किष्किन्धाकाण्डम्Kiṣkindhā Kāṇḍa

vaco vijñāya hanumān sugrīvasya mahātmanaḥ ।
parvatāt ṛṣyamūkāt tu pupluve yatra rāghavau ॥

kapi rūpam parityajya hanumān mārutātmajaḥ ।
bhikṣu rūpam tato bheje śaṭhabuddhitayā kapiḥ ॥

tataḥ ca hanumān vācā ślakṣṇayā sumanojñayā ।
vinītavat upāgamya rāghavau praṇipatya ca ॥

ababhāṣe ca tau vīrau yathāvat praśaśaṁsa ca ।
saṁpūjya vidhivad vīrau hanumān vānarottamaḥ ॥

uvāca kāmato vākyam mṛdu satya parākramau ।
rājarṣi deva pratimau tāpasau saṁśita vratau ॥

deśam katham imam prāptau bhavantau vara varṇinau ।
trāsayantau mṛga gaṇān anyām ca vana cāriṇaḥ ॥

pampā tīra ruhān vṛkṣān vīkṣamāṇau samaṁtataḥ ।
imām nadīm śubha jalām śobhayantau tarasvinau ॥

dhairyavantau suvarṇābhau kau yuvām cīra vāsasau ।
niḥśvasantau vara bhujau pīḍayantau imāḥ prajāḥ ॥

siṁha viprekṣitau vīrau mahābala parākramau ।
śakra cāpa nibhe cāpe gṛhītvā śatru nāśanau ॥

śrīmantau rūpa saṁpannau vṛṣabha śreṣṭha vikramau ।
hasti hasta upama bhujau dyutimantau nararṣabhau ॥

prabhayā parvata indraḥ asau yuvayoḥ avabhāsitaḥ ।
rājya arhau amara prakhyau katham deśam iha āgatau ॥

padma patra īkṣaṇau vīrau jaṭā maṇḍala dhāriṇau ।
anyonya sadṛśau vīrau deva lokāt iha āgatau ॥

yadṛcchayeva saṁprāptau candra sūryau vasuṁdharām ।
viśāla vakṣasau vīrau mānuṣau deva rūpiṇau ॥

siṁha skandhau mahā utsāhau samadau iva govṛṣau ।
āyatāḥ ca suvṛttāḥ ca bāhavaḥ parighopamāḥ ॥

sarva bhūṣaṇa bhūṣārhāḥ kim artham na vibhūṣitāḥ ।
ubhau yogyau aham manye rakṣitum pṛthivīm imām ॥

sa sāgara vanām kṛtsnām vindhya meru vibhūṣitām ।
ime ca dhanuṣī citre ślakṣṇe citra anulepane ॥

prakāśete yathā indrasya vajre hema vibhūṣite ।
saṁpūrṇāḥ ca śitaiḥ bāṇaiḥ tūṇāḥ ca śubha darśanāḥ ॥

jīvita antakaraiḥ ghoraiḥ jvaladbhiḥ iva pannagaiḥ ।
mahā pramāṇau vipulau tapta hāṭaka bhūṣaṇau ॥

khaḍgau etau virājete nirmukta bhujagau iva ।
evam mām paribhāṣantam kasmād vai na abhi bhāṣataḥ ॥

sugrīvo nāma dharmātmā kaścit vānara puṁgavaḥ ।
vīro vinikṛto bhrātrā jagat bhramati duḥkhitaḥ ॥

prāptaḥ aham preṣitaḥ tena sugrīveṇa mahātmanā ।
rājñā vānara mukhyānām hanumān nāma vānaraḥ ॥

yuvābhyām sa hi dharmātmā sugrīvaḥ sakhyam icchati ।
tasya mām sacivam vittam vānaram pavanātmajam ॥

bhikṣu rūpa prati cchannam sugrīva priya kāraṇāt ।
ṛśyamūkāt iha prāptam kāmagam kāmacāriṇam ॥

evam uktvā tu hanumām tau vīrau rāma lakṣmaṇau ।
vākyajño vākya kuśalaḥ punaḥ na uvāca kiṁcana ॥

etat śrutvā vacaḥ tasya rāmo lakṣmaṇam abravīt ।
prahṛṣṭa vadanaḥ śrīmān bhrātaram pārśvataḥ sthitam ॥

sacivo ayam kapīndrasya sugrīvasya mahātmanaḥ ।
tam eva kāṅkṣamāṇasya mama antikam iha āgataḥ ॥

tam abhyabhāṣa saumitre sugrīva sacivam kapim ।
vākyajñam madhuraiḥ vākyaiḥ sneha yuktam arindama ॥

na an ṛgveda vinītasya na a\-\-yajurveda dhāriṇaḥ ।
na a\-\-sāma veda viduṣaḥ śakyam evam vibhāṣitum ॥

nūnam vyakaraṇam kṛtsnam anena bahudhā śrutam ।
bahu vyāharatā anena na kiṁcit apa śabditam ॥

na mukhe netrayoḥ ca api lalāṭe ca bhruvoḥ tathā ।
anyeṣu api ca sarveṣu doṣaḥ saṁviditaḥ kvacit ॥

avistaram asaṁdigdham avilambitam avyatham ।
uraḥstham kaṇṭhagam vākyam vartate madhyame svaram ॥

saṁskāra krama saṁpannām adbhutām avilambitām ।
uccārayati kalyāṇīm vācam hṛdaya harṣiṇīm ॥

anayā citrayā vācā tristhāna vyaṁjanasthayāḥ ।
kasya na ārādhyate cittam udyat ase areḥ api ॥

evam vidho yasya dūto na bhavet pārthivasya tu ।
siddhyanti hi katham tasya kāryāṇām gatayo'nagha ॥

evam guṇa gaṇair yuktā yasya syuḥ kārya sādhakāḥ ।
tasya siddhyanti sarve'rthā dūta vākya pracoditāḥ ॥

evam uktaḥ tu soumitriḥ sugrīva sacivam kapim ।
abhyabhāṣata vākyajño vākyajñam pavanātmajam ॥

viditā nau guṇā vidvan sugrīvasya mahātmanaḥ ।
tam eva ca avām mārgāvaḥ sugrīvam plavageśvaram ॥

yathā bravīṣi hanumān sugrīva vacanād iha ।
tat tathā hi kariṣyāvo vacanāt tava sattama ॥

tat tasya vākyam nipuṇam niśamyaprahṛṣṭa rūpaḥ pavanātmajaḥ kapiḥ ।
manaḥ samādhāya jaya upapattausakhyam tadā kartum iyeṣa tābhyām ॥