parākramaḥ ।
paṁcabhiḥ hari koṭībhiḥ dūrataḥ pratyadṛśyata ॥

indrajānuḥ kapiḥ vīro yūthapaḥ pratyadṛśyata ।
ekādaśānām koṭīnām īśvaraḥ taiḥ ca samvṛtaḥ ॥

tato raṁbhaḥ tu anuprāptaḥ taruṇa āditya saṁnibhaḥ ।
āyutena vṛtaḥ caiva sahasreṇa śatena ca ॥

tato yūtha patiḥ vīro durmukho nāma vānaraḥ ।
pratyadṛśyata koṭibhyām dvābhyām parivṛto balī ॥

kailāsa śikhara ākāraiḥ vānaraiḥ bhīma vikramaiḥ ।
vṛtaḥ koṭi sahasreṇa hanumān pratyadṛśyata ॥

nalaḥ ca api mahāvīryaḥ saṁvṛto druma vāsibhiḥ ।
koṭī śatena saṁprāptaḥ sahasreṇa śatena ca ॥

tato dadhimukhaḥ śrīmān koṭibhiḥ daśabhiḥ vṛtaḥ ।
saṁprāpto abhinadan tasya sugrīvasya mahātmanaḥ ॥

śarabhaḥ kumudo vahniḥ vānaro raṁhaḥ eva ca ।
ete ca anye ca bahavo vānarāḥ kāma rūpiṇaḥ ॥

āvṛtya pṛthivīm sarvām parvatān ca vanāni ca ।
yūthapāḥ samanuprāptā eṣām saṁkhyā na vidyate ॥

āgatāḥ ca niviṣṭāḥ ca pṛthivyām sarva vānarāḥ ।
āplavaṁtaḥ plavaṁtaḥ ca garjaṁtaḥ ca plavaṁgamāḥ ।
abhyavartanta sugrīvam sūryam abhra gaṇā iva ॥

kurvāṇā bahu śabdān ca prakṛṣṭā balaśālinaḥ ।
śirobhiḥ vānarendrāya sugrīvāya nyavedayan ॥

apare vānara śreṣṭhāḥ saṁgamya ca yathā ucitam ।
sugrīveṇa samāgamya sthitāḥ prāṁjalayaḥ tadā ॥

sugrīvaḥ tvarito rāme sarvān tān vānararṣabhān ।
nivedayitvā dharmajñaḥ sthitaḥ prānjaliḥ abravīt ॥

yathā sukham parvata nirjhareṣuvaneṣu sarveṣu ca vānarendrāḥ ।
niveśayitvā vidhivat balānibalam balajñaḥ pratipattum īṣṭe ॥