किष्किन्धाकाण्डम्Kiṣkindhā Kāṇḍa

evam uktaḥ tu sugrīvo lakṣmaṇena mahātmanā ।
hanūmantam sthitam pārśve vacanam ca idam abravīt ॥

mahendra himavat viṁdhya kailāsa śikhareṣu ca ।
mandare pāṇḍu śikhare paṁca śaileṣu ye sthitāḥ ॥

taruṇa āditya varṇeṣu bhrājamāneṣu nityaśaḥ ।
parvateṣu samudra aṁte paścimasyām tu ye diśi ॥

āditya bhavane caiva girau saṁdhyā abhra saṁnibhe ।
padma tāla vanam bhīmāḥ saṁśritā hari puṁgavāḥ ॥

aṁjana aṁbuda saṁkāśāḥ kuṁjara pratima ojasaḥ ।
aṁjane parvate caiva ye vasanti plavaṁgamāḥ ॥

mahāśaila guhā āvāsā vānarāḥ kanaka prabhāḥ ।
meru pārśva gatāḥ caiva ye ca dhūmra girim śritāḥ ॥

taruṇa āditya varṇāḥ ca parvate ye mahāaruṇe ।
pibaṁto madhu maireyam bhīma vegāḥ plavaṁgamāḥ ॥

vaneṣu ca suramyeṣu sugandhiṣu mahatsu ca ।
tāpasa āśrama ramyeṣu vana anteṣu samaṁtataḥ ॥

tān tān tvam ānaya kṣipram pṛthivyām sarva vānarān ।
sāma dāna ādibhiḥ kalpaiḥ vānaraiḥ vegavattaraiḥ ॥

preṣitāḥ prathamam ye ca mayā ājñātāḥ mahājavāḥ ।
tvaraṇa artham tu bhūyaḥ tvam saṁpreṣaya harīśvarān ॥

ye prasaktāḥ ca kāmeṣu dīrgha sūtrāḥ ca vānarāḥ ।
iha ānayasva tān śīghram sarvān eva kapīśvarān ॥

ahobhiḥ daśabhiḥ ye ca na āgacchanti mama ājñayā ।
hantavyāḥ te durātmāno rāja śāsana dūṣakāḥ ॥

śatāni atha sahasrāṇi koṭyaḥ ca mama śāsanāt ।
prayāntu kapi siṁhānām nidiśe mama ye sthitāḥ ॥

megha parvata saṁkāśāḥ chādayanta iva aṁbaram ।
ghora rūpāḥ kapi śreṣṭhā yāntu mat śāsanāt itaḥ ॥

te gatijñā gatim gatvā pṛthivyām sarva vānarāḥ ।
ānayaṁtu harīn sarvān tvaritāḥ śāsanān mama ॥

tasya vānara rājasya śrutvā vāyu suto vacaḥ ।
dikṣu sarvāsu vikrāntān preṣayāmāsa vānarān ॥

te padam viṣṇu vikrāntam patatri jyotiḥ adhvagāḥ ।
prayātāḥ prahitā rājñā harayaḥ tu kṣaṇena vai ॥

te samudreṣu giriṣu vaneṣu ca saraḥsu ca ।
vānarā vānarān sarvān rāma hetoḥ acodayan ॥

mṛtyu kāla upamasya ājñām rāja rājasya vānarāḥ ।
sugrīvasya āyayuḥ śrutvā sugrīva bhaya śankitāḥ ॥

tataḥ te aṁjana saṁkāśā gireḥ tasmāt mahājavāḥ ।
tisraḥ koṭyaḥ plavaṁgānām niryayur yatra rāghavaḥ ॥

astam gacchati yatra arkaḥ tasmin girivare ratāḥ ।
saṁtapta hema varṇa ābhā tasmāt koṭyo daśa cyutāḥ ॥

kailāsa śikharebhyaḥ ca siṁha kesara varcasām ।
tataḥ koṭi sahasrāṇi vānarāṇām samāgaman ॥

phala mūlena jīvanto himavantam upāśritāḥ ।
teṣām koṭi sahasrāṇām sahasram samavartata ॥

aṁgāraka samānānām bhīmānām bhīma karmaṇām ।
viṁdhyāt vānara koṭīnām sahasrāṇi apatan drutam ॥

kṣīra uda velā nilayāḥ tamāla vana vāsinaḥ ।
nāri kela aśanāḥ caiva teṣām saṁkhyā na vidyate ॥

vanebhyo gahvarebhyaḥ ca saritbhyaḥ ca mahābalāḥ ।
āgacchat vānarī senā pibanti iva divā karam ॥

ye tu tvarayitum yātā vānarāḥ sarva vānarān ।
te vīrā himavat śaile dadṛśuḥ tam mahādrumam ॥

tasmin giri vare puṇye yajño māheśvaraḥ purā ।
sarva deva manaḥ toṣo babhūva su manoramaḥ ॥

anna nisyaṁda jātāni mūlāni ca phalāni ca ।
amṛta svādu kalpāni dadṛśuḥ tatra vānarāḥ ॥

tat anna saṁbhavam divyam phalam mūlam manoharam ।
yaḥ kaścit sakṛt aśnāti māsam bhavati tarpitaḥ ॥

tāni mūlāni divyāni phalāni ca phala aśanāḥ ।
auṣadhāni ca divyāni jagṛhur hari puṁgavāḥ ॥

tasmāt ca yajña āyatanāt puṣpāṇi surabhīṇi ca ।
āninyur vānarā gatvā sugrīva priya kāraṇāt ॥

te tu sarve harivarāḥ pṛthivyām sarva vānarān ।
saṁcodayitvā tvaritam yūthānām jagmur agrataḥ ॥

te tu tena muhūrtena kapayaḥ śīghra cāriṇaḥ ।
kiṣkiṁdhām tvarayā prāptāḥ sugrīvo yatra vānaraḥ ॥

te gṛhītvā oṣadhīḥ sarvāḥ phala mūlam ca vānarāḥ ।
tam pratigrāhayāmāsur vacanam ca idam abruvan ॥

sarve parisṛtāḥ śailāḥ saritaḥ ca vanāni ca ।
pṛthivyām vānarāḥ sarve śāsanāt upayānti te ॥

evam śrutvā tato hṛṣṭaḥ sugrīvaḥ plavaga adhipaḥ ।
pratijagrāha ca prītaḥ teṣām sarvam upāyanam ॥