अरण्यकाण्डम्Araṇya Kāṇḍa

darśayitvā rāmāya sītāyāḥ praimārgane ।
vākyam anvartham arthajñaḥ kabaṁdhaḥ punaḥ abravīt ॥

eṣa rāma śivaḥ paṁthā yatra ete puṣpitā drumāḥ ।
pratīcīm diśam āśritya prakāśante mano ramāḥ ॥

jaṁbū priyāla panasāḥ plakṣa nyagrodha tiṁdukāḥ ।
aśvatthāḥ karṇikārāḥ ca cūtāḥ ca anye ca pādapāḥ ॥

dhanvanā nāga vṛkṣā tilakā naktamālakāḥ ।
nīla aśoka kadaṁbāḥ ca karavīrāḥ ca puṣpitāḥ ॥

agnimukhā aśokāḥ ca suraktāḥ paribhadrakāḥ ।
tān āruhya athavā bhūmau pātayitvā ca tān balāt ॥

phalāni amṛta kalpāni bhakṣayitvā gamiṣyathaḥ ।
tat atikramya kākutstha vanam puṣita pādapam ॥

naṁdana pratimam tu anyat kuravaḥ uttarā iva ।
sarva kāla phalā yatra pādapā madhura sravāḥ ॥

sarve ca ṛtavaḥ tatra vane caitrarathe yathā ।
phala bhāra natāḥ tatra mahā viṭapa dhāriṇaḥ ॥

śobante sarvataḥ tatra megha parvata saṁnibhāḥ ।
tān āruhya athavā bhūmau pātaitvā yathā sukham ॥

phalāni amṛta kalpāni lakṣamaṇaḥ te pradāsyati ।
caṅkramaṁtau varān śailān śailāt śailam vanāt vanam ॥

tataḥ puṣkariṇīm vīrau paṁpām nāma gamiṣyathaḥ ।
aśarkarām avibhraṁśām sama tīrtham aśaivalām ॥

rāma saṁjāta vālūkām kamala utpala śobhitām ।
tatra haṁsāḥ plavāḥ krauṅcāḥ kurarāḥ caiva rāghava ॥

valgu svarā nikūjanti paṁpā salila gocarāḥ ।
na udvijante narān dṛṣṭvā vadhasya akovidāḥ śubhāḥ ॥

ghṛta piṇḍa upamān sthūlān tān dvijān bhakṣayiṣyathaḥ ।
rohitān vakra tuṇḍān ca nala mīnān ca rāghava ॥

paṁpāyām iṣubhiḥ matsyān tatra rāma varān hatān ।
nistvakpakṣānayasataptānakṛśānnaikakaṇṭakān - yadvā -niḥ tvak pakṣān ayasa taptān akṛśān na aneka kaṇṭakān ॥

tava bhaktyā samāyukto lakṣmaṇaḥ saṁpradāsyati ।
bhṛśam tān khādato matsyān paṁpāyāḥ puṣpa saṁcaye ॥

padma gandhi śivam vāri sukha śītam anāmayam ।
uddhṛtya sa tadā akliṣṭam rūpya sphaṭika sannibham ॥

atha puṣkara parṇena lakṣmaṇaḥ pāyayiṣyati ।
sthūlān giri guhā śayyān vānarān vana cāriṇaḥ ॥

sāya āhne vicaran rāma darśayiṣyati lakṣmaṇaḥ ।
apām lobhāta upāvṛttān vṛṣabhān iva nardataḥ ॥

rūpa anvitān ca paṁpāyām drakṣyasi tvam narottama ।
sāya ahne vicaran rāma viṭapīn mālya dhāriṇaḥ ॥

