किष्किन्धाकाण्डम्Kiṣkindhā Kāṇḍa

ityuktaḥ praśritaṁ vākyaṁ dharmārthasahitaṁ hitam ।
paruṣaṁ vālinā rāmo nihatena vicetasā ॥

taṁ niṣprabham iva ādityaṁ mukta toyam ivāmbudam ।
ukta vākyaṁ hari śreṣṭham upaśāṁtam ivānalam ॥

dharmārthaguṇa sampannam harīśvaramanuttamam ।
adhikṣiptastadā rāmaḥ paścāt vālinam abravīt ॥

dharmam arthañca kāmañca samayañca api laukikam ।
avijñāya katham bālyāt mām iha adya vigarhase ॥

apṛṣṭvā buddhi saṁpannān vṛddhān ācārya saṁmatān ।
saumya vānara cāpalyāt tvam mām vaktum iha icchasi ॥

ikṣvākūṇām iyam bhūmiḥ sa śaila vana kānanā ।
mṛga pakṣi manuṣyāṇām nigraha anugraheṣu api ॥

tām pālayati dharmātmā bharataḥ satyavān ṛjuḥ ।
dharma kāma artha tattvajño nigraha anugrahe rataḥ ॥

nayaḥ ca vinayaḥ ca ubhau yasmin satyam ca susthitam ।
vikramaḥ ca yathā dṛṣṭaḥ sa rājā deśa kālavit ॥

tasya dharma kṛta ādeśā vayam anye ca pārthivaḥ ।
carāmo vasudhām kṛtsnām dharma saṁtānam icchavaḥ ॥

tasmin nṛpati śārdūla bharate dharma vatsale ।
pālayati akhilām pṛthvīm kaḥ caret dharma vipriyam ॥

te vayam mārga vibhraṣṭam svadharme parame sthitāḥ ।
bharata ājñām puraskṛtya nigṛhṇīmo yathā vidhi ॥

tvam tu saṁkliṣṭa dharmaḥ ca karmaṇā ca vigarhitaḥ ।
kāma taṁtra pradhānaḥ ca na sthito rāja vartmani ॥

jyeṣṭho bhrātā pitā caiva yaḥ ca vidyām prayacchati ।
trayaḥ te pitaro jñeyā dharme ca pathi vartinaḥ ॥

yavīyān ātmanaḥ putraḥ śiṣyaḥ ca api guṇoditaḥ ।
putravat te trayaḥ ciṁtyā dharmaḥ caiva atra kāraṇam ॥

sūkṣmaḥ parama durjñeyaḥ satām dharmaḥ plavaṁgama ।
hṛdisthaḥ sarva bhūtānām ātmā veda śubhāśubham ॥

capalaḥ capalaiḥ sārdham vānaraiḥ akṛta ātmabhiḥ ।
jātyaṁdha iva jātyandhaiḥ maṁtrayan drakṣyase nu kim ॥

aham tu vyaktatām asya vacanasya bravīmi te ।
na hi mām kevalam roṣāt tvam vigarhitum arhasi ॥

tat etat kāraṇam paśya yat artham tvam mayā hataḥ ।
bhrātur vartasi bhāryāyām tyaktvā dharmam sanātanam ॥

asya tvam dharamāṇasya sugrīvasya mahātmanaḥ ।
rumāyām vartase kāmāt snuṣāyām pāpa karmakṛt ॥

tad vyatītasya te dharmāt kāma vṛttasya vānara ।
bhrātṛ bhāryā abhimarśe asmin daṇḍo ayam pratipāditaḥ ॥

na hi loka viruddhasya loka vṛttāt apeyuṣaḥ ।
daṇḍāt anyatra paśyāmi nigraham hari yūthapa ॥

na ca te marṣaye pāpam kṣtriyo aham kulodgataḥ ।
aurasīm bhaginīm vā api bhāryām vā api anujasya yaḥ ॥

