किष्किन्धाकाण्डम्Kiṣkindhā Kāṇḍa

rāmasya vacanam śrutvā harṣa pauruṣa vardhanam ।
sugrīvaḥ pūjayām cakre rāghavam praśaśaṁsa ca ॥

asaṁśayam prajvalitaiḥ tīkṣṇair marma atigaiḥ śaraiḥ ।
tvam daheḥ kupito lokān yugānta iva bhāskaraḥ ॥

vālinaḥ pauruṣam yat tad yat ca vīryam dhṛtiḥ ca yā ।
tan mama eka manāḥ śrutvā vidhatsva yad anantaram ॥

samudrāt paścimāt pūrvam dakṣiṇād api ca uttaram ।
krāmati anudite sūrye vālī vyapagata klamaḥ ॥

agrāṇi āruhya śailānām śikharāṇi mahānti api ।
ūrdhvam utpātya tarasā prati gṛhṇāti vīryavān ॥

bahavaḥ sāravantaḥ ca vaneṣu vividhā drumāḥ ।
vālinā tarasā bhagnā balam prathayatā ātmanaḥ ॥

mahiṣo dundubhir nāma kailāsa śikhara prabhaḥ ।
balam nāga sahasrasya dhārayāmāsa vīryavān ॥

sa vīrya utseka duṣṭātmā vara dānena ca mohitaḥ ।
jagāma sa mahākāyaḥ samudram saritām patim ॥

ūrmimaṁtam atikramya sāgaram ratna saṁcayam ।
mama yuddham prayaccha iti tam uvāca mahārṇavam ॥

tataḥ samudro dharmātmā samutthāya mahābalaḥ ।
abravīd vacanam rājan asuram kāla coditam ॥

samartho na asmi te dātum yuddham yuddha viśārada ।
śrūyatām tvam abhidhāsyāmi yat te yuddham pradāsyati ॥

śaila rājo mahāraṇye tapasvi śaraṇam param ।
śaṁkara śvaśuro nāmnā himavān iti viśrutaḥ ॥ 4-11-12 mahā prasravaṇa upeto bahu kandara nirjharaḥ ।
sa samarthaḥ tava prītim atulām kartum arhati ॥

tam bhītam iti vijñāya samudram asurottamaḥ ।
himavad vanam āgamya śaraḥ cāpād iva cyutaḥ ॥ 4-11-14 tataḥ tasya gireḥ śvetā gajendra pratimāḥ śilāḥ ।
cikṣepa bahudhā bhūmau dundubhir vinanāda ca ॥

tataḥ śveta ambuda ākāraḥ saumyaḥ prīti kara ākṛtiḥ ।
himavān abravīd vākyam sva eva śikhare sthitaḥ ॥

kleṣṭum arhasi mām na tvam dundubhe dharma vatsala ।
raṇa karmasu akuśalaḥ tapasvi śaraṇo hi aham ॥

tasya tad vacanam śrutvā giri rājasya dhīmataḥ ।
uvāca dundubhir vākyam krodhāt saṁrakta locanaḥ ॥

yadi yuddhe asamarthaḥ tvam mad bhayād vā nirudyamaḥ ।
tam ācakṣva pradadyāt me yo hi yuddham yuyutsataḥ ॥

himavān abravīd vākyam śrutvā vākya viśāradaḥ ।
anukta pūrvam dharmātmā krodhāt tam asurottamam ॥

vālī nāma mahā prājñaḥ śakra putra pratāpavān ।
adhyāste vānaraḥ śrīmān kiṣkindhām atula prabhām ॥

sa samartho mahā prājñaḥ tava yuddha viśāradaḥ ।
dvandva yuddham sa dātum te namuciḥ iva vāsavaḥ ॥

tam śīghram abhigaccha tvam yadi yuddham iha icchasi ।
sa hi durmarṣaṇo nityam śūraḥ samara karmaṇi ॥

śrutvā himavato vākyam kopa āviṣṭaḥ sa dundubhiḥ ।
jagāma tām purīm tasya kiṣkindhām vālinaḥ tadā ॥

dhārayan māhiṣam rūpam tīkṣṇa śṛṅgo bhayāvahaḥ ।
prāvṛṣi iva mahā meghaḥ toya pūrṇo nabhastale ॥ 4-11-25 tataḥ tu dvāram āgamya kiṣkindhāyā mahābalaḥ ।
nanarda kampayan bhūmim dundubhir dundubhir yathā ॥

samīpajān drumān bhaṁjan vasudhām dārayan khuraiḥ ।
viṣāṇena ullikhan darpāt tad dvāram dvirado yathā ॥

antaḥpura gato vālī śrutvā śabdam amarṣaṇaḥ ।
niṣpapāta saha strībhiḥ tārābhiḥ iva caṁdramāḥ ॥

mitam vyakta akṣara padam tam uvāca sa dundubhim ।
harīṇām īśvaro vālī sarveṣām vana cāriṇām ॥

kim artham nagara dvāram idam rud dhvā vinardase ।
dundubhe vidito me'si rakṣa prāṇān mahābala ॥

