किष्किन्धाकाण्डम्Kiṣkindhā Kāṇḍa

samīkṣya vimalam vyoma gata vidyut balāhakam ।
sārasā ākula saṁghuṣṭam ramya jyotsnā anulepanam ॥

samṛddha artham ca sugrīvam manda dharmārtha saṁgraham ।
atyartham ca asatām mārgam ekāṁta gata mānasam ॥

nivṛtta kāryam siddhārtham pramada abhiratam sadā ।
prāptavantam abhipretān sarvān eva manorathān ॥

svām ca pātnīm abhipretām tārām ca api samīpsitām ।
viharaṁtam aho rātram kṛtārtham vigata jvaram ॥

krīḍantam iva deveśam gandharva apsarasām gaṇaiḥ ।
maṁtriṣu nyasta kāryam ca maṁtriṇām anavekṣakam ॥

ucchinna rājya saṁdeham kāma vṛttam iva sthitam ।
niścita artho artha tattvajñaḥ kāla dharma viśeṣa vit ॥

prasādya vākyaiḥ madhuraiḥ hetumadbhiḥ mano ramaiḥ ।
vākyavit vākya tattvajñam harīśam mārutātmajaḥ ॥

hitam tathyam ca pathyam ca sāma dharma artha nītimat ।
praṇaya prīti saṁyuktam viśvāsa kṛta niścayam ॥

harīśvaram upāgamya hanumān vākyam abravīt ।
rājyam prāptam yaśaḥ caiva kaulī śrīḥ abhivarthitā ॥

mitrāṇām saṁgrahaḥ śeṣaḥ tat bhavān kartum arhati ।
yo hi mitreṣu kālajñaḥ satatam sādhu vartate ॥

tasya rājyam ca kīrtiḥ ca pratāpaḥ ca api vardhate ।
yasya kośaḥ ca daṇḍaḥ ca mitrāṇi ātmā ca bhūmipa ।
samāni etāni sarvāṇi sa rājyam mahat aśnute ॥

tat bhavān vṛtta saṁpannaḥ sthitaḥ pathi niratyaye ।
mitrārtham abhinītārtham yathāvat kartum arhati ॥

saṁtyajya sarva karmāṇi mitrārtham yo na vartate ।
saṁbhramāt hi kṛta utsāhaḥ saḥ anarthena avarudhyate ॥

yo hi kāla vyatīteṣu mitra kāryeṣu vartate ।
sa kṛtvā mahato api arthān na mitrārthena yujyate ॥

tat idam mitrakāryam naḥ kāla atītam ariṁdama ।
kriyatām rāghavasya etat vaidehyāḥ parimārgaṇam ॥

na ca kālam atītam te nivedayati kālavit ।
tvaramāṇo api sa prājñaḥ tava rājan vaśānugaḥ ॥

kulasya hetuḥ sphītasya dīrgha bandhuḥ ca rāghavaḥ ।
aprameya prabhāvaḥ ca svayam ca apratimo guṇaiḥ ॥

tasya tvam kuru vai kāryam pūrvam tena kṛtam tava ।
harīśvara hari śreṣṭhān ājñāpayitum arhasi ॥

na hi tāvat bhavet kālo vyatītaḥ codanāt ṛte ।
coditasya hi kāryasya bhavet kāla vyatikramaḥ ॥

akartur api kāryasya bhavān kartā harīśvara ।
kim punaḥ pratikartuḥ te rājyena ca vadhena ca ॥

śaktimān ativikrānto vānara ṛṣka gaṇa īśvara ।
kartum dāśaratheḥ prītim ājñāyām kim nu sajjase ॥

kāmam khalu śaraiḥ śaktaḥ sura asura mahā uragān ।
vaśe dāśarathiḥ kartum tvat pratijñām avekṣate ॥

prāṇa tyāga aviśaṁkena kṛtam tena mahat priyam ।
tasya mārgāma vaidehīm pṛthivyām api ca aṁbare ॥

na devā na ca gaṁdharvā na asurā na marut gaṇāḥ ।
na ca yakṣā bhayam tasya kuryuḥ kim iva rākṣasāḥ ॥

tat evam śakti yuktasya pūrvam priya kṛtaḥ tathā ।
rāmasya arhasi piṁgeśa kartum sarva ātmanā priyam ॥

na adhastāt avanau na apsu gatiḥ na upari ca ambare ।
kasyacit sajjate asmākam kapīśvara tava ājñayā ॥

tat ājñāpaya kaḥ kim te kuto vā api vyavasyatu ।
harayo hi apradhṛṣyāḥ te santi koṭi agrato anagha ॥

tasya tad vacanam śrutvā kāle sādhu nirūpitam ।
sugrīvaḥ sattva saṁpannaḥ cakāra matim uttamām ॥

saṁdideśa ati mati mān nīlam nitya kṛta udyamam ।
dikṣu sarvāsu sarveṣām sainyānām upasaṁgrahe ॥

yathā senā samagrā me yūthapālāḥ ca sarvaśaḥ ।
samāgacchanti asaṁgena senāgrāṇi tathā kuru ॥

ye tu aṁtapālāḥ plavagāḥ śīghragā vyavasāyinaḥ ।
samānayaṁtu te śīghram tvaritāḥ śāsanāt mama ।
svayam ca anaṁtaram sainyam bhavān eva anupaśyatu ॥

tri paṁca rātrāt ūrdhvam yaḥ prāpnuyāt iha vānaraḥ ।
tasya prāṇa antiko daṇḍo na atra kāryā vicāraṇā ॥

harīn ca vṛddhān upayātu sa aṁgadobhavān mama ājñām adhikṛtya niścitam ।
iti vyavasthām hari puṁgava īśvarovidhāya veśma praviveśa vīryavān ॥