pracareta naraḥ kāmāt tasya daṇḍo vadhaḥ smṛtaḥ ।
bharataḥ tu mahīpālo vayam tu ādeśa vartinaḥ ॥

tvam ca dharmāt atikrāntaḥ katham śakyam upekṣitum ।
guru dharma vyatikrāntam prājño dharmeṇa pālayan ॥

bharataḥ kāma yuktānām nigrahe paryavasthitaḥ ।
vayam tu bharata ādeśam vidhim kṛtvā harīśvara ।
tvat vidhān bhinna maryādān nigrahītum vyavasthitāḥ ॥

sugrīveṇa ca me sakhyam lakṣmaṇena yathā tathā ।
dāra rājya nimittam ca niḥśreyasakaraḥ sa me ॥

pratijñā ca mayā dattā tadā vānara saṁnidhau ।
pratijñā ca katham śakyā mat vidhena anavekṣitum ॥

tat ebhiḥ kāraṇaiḥ sarvair mahadbhiḥ dharma saṁhitaiḥ ।
śāsanam tava yat yuktam tat bhavān anumanyatām ॥

sarvathā dharma iti eva draṣṭavyaḥ tava nigrahaḥ ।
vayasyasya upakartavyam dharmam eva anupaśyatā ॥

śakyam tvayā api tat kāryam dharmam eva anuvartatā ।
śrūyate manunā gītau ślokau cāritra vatsalau ।
gṛhītau dharma kuśalaiḥ tathā tat caritam mayāa ॥

rājabhiḥ dhṛta daṇḍāḥ ca kṛtvā pāpāni mānavāḥ ।
nirmalāḥ svargam āyānti santaḥ sukṛtino yathā ॥

śasanāt vā api mokṣāt vā stenaḥ pāpāt pramucyate ।
rājā tu aśāsan pāpasya tad āpnoti kilbiṣam ॥

āryeṇa mama māndhātrā vyasanam ghoram īpsitam ।
śramaṇena kṛte pāpe yathā pāpam kṛtam tvayā ॥

anyaiḥ api kṛtam pāpam pramattaiḥ vasudhā adhipaiḥ ।
prāyaścittam ca kurvanti tena tat śāmyate rajaḥ ॥

tat alam paritāpena dharmataḥ parikalpitaḥ ।
vadho vānaraśārdūla na vayam sva vaśe sthitāḥ ॥

śruṇu ca api aparam bhūyaḥ kāraṇam haripuṁgava ।
tat śrutvā hi mahat vīra na manyum kartum arhasi ॥

na me tatra manastāpo na manyuḥ haripuṁgava ।
vāgurābhiḥ ca pāśaiḥ ca kūṭaiḥ ca vividhaiḥ narāḥ ॥

praticchannāḥ ca dṛśyāḥ ca gṛhṇanti subahūn mṛgān ।
pradhāvitān vā vitrastān visrabdhān ativiṣṭhitān ॥

pramattān apramattān vā narā māmsa aśino bhṛśam ।
vidhyanti vimukhām ca api na ca doṣo atra vidyate ॥

yānti rājarṣayaḥ ca atra mṛgayām dharma kovidāḥ ।
tasmāt tvam nihato yuddhe mayā bāṇena vānara ।
ayudhyan pratiyudhyan vā yasmāt śākhā mṛgo hi asi ॥

durlabhasya ca dharmasya jīvitasya śubhasya ca ।
rājāno vānaraśreṣṭha pradātāro na samśayaḥ ॥

tān na hiṁsyāt na ca ākrośen na ākṣipen na apriyam vadet ।
devā mānuṣa rūpeṇa caranti ete mahī tale ॥

tvam tu dharmam avijñāya kevalam roṣam āsthitaḥ ।
vidūṣayasi mām dharme pitṛ paitāmahe sthitam ॥

evam uktaḥ tu rāmeṇa vālī pravyathito bhṛśam ।
na doṣam rāghave dadhyau dharme adhigata niścayaḥ ॥

pratyuvāca tato rāmam prāṁjalir vānareśvaraḥ ।
yat tvam āttha naraśreṣṭha tat thathā eva na atra saṁśayaḥ ॥

prativaktum prakṛṣṭe hi na apakṛṣṭaḥ tu śaknuyāt ।
yat ayuktam mayā pūrvam pramādāt vākyam apriyam ॥

tatra api khalu mām doṣam kartum na arhasi rāghava ।
tvam hi dṛṣṭārtha tattvajñaḥ prajānām ca hite rataḥ ।
kārya kāraṇa siddhau ca prasannā buddhiḥ avyayā ॥

mām api avagatam dharmāt vyatikrānta puraskṛtam ।
dharma saṁhitayā vācā dharmajña paripālaya ॥

bāṣpa saṁruddha kaṇṭhaḥ tu vālī sa ārta ravaḥ śanaiḥ ।
uvāca rāmam saṁprekṣya paṁkalagna iva dvipaḥ ॥

na ca ātmānam aham śoce na tārām na api bāndhavān ।
yathā putram guṇaśreṣṭham aṁgadam kanakāṁgadam ॥

sa mama adarśanāt dīno bālyāt prabhṛti lālitaḥ ।
taṭāka iva pītāṁbuḥ upaśoṣam gamiṣyati ॥

bālaḥ ca akṛtabuddhiḥ ca eka putraḥ ca me priyaḥ ।
tāreyo rāma bhavatā rakṣaṇīyo mahābalaḥ ॥

sugrīve ca aṁgade caiva vidhatsva matim uttamām ।
tvam hi goptā ca śāstā ca kāryākārya vidhau sthitaḥ ॥

yā te narapate vṛttiḥ bharate lakṣmaṇe ca yā ।
sugrīve ca aṁgade rājan tām ciṁtayitum arhasi ॥

mat doṣa kṛta doṣām tām yathā tārām tapasvinīm ।
sugrīvo na avamanyeta tathā avasthātum arhasi ॥

tvayā hi anugṛhītena śakyam rājyam upāsitum ।
tvat vaśe vartamānena tava citta anuvartinā ॥

śakyam divam ca ārjayitum vasudhām ca api śāsitum ।
tvataḥ aham vadham ākāṁkṣayan vāryamāṇo api tārayā ॥

sugrīveṇa saha bhrātā dvandva yuddham upāgatam ।
iti uktvā vānaro rāmam virarāma harīśvaraḥ ॥

sa tam āśvāsayat rāmo vālinam vyakta darśanam ।
sādhu sammatayā vācā dharma tattvārtdha yuktayā ॥

na saṁtāpaḥ tvayā kāryam etat artham plavaṁgama ।
na vayam bhavatā ciṁtyā na api ātmā harisattama ।
vayam bhavat viśeṣeṇa dharmataḥ kṛta niścayāḥ ॥

daṇḍye yaḥ pātayet daṇḍam daṇḍyo yaḥ ca api daṇḍyate ।
kārya kāraṇa siddhārthau ubhau tau na avasīdataḥ ॥

tat bhavān daṇḍa samyogāt asmāt vigata kalmaṣaḥ ।
gataḥ svām prakṛtim dharmyām dharma diṣṭena vartmanā ॥

tyaja śokam ca moham ca bhayam ca hṛdaye sthitam ।
tvayā vidhānam haryagrya na śakyam ativartitum ॥

yathā tvayi aṁgado nityam vartate vānareśvaraḥ ।
tathā vartate sugrīvo mayi ca api na saṁśayaḥ ॥

sa tasya vākyam madhuram mahātmanaḥsamāhitam dharma pathānuvartinaḥ ।
niśamya rāmasya raṇāvamardinovacaḥ suyuktam nijagāda vānaraḥ ॥

śarābhitaptena vicetasā mayāpradūṣitaḥ tvam yad ajānatā vibho ।
idam mahendropama bhīma vikramaprasāditaḥ tvam kṣama me nareśvara ॥