अरण्यकाण्डम्Araṇya Kāṇḍa

iti uktaḥ krodha tāmrākṣaḥ tapta kāṁcana kuṇḍalaḥ ।
rākṣasendro abhidudrāva patagendram amarṣaṇaḥ ॥

sa saṁprahāraḥ tumulaḥ tayoḥ tasmin mahā mṛdhe ।
babhūva vāta uddhatayoḥ meghayoḥ gagane yathā ॥

tat babhūva adbhutam yuddham gṛdhra rākṣasayoḥ tadā ।
sapakṣayoḥ mālyavatoḥ mahā parvatayoḥ iva ॥

tato nālīka nārācaiḥ tīkṣṇa agraiḥ ca vikarṇibhiḥ ।
abhyavarṣat mahāghoraiḥ gṛdhra rājam mahābalaḥ ॥

sa tāni śara jālāni gṛdhraḥ patraratha īśvaraḥ ।
jaṭāyuḥ pratijagrāha rāvaṇa astrāṇi saṁyuge ॥

tasya tīkṣṇa nakhābhyām tu caraṇābhyām mahābalaḥ ।
cakāra bahudhā gātre vraṇān pataga sattamaḥ ॥

atha krodhāt daśagrīvaḥ jagrāha daśa mārgaṇān ।
mṛtyu daṇḍa nibhān ghorān śatror nidhana kānkṣayā ॥

sa taiḥ bāṇaiḥ mahāvīryaḥ pūrṇa muktaiḥ ajihma gaiḥ ।
bibheda niśitaiḥ tīkṣṇaiḥ gṛdhram ghoraiḥ śilī mukhaiḥ ॥

sa rākṣasa rathe paśyan jānakīm bāṣpa locanām ।
aciṁtayitvā bāṇām tān rākṣasam samabhidravat ॥

tato asya saśaram cāpam muktā maṇi vibhūṣitam ।
caraṇābhyām mahātejā babhaṁja patagottamaḥ ॥

tato anyat dhanuḥ ādāya rāvaṇaḥ krodha mūrcchitaḥ ।
vavarṣa śara varṣāṇi śataśo atha sahasraśaḥ ॥

śaraiḥ āvāritaḥ tasya saṁyuge patageśvaraḥ ।
kulāyam abhisaṁprāptaḥ pakṣiḥ iva babhau tadā ॥

sa tāni śara jālāni pakṣābhyām tu vidhūya ha ।
caraṇābhyām mahātejā babhaṁja asya mahat dhanuḥ ॥

tat ca agni sadṛśam dīptam rāvaṇasya śarāvaram ।
pakṣābhyām ca mahātejā vyadhunot patageśvaraḥ ॥

kāṁcana uraḥ chadān divyān piśāca vadanān kharān ।
tān ca asya java saṁpannān jaghāna samare balī ॥

atha triveṇu saṁpannam kāmagam pāvaka arciṣam ।
maṇi sopāna citra aṁgam babhaṁja ca mahāratham ॥

pūrṇa candra pratīkāśam chatram ca vyajanaiḥ saha ।
pātayāmāsa vegena grāhibhī rākṣasaiḥ saha ॥

sāratheḥ ca asya vegena tuṇḍena ca mahat śiraḥ ।
punaḥ vyapāharat śrīmān pakṣirājo mahābalaḥ ॥

sa bhagna dhanvā viratho hata aśvo hata sārathiḥ ।
aṁkena ādāya vaidehīm papāta bhuvi rāvaṇaḥ ॥

dṛṣṭvā nipatitam bhūmau rāvaṇam bhagna vāhanam ।
sādhu sādhu iti bhūtāni gṛdhra rājam apūjayan ॥

pariśrāntam tu tam dṛṣṭvā jarayā pakṣi yūthapam ।
utpapāta punar hṛṣṭo maithilīm gṛhya rāvaṇaḥ ॥

tam prahṛṣṭam nidhāya aṁke rāvaṇam janaka ātmajām ।
gacchaṁtam khaḍga śeṣam ca praṇaṣṭa hata sādhanam ॥

gṛdhra rājaḥ samutpatya rāvaṇam samabhidravat ।
samāvāryam mahātejā jaṭāyuḥ idam abravīt ॥

