किष्किन्धाकाण्डम्Kiṣkindhā Kāṇḍa

atha pratisaṁādiṣṭo lakṣmaṇaḥ paravīrahā ।
praviveśa guhām ramyām kiṣkiṁdhām rāma śāsanāt ॥

dvārasthā harayaḥ tatra mahākāyā mahābalāḥ ।
babhūvuḥ lakṣmaṇam dṛṣṭvā sarve prāṁjalayaḥ sthitāḥ ॥

niḥśvasantam tu tam dṛṣṭvā kruddham daśaratha ātmajam ।
babhūvuḥ harayaḥ trastā na ca enam paryavārayan ॥

sa tam ratnamayīm divyām śrīmān puṣpita kānanām ।
ramyām ratna samākīrṇām dadarśa mahatīm guhām ॥

harmya prāsāda saṁbādhām nānā ratnopaśobhitām ।
sarva kāma phalaiḥ vṛkṣaiḥ puṣpitaiḥ upaśobhitām ॥

deva gaṁdharva putraiḥ ca vānaraiḥ kāma rūpibhiḥ ।
divya mālya ambara dhāraiḥ śobhitām priya darśanaiḥ ॥

candana agaru padmānām gandhaiḥ surabhi gandhitām ।
maireyāṇām madhūnām ca sammodita mahā pathām ॥

viṁdhya meru giri prakhyaiḥ prāsādaiḥ na eka bhūmibhiḥ ।
dadarśa giri nadyaḥ ca vimalāḥ tatra rāghavaḥ ॥

aṁgadasya gṛham ramyam maindasya dvividasya ca ।
gavayasya gavākṣasya gajasya śarabhasya ca ॥

vidyunmāleḥ ca saṁpāteḥ sūryākṣasya hanūmataḥ ।
vīrabāhoḥ subāhoḥ ca nalasya ca mahātmanaḥ ॥

kumudasya suṣeṇasya tāra jāmbavatoḥ tathā ।
dadhivaktrasya nīlasya supāṭala sunetrayoḥ ॥

eteṣām kapi mukhyānām rāja mārge mahātmanām ।
dadarśa gṛha mukhyāni mahāsārāṇi lakṣmaṇaḥ ॥

pāṇḍura abhra prakāśāni gandha mālya yutāni ca ।
prabhūta dhana dhānyāni strī ratnaiḥ śobhitāni ca ॥

pāṇḍureṇa tu śailena parikṣiptam durāsadam ।
vānarendra gṛham ramyam mahendra sadana upamam ॥

śulkaiḥ prāsāda śikharaiḥ kailāsa śikhara upamaiḥ ।
sarva kāma phalaiḥ vṛkṣaiḥ puṣpitaiḥ upaśobhitam ॥

mahendra dattaiḥ śrīmadbhiḥ nīla jīmūta saṁnibhaiḥ ।
divya puṣpa phalaiḥ vṛkṣaiḥ śīta cchāyaiḥ manoramaiḥ ॥

haribhiḥ saṁvṛta dvāram balibhiḥ śastra pāṇibhiḥ ।
divya mālya āvṛtam śubhram tapta kāṁcana toraṇam ॥

sugrīvasya gṛham ramyam praviveśa mahābalaḥ ।
avāryamāṇaḥ saumitriḥ mahāabhram iva bhāskaraḥ ॥

sa sapta kakṣyā dharmātmā yāna āsana samāvṛtāḥ ।
praviśya sumahat guptam dadarśa aṁtaḥpuram mahat ॥

haima rājata paryankaiḥ bahubhiḥ ca vara āsanaiḥ ।
mahā arha āstaraṇa upetaiḥ tatra tatra samāvṛtam ॥

praviśan eva satatam śuśrāva madhura svanam ।
taṁtrī gīta samākīrṇam sama tāla padākṣaram ॥

bahvīḥ ca vividha ākārā rūpa yauvana garvitāḥ ।
striyaḥ sugrīva bhavane dadarśa sa mahābalaḥ ॥