tasya tad vacanam śrutvā vānarendrasya dhīmataḥ ।
uvāca dundubhir vākyam krodhāt saṁrakta locanaḥ ॥

na tvam strī sannidhau vīra vacanam vaktum arhasi ।
mama yuddham prayaccha adya tato jñāsyāmi te balam ॥

athavā dhārayiṣyāmi krodham adya niśām imām ।
gṛhyatām udayaḥ svairam kāma bhogeṣu vānara ॥

dīyatām saṁpradānam ca pariṣvajya ca vānarān ।
sarva śakhā mṛgendratvam saṁsādaya suhṛjjanam ॥

su dṛṣṭām kuru kiṣkindhām kuruṣva ātma samam pure ।
krīḍayasva ca samam strībhiḥ aham te darpa śāsanaḥ ॥

yo hi mattam pramattam vā bhagnam vā rahitam kṛśam ।
hanyāt sa bhrūṇahā loke tvad vidham mada mohitam ॥

sa prahasya abravīt mandam krodhāt tam asureśvaram ।
visṛjya tāḥ striyaḥ sarvāḥ tārā prabhṛtikāḥ tadā ॥

matto ayam iti mā maṁsthā yadi abhīto asi saṁyuge ।
mado ayam saṁprahāre asmin vīra pānam samarthyatām ॥

tam evam uktvā saṁkruddho mālām utkṣipya kāṁcanīm ।
pitrā dattām mahendreṇa yuddhāya vyavatiṣṭhata ॥

viṣāṇayo gṛhītvā tam dundubhim giri saṁnibham ।
āvidhyata tathā vālī vinadan kapi kuṁjaraḥ ॥

vālī vyāpādayām cakre nanarda ca mahāsvanam ।
śrotrābhyām atha raktam tu tasya susrāva pātyataḥ ॥

tayoḥ tu krodha saṁrambhāt paraspara jayaiṣiṇoḥ ।
yuddham samabhavat ghoram dundubher vālinaḥ tathā ॥

ayudhyata tadā vālī śakra tulya parākramaḥ ।
muṣṭibhir jānubhiḥ padbhiḥ śilābhiḥ pādapaiḥ tathā ॥

parasparam ghnatoḥ tatra vānara asurayoḥ tadā ।
āsīt hīno asuro yuddhe śakra sūnuḥ vyavardhata ॥

tam tu dundubhim udyamya dharaṇyām abhyapātayat ।
yuddhe prāṇahare tasmin niṣpiṣṭo dundubhiḥ tadā ॥

srotrebhyo bahu raktam tu tasya susrāva pātyataḥ ।
papāta ca mahābāhuḥ kṣitau paṁcatvam āgataḥ ॥

tam tolayitvā bāhubhyām gata sattvam acetanam ।
cikṣepa vegavān vālī vegena ekena yojanam ॥

tasya vega praviddhasya vaktrāt kṣataja bindavaḥ ।
prapetuḥ māruta utkṣiptā mataṁgasya āśramam prati ॥

tān dṛṣṭvā patitām tatra muniḥ śoṇita vipruṣaḥ ।
kruddhaḥ tasya mahābhāga cintayāmāsa konvam ॥

yena aham sahasā spṛṣṭaḥ śoṇitena durātmanā ।
ko'yam durātmā dur buddhiḥ akṛtātmā ca bāliśaḥ ॥

iti uktvā sa viniṣkramya dadṛśe munisattama ।
mahiṣam parvata ākāram gata asum patitam bhuvi ॥

sa tu vijñāya tapasā vānareṇa kṛtam hi tat ।
utsasarja mahā śāpam kṣeptāram vānaram prati ॥

iha tena apraveṣṭavyam praviṣṭasya vadho bhavet ।
vanam mat saṁśrayam yena dūṣitam rudhira sravaiḥ ॥

te api vā yadi tiṣṭanti śapiṣye tān api dhruvam ॥ 4-11-56 vane asmin māmake nityam putravat parirakṣate ।
patra aṁkura vināśāya phala mūla abhavāya ca ॥

divasaḥ ca adya maryādā yam draṣṭā śvaḥ asmi vānaram ।
bahu varṣa sahasrāṇi sa vai śailaḥ bhaviṣyati ॥

tataḥ te vānarāḥ śrutvā giram muni samīritām ।
niścakramuḥ vanāt tasmāt tān dṛṣṭvā vālir abravīt ॥

kim bhavantaḥ samastāḥ ca mataṁga vana vāsinaḥ ।
mat samīpam anuprāptā api svasti vanaukasām ॥

tataḥ te kāraṇam sarvam tathā śāpam ca vālinaḥ ।
śaśaṁsur vānarāḥ sarve valine hemamāline ॥

etat śrutvā tadā vālī vacanam vanara īritam ।
sa maharṣim samāsādya yācate sma kṛta aṁjaliḥ ॥

maharṣiḥ tam anādṛtya praviveśa āśramam prati ।
śāpa dhāraṇa bhītaḥ tu vālī vihvalatām gataḥ ॥

