किष्किन्धाकाण्डम्Kiṣkindhā Kāṇḍa

tataḥ śareṇa abhihato rāmeṇa raṇa karkaśaḥ ।
papāta sahasā vālī nikṛttaiva pādapaḥ ॥

sa bhūmau nyasta sarvāṁgaḥ tapta kāṁcana bhūṣaṇaḥ ।
apatat deva rājasya mukta raśmir iva dhvajaḥ ॥

asmin nipatite bhūmau hari ṛṣāṇām gaṇeśvare ।
naṣṭa candram iva vyoma na vyarājata medinī ॥

bhūmau nipatitasya api tasya deham mahātmanaḥ ।
na śrīr jahāti na prāṇā na tejo na parākramaḥ ॥

śakra dattā varā mālā kāncanī ratna bhūṣitā ।
dadhāra hari mukhyasya prāṇān tejaḥ śriyam ca sā ॥

sa tayā mālayā vīro haimayā hariyūthapaḥ ।
saṁdhyānugata paryantaḥ payodhara iva abhavat ॥

tasya mālā ca dehaḥ ca marmaghātī ca yaḥ śaraḥ ।
tridhā iva racitā lakṣmīḥ patitasya api śobhate ॥

tat astram tasya vīrasya svarga mārga prabhāvanam ।
rāma bāṇāsana kṣiptam āvahat paramām gatim ॥

tam tathā patitam saṁkhye gata arciṣam iva analam ।
yayātim iva puṇyānte deva lokāt paricyutam ॥

ādityam iva kālena yugānte bhuvi pātitam ।
mahendram iva durdharṣam upendram iva dussaham ॥

mahendra putram patitam vālinam hema mālinam ।
vyūḍha uraskam mahābāhum dīptāsyam hari locanam ॥

lakṣmaṇa anucaro rāmo dadarśa upasasarpa ca ।
tam tathā patitam vīram gata arciṣmatam iva analam ॥

bahumānya ca tam vīram vīkṣamāṇam śanairiva ।
upayātau mahāvīryau bhrātarau rāma lakṣmaṇau ॥

tam dṛṣṭvā rāghavam vālī lakṣmaṇam ca mahābalam ।
abravīt paruṣam vākyam praśritam dharma saṁhitam ॥

sa bhūmau alpatejosuḥ nihato naṣṭa cetanaḥ ।
artha sahitayā vācā garvitam raṇa garvitam ॥

tvam narādhipateḥ putraḥ prathitaḥ priya darśanaḥ ।
parāṅmukha vadham kṛtvā ko atra prāptaḥ tvayā guṇaḥ ।
yadaham yuddha samrabdhaḥ tvat kṛte nidhanam gataḥ ॥

kulīnaḥ sattva saṁpannaḥ tejasvī caritavrataḥ ।
rāmaḥ karuṇavedī ca prajānām ca hiterataḥ ॥

sānukrośo mahotsāhaḥ samayajño dṛḍhavrataḥ ।
iti etat sarva bhūtāni kathayanti yaśo bhuvi ॥

damaḥ śamaḥ kṣamā dharmo dhṛti satyam parākramaḥ ।
parthivānām guṇā rājan daṇḍaḥ ca apakāriṣu ॥

tān guṇān saṁpradhārya aham agryam ca abhijanam tava ।
tārayā pratiṣiddho api sugrīveṇa samāgataḥ ॥

na mām anyena saṁrabdham pramattam veddhum arhasi ।
iti me buddhir utpannā babhūva adarśane tava ॥

na tvām vinihata ātmānam dharma dhvajam adhārmikam ।
jāne pāpa samācāram tṛṇaiḥ kūpam iva āvṛtam ॥

satām veṣa dharam pāpam pracchannam iva pāvakam ।
na aham tvām abhijānāmi dharma chadmābhi saṁvṛtam ॥

viṣaye vā pure vā te yadā pāpam karomi aham ।
na ca tvām avajāne ahaṁ kasmāt tvam haṁsi akilbiṣam ॥

phala mūla aśanam nityam vānaram vana gocaram ।
mām iha apratiyudhyantam anyena ca samāgatam ॥

tvam narādhipateḥ putraḥ pratītaḥ priyadarśanaḥ ।
lingam api asti te rājan dṛśyate dharma samhitam ॥

kaḥ kṣatriya kulejātaḥ śrutavān naṣṭasaṁśayaḥ ।
dharma liṁga praticchannaḥ krūram karma samācaret ॥

rāma rāghava kule jāto dharmavān iti viśrutaḥ ।
abhavyo bhavya rūpeṇa kim artham paridhāvase ॥