dṛṣṭvā abhijana saṁpannāḥ tatra mālya kṛta srajaḥ ।
vara mālya kṛta vyagrā bhūṣaṇa uttama bhūṣitāḥ ॥

na atṛptān na ati ca vyagrān na anudātta paricchadān ।
sugrīva anucarān ca api lakṣayāmāsa lakṣmaṇaḥ ॥

kūjitam nūpurāṇām ca kaṁcanīm niḥsvanam tathā ।
sa niśamya tataḥ śrīmān saumitriḥ lajjito abhavat ॥

roṣa vega prakupitaḥ śrutvā ca ābharaṇa svanam ।
cakāra jyā svanam vīro diśaḥ śabdena pūrayan ॥

cāritreṇa mahābāhuḥ apakṛṣṭaḥ sa lakṣmanaḥ ।
tasthau ekāṁtam āśritya rāma śoka samanvitaḥ ॥

tena cāpa svanena atha sugrīvaḥ plavagādhipaḥ ।
vijñāya āgamanam trastaḥ sa cacāla vara āsanāt ॥

aṁgadena yathā mahyam purastāt prativeditam ।
suvyaktam eṣa saṁpraptaḥ saumitriḥ bhrātṛ vatsalaḥ ॥

aṁgadena samākhyato jyā svanena ca vānaraḥ ।
bubudhe lakṣmaṇam prāptam mukham ca asya vyaśuṣyata ॥

tataḥ tārām hari śreṣṭhaḥ sugrīvaḥ priya darśanām ।
uvāca hitam avyagra trāsa saṁbhrāṁta mānasaḥ ॥

kim nu ruṭ kāraṇam subhru prakṛtyā mṛdu mānasaḥ ।
sa roṣa iva saṁprāpto yena ayam rāghavānujaḥ ॥

kim paśyasi kumārasya roṣa sthānam anindite ।
na khalu akāraṇe kopam āharet narapuṁgavaḥ ॥

yadi asya kṛtam asmābhiḥ budhyase kiṁcit apriyam ।
tat budhyā saṁpradhārya āśu kṣipram eva abhidhīyatām ॥

athavā svayam eva enam draṣṭum arhasi bhāminī ।
vacanaiḥ svāṁtva yuktaiḥ ca prasādayitum arhasi ॥

tvat darśane viśuddha ātmā na sa kopam kariṣyati ।
na hi strīṣu mahātmānaḥ kvacit kurvanti dāruṇam ॥

tvayā svāṁtvaiḥ upakrāṁtam prasanna indriya mānasam ।
tataḥ kamalapatrākṣam drakṣyāami aham ariṁdamam ॥

sā praskhalaṁtī mada vihvala akṣīpralaṁba kāṁcī guṇa hema sūtrā ।
salakṣaṇā lakṣmaṇa saṁnidhānamjagāma tārā namita aṁga yaṣṭiḥ ॥

sa tām samīkṣya eva hari īśa patnīmtasthau udāsīnatayā mahātmā ।
avāṅmukho ābhūt manujendra putraḥstrī sannikarṣāt vinivṛtta kopam ॥

sā pāna yogāt ca nivṛtta lajjādṛṣṭi prasādāt ca narendra sūnoḥ ।
uvāca tārā praṇaya pragalbhamvākyam mahārtham parisāṁtva rūpam ॥

kim kopa mūlam manujendra putrakaḥ te na santiṣṭhati vāk nideśe ।
kaḥ śuṣka vṛkṣam vanam āpatantamdavāgnim āsīdati nirviśaṁkaḥ ॥

sa tasya vacanam śrutvā sāṁtva pūrvam aśaṁkitaḥ ।
bhūyaḥ praṇaya dṛṣṭārtham lakṣmaṇo vākyam abravīt ॥

kim ayam kāma vṛttaḥ te lupta dharmārtha saṁgrahaḥ ।
bhartā bhartṛ hite yukte na ca evam avabudhyase ॥

na ciṁtayati rājyārtham saḥ asmān śoka parāyaṇān ।
sa amātya pariṣat tāre kāmam eva upasevate ॥

