किष्किन्धाकाण्डम्Kiṣkindhā Kāṇḍa

tataḥ samupajighraṁtī kapi rājasya tat mukham ।
patim lokaśrutā tārā mṛtam vacanam abravīt ॥

śeṣe tvam viṣame duḥkham akṛtvā vacanam mama ।
upala upacite vīra suduḥkhe vasudhā tale ॥

mattaḥ priyatarā nūnam vānarendra mahī tava ।
śeṣe hi tām pariṣvajya mām ca na pratibhāṣase ॥

sugrīvasya vaśam prāpto vidhiḥ eṣa bhavatya aho ।
sugrīva eva vikrāṁto vīra sāhasika priya ॥

ṛkṣa vānara mukhyāḥ tvām balinam paryupāsate ।
teṣām vilapitam kṛcchram aṁgadasya ca śocataḥ ॥

mama ca imā giraḥ śrutvā kim tvam na pratibudhyase ।
idam tat vīra śayanam tatra śeṣe hato yudhi ॥

śāyitā nihatā yatra tvayā eva ripavaḥ purā ।
viśuddha sattva abhijana priyayuddha mama priya ॥

mām anāthām vihāya ekām gataḥ tvam asi mānada ।
śūrāya na pradātavyā kanyā khalu vipaścitā ॥

śūra bhāryām hatām paśya sadyo mām vidhavām kṛtām ।
avabhagnaḥ ca me māno bhagnā me śāśvatī gatiḥ ॥

agādhe ca nimagnā asmi vipule śoka sāgare ।
aśma sāramayam nūnam idam me hṛdayam dṛḍham ॥

bhartāram nihatam dṛṣṭvā yat na adya śatadhā gatam ।
suhṛt caiva hi bhartā ca prakṛtyā ca mama priyaḥ ॥

prahāre ca parākrāntaḥ śūraḥ paṁcatvam āgataḥ ।
pati hīnā tu yā nārī kāmam bhavatu putriṇī ॥

dhana dhānya samṛddhā api vidhavā iti ucyate janaiḥ ।
sva gātra prabhave vīra śeṣe rudhira maṇḍale ॥

kṛmi rāga paristome svakīye śayane yathā ।
reṇu śoṇita saṁvītam gātram tava samaṁtataḥ ॥

parirabdhum na śaknomi bhujābhyām plavagarṣabha ।
kṛta kṛtyo adya sugrīvo vaire asmin atidāruṇe ॥

yasya rāma vimuktena hṛtam eka iṣuṇā bhayam ।
śareṇa hṛdi lagnena gātra saṁsparśane tava ॥

vāryāmi tvām nirīkṣantī tvayi paṁcatvam āgate ।
udbabarha śaram nīlaḥ tasya gātra gatam tadā ॥

giri gahvara saṁlīnam dīptam āśī viṣam yathā ।
tasya niṣkṛṣyamāṇasya bāṇasya ca babhau dyutiḥ ॥

asta mastaka saṁruddho raśmiḥ dinakarāt iva ।
petuḥ kṣataja dhārāḥ tu vraṇebhyaḥ tasya sarvaśaḥ ॥

tāmra gairika saṁpṛktā dhārā iva dharā dharāt ।
avakīrṇam vimārjantī bhartāram raṇa reṇunā ॥

asraiḥ nayanajaiḥ śūram siṣeca astra samāhatam ।
rudhirokṣita sarvāngam dṛṣṭvā vinihatam patim ॥

uvāca tārā piṁgākṣam putram aṁgadam aṁganā ।
avasthām paścimām paśya pituḥ putra sudāruṇām ॥

saṁprasaktasya vairasya gato antaḥ pāpa karmaṇā ।
bāla sūryojjvala tanum prayātam yama sādanam ॥

abhivādaya rājānam pitaram putra mānadam ।
evam uktaḥ samutthāya jagrāha caraṇau pituḥ ॥

bhujābhyām pīna vṛtābhyām aṁgado aham iti bruvan ।
abhivādayamānam tvām aṁgadam tvam yathā purā ॥

dīrgha āyur bhava putra iti kim artham na abhibhāṣase ।
aham putra sahāyā tvām upāse gata cetanam ।
siṁhena pātitam sadyo gauḥ sa vatsā iva go vṛṣam ॥

iṣṭvā saṁgrāma yajñena rāma praharaṇa aṁbhasā ।
asmin avabhṛthe snātaḥ katham patnyā mayā vinā ॥

yā dattā deva rājena tava tuṣṭena saṁyuge ।
śāta kaumbhīm priyām mālām tām te paśyāmi na iha kim ॥

rājyaśrīḥ na jahāti tvām gata asum api mānada ।
sūryasya āvartamānasya śaila rājam iva prabhā ॥

na me vacaḥ pathyam idam tvayā kṛtamna ca asmi śaktā hi nivāraṇe tava ।
hatā saputrā asmi hatena saṁyugesaha tvayā śrīḥ vijahāti mām api ॥