अरण्यकाण्डम्Araṇya Kāṇḍa

divam tu tasyām yātāyām śabaryām svena tejasā ।
lakṣmaṇena saha bhrātrā cintayāmāsa rāghavaḥ ॥

ciṁtayitvā tu dharmātmā prabhāvam tam mahātmanām ।
hita kāriṇam eka agram lakṣmaṇam rāghavo abravīt ॥

dṛṣṭo mayā āśramaḥ saumya bahu āścaryaḥ kṛtaātmanām ।
viśvasta mṛga śārdūlo nānā vihaga sevitaḥ ॥

saptānām ca samudrāṇām teṣām tīrtheṣu lakṣmaṇa ।
upaspṛṣṭam ca vidhivat pitaraḥ ca api tarpitāḥ ॥

praṇaṣṭam aśubham yat naḥ kalyāṇam samupasthitam ।
tena tu etat prahṛṣṭam me mano lakṣmaṇa saṁprati ॥

hṛdaye hi nara vyāghra śubham āvirbhaviṣyati ।
tat āgaccha gamiṣyāvaḥ paṁpām tām priya darśanām ॥

ṛṣyamūko giriḥ yatra na ati dūre prakāśate ।
yasmin vasati dharmātmā sugrīvo aṁśumataḥ sutaḥ ॥

nityam vāli bhayāt trastaḥ caturbhiḥ saha vānaraiḥ ।
aham tvare ca tam draṣṭum sugrīvam vānararṣabham ॥

tat adhīnam hi me kāryam sītāyāḥ parimārgaṇam ।
iti bruvāṇam tam vīram saumitriḥ idam abravīt ॥

gacchāvaḥ tvaritam tatra mama api tvarate manaḥ ।
āśramāt tu tataḥ tasmāt niṣkramya sa viśām patiḥ ॥

ājagāma tataḥ paṁpām lakṣmaṇena sahaprabhuḥ ।
samīkṣamāṇaḥ puṣpa āḍhyam sarvato vipula drumam ॥

koyaṣṭibhiḥ ca arjunakaiḥ śata patraiḥ ca kīrakaiḥ ।
etaiḥ ca anyaiḥ ca bahubhiḥ nāditam tat vanam mahat ॥

sa rāmo vividhān vṛkṣān sarāṁsi vividhāni ca ।
paśyan kāma abhisaṁtapto jagāma paramam hradam ॥

sa tām āsādya vai rāmo dūrāt pānīya vāhinīm ।
mataṁga sarasam nāma hradam samavagāhata ॥

tatra jagmatuḥ avyagrau rāghavau hi samāhitau ।
sa tu śoka samāviṣṭo rāmo daśarathātmajaḥ ॥

viveśa nalinīm ramyām paṁkajaiḥ ca samāvṛtām ।
tilakāśokapuṁnāgabakuloddālakāśinīm - yadvā -tilaka aśoka punnāga bakula uddāla kāśinīm ॥

ramya upavana saṁbādhām padma saṁpīḍita udakām ।
sphaṭika upama toya āḍhyām ślakṣṇa vāluka saṁtatām ॥

matsya kacchapa saṁbādhām tīrastha druma śobhitām ।
sakhībhiḥ iva saṁyuktām latābhiḥ anuveṣṭitām ॥

kiṁnaroragagandharvayakṣarākṣasasevitām -yadvā - ।
kinnara uraga gandharva yakṣa rākṣasa sevitām ।
nānā druma latā ākīrṇām śīta vāri nidhim śubhām ॥

padma saugandhikaiḥ tāmrām śuklām kumuda maṇḍalaiḥ ।
nīlām kuvalaya ud ghāṭaiḥ bahu varṇām kuthām iva ॥

aravinda utpalavatīm padma saugandhika āyutām ।
puṣpita āmra vaṇopetām barhiṇa ud ghuṣṭa nāditām ॥

sa tām dṛṣṭvā tataḥ paṁpām rāmaḥ saumitriṇā saha ।
vilalāpa ca tejasvī kāmāt daśarathātmajaḥ ॥

tilakaiḥ bīja pūraiḥ ca vaṭaiḥ śukla drumaiḥ tathā ।
puṣpitaiḥ karavīraiḥ ca punnāgaiḥ ca su puṣpitaiḥ ॥

mālatī kuṁda gulmaiḥ ca bhaṇḍīraiḥ niculaiḥ tathā ।
aśokaiḥ sapta parṇaiḥ ca ketakaiḥ atimuktakaiḥ ॥

anyaiḥ ca vividhaiḥ vṛkṣaiḥ pramadā iva upaśobhitām ।
asyāḥ tīre tu pūrva uktaḥ parvato dhātu maṇḍitaḥ ॥

ṛśyamūka iti khyātaḥ citra puṣpita pādapaḥ ।
hareḥ ṛkṣarajo nāmnaḥ putraḥ tasya mahātmanaḥ ॥

adhyāste tu mahāvīryaḥ sugrīva iti viśrutaḥ ।
sugrīvam abhigaccha tvam vānarendram nararṣabha ॥

iti uvāca punaḥ vākyam lakṣmaṇam satya vikramam ।
katham mayā vinā sītām śakyam lakṣmaṇa jīvitum ॥

iti evam uktvā madana abhipīḍitaḥsa lakṣmaṇam vākyam ananya cetanaḥ ।
viveśa paṁpām nalinī mano ramāmtam uttamam śokam udīrayāṇaḥ ॥

krameṇa gatvā pravilokayan vanamdadarśa paṁpām śubha darśa kānanām ।
aneka nānā vidha pakṣi saṁkulāmviveśa rāmaḥ saha lakṣmaṇena ॥