tataḥ śāpa bhayāt bhīta ṛśyamūkam mahāgirim ।
praveṣṭum na icchati hariḥ draṣṭum vā api nareśvara ॥

tasya apraveśam jñātvā aham idam rāma mahāvanam ।
vicarāmi saha amātyo viṣādena vivarjitaḥ ॥

eṣo asthinicayaḥ tasya dundubheḥ saṁprakāśate ।
vīrya utsekāt nirastasya giri kūṭa nibho mahān ॥

ime ca vipulāḥ sālāḥ sapta śākhā avalaṁbinaḥ ।
yatra ekam ghaṭate vālī niṣ patrayitum ojasā ॥

etat asya asamam vīryam mayā rāma prakāśitam ।
katham tam vālinam hantum samare śakṣyase nṛpa ॥

tathā bṛuvāṇam sugrīvam prahasan lakṣmaṇo abravīt ।
kasmin karmaṇi nirvṛtte śraddadhyā vālinaḥ vadham ॥

tam uvācatha sugrīvaḥ sapta sālan imān purā ।
evam ekaikaśo vālī vivyātha atha sa asakṛt ॥

rāmo nirdārayed eṣām bāṇena ekena ca drumam ।
vālinam nihatam manye dṛṣṭvā rāmasya vikramam ॥

hatasya mahiṣasya asthi pādena ekena lakṣmaṇa ।
udyamya prakṣipet ca api tarasā dve dhanuḥ śate ॥

evam uktvā tu sugrīvo rāmam raktānta locanam ।
dhyatvā muhūrtam kākutstham punareva vaco abravīt ॥

śūraḥ ca śūramānī ca prakhyāta bala pauruṣaḥ ।
balavān vānaraḥ vālī saṁyugeṣu aparājitaḥ ॥

dṛśyante ca asya karmāṇi duṣkarāṇi suraiḥ api ।
yāni saṁcintya bhītaḥ aham ṛṣyamūkam upāśritaḥ ॥

tam ajayyam adhṛṣyam ca vānarendram amarṣaṇam ।
vicintayan na muṁcāmi ṝṣyamūkam amum tu aham ॥

udvignaḥ śaṁkitaḥ ca aham vicarāmi mahāvane ।
anuraktaiḥ saha amātyaiḥ hanumat pramukhaiḥ vīraiḥ ॥

upalabdham ca me ślāghyam san mitram mitra vatsala ।
tvām aham puruṣavyāghra himavantam iva āśritaḥ ॥

kim tu tasya balajñaḥ aham durbhrātuḥ balaśālinaḥ ।
apratyakṣam tu me vīryam samare tava rāghava ॥

na khalu aham tvām tulaye na avamanye na bhīṣaye ।
karmabhiḥ tasya bhīmaiḥ ca kātaryam janitam mama ॥

kāmam rāghava te vāṇī pramāṇam dhairyam ākṛtiḥ ।
sūcayanti param tejo bhasma cchannam iva analam ॥

tasya tad vacanam śrutvā sugrīvasya mahatmanaḥ ।
smita pūrvam athaḥ rāmaḥ prati uvāca harim prati ॥

yadi na pratyayo asmāsu vikrame tava vānara ।
pratyayam samare ślāghyam aham utpādayāmi te ॥

evam uktvā tu sugrīvam sāntvayan lakṣmaṇāgrajaḥ ।
rāghavo dundubheḥ kāyam pāda aṁguṣṭhena līlayā ॥ 4-11-84 tolayitvā mahābāhuḥ cikṣepa daśa yojanam ।
asurasya tanum śuṣkam pādāṁguṣṭena vīryavān ॥

kṣiptam dṛṣṭvā tataḥ kāyam sugrīvaḥ punar abravīt ।
lakṣmaṇasya agrato rāmam tapantam iva bhāskaram harīṇām agrato vīram idam vacanam arthavat ॥

ārdraḥ sa māṁsaḥ pratyagraḥ kṣiptaḥ kāyaḥ purā sakhe ।
pariśrāntena mattena bhrātā me vālinā tadā ॥

laghuḥ saṁprati nirmāṁsaḥ tṛṇa bhūtaḥ ca rāghava ।
kṣiptā evam praharṣeṇa bhavatā raghunaṁdana ॥

na atra śakyam balam jñātum tava vā tasya vā adhikam ।
ārdram śuṣkam iti hi etat sumahad rāghava antaram ॥

sa eva saṁśayaḥ tāta tava tasya ca yad balam ।
sālam ekam vinir bhidyā bhavet vyaktiḥ balābale ॥

kṛtvā etat kārmukam sajyam hasti hatam iva aparam ।
ākarṇa pūrṇam āyamya visṛjasva mahāśaram ॥

imam hi sālam prahitaḥ tvayā śaro na saṁśayo atra asti vidārayiṣyati ।
alam vimarśena mama priyam dhruvam kuruṣva rājan prati śāpito mayā ॥

yathā hi tejassu varaḥ sadā raviḥ yathā hi śailo himavān mahā adriṣu ।
yathā catuṣpātsu ca kesarī varaḥ tathā narāṇām asi vikrame varaḥ ॥