śiva udakam ca paṁpāyām dṛṣṭvā śokam vihāsyasi ।
su manobhiḥ citān tatra tilakān nakta mālakān ॥

utpalāni ca phullāni paṁkajāni ca rāghava ।
na tāni kaścit mālyāni tatra āropayitā naraḥ ॥

na ca vai mlānatām yānti na ca śīryanti rāghava ।
mataṁga śiṣyāḥ tatra āsan ṛṣayaḥ susamāhitaḥ ॥

teṣām bhāra abhitaptānām vanyam āharatām guroḥ ।
ye prapetuḥ mahīm tūrṇam śarīrāt sveda bindavaḥ ॥

tāni mālyāni jātāni munīnām tapasā tadā ।
sveda bindu samutthāni na vinaśyanti rāghava ॥

teṣām gatānām adya api dṛśyate paricāriṇī ।
śramaṇī śabarī nāma kākutstha cira jīvinī ॥

tvām tu dharme sthitā nityam sarva bhūta namaskṛtam ।
dṛṣṭvā deva upamam rāma svarga lokam gamiṣyati ॥

tataḥ tat rāma paṁpāyāḥ tīram āśritya paścimam ।
āśrama sthānam atulam guhyam kākutstha paśyasi ॥

na tatra ākramitum nāgāḥ śaknuvanti tad āśrame ।
ṛṣeḥ tasya mataṁgasya vidhānāt tat ca kānanam ॥

mātaṁga vanam iti eva viśrutam raghunaṁdana ।
tasmin naṁdana saṁkāśe deva araṇya upame vane ॥

nānā vihaga saṁkīrṇe raṁsyase rāma nirvṛtaḥ ।
ṛṣyamūkaḥ tu paṁpāyāḥ purastāt puṣpita drumaḥ ॥

su duḥkha ārohaṇaḥ ca eva śiśu nāga abhirakṣitaḥ ।
udāro brahmaṇā caiva pūrva kāle vinirmitaḥ ॥

śayānaḥ puruṣo rāma tasya śailasya mūrdhani ।
yat svapne labhate vittam tat prabuddho adhigacchati ॥

yaḥ tu enam viṣama ācāraḥ pāpa karmā adhirohati ।
tatra eva praharanti enam suptam ādāya rākṣasāḥ ॥

tatra api śiśu nāgānām ākraṁdaḥ śrūyate mahān ।
krīḍatām rāma paṁpāyām mataṁga āśrama vāsinām ॥

siktā rudhira dhārābhiḥ saṁhatya parama dvipāḥ ।
pracaranti pṛthak kīrṇā megha varṇāḥ tarasvinaḥ ॥

te tatra pītvā pānīyam vimalam cāru śobhanam ।
atyanta sukha saṁsparśam sarva gandha samanvitam ॥

nivṛttāḥ samvigāhante vanāni vana gocarāḥ ।
ṛkṣām ca dvipinaḥ caiva nīla komalaka prabhān ॥

rurūn apetā apajayān dṛṣṭvā śokam prahāsyasi ।
rāma tasya tu śailasya mahatī śobhate guhā ॥

śilā pidhānā kākutstha duḥkham ca asyāḥ praveśanam ।
tasyā guhāyāḥ prāk dvāre mahān śīta udako hradaḥ ॥

bahu mūla phalo ramyo nānā naga samākulaḥ ।
tasyām vasati sugrīvaḥ caturbhiḥ saha vānaraiḥ ॥

kadācit śikhare tasya parvatasya api tiṣṭhate ।
kabaṁdhaḥ tu anuśāsya evam tau ubhau rāma lakṣmaṇau ॥

sragvī bhāskara varṇa ābhaḥ khe vyarocata vīryavān ।
tam tu kha stham mahābhāgam kabaṁdham rāma lakṣmaṇau ॥

prasthitau tvam vrajasva iti vākyam ūcatuḥ antike ।
gamyatām kārya siddhi artham iti tau abravīt ca saḥ ॥

suprītau tau anujñāpya kabaṁdhaḥ prasthitaḥ tadā ॥

sa tat kabaṁdhaḥ pratipadya rūpamvṛtaḥ śriyā bhāskara sarva dehaḥ ।
nidarśayan rāmam avekṣya kha sthaḥsakhyam kuruṣva iti tadā abhyuvāca ॥