sa māsān catura kṛtvā pramāṇam plavageśvaraḥ ।
vyatītān tān mada udagro viharan na avabudhyate ॥

na hi dharmārtha siddhyartham pānam evam praśasyate ।
pānāt arthasya kāmaḥ ca dharmaḥ ca parihīyate ॥

dharma lopo mahān tāvat kṛte hi aprati kurvataḥ ।
artha lopaḥ ca mitrasya nāśe guṇavato mahān ॥

mitram hi artha guṇa śreṣṭham satya dharma parāyaṇam ।
tat dvayam tu parityaktam na tu dharme vyavasthitam ॥

tat evam prastute kārye kāryam asmābhiḥ uttaram ।
yat kāryam kārya tattvajñe tvam udāhartum arhasi ॥

sā tasya dharmārtha samādhi yuktamniśamya vākyam madhura svabhāvam ।
tārā gatārthe manujendra kāryeviśvāsa yuktam tam uvāca bhūyaḥ ॥

na kopa kālaḥ kṣitipāla putrana ca api kopaḥ sva jane vidheyaḥ ।
tvat artha kāmasya janasya tasyapramādam api arhasi vīra soḍhum ॥

kopam katham nāma guṇa prakṛṣṭaḥkumāra kuryāt apakṛṣṭa sattve ।
kaḥ tvat vidhaḥ kopa vaśam hi gacchesattva avaruddhaḥ tapasaḥ prasūtiḥ ॥

jānāmi kopam hari vīra bandhoḥjānāmi kāryasya ca kāla saṁgam ।
jānāmi kāryam tvayi yat kṛtam naḥtat ca api jānāmi yat atra kāryam ॥

tat ca api jānāmi yathā aviṣahyambalam naraśreṣṭha śarīrajasya ।
jānāmi yasmin ca jane avabaddhamkāmena sugrīvam astakam adya ॥

na kāma taṁtre tava buddhiḥ astitvam vai yathā manyu vaśam prapannaḥ ।
na deśa kālau hi na ca artha dharmauavekṣate kāma ratiḥ manuṣyaḥ ॥

tam kāma vṛttam mama sannikṛṣṭamkāma abhiyogāt ca vimukta lajjam ।
kṣamasva tāvat para vīra hantaḥtava bhrātarma vānara vaṁśa nātham ॥

maharṣayo dharma tapobhirāmāḥkāmā anukāmāḥ prati baddha mohāḥ ।
ayam prakṛtyā capalaḥ kapiḥ tukatham na sajjeta sukheṣu rājā ॥

iti evam uktvā vacanam mahārthamsā vānarī lakṣmaṇam aprameyam ।
punaḥ sa khedam mada vihvalākṣībhartur hitam vākyam idam babhāṣe ॥

udyogaḥ tu cira ājñaptaḥ sugrīveṇa narottama ।
kāmsya api vidheyena tava artha prati sādhane ॥

āgatā hi mahā vīryā harayaḥ kāma rūpiṇaḥ ।
koṭi śata sahasrāṇi nānā naga nivāsinaḥ ॥

tat āgaccha mahābāho cāritram rakṣitam tvayā ।
acchalam mitra bhāvena satām darā avalokanam ॥

tārāyā ca abhyanujñāta tvarayā cā api coditaḥ ।
praviveśa mahābāhuḥ abhyaṁtaram arindamaḥ ॥

tataḥ sugrīvam āsīnam kāṁcane parama āsane ।
mahāarha āstaraṇopete dadarśa āditya saṁnibham ॥

divya ābharaṇa citrāṁgam divya rūpam yaśasvinam ।
divya mālyāṁbara dharam mahendram iva durjayam ॥

divya ābharaṇa mālyābhiḥ pramadābhiḥ samāvṛtam ।
saṁrabdhatara raktākṣo babhūva aṁtaka saṁnibhaḥ ॥

rumām tu vīraḥ parirabhya gāḍhamvara āsanastho vara hema varṇaḥ ।
dadarśa saumitrim adīna sattvamviśāla netraḥ sa viśāla netram ॥