अरण्यकाण्डम्Araṇya Kāṇḍa

sa dīno dīnayā vācā lakṣmaṇam vākyam abravīt ।
śīghram lakṣmaṇa jānīhi gatvā godāvarīm nadīm ॥

api godāvarīm sītā padmāni ānayitum gatā ।
evam uktaḥ tu rāmeṇa lakṣmaṇaḥ punaḥ eva hi ॥

nadīm godāvarīm ramyām jagāma laghu vikramaḥ ।
tām lakṣmaṇaḥ tīrthavatīm vicitvā rāmam abravīt ॥

nainām paśyāmi tīrtheṣu krośato na śṛṇoti me ।
kam nu sā deśam āpannā vaidehī kleśa nāśinī ॥

na hi tam vedmi vai rāma yatra sā tanu madhyamā ।
lakṣmaṇasya vacaḥ śrutvā dīnaḥ saṁtāpa mohitaḥ ॥

rāmaḥ samabhicakrāma svayam godāvarīm nadīm ।
sa tām upasthito rāmaḥ kva sīte iti evam abravīt ॥

bhūtāni rākṣasendreṇa vadha arheṇa hṛtām api ।
na tām śaśaṁsū rāmāya tathā godāvarī nadī ॥

tataḥ pracoditā bhūtaiḥ śaṁsa ca asmai priyām iti ।
na ca sā hi avadat sītām pṛṣṭā rāmeṇa śocatā ॥

rāvaṇasya ca tat rūpam karmāṇi ca durātmanaḥ ।
dhyātvā bhayāt tu vaidehīm sā nadī na śaśaṁsa ha ॥

nirāśaḥ tu tayā nadyā sītāyā darśane kṛtaḥ ।
uvāca rāmaḥ saumitrim sītā darśana karśitaḥ ॥

eṣā godāvarī saumya kiṁcan na pratibhāṣate ।
kim nu lakṣmaṇa vakṣyāmi sametya janakam vacaḥ ॥

mātaram caiva vaidehyā vinā tām aham apriyam ।
yā me rājya vihīnasya vane vanyena jīvataḥ ॥

sarvam vyapanayat śokam vaidehī kva nu sā gatā ।
jñāti varga vihīnasya rāja putrīm apaśyataḥ ॥

manye dīrghā bhaviṣyanti rātrayo mama jāgrataḥ ।
maṁdākinīm janasthānam imam prasravaṇam girim ॥

sarvāṇi anucariṣyāmi yadi sītā hi labhyate ।
ete mahā mṛgā vīra mām īkṣante punaḥ punaḥ ॥

vaktu kāmā iha hi me iṁgitāni anupalakṣaye ।
tān tu dṛṣṭvā naravyāghra rāghavaḥ pratyuvāca ha ॥

kva sīta iti nirīkṣan vai bāṣpa saṁruddhayā girā ।
evam uktā narendreṇa te mṛgāḥ sahasā utthitā ॥

dakṣiṇa abhimukhāḥ sarve darśayanto nabhaḥ sthalam ।
maithilī hriyamāṇā sā diśam yām abhyapadyata ॥

tena mārgeṇa gacchanto nirīkṣanto narādhipam ।
yena mārgam ca bhūmim ca nirīkṣante sma te mṛgāḥ ॥

punaḥ nadanto gacchanti lakṣmaṇena upalakṣitāḥ ।
teṣām vacana sarvasvam lakṣayāmāsa ca ingitam ॥

uvāca lakṣmaṇo dhīmān jyeṣṭham bhrātaram ārtavat ।
kva sīta iti tvayā pṛṣṭā yathā ime sahasā uthitāḥ ॥

darśayanti kṣitim caiva dakṣiṇām ca diśam mṛgāḥ ।
sadhu gacchāvahe deva diśam etām ca nairṛtīm ॥

yadi tasya āgamaḥ kaścit āryā vā sā atha lakṣyate ।
bāḍham iti eva kākutsthaḥ prasthito dakṣiṇām diśam ॥

lakṣmaṇa anugata śrīmān vīkṣyamāṇo vasundharām ।
evam saṁbhāṣamāṇau tau anyonyam bhrātarau ubhau ॥

vasundharāyām patita puṣpa mārgam apaśyatām ।
puṣpa vṛṣṭim nipatitām dṛṣṭvā rāmo mahī tale ॥

uvāca lakṣmaṇam vīro duḥkhito duḥkhitam vacaḥ ।
abhijānāmi puṣpāṇi tāni imāni iha lakṣmaṇa ॥

apinaddhāni vaidehyā mayā dattāni kānane ।
manye sūryaḥ ca vāyuḥ ca medinī ca yaśaśivini ॥

abhirakṣanti puṣpāṇi prakurvanto mama priyam ।
evam uktvā mahābāhuḥ lakṣmaṇam puruṣarṣabham ॥

uvāca rāmo dharmātmā girim prasavaṇa ākulam ।
kaccit kṣiti bhṛtām nātha dṛṣṭā sarvāṁga suṁdarīm ॥

rāmā ramye vanod deśe mayā virahitā tvayā ।
kruddho abravīt girim tatra siṁhaḥ kṣudra mṛgam yathā ॥

tām hema varṇām hema aṁgīm sītām darśaya parvata ।
yāvat sānūni sarvāṇi na te vidhvaṁsayāmi aham ॥

evam uktaḥ tu rāmeṇa parvato maithilīm prati ।
darśayan iva tām sītām na darśayata rāghave ॥

tato dāśarathī rāma uvāca śiloccayam ।
mama bāṇa agni nirdagdho bhasmī bhūto bhaviṣyasi ॥

asevyaḥ satatam caiva nistṛṇa druma pallavaḥ ।
imām vā saritam ca adya śoṣayiṣyāmi lakṣmaṇa ॥

yadi na ākhyāti me sītām adya candra nibha ānanām ।
evam praruṣito rāmo didhakṣan iva cakṣuṣā ॥

dadarśa bhūmau niṣkrāṁtam rākṣasasya padam mahat ।
trastayā rāma kāṅkṣiṇyāḥ pradhāvantyā itaḥ tataḥ ॥

rākṣasena anuvṛttayā vaidehyā ca pādāni tu ।
sa samīkṣya parikrāntam sītāyā rākṣasasya ca ॥

bhaṁgam dhanuḥ ca tūṇī ca vikīrṇām bahudhā ratham ।
saṁbhrāṁta hṛdayo rāmaḥ śaśaṁsa bhrātaram priyam ॥

paśya lakṣmaṇa vaidehyāḥ kīrṇām kanaka bindavaḥ ।
bhūṣaṇānām hi saumitre mālyāni vividhāni ca ॥

tapta bindu nikāśaiḥ ca citraiḥ kṣataja bindubhiḥ ।
āvṛtam paśya saumitre sarvato dharaṇī talam ॥

manye lakṣmaṇa vaidehī rākṣasaiḥ kāma rūpibhiḥ ।
bhittvā bhittvā vibhaktā vā bhakṣitā vā bhaviṣyati ॥

tasyā nimittam vaidehyā dvayoḥ vivadamānayoḥ ।
babhūva yuddham saumitre ghoram rākṣasayoḥ iha ॥

muktā maṇi citam ca idam tapanīya vibhūṣitam ।
dharaṇyām patitam saumya kasya bhagnam mahat dhanuḥ ॥

rākṣasānām idam vasta surāṇām adhavā api ।
taruṇa āditya saṁkāśam vaidūrya gulikā citam ॥

viśīrṇam patitam bhūmau kavacam kasya kāṁcanam ।
chatram śata śalākam ca divya mālya upaśobhitam ॥

bhagna daṇḍam idam kasya bhūmau saumya nipātitam ।
kāncana uraḥ chadāḥ ca ime piśāca vadanāḥ kharāḥ ॥

bhīma rūpā mahākāyāḥ kasya vā nihatā raṇe ।
dīpta pāvaka saṁkāśo dyutimān samara dhvajaḥ ॥

apaviddhaḥ ca bhagnaḥ ca kasya sāṁgrāmiko rathaḥ ।
ratha akṣa mātrā viśikhāḥ tapanīya vibhūṣaṇāḥ ॥

kasya ime nihatā bāṇāḥ prakīrṇā ghora darśanaḥ ।
śarāvarau śaraiḥ pūrṇau vidhvastau paśya lakṣmaṇa ॥

pratoda abhīśu hasto ayam kasya vā sārathiḥ hataḥ ।
padavī puruṣasya eṣā vyaktam kasya api rākṣasaḥ ॥

vairam śata guṇam paśya mama taiḥ jīvita aṁtakam ।
sughora hṛdayaiḥ saumya rākṣasaiḥ kāma rūpibhiḥ ॥

hṛtā mṛtā vā sītā hi bhakṣitā vā tapasvinī ।
na dharmaḥ trāyate sītām hriyamāṇām mahāvane ॥

bhakṣitāyām hi vaidehyām hṛtāyām api lakṣmaṇa ।
ke hi loke priyam kartum śaktāḥ saumya mama īśvarāḥ ॥

kartāram api lokānām śūram karuṇa vedinam ।
ajñānāt avamanyeran sarva bhūtāni lakṣmaṇa ॥

mṛdum loka hite yuktam dāṁtam karuṇa vedinam ।
nirvīrya iti manyante nūnam mām tridaśa īśvarāḥ ॥

mām prāpya hi guṇo doṣaḥ saṁvṛttaḥ paśya lakṣmaṇa ।
adya eva sarva bhūtānām rakṣasām abhavāya ca ॥

saṁhṛtya eva śaśi jyotsnām mahān sūrya iva uditaḥ ।
saṁhṛtya eva guṇān sarvān mama tejaḥ prakāśte ॥

na eva yakṣā na gaṁdharvā na piśācā na rākṣasāḥ ।
kinnarā vā manuṣyā vā sukham prāpsyanti lakṣmaṇa ॥

mama astra bāṇa saṁpūrṇam ākāśam paśya lakṣmaṇa ।
asaṁpātam kariṣyāmi hi adya trailokya cāriṇām ॥

saṁniruddhagrahagaṇamāvāritaniśākaram ।
vipranaṣṭānalamarudbhāskaradyutisaṁvṛtam ।
yadva -saṁniruddha graha gaṇam āvārita niśā karam ।
vipranaṣṭa anala marut bhāskara dyuti saṁvṛtam ॥

vinirmathitaśailāgramśuṣyamāṇajalāaśayam ।
dhvastadrumalatāgulmamvipraṇāśitasāgaram ।
yadvā -vinirmathita śaila agram śuṣyamāṇa jala āśayam ।
dhvasta druma latā gulmam vipraṇāśita sāgaram ॥

trai lokyam tu kariṣyāmi saṁyuktam kāla karmaṇā ।
na te kuśalinīm sītām pradāsyanti mama īśvarāḥ ॥

asmin muhūrte saumitre mama drakṣyanti vikramam ।
na ākāśam utpatiṣyanti sarva bhūtāni lakṣmaṇa ॥

mama cāpa guṇa unmuktaiḥ bāṇa jālaiḥ niraṁtaram ।
marditam mama nārācaiḥ dhvasta bhrāṁta mṛga dvijam ॥

samākulam amaryādam jagat paśya adya lakṣmaṇa ।
ākarṇapūrṇairiṣubhirjīvalokaṁdurāvaraiḥ ।
yadvā -ākarṇa pūrṇair iṣubhir jīva lokam durāvaraiḥ ॥

kariṣye maithilī hetoḥ apiśācam arākṣasam ।
mama roṣa prayuktānām viśikhānām balam surāḥ ॥

drakṣyanti adya vimuktānām amarṣāt dūra gāminām ।
na eva devā na daiteyā na piśācā na rākṣasāḥ ॥

bhaviṣyanti mama krodhāt trailokye vipraṇāśite ।
deva dānava yakṣāṇām lokā ye rakṣasām api ॥

bahudhānipatiṣyantibāṇoghaiśśakalīkṛtāḥ ।
yadvā -bahudhā ni patiṣyanti bāṇa oghaiḥ śakalī kṛtāḥ ।
nirmaryādānimām̐llokānkariṣyāmyadyasāyakaiḥ ।
yadvā -nir maryādān imān lokān kariṣyāmi adya sāyakaiḥ ॥

hṛtām mṛtām vā saumitre na dāsyanti mama īśvarāḥ ।
tathā rūpam hi vaidehīm na dāsyanti yadi priyām ॥

nāśayāmi jagat sarvam trailokyam sa cara acaram ।
yāvat darśanam asyā vai tāpayāmi ca sāyakaiḥ ॥

iti uktvā krodha tāmra akṣaḥ sphuramāṇa oṣṭa saṁpuṭaḥ ।
valkala ajinam ābaddhya jaṭā bhāram bandhayat ॥

tasya kruddhasya rāmasya tathā abhūtasya dhīmataḥ ।
tri puram jagnuṣaḥ pūrvam rudrasya iva babhau tanuḥ ॥

lakṣmaṇāt atha ca ādāya rāmo niṣpīḍya kārmukam ।
śaram ādāya saṁdīptam ghoram aśī viṣa upamam ॥

saṁdadhe dhanuṣi śrīmān rāmaḥ para puraṁjayaḥ ।
yuga anta agniḥ iva kruddhaḥ idam vacanam abravīt ॥

yathā jarā yathā mṛtyuḥ yathā kālo yathā vidhiḥ ।
nityam na pratihanyante sarva bhūteṣu lakṣmaṇa ।
tathā aham krodha saṁyukto na nivāryo asmi asaṁśayam ॥

purā iva me cāru datīm aninditāmdiśanti sītām yadi na adya maithilīm ।
sadeva gandharva manuṣya pannagamjagat sa śailam parivartayāmi aham ॥