अरण्यकाण्डम्Araṇya Kāṇḍa

hatvā tu tam bhīma balam virādham rākṣasam vane ।
tataḥ sītām pariṣvajya samāśvāsya ca vīryavān ॥

abravīt bhrātaram rāmo lakṣmaṇam dīpta tejasam ।
kaṣṭam vanam idam durgam na ca smo vana gocarāḥ ॥

abhigacchāmahe śīghram śarabhaṅgam tapo dhanam ।
āśramam śarabhangasya rāghavo'bhijagāma ha ॥

tasya deva prabhāvasya tapasā bhāvita ātmanaḥ ।
samīpe śarabhaṁgasya dadarśa mahat adbhutam ॥

vibhrājamānam vapuṣā sūrya vaiśvānara prabham ।
ratha pravaram ārūḍham ākāśe vibudha anugam ॥

asaṁspṛśantam vasudhām dadarśa vibudha īśvaram ।
saṁprabha ābharaṇam devam virajo aṁbara dhāriṇam ॥

tat vidhaiḥ eva bahubhir pūjyamānam mahātmabhiḥ ।
haritaiḥ vājibhir yuktam aṁtarikṣa gatam ratham ॥

dadarśa adūrataḥ tasya taruṇa āditya saṁnibham ।
pāṇḍura abhra ghana prakhyam candra maṇḍala saṁnibham ॥

apaśyat vimalam chatram citra mālya upaśobhitam ।
cāmara vyajane ca agrye rukma daṇḍe mahādhane ॥

gṛhīte vara nārībhyām dhūyamāne ca mūrdhani ।
gandharva amara siddhāḥ ca bahavaḥ parama ṛṣayaḥ ॥

antarikṣa gatam devam gīrbhir agryābhir aiḍiyan ।
saha saṁbhāṣamāṇe tu śarabhaṁgena vāsave ॥

dṛṣṭvā śata kratum tatra rāmo lakṣmaṇam abravīt ।
rāmo'tha ratham uddiśya bhrātur darśayata adbhutam ॥

arciṣmantam śriyā juṣṭam adbhutam paśya lakṣmaṇa ।
pratapantam iva ādityam antarikṣa gatam ratham ॥

ye hayāḥ puru hūtasya purā śakrasya naḥ śrutāḥ ।
antarikṣa gatā divyāḥ te ime harayo dhruvam ॥

ime ca puruṣa vyāghra ye tiṣṭhanti abhitaḥ diśam ।
śatam śatam kuṇḍalino yuvānaḥ khaḍga pāṇayaḥ ॥

vistīrṇa vipula uraskāḥ parighāyata bāhavaḥ ।
śoṇāṁśu vasanāḥ sarve vyāghra iva durāsadāḥ ॥

uro deśeṣu sarveṣām hārā jvalana saṁnibhāḥ ।
rūpam bibhrati saumitre paṁca viṁśati vārṣikam ॥

etaddhi kila devānām vayo bhavati nityadā ।
yathā ime puruṣa vyāghrā dṛśyante priya darśanāḥ ॥

iha eva saha vaidehyā muhūrtam tiṣṭha lakṣmaṇa ।
yāvat jānāmi aham vyaktam ka eṣa dyutimān rathe ॥

tam evam uktvā saumitrim iha eva sthīyatām iti ।
abhicakrāma kākutsthaḥ śarabhaṁga āśramam prati ॥

tataḥ samabhigacchantam prekṣya rāmam śacī patiḥ ।
śarabhaṁgam anujñāpya vibudhān idam abravīt ॥

iha upayāti asau rāmo yāvan mām na abhibhāṣate ।
niṣṭhām nayata tāvat tu tato mā draṣṭum arhati ॥

jitavantam kṛtārtham hi tadā aham acirād imam ।
karma hi anena kartavyam mahat anyaiḥ suduṣkaram ॥

atha vajrī tam āmaṁtrya mānayitvā ca tāpasam ।
rathena haya yuktena yayau divam arindamaḥ ॥

prayāte tu sahasrākṣe rāghavaḥ saparicchadaḥ ।
agni hotram upāsīnam śarabhaṁgam upāgamat ॥

tasya pādau ca saṁgṛhya rāmaḥ sītā ca lakṣmaṇaḥ ।
niṣeduḥ tad anujñātā labdha vāsā nimaṁtritāḥ ॥

tataḥ śakra upayānam tu paryapṛcchata rāghavaḥ ।
śarabhaṁgaḥ ca tat sarvam rāghavāya nyavedayat ॥

mām eṣa varado rāma brahma lokam ninīṣati ।
jitam ugreṇa tapasā duṣprāpam akṛta ātmabhiḥ ॥

aham jñātvā nara vyāghra vartamānam adūrataḥ ।
brahma lokam na gacchāmi tvām adṛṣṭvā priya atithim ॥

tvayā aham puruṣavyāghra dhārmikeṇa mahatmanāa ।
samāgamya gamiṣyāmi tridivam ca avaram param ॥

akṣayā nara śārdūla jitālokā mayā śubhāḥ ।
brāhmyāḥ ca nāka pṛṣṭhyāḥ ca pratigṛhṇīṣva māmakān ॥

evam ukto naravyāghraḥ sarva śāstra viśāradaḥ ।
ṛṣiṇā śarabhaṁgena rāghavo vākyam abravīt ॥

aham eva āhariṣyāmi sarvān lokān mahāmune ।
āvāsam tu aham icchāmi pradiṣṭam iha kānane ॥

rāghaveṇa evam uktaḥ tu śakra tulya balena vai ।
śarabhaṁgo mahāprājñaḥ punar eva abravīt vacaḥ ॥

iha rāma mahātejāḥ sutīkṣṇo nama dhārmikaḥ ।
vasati araṇye niyataḥ sa te śreyo vidhāsyati ॥

sutīkṣṇam abhigaccha tvam śucau deśe tapasvinam ।
ramaṇīye vanoddeśe sa te vāsam vidhāsyati ॥

imām mandākinīm rāma pratisrotam anuvraja ।
nadīm puṣpoḍupa vahām tataḥ tatra gamiṣyasi ॥

eṣa panthā naravyāghra muhūrtam paśya tāta mām ।
yāvat jahāmi gātrāṇi jīrṇām tvacam iva uragaḥ ॥

tato agnim su samādhāya hutvā ca ājyena maṁtravit ।
śarabhaṁgo mahātejāḥ praviveśa hutāśanam ॥

tasya romāṇi keśām ca tadā vahniḥ mahātmanaḥ ।
jīrṇam tvacam tad asthīni yat ca māṁsam ca śoṇitam ॥

sa ca pāvaka saṁkāśaḥ kumāraḥ samapadyata ।
utthāya agnicayāt tasmāt śarabhaṁgo vyarocata ॥

sa lokān āhitāgnīnām ṛṣīṇām ca mahātmanām ।
devānām ca vyatikramya brahma lokam vyarohata ॥

sa puṇya karmā bhuvane dvijarṣabhaḥpitāmaham sānucaram dadarśa ha ।
pitāmahaḥ ca api samīkṣya tam dvijamnananda susvāgatam iti uvāca ha ॥