किष्किन्धाकाण्डम्Kiṣkindhā Kāṇḍa

tām evam bruvatīm tārām tārādhipa nibha ānanām ।
vālī nirbhartsayāmāsa vacanam ca idam abravīt ॥

garjato asya ca susaṁrabdham bhrātuḥ śatror viśeṣataḥ ।
marṣayiṣyāmi kena kāraṇena varānane ॥

adharṣitānām śūrāṇām samareṣu anivartinām ।
dharṣaṇām arṣaṇam bhīru maraṇāt atiricyate ॥

soḍhum na ca samartho aham yuddha kāmasya saṁyuge ।
sugrīvasya ca saṁraṁbham hīna grīvasya garjatam ॥

na ca kāryo viṣādaḥ te rāghavam prati mat kṛte ।
dharmajñaḥ ca kṛtajñaḥ ca katham pāpam kariṣyati ॥

nivartasva saha strībhiḥ katham bhūyo anugacchasi ।
sauhṛdam darśitam tāvat mayi bhaktiḥ tvayā kṛtā ॥

prati yotsyāmi aham gatvā sugrīvam jahi saṁbhramam ।
darpam ca asya vineṣyāmi na ca prāṇair viyokṣyate ॥

aham hi aji sthitasya asya kariṣyāmi yat īpsitam ।
vṛkṣaiḥ muṣṭi prahāraiḥ ca pīḍitaḥ prati yāsyati ॥

na me garvitam āyastam sahiṣyati durātmavān ।
kṛtam tāre sahāyatvam darśitam sauhṛdam mayi ॥

śāpitā asi mama prāṇaiḥ nivartasva janena ca ।
alam jitvā nivartiṣye tam aham bhrātaram raṇe ॥

tam tu tārā pariṣvajya vālinam priya vādinī ।
cakāra rudatī mandam dakṣiṇā sā pradakṣiṇam ॥

tataḥ svastyayanam kṛtvā maṁtravit vijaya eṣiṇī ।
aṁtaḥpuram saha strībhiḥ praviṣṭā śoka mohitā ॥

praviṣṭāyām tu tārāyām saha strībhiḥ svam ālayam ।
nagaryā niryayau kruddho mahā sarpa iva śvasan ॥

sa niḥśvasya mahāroṣo vālī parama vegavān ।
sarvataḥ cārayan dṛṣṭim śatru darśana kāṁkṣayā ॥

sa dadarśa tataḥ śrīmān sugrīvam hema piṅgalam ।
susaṁvītam avaṣṭabdham dīpyamānam iva analam ॥

tam sa dṛṣṭvā mahābāhuḥ sugrīvam paryavasthitam ।
gāḍham paridadhe vāso vālī parama kopinaḥ ॥

sa vālī gāḍha saṁvīto muṣṭim udyamya vīryavān ।
sugrīvam eva abhimukho yayau yoddhum kṛta kṣaṇaḥ ॥

śliṣṭam muṣṭim samudyamya saṁrabdhataram āgataḥ ।
sugrīvo api samuddiśya vālinam hema mālinam ॥

tam vālī krodha tāmrākṣaḥ sugrīvam raṇa kovidam ।
āpataṁtam mahā vegam idam vacanam abravīt ॥

eṣa muṣṭir mahān baddho gāḍhaḥ suniyata aṁguliḥ ।
mayā vega vimuktaḥ te prāṇān ādāya yāsyati ॥

evam uktaḥ tu sugrīvaḥ kruddho vālinam abravīt ।
tava ca eṣa haran prāṇān muṣṭiḥ patatu mūrdhani ॥

tāḍitaḥ tena tam kruddhaḥ samabhikramya vegataḥ ।
abhavat śoṇita udgārī sāpīḍa iva parvataḥ ॥

sugrīveṇa tu niḥśaṁkam sālam utpāṭya tejasā ।
gātreṣu abhihato vālī vajreṇa iva mahā giriḥ ॥

sa tu vṛkṣeṇa nirbhagnaḥ sāla tāḍana vihvalaḥ ।
guru bhāra bhara ākrāntā nauḥ sasārthā iva sāgare ॥

tau bhīma bala vikrāntau suparṇa sama veginau ।
prayuddhau ghora vapuṣau candra sūryau iva aṁbare ॥

parasparam amitra ghnau cchidra anveṣaṇa tatparau ।
tato avardhata vālī tu bala vīrya samanvitaḥ ॥

sūrya putro mahāvīryaḥ sugrīvaḥ parihīyata ।
vālinā bhagna darpaḥ tu sugrīvo manda vikramaḥ ॥

vālinam prati sāmarṣo darśayāmāsa rāghavam ।
vṛkṣaiḥ sa śākhaiḥ śikharaiḥ vajra koṭi nibhaiḥ nakhaiḥ ॥

muṣṭibhiḥ jānubhiḥ padbhiḥ bāhubhiḥ ca punaḥ punaḥ ।
tayoḥ yudddham abhūt ghoram vṛtra vāsavoḥ iva ॥

tau śoṇitātkau yudhyetām vānārau van cāriṇau ।
meghau iva mahā śabdaiḥ tarjamānau parasparam ॥

hīyamānam atha apaśyat sugrīvam vānareśvaram ।
prekṣamāṇam diśaḥ ca eva rāghavaḥ sa muhur muhur ॥

tato rāmo mahātejā ārtam dṛṣṭvā harīśvaram ।
sa śaram vīkṣate vīro vālino vadha kāṁkṣayā ॥

tato dhanuṣi saṁdhāya śaram āśī viṣa upamam ।
pūrayāmāsa tat cāpam kāla cakram iva antakaḥ ॥

tasya jyātala ghoṣeṇa trastāḥ patraratheśvarāḥ ।
pradudruvur mṛgāḥ ca eva yugāṁta iva mohitāḥ ॥

muktastu vajra nirghoṣaḥ pradīpta aśani saṁnibhaḥ ।
rāghaveṇa mahā bāṇo vāli vakṣasi pātitaḥ ॥

tataḥ tena mahātejā vīrya yuktaḥ kapīśvaraḥ ।
vegena abhihato vālī nipapāta mahī tale ॥

indra dhvaja iva uddhūta paurṇa māsyām mahītale ।
aśvayuk samaye māsi gata sattvo vicetanaḥ ।
bāṣpa saṁruddha kaṇṭhastu vālī ca ārta svaraḥ śanaiḥ ॥

narottamaḥ kāla yugāṁtakopamam śarottamam kāṁcana rūpyabhūṣitam ।
sasarja dīptam tam amitra mardanam sa dhūmamagnim mukhato yathā haraḥ ॥

atha ukṣitaḥ śoṇita toya visravaiḥsupuṣpita aśoka iva acalodgataḥ ।
vicetano vāsava sūnur āhaveprabhrañśita indra dhvajavat kṣitim gataḥ ॥