अरण्यकाण्डम्Araṇya Kāṇḍa

saṁdiśya rākṣasān ghorān rāvaṇo aṣṭau mahābalān ।
ātmānam buddhi vaiklavyāt kṛta kṛtyam amanyata ॥

sa ciṁtayāno vaidehīm kāma bāṇa saṁprapīḍitaḥ ।
praviveśa gṛham ramyam sītām draṣṭum abhitvaran ॥

sa praviśya tu tat veśma rāvaṇo rākṣasa adhipaḥ ।
apaśyat rākṣasī madhye sītām duḥkha parāyaṇam ॥

aśru pūrṇa mukhīm dīnām śoka bhāra avapīḍitām ।
vāyu vegaiḥ iva ākrāṁtām majjantīm nāvam arṇave ॥

mṛga yūtha paribhraṣṭām mṛgīm śvabhiḥ iva āvṛtām ।
adhogata mukhīm sītām tām abhyetya niśācaraḥ ॥

tām tu śoka vaśāt dīnām avaśām rākṣasa adhipaḥ ।
sa balāt darśayāmāsa gṛham deva gṛha upamam ॥

harmya prāsāda saṁbadham strī sahasra niṣevitam ।
nānā pakṣi gaṇaiḥ juṣṭam nānā ratna samanvitam ॥

dāntakaiḥ tāpanīyaiḥ ca sphāṭikai rājataiḥ tathā ।
vajra vaidūrya citraiḥ ca stambhaiḥ dṛṣṭi manoramaiḥ ॥

divya dundubhi nirghoṣam tapta kāṁcana bhūṣaṇam ।
sopānam kāṁcanam citram āruroha tayā saha ॥

dāntakā rājatāḥ caiva gavākṣāḥ priya darśanāḥ ।
hema jālā āvṛtāḥ ca āsan tatra prāsāda paṁktayaḥ ॥

sudhā maṇi vicitrāṇi bhūmi bhāgāni sarvaśaḥ ।
daśagrīvaḥ sva bhavane prādarśayata maithilīm ॥

dīrghikāḥ puṣkariṇyaḥ ca nānā puṣpa samāvṛtāḥ ।
rāvaṇo darśayāmāsa sītām śoka parāyaṇām ॥

darśayitvā tu vaidehīm kṛtsnam tat bhavana uttamam ।
uvāca vākyam pāpātmā sītām lobhitum icchayā ॥

daśa rākṣasa koṭyaḥ ca dvāviṁśatiḥ atha aparāḥ ।
varjayitvā jarā vṛddhān bālān ca rajanīcarān ॥

teṣām prabhuḥ aham sīte sarveṣām bhīma karmaṇām ।
sahasram ekam ekasya mama kārya puraḥsaram ॥

yat idam rājya taṁtram me tvayi sarvam pratiṣṭhitam ।
jīvitam ca viśālākṣi tvam me prāṇaiḥ garīyasī ॥

bahvīnām uttama strīṇām mama yo asau parigrahaḥ ।
tāsām tvam īśvarī sīte mama bhāryā bhava priye ॥

sādhu kim te anyayā buddhyā rocayasva vaco mama ।
bhajasva mā abhitaptasya prasādam kartum arhasi ॥

parikṣiptā samudreṇa laṁkā iyam śata yojanā ।
na iyam dharṣayitum śakyā sa indraiḥ api sura asuraiḥ ॥

na deveṣu na yakṣeṣu na gaṁdharveṣu na ṛṣiṣu ।
aham paśyāmi lokeṣu yo me vīrya samo bhavet ॥

rājya bhraṣṭena dīnena tāpasena padātinā ।
kim kariṣyasi rāmeṇa mānuṣeṇa alpa tejasā ॥

bhajasva sīte mām eva bhartā aham sadṛśaḥ tava ।
yauvanam hi adhruvam bhīru ramasva iha mayā saha ॥

darśane mā kṛthāḥ buddhim rāghavasya varānane ।
kā asya śaktiḥ iha āgaṁtum api sīte manorathaiḥ ॥

na śakyo vāyuḥ ākāśe pāśaiḥ baddham mahājavaḥ ।
dīpyamānasya vā api agneḥ grahītum vimalām śikhām ॥

trayāṇām api lokānām na tam paśyāmi śobhane ।
vikrameṇa nayet yaḥ tvām mat bāhu paripālitām ॥

laṁkāyām sumahat rājyam idam tvam anupālaya ।
tvat preṣyā mat vidhā caiva devāḥ ca api cara acaram ॥

abhiṣeka udaka klinnā tuṣṭā ca ramayasva mām ।
duṣkṛtam yat purā karma vana vāsena tad gatam ॥

yat ca te sukṛto dharmaḥ tasya iha phalam āpnuhi ।
iha sarvāṇi mālyāni divya gaṁdhāni maithili ॥

bhūṣaṇāni ca mukhyāni tāni seva mayā saha ।
puṣpakam nāma suśroṇi bhrātuḥ vaiśravaṇasya me ॥

vimānam sūrya saṁkāśam tarasā nirjitam raṇe ।
viśālam ramaṇīyam ca tat vimānam mano javam ॥

tatra sīte mayā sārdham viharasva yathā sukham ।
vadanam padma saṁkāśam vimalam cāru darśanam ॥

śoka ārtam tu varārohe na bhrājati vara ānane ।
evam vadati tasmin sā vastra antena vara aṁganā ॥

pidhāya indu nibham sītā maṁdam aśrūn avartayat ।
dhyāyantīm tām iva asvasthām sītām ciṁtā hata prabhām ॥

uvāca vacanam vīro rāvaṇo rajanī caraḥ ।
alam vrīḍena vaidehi dharma lopa kṛtena te ॥

ārṣo ayam devi niṣyando yaḥ tvām abhigamiṣyati ।
etau pādau mayā snigdhau śirobhiḥ paripīḍitau ॥

prasādam kuru me kṣipram vaśyo dāso aham asmi te ।
imāḥ śūnyā mayā vācaḥ śuṣyamāṇena bhāṣitāḥ ॥

na ca api rāvaṇaḥ kāṁcit mūrdhnā strīm praṇameta ha ।
evam uktvā daśagrīvo maithilīm janaka ātmajām ।
kṛta anta vaśam āpanno mama iyam iti manyate ॥