sāma dānam kṣamā dharmaḥ satyam dhṛti parākramau ।
pārthivānām guṇā rājan daṇḍaḥ ca api apakāriṣu ॥

vayam vanacarā rāma mṛgā mūla phala aśanāḥ ।
eṣā prakṛtir asmākam puruṣaḥ tvam nareśvaraḥ ॥

bhūmir hiraṇyam rūpam ca nigrahe kāraṇāni ca ।
tatra kaḥ te vane lobho madīyeṣu phaleṣu vā ॥

nayaḥ ca vinayaḥ ca ubhau nigraha anugrahau api ।
rāja vṛttir asaṁkīrṇā na nṛpāḥ kāma vṛttayaḥ ॥

tvam tu kāma pradhānaḥ ca kopanaḥ ca anavasthitaḥ ।
rāja vṛtteṣu saṁkīrṇaḥ śarāsana parāyaṇaḥ ॥

na te asti apacitiḥ dharme na arthe buddhir avasthitā ।
indriyaiḥ kāma vṛttaḥ san kṛṣyase manujeśvara ॥

hatvā bāṇena kākutstha mām iha anaparādhinam ।
kim vakṣyasi satām madhye karma kṛtvā jugupsitam ॥

rājahā brahmahā goghnaḥ coraḥ prāṇivadhe rataḥ ।
nāstikaḥ parivettā ca sarve niraya gāminaḥ ॥

sūcakaḥ ca kadaryaḥ ca mitrghno gurutalpagaḥ ।
lokaṁ pāpātmānam ete gacchante na atra saṁśayaḥ ॥

adhāryam carma me sadbhī romāṇi asthi ca varjitam ।
abhakṣyāṇi ca māṁsāni tvat vidhaiḥ dharmacāribhiḥ ॥

paṁca paṁca nakhā bhakṣyā brahma kṣatreṇa rāghava ।
śalyakaḥ śvāvidho godhā śaśaḥ kūrmaḥ ca paṁcamaḥ ॥

carma ca asthi ca me rājan na spṛśanti manīṣiṇaḥ ।
abhakṣyāṇi ca māṁsāni so aham paṁca nakho hataḥ ॥

tārayā vākyam ukto aham satyam sarvajñayā hitam ।
tad atikramya mohena kālasya vaśam āgataḥ ॥

tvayā nāthena kākutstha na sanāthā vasuṁdharā ।
pramadā śīla saṁpūrṇā pati eva ca vidharmiṇā ॥

śaṭho naikṛtikaḥ kṣudro mithyā praśrita mānasaḥ ।
katham daśarathena tvam jātaḥ pāpo mahātmanā ॥

chinna cāritrya kakṣyeṇa satām dharma ativartinā ।
tyakta dharma aṁkuśena aham nihato rāma hastinā ॥

aśubham ca api ayuktam ca satām ca eva vigarhitam ।
vakṣyase ca īdṛśam kṛtvā sadbhiḥ saha samāgataḥ ॥

udāsīneṣu yo asmāsu vikramo ayam prakāśitaḥ ।
apakāriṣu te rāma na evam paśyāmi vikramam ॥

dṛśyamānaḥ tu yudhyethā mayā yudhi nṛpātmaja ।
adya vaivasvatam devam paśyeḥ tvam nihato mayā ॥

tvayā adṛśyena tu raṇe nihato aham durāsadaḥ ।
prasuptaḥ pannagena iva naraḥ pāpa vaśam gataḥ ॥

sugrīva priya kāmena yad aham nihataḥ tvayā ।
mām eva yadi pūrvam tvam etad artham acodayaḥ ।
maithilim aham eka āhnā tava ca ānītavān bhaveḥ ॥

rākṣasam ca durātmānām tava bhārya apahāriṇam ।
kaṇṭhe baddhvā pradadyām te anihatam rāvaṇam raṇe ॥

nyastām sāgara toye vā pātāle vā api maithilīm ।
ānayeyam tava ādeśāt śvetām aśvatarīm iva ॥

yuktam yat prapnuyāt rājyam sugrīvaḥ svar gate mayi ।
ayuktam yad adharmeṇa tvayā aham nihato raṇe ॥

kāmam evam vidham lokaḥ kālena viniyujyate ।
kṣamam cet bhavatā prāptam uttaram sādhu ciṁtyatām ॥

iti evam uktvā pariśuṣka vaktraḥśara abhighātāt vyathito mahātmā ।
samīkṣya rāmam ravi saṁnikāśamtūṣṇīm babhau vānara rāja sūnuḥ ॥