किष्किन्धाकाण्डम्Kiṣkindhā Kāṇḍa

tataḥ śoka abhisaṁtaptam sugrīvam klinna vāsanam ।
śākhā mṛga mahāmātrāḥ parivārya upatasthire ॥

abhigamya mahābāhum rāmam akliṣṭa kāriṇam ।
sthitāḥ prāṁjalayaḥ sarve pitāmaham iva ṛṣayaḥ ॥

tataḥ kāṁcana śaila ābhaḥ taruṇa arka nibha ānanaḥ ।
abravīt prāṁjalir vākyam hanumān māruta ātmajaḥ ॥

bhavat prasādāt kākutstha pitṛ paitāmaham mahat ।
vānarāṇām sudaṁṣṭrāṇām saṁpanna balaśālinām ॥

mahātmānām suduṣprāpam prāptam rājyam idam prabho ।
bhavatā samanujñātaḥ praviśya nagaram śubham ॥

saṁvidhāsyati kāryāṇi sarvāṇi sasuhṛt gaṇaḥ ।
snāto ayam vividhair gandhair auṣadhaiḥ ca yathā vidhi ॥

arcayiṣyati mālyaiḥ ca ratnaiḥ ca tvām viśeṣataḥ ।
imām giri guhām ramyām abhigantum tvam arhasi ॥

kuruṣva svāmi saṁbandham vānarān saṁpraharṣayan ।
evam ukto hanumatā rāghavaḥ para vīrahā ॥

pratyuvāca hanūmantam buddhimān vākya kovidaḥ ।
caturdaśa samāḥ saumya grāmam vā yadi vā puram ॥

na pravekṣyāmi hanuman pitur nirdeśa pālakaḥ ।
susamṛddhām guhām divyām sugrīvo vānararṣabhaḥ ॥

praviṣṭo vidhivat vīraḥ kṣipram rājye abhiṣicyatām ।
evam uktvā hanūmantam rāmaḥ sugrīvam abravīt ॥

vṛttajño vṛtta saṁpannam udāra bala vikramam ।
imam api aṁgadam vīram yauvarājye abhiṣecaya ॥

jyeṣṭhasya hi suto jyeṣṭhaḥ sadṛśo vikrameṇa ca ।
aṁgado ayam adīnātmā yauvarājyasya bhājanam ॥

pūrvo ayam vārṣiko māsaḥ śrāvaṇaḥ salila āgamaḥ ।
pravṛttāḥ saumya catvāro māsā vārṣika saṁjñitāḥ ॥

na ayam udyoga samayaḥ praviśa tvam purīm śubhām ।
asmin vatsyāmi aham saumya parvate saha lakṣmaṇaḥ ॥

iyam giri guhā ramyā viśālā yukta mārutā ।
prabhūta salilā saumya prabhūta kamala utpalā ॥

kārtike samanuprāpte tvam rāvaṇa vadhe yata ।
eṣa naḥ samayaḥ saumya praviśa tvam svam ālayam ॥

abhiṣiṁcasva rājye ca suhṛdaḥ saṁpraharṣaya ।
iti rāma abhyanujñātaḥ sugrīvo vānararṣabhaḥ ॥

praviveśa purīm ramyām kiṣkiṁdhām vāli pālitām ।
tam vānara sahasrāṇi praviṣṭam vānara īśvaram ॥

abhivārya prahṛṣṭāni sarvataḥ plavageśvaram ।
tataḥ prakṛtayaḥ sarvā dṛṣṭvā hari gaṇa īśvaram ॥

praṇamya mūrdhnā patitā vasudhāyām samāhitāḥ ।
sugrīvaḥ prakṛtīḥ sarvāḥ saṁbhāṣya utthāpya vīryavān ॥

bhrātur aṁtaḥ puram saumyam praviveśa mahābalaḥ ।
praviṣṭam bhīma vikrāṁtam sugrīvam vānararṣabham ॥

abhyaṣiṁcaṁta suhṛdaḥ sahasrākṣam iva amarāḥ ।
tasya pāṇḍuram ājahruḥ chatram hema pariṣkṛtam ॥

śukle ca vāla vyajane hema daṇḍe yaśaskare ।
tathā sarvāṇi ratnāni sarva bīja auṣadhāni ca ॥

sa kṣīrāṇām ca vṛkṣāṇām prarohān kusumāni ca ।
śuklāni caiva vastrāṇi śvetam caiva anulepanam ॥

sugaṁdhīni ca mālyāni sthalajāni aṁbujāni ca ।
candanāni ca divyāni gandhām ca vividhān bahūn ॥

akṣatam jāta rūpam ca priyaṁgu madhu sarpiṣī ।
dadhi carma ca vaiyāghram parārdhye ca api upānahau ॥

samālaṁbhanam ādāya gorocanam manaḥ śilām ।
ājagmuḥ tatra muditā varāḥ kanyāḥ ca ṣoḍaśa ॥

tataḥ te vānara śreṣṭham abhiṣektum yathā vidhi ।
ratnair vastraiḥ ca bhakṣyaiḥ ca toṣayitvā dvijarṣabhān ॥

tataḥ kuśa paristīrṇam samiddham jāta vedasam ।
maṁtra pūtena haviṣā hutvā maṁtravido janāḥ ॥

tato hema pratiṣṭhāne vara āstaraṇa saṁvṛte ।
prāsāda śikhare ramye citra mālya upaśobhite ॥

prāṅmukham vidhivat maṁtraiḥ sthāpayitvā vara āsane ।
nadī nadebhyaḥ saṁhṛtya tīrthebhyaḥ ca samaṁtataḥ ॥

āhṛtya ca samudrebhyaḥ sarvebhyo vānararṣabhāḥ ।
apaḥ kanaka kuṁbheṣu nidhāya vimalam jalam ॥

śubhaiḥ vṛṣabha śṛngaiḥ ca kalaśaiḥ ca eva kāṁcanaiḥ ।
śāstra dṛṣṭena vidhinā maharṣi vihitena ca ॥

gajo gavākṣo gavayaḥ śarabho gaṁdhamādanaḥ ।
maindaḥ ca dvividaḥ caiva hanūmān jāṁbavān tathā ॥

abhyaṣiṁcaṁta sugrīvam prasannena sugaṁdhinā ।
salilena sahasrākṣam vasavo vāsavam yathā ॥

abhiṣikte tu sugrīve sarve vānara puṁgavāḥ ।
pracukruśur mahātmāno hṛṣṭāḥ śata sahasraśaḥ ॥

rāmasya tu vacaḥ kurvan sugrīvo hari puṁgavaḥ ।
aṁgadam saṁpariṣvajya yauvarājye abhiṣecayat ॥

aṁgade ca abhiṣikte tu sānukrośāḥ plavaṁgamāḥ ।
sādhu sādhu iti sugrīvam mahātmāno hi apūjayan ॥

rāmam ca eva mahātmānam lakṣmaṇam ca punaḥ punaḥ ।
prītāḥ ca tuṣṭuvuḥ sarve tādṛśe tatra vartini ॥

hṛṣṭa puṣṭa jana ākīrṇā patākā dhvaja śobhitā ।
babhūva nagarī ramyā kṣikiṁdhā giri gahvare ॥

nivedya rāmāya tadā mahātmanemahā abhiṣekam kapi vāhanī patiḥ ।
rumām ca bhāryām upalabhya vīryavānavāpa rājyam tridaśa adhipo yathā ॥