varja saṁsparśa bāṇasya bhāryām rāmasya rāvaṇa ।
alpa buddhe harasi enām vadhāya khalu rakṣasām ॥

sa mitra bandhuḥ sa amātyaḥ sa balaḥ sa paricchadaḥ ।
viṣa pānam pibasi etat pipāsita iva udakam ॥

anubaṁdham ajānaṁtaḥ karmaṇām avicakṣaṇāḥ ।
śīghram eva vinaśyanti yathā tvam vinaśiṣyasi ॥

baddhaḥ tvam kāla pāśena kva gataḥ tasya mokṣyase ।
vadhāya baḍiśam gṛhya sa amiṣam jalajo yathā ॥

na hi jātu durādharṣau kākutsthau tava rāvaṇa ।
dharṣaṇam ca āśramasya asya kṣamiṣyete tu rāghavau ॥

yathā tvayā kṛtam karma bhīruṇā loka garhitam ।
taskara ācarito mārgo na eṣa vīra niṣevitaḥ ॥

yudhyasva yadi śūro asi muhūrtam tiṣṭha rāvaṇa ।
śayiṣyase hato bhūmau yathā bhrātā kharaḥ tathā ॥

pareta kāle puruṣo yat karma pratipadyate ।
vināśāya ātmano adharmyam pratipanno asi karma tat ॥

pāpa anubaṁdho vai yasya karmaṇaḥ ko nu tat pumān ।
kurvīta loka adhipatiḥ svayaṁbhūḥ bhagavān api ॥

evam uktvā śubham vākyam jaṭāyuḥ tasya rakṣasaḥ ।
nipapāta bhṛśam pṛṣṭhe daśagrīvasya vīryavān ॥

tam gṛhītvā nakhaiḥ tīkṣṇaiḥ vidadāra samaṁtataḥ ।
adhirūḍho gaja āroho yathā syāt duṣṭa vāraṇam ॥

vidadāra nakhaiḥ asya tuṇḍam pṛṣṭhe samarpayan ।
keśān ca utpāṭayāmāsa nakha pakṣa mukha āyudhaḥ ॥

sa tathā gṛdhra rājena kliśyamāno muhur muhuḥ ।
amarṣa sphurita oṣṭhaḥ san prākaṁpata sa rākṣasaḥ ॥

saṁpariṣvajya vaidehīm vāmena aṁkena rāvaṇaḥ ।
talena abhijaghāna ārto jaṭāyum krodha mūrcitaḥ ॥

jaṭāyuḥ tam atikramya tuṇḍena asya khaga adhipaḥ ।
vāma bāhūn daśa tadā vyapāharat arindamaḥ ॥

saṁcchinna bāhoḥ sadyo vai bāhavaḥ sahasā abhavan ।
viṣa jvālāvalī yuktā valmīkat iva pannagāḥ ॥

tataḥ kroddhāt daśagrīvaḥ sītām utsṛjya vīryavān ।
muṣṭibhyām caraṇābhyām ca gṛdhra rājam apothayat ॥

tato muhūrtam saṁgrāmo babhūva atula vīryayoḥ ।
rākṣasānām ca mukhyasya pakṣiṇām pravarasya ca ॥

tasya vyāyacchamānasya rāmasya arthe atha rāvaṇaḥ ।
pakṣau pādau ca pārśvau ca khaḍgam uddhṛtya so acchinat ॥

sa chinna pakṣaḥ sahasā rakṣasā raudra karmaṇā ।
nipapāta mahā gṛdhro dharaṇyām alpa jīvitaḥ ॥

tam dṛṣṭvā patitam bhūmau kṣataja ārdram jaṭāyuṣam ।
abhyadhāvata vaidehī sva baṁdhum iva duḥkhitā ॥

tam nīla jīmūta nikāśa kalpamsupāṇḍura uraskam udāra vīryam ।
dadarśa laṁkā adhipatiḥ pṛthivyāmjaṭāyuṣam śāntam iva agni dāvam ॥

tataḥ tu tam patraratham mahī talenipātitam rāvaṇa vega marditam ।
punaḥ ca saṁgṛhya śaśi prabha ānanāruroda sītā janaka ātmajā